Китоб – ҳаётни ўргатувчи муаллим

22.02.2021 16:02:01

Китоб – қалб чироғи, тафаккур қаноти. Китоб маънавиятни юксалтиради. Шунинг учун ҳам инсон онгу шуурига эзгулик уруғини сочишда китобнинг ўрни беқиёс. Бугун техника тараққиёти ривожланган, ижтимоий тармоқлар атрофимизни ўраб олган бир шароитда ёш авлоднинг китобга ошнолигини оширишга, аҳолининг китобхонлик даражасини юксалтиришга қаратилган ишлар кўламини янада кенгайтиришни  зарурлигини даврнинг ўзи тақозо қилмоқда. 

Албатта, инсон ўзининг ҳаёт йўлини ёритувчи чироқ сифатида китобни танласа,  асло адашмайди. Халқ депутатлари Булунғур туман Кенгашига Ўзбекистон “Адолат” СДПдан сайланган депутат Насиба Мамадиярованинг ташаббуси билан таълим, фан ва маданият ходимлари касаба уюшмаси Булунғур туман Кенгаши, туман Ахборот кутубхона маркази ҳамкорлигида ёшларнинг китобга бўлган қизиқишини ошириш, маънавиятини юксалтириш, китобхонликни кенг тарғиб этиш мақсадида “Китоб ҳаётни ўргатувчи муаллимдир” мавзусида маънавий-маърифий кеча ташкил этилди.

Булунғур туманидаги 2-сонли касб-ҳунар мактабида ташкил этилган мазкур тадбирда мактаб ўқувчилари томонидан саҳна кўринишлари, бадиий чиқишлар қилинди. Шеърхонлик, ғазалхонлик билан бир қаторда турли викторина, савол-жавоб ўйинлари ҳам ўтказилди. Тадбирда  фаол иштирок этган ўқувчиларга туман касаба уюшмаси томонидан  китоблар жамланмаси тақдим қилинди.

Туроб РАУПОВ,

Ўзбекистон “Адолат” СДП Булунғур туман Кенгаши раиси

Улашинг!

Фикрингизни қолдиринг

Илтимос жавобингизни киритинг

+