Уйда қолиш ҳам қаҳрамонлик

Бугун инсониятни қурқув ва ташвишга солаётган COVID-19 касаллиги бизнинг мамлакатимизни ҳам четлаб ўтгани йўқ. Касалликнинг илк кунларидан бошлаб мамлакатимизда карантин тадбирлари элъон қилинди ва инсонларнинг саломатлигини асраш ва ушбу касалликка қарши курашиш мақсадида қатор чекловлар жорий қилинди. Асосий мақсад –  касалликнинг кенг тарқалишининг олдини олиш ва фуқароларнинг осойишталигини таьминлашга қаратилди ва бу ўз натижасини ҳам бериб бошлаган эди. Аммо, айрим фуқароларимизнинг давлатимиз томонидан пандемияга карши кураш борасида ишлаб чиқилган қарорларнинг мазмун-моҳиятини тўғри тушунмай, карантин қоидаларига амал қилмаслиги натижасида касалланганлар сони кундан-кунга ортиб бормоқда. Агар вазият шу аснода давом етиб, карантин талабларини ўз вақтида бажарилишини таъминламас эканмиз, касалликнинг янада авж олиши ва унинг инсон саломатлиги учун оғир оқибатларга олиб келишига сабабчи бўлган бўламиз. 

Ўзингиз бир уйлаб кўринг,  касалликка чалиниб даволанаётган инсонлар бизнинг ватандошимиз бўлиши билан бир қаторда, кимнингдир отаси, онаси ака-опаси ёки ука-синглиси ва жондан азиз фарзанди. Ким бўлса ҳам, ушбу заминда яшаётган инсоннинг энг яқин кадрдони. Бундай вазиятлар сизнинг  оила аъзоларингиз билан юз беришини хоҳламайсиз, албатта. Шундай экан, мақсадсиз кўчага чиқманг. Тартиб-интизомга қатъий амал қилинг. Касалликдан сақланинг. Зеро, Сизнинг саломатлигингиз давлатимиз ва энг яқин қадрдонларингиз учун жуда муҳим эканлигини асло унутманг. Уйда қолинг. Аслида бундай синовли даврда уйда қолишнинг ўзи ҳам қаҳрамонликдир.

Майрамбай ДОСБЕРГЕНОВ,

Кегейли тумани тиббиёт бирлашмаси

кўп тармоқли поликлиника мудири,

Халқ депутатлари Кегейли тумани

Кенгаши депутати