Фуқаролар ва ташкилотлар Конституциявий судда кўриб чиқиш учун масалани киритишлари мумкин бўлади


Partiya yangiliklari: Янгиликлар Расмий хабарлар

Адлия вазирлиги «Конституциявий суд тўғрисида»ги Конституциявий Қонун ва Фуқаролик кодексига киритиладиган тузатишлар лойиҳасиниишлаб чиқиб, ҚҲТБТ порталида эълон қилди, дея хабар берилади вазирлик сайтида.

Хусусан, ўзларининг конституциявий ҳуқуқ ва эркинликлари Конституцияга мувофиқ бўлмаган норматив-ҳуқуқий ҳужжатлар билан бузилган деб ҳисобловчи жисмоний ва юридик шахсларга Конституциявий судга мурожаат қилиш ҳуқуқини бериш таклиф этилмоқда. Мурожаат қилувчи Конституциявий суд мажлисида шахсан ёхуд ваколатли вакили орқали иштирок этиши мумкин бўлади.

Халқаро тажриба, масалан, Испания, Германия, Россия, Беларусь, Қозоғистон ва бошқа мамлакатларда шундай амалиёт мавжудлигини кўрсатмоқда.

Эслатиб ўтамиз, айни пайтда Олий Мажлиснинг палаталари, шу жумладан улар умумий сонининг камида 1/4 қисмидан иборат сенаторлар гуруҳи, Президент, Вазирлар Маҳкамаси, омбудсман, Жўқорғи Кенгес, Олий суд, Бош прокурор ва Конституциявий суднинг камида 3 нафар судьяси Конституциявий судда кўриб чиқиш учун масалалар киритиш ҳуқуқига эга.

Тузатишлар билан давлат органлари ёки уларнинг мансабдор шахсларининг ғайриқонуний ҳаракатлари, қонун ҳужжатларига мувофиқ бўлмаган ҳужжат чиқарилиши натижасида етказилган зарарни тўлаш манбалари ҳам белгиланган. У давлат органининг бюджетдан ташқари маблағлари ва улар етарли бўлмаган ҳоллардагина Давлат бюджети маблағларидан қопланади.

Қонун лойиҳасининг жамоатчилик муҳокамаси 30 майгача давом этади. Эслатиб ўтамиз, у ўзгартирилиши, унга қўшимча киритилиши ёки рад этилиши мумкин.

Манба: Norma.uz



Подробнее:

Ортга кайтиш

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!