Даврон Тангиров: Тадбиркорларга ер ажратишни соддалаштириш – катта мадад бўлади


Partiya yangiliklari: Янгиликлар Муносабат Fraksiya yangiliklari

Ўзбекистон Республикаси Президенти Шавкат Мирзиёев раислигида 23 июль куни кичик бизнес ва тадбиркорликни янада ривожлантириш масалаларига бағишланган видеоселектор йиғилишида ушбу соҳада амалга оширилиши зарур бўлган муҳим вазифалар белгилаб олинди.

Йиғилишда мамлакатимиз раҳбари томонидан кичик бизнес ва хусусий тадбиркорлик иқтисодиётни ривожлантириш, аҳоли бандлиги ва даромадларини ошириш бугунги куннинг энг муҳим масалалари эканини қайд этилди. Юртимизда кичик бизнес ва тадбиркорликни ҳар томонлама қўллаб-қувватлаш мақсадида охирги икки ярим йилда Президентимизнинг элликдан ортиқ фармон ва қарорлари қабул қилингани, бугунги кунда улар ижроси доирасида тизимли ишлар олиб борилаётганига биз депутатлар ҳудудларда сайловчилар билан учрашувларда гувоҳи бўлиб турибмиз. Лекин бу соҳада айрим камчиликлар билан бирга, бажарилиши зарур бўлган муҳим вазифалар ҳам турибди.

Хусусан, Президентимиз томонидан алоҳида эътибор қаратилганидек, бугунги кунда тадбиркорлик ривожига тўсиқ бўлаётган асосий муаммо – лойиҳаларни жойлаштириш учун ер ажратиш масаласи долзарблигича қолмоқда.

Йиғилишда бу тизим ҳанузгача очиқ-ошкора ишламаётгани кўрсатиб ўтилди. Мисол учун, 3 минг 500 гектар майдон “Ер-электрон” ахборот тизимига тақдим этилган бўлса-да, шундан 1 минг 300 гектари ёки 37 фоизи савдога қўйилган бўлиб, ер ажратиш борасидаги ҳужжатларни яна бир хатловдан ўтказиб, тубдан соддалаштириш масаласи ечимини кутаётган муаммо қаторида таъкидланди.

Айтиш мумкинки, бугунги кунда жойларда сайловчилар билан ўтказилган учрашувларда ер майдонларини электрон савдога қўйишда бир қанча муаммога дуч келинаётгани, электрон савдога қўйилган ер майдонлари лойиҳа ва экспертиза қилинмагани, аксарият ҳолатларда ажратиладиган ерларни лойиҳалаштиришда муддатидан кечикиш ҳолатлари кўп учраши бот-бот қайд этилмоқда.

Биз депутатлар лойиҳаларни ишлаб чиқиш ва экспертизадан ўтказиш муддатлари, шу билан бирга, тадбиркорларга ер ажратиш масалаларини янада соддалаштириш масаласини яна бир бор кўриб чиқиб, вазифаларнинг сифатли бажарилишида парламент ва депутатлик сўрови, тегишли давлат идоралари раҳбарлари ахборотларини эшитиш каби ваколатлардан кенг фойдаланишни мақсад қилиб олдик.

Шунингдек, ушбу кўрсатмалар долзарблигидан келиб чиқиб, белгиланган вазифаларнинг бажарилишини назорат қилишда масъулиятни зиммамизга олишимиз, жойларда ушбу ишларни назорат-таҳлил тадбирлари доирасида бажарилишига кўмаклашишимиз муҳим аҳамият касб этади.

Даврон ТАНГИРОВ,

Олий Мажлис Қонунчилик палатаси депутати,

Ўзбекистон “Адолат” СДП фракцияси аъзоси

Бизни ижтимоий тармоқларда ҳам кузатинг

t.me/adolat_uz

instagram.com/adolat_sdp/

facebook.com/sdpu.adolat/

twitter.com/AdolatSDP

Ортга кайтиш

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!