Янги кодекс лойиҳаси муҳокама этилди

Бугун Фуқаролик жамиятини ривожлантириш марказида “Ўзбекистон Республикаси нодавлат-нотижорат ташкилотлари тўғрисида”ги кодекс лойиҳаси муҳокамаси бўлиб ўтди.

Кодекс муҳокамасида вилоят Адлия бошқармаси, вилоятдаги нодавлат- нотижорат ташкилотлари, хусусан, Ўзбекистон “Адолат” СДП Сирдарё вилоят Кенгаши вакиллари ва ОАВ ходимлари иштирок этишди.

Муҳокамада Ўзбекистон Республикаси Президенти Ш.Мирзиёев томонидан фуқаролик жамияти институтлари, нодавлат-нотижорат ташкилотларига берилаётган эътибор алоҳида таъкидланди. Бунга яна бир мисол қилиб, нодавлат-нотижорат ташкилотлари фаолиятини такомиллаштириш ва уларни ҳар томонлама қўллаб-қувватлаш мақсадида “Ўзбекистон Республикаси нодавлат-нотижорат ташкилотлари Кодекси” қабул қилинаётганлигини кўрсатиш мумкинлиги айтилди.

Ушбу кодексда нодавлат-нотижорат ташкилотларини қўллаб-қувватлаш ва уларнинг ваколатларини янада кенгайтиришга алоҳида эътибор қаратилмоқда.

Мазкур Кодексни халқчил ва замон талабларига мос равишда ишлаб чиқиш учун жойларда Кодекс муҳокамаси бўйича тадбирлар ўтказилмоқда.

Ушбу муҳокамада ҳам нодавлат-нотижорат ташкилотлари вакиллари томонидан 20 дан ортиқ таклиф ва тавсиялар берилди.

Ўзбекистон “Адолат” СДП

Сирдарё вилоят Кенгаши