Бугунги кун депутатининг тимсоли қандай?

27.01.2020 17:01:04

Ўзбекистон “Адолат” СДП Бухоро вилоят Кенгаши томонидан навбатдаги семинар-тренинг партиянинг Олот ва Қоракўл туманларида ташкил этилди. Унда иштирок этган партия ходимлари, депутатлар ва фаоллар партиянинг сайловолди дастурида белгилаб қўйилган аниқ мақсад ҳамда вазифалар билан танишишди. Жумладан, ҳар бир депутат халқ орасида бўлиб, уларнинг муаммоларини ҳал этиши, ҳал этиш жараёнида эса ижобий натижадорлигига эришиши лозимлиги таъкидланди.

Сўзга чиққан партия вилоят Кенгаши раиси Мақсуд Ҳамидов депутатнинг функционал вазифаси, партиянинг мақсадини кенг жамоатчилик орасига тарғиб этиш, депутат номини оқлаган ҳолда, улар фуқароларнинг чинакамига ёрдамчисига айланиши зарурлиги борасида фикрлар билдирилди.

-Семинарда бугунги кун депутатининг тимсоли кўрсатилди. Албатта, шараф билан бирга масъулиятни ҳис этиш бизнинг асосий вазифамиздир, - дейди Халқ депутатлари Олот туман Кенгаши депутати Нодир Олтиев, - ҳар бир ишда, ўрганишда аниқ мақсад билан фаолият олиб боришимиз лозим. Шундагина халқ кутган натижага эришамиз.

Семинарда депутатлар ўз фикр-мулоҳазаларини билдирдилар. Маърузачилар уларнинг фаолиятига куч-қувват тилашди.  

Ўзбекистон “Адолат” СДП

Бухоро вилоят Кенгаши матбуот хизмати     

Улашинг!

Фикрингизни қолдиринг

Илтимос жавобингизни киритинг

+