Шавкат Мирзиёев: маҳсулот таннархини камайтириш орқали жаҳон бозорига чиқиш керак


Partiya yangiliklari: Янгиликлар Расмий хабарлар

Президент Нурота туманидаги "Мармаробод" корхонасида тоғ жинсларидан маҳсулот ишлаб чиқариш жараёни билан танишди.

Давлатимиз раҳбари ҳар доим бозор талабларини ўрганиш, бозорбоп маҳсулотлар ишлаб чиқаришни йўлга қўйиш зарурлигини таъкидлайди. Бу товарнинг харидоргирлиги, корхонанинг барқарор ишлашини таъминлайди.

Хусусан, кейинги йилларда ҳам ички, ҳам ташқи бозорда пардозбоп тошларга талаб ошган. Нурота туманида бундай тошларнинг катта захираси бор. 

Президентимизнинг аввалги ташрифи чоғида берилган топшириққа мувофиқ «Мармаробод» давлат унитар корхонаси ташкил этилди. 10 миллиард сўм маблағ эвазига даштликдаги 6 гектар ерда замонавий корхона ишга туширилди. Хориждан 655,5 миллион долларлик технология олиб келиниб, йилига 24 минг квадрат метр гранитни қайта ишлаш имконияти яратилди. Қирқ киши иш билан таъминланди. Булар лойиҳанинг биринчи босқичи. 

Иккинчи босқичда табиий тошларни қазиб олиш ва қайта ишлашни кластер усулида йўлга қўйиш режалаштирилган. Лойиҳа қувватини йилига 3 миллион квадрат метрга етказиш, маҳсулотлар турини кўпайтириш ва экспортга йўналтириш кўзда тутилган. Бунинг натижасида йиллик ишлаб чиқариш ҳажми 250 миллиард сўм, экспорт ҳажми 10 миллион долларга етиши, бир ярим мингга яқин иш ўрни яратилиши мумкин бўлади.

Давлатимиз раҳбари корхона маҳсулотларини кўздан кечирар экан, улар жаҳондаги муқобилларидан қолишмаслигини таъкидлади. Самарали технологияларни қўллаш, транспорт харажатларини арзонлаштириш ҳисобидан маҳсулотлар таннархини камайтириш, шу орқали ташқи бозорларга чиқиш бўйича топшириқлар берди. Пардозбоп тошларни жаҳон стандартлари асосида чуқур қайта ишлайдиган кадрлар тайёрлаш, бунёдкорлик ишларида маҳаллий қурилиш материалларидан фойдаланиш зарурлиги қайд этилди.

Манба: Ўзбекистон Республикаси Президенти

Матбуот хизмати

Ортга кайтиш

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!