НИҚОБЛИ БАҲОР

27.03.2020 08:03:16

Астагина қучиб дунёни

Маҳзунгина гуллади баҳор.

Ифорини сезмадимми ё

Баҳор эди балки ниқобдор.

Ниқоб тақиб турланган дунё

Касал эди бугунгача ҳам.

Мингта юзин кўрсатган риё,

Барчасини яширган ҳашам.

Ўзи билан ўзидир ёлғиз,

Худо билан ёлғиздир инсон.

Инсон бугун заррадан ожиз,

Ҳар кун кимдир вирусга нишон.

Гарчи ниқоб ортида имкон,

Аён бугун кимнинг кимлиги.

Қиёфалар бўлур намоён,

Жиловдами нафс эркинлиги?

Оғир келма,  жонгинам,  баҳор,

Шайтон бизни кетмаган чалиб.

Боқ,  миллатим қалбида ҳали

Одамийлик,  эзгулик бисёр.

Эсдир яна баҳор эпкинин,

Янги ҳаёт бошлансин озод.

Асл юзин кўрсатар ишон -

Ниқобини ечар одамзод.

 

Гулбаҳор САИДҒАНИЕВА,

Олий Мажлис Қонунчилик палатаси депутати,

"Адолат" СДП фракцияси аъзоси

Улашинг!

Фикрингизни қолдиринг

Илтимос жавобингизни киритинг

+