ФАРГОНА

Манзил: Фарғона шаҳри, Бурҳониддин Марғилоний кўчаси, 4-уй

Телефон: (73) 244-25-29, 244-14-29

Электрон манзил:  fergana@adolat.uz

Янгиликлар
News

Менда таклиф бор: “Ахборотлаштириш тўғрисида”ги қонунга ўзгартиш киритиш керак

“Блог”, “Блогер”, “Блогерлик” деганда биз аввало, “фуқаролик журналистикаси”ни тушунамиз. Шунингдек, блогер – жаҳон ахборот тармоғидаги ўз веб-сайтига ва (ёки) веб сайт саҳифасига ҳамма эркин фойдаланиши мумкин бўлган, ижтимоий-сиёсий, ижтимоий-иқтисодий ва бошқа ҳусусиятга эга ахборотни жойлаштирувчи, шу жумладан ахборотдан фойдаланувчилар томонидан ушбу ахборотни муҳокама қилиш учун жойлаштирувчи жисмоний шахс.  Мамлакатимизда бу соҳада фаолият юритаётган журналистлар ва журналистика соҳасига қизиқадиганлар талайгина. Негаки, ушбу соҳада фаолият юритишда ҳеч қандай тўсиқлар ва (ёки) таъсир чоралари мавжуд эмас. Ўзбекистон Республикаси Конституциясининг 29- моддасида “Ҳар ким фикрлаш, сўз ва эътиқод эркинлиги ҳуқуқига эга. Ҳар ким ўзи истаган ахборотни излаш, олиш ва уни тарқатиш ҳуқуқига эга, амалдаги конституциявий тузумга қарши қаратилган ахборот ва қонун билан белгиланган бошқа чеклашлар бундан мустаснодир” деб баён этилган. Бундан ташқари блогерлик атамаси Ўзбекистон Республикасининг “Ахборотлаштириш тўғрисида”ги қонунида ҳам қўлланилган. Нега айнан блогерлик фаолиятини қўллаб-қувватлаш? Барчамизга маълумки, бугунги кун ёшлари босма матбуот нашрларидаги мақолалардан, телевидение орқали узатилаётган кўрсатувлардан кўра, интернет тармоғидан ахборот олиш тез ва қулай, деб ҳисоблашади. Интернет саҳифаларида бугунги кунда юз бераётган муҳим воқеаларга муносабатлар, репортажлар, жонли эфирлар, кўрсатувлар, онлайн сўровлар ва уларнинг таҳлилларига бағишланган маълумотларни жойлаштиришда блогерларнинг рейтинги баланд бўлиб турипти. Негаки уларнинг обуначилари сони жуда ҳам кўп. Блогерлар обуначиларнинг қизиқишларига қараб, маълум бир соҳага йўналтирилган мавзуларда фаолият олиб боришади. Улар жумласига сиёсий, маиший, саёҳат, таълим, мода, мусиқа, таҳлилий ахборот, спорт, кино, санъат, саломатлик ва бошқалар киради. Бу каби йўналишлар кўпроқ чет давлатларда ривожланган бўлади. Негаки, айнан хориж давлатлари блогерларни моддий ва маънавий томондан қўллаб-қувватлашга алоҳида эътибор қаратишади. Менинг таклифим шундан иборатки, биринчидан, Ўзбекистон Республикасининг “Ахборотлаштириш тўғрисида”ги қонунига қўшимчалар киритиш орқали блогерлик фаолиятининг ҳуқуқий асосларини аниқ белгилаб бериш. Иккинчидан, блогерлар ассоциацияси ёки бирлашмасини тузиш ва ушбу бирлашмага журналистика соҳасига қизиққан ёшларни жалб этиш. Учинчидан, Ўзбекистон Республикаси Олий Мажлиси ҳузуридаги нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди билан ҳамкорликда глобал муаммоларни ҳал этишда блогер (жисмоний шахс)лар иштирокида турли кўрик – танловлар ўтказиш ва грандлар ажратиш меҳанизмини ишлаб чиқиш. Тўртинчидан, uz доменида роликлар, фотосуратлар жойлаштиришга мўлжалланган сайтлар сони ва сифатини янада ошириш ҳамда оммалашган ва обуначилари сони кўп бўлган блогерларни моддий ва маънавий томондан қўллаб – қувватлаш. Хулоса ўрнида шуни айтиб ўтиш лозимки, ахборот оламида ахборот тарқатувчиларнинг фикрлари хилма-ҳиллигини инобатга олсак, ҳар бир ахборот тарқатувчи ўзининг дунёқарашидан келиб чиқиб фикрлайди. Улар билан ҳамкорликда ишлаш, инсон онггига тез таъсир қилувчи тўғри ва аниқ ахборотларни инсонларга, айниқса ёшларга етказишда кучли ва салоҳиятли блогерлардан фойдаланиш юқори натижа беради. Бунёд АҲМАДАЛИЕВ, Ўзбекистон “Адолат” СДП Фарғона вилоят Кенгаши бош мутахассиси   Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

“Партия патронажи” Фарғонадан чақирув қабул қилди

Патронаж. Бу атама аслида тиббиёт соҳасида қўлланилади. Буни қарангки, партиямизнинг электорати сафида айнан тиббиёт ходимларининг борлиги ва лойиҳанинг бундай номланишида ўзгача туб маъно ҳамда узвий боғлиқлик акс этган. Лойиҳа Фарғонада ҳам ўз ишини бошлади. Хусусан, Фарғона шаҳрининг “Партия патронажи” ўзининг илк чақирувини қубул қилди. Илк аъзоимиз ўзининг қуйидаги фикрларини айтиб ўтди. Умринисо Турғуналиева, “Фарғона ҳақиқати” газетаси ходими, партия аъзоси: -Очиғи, мен партия томонидан ушбу акция ўтказилаётганидан жуда хурсанд бўлдим. Ўзим вилоят нашри бўлган “Фарғона ҳақиқати” газетасида фаолият юритаман. Газетамизда Ўзбекистон “Адолат ” СДП томонидан ўтказиладиган сиёсий тадбирлар ва мунозарали учрашувлар, партия ҳаёти, фаолиятига оид кўплаб мақолалар доимий ёритилади. Партия билан мана шундай танишиб, фаолиятидан хабардор бўлиб кузатиб келар эдим. Албатта, ушбу партияга аъзо бўлишни ният қилган эдим. Партиянинг расмий сайтидаги янгиликлардан хабардор бўлиб, Сайловолди дастур учун берилаётган таклифлар ҳам мени беэътибор қолдирмади. Турли соҳа ва йўналишлардаги билдирилган таклифларни ўқир эканман, беихтиёр Сайловолди дастур билан яқиндан танишиб чиқиш истаги туғилди. Менда ҳам бир қанча таклифлар пайдо бўлди. “Партия патронажи”дан хабар топган заҳотим партиянинг Фарғона шаҳар Кенгашига мурожаат қилдим. Сайловолди дастурга менда ҳам таклифлар борлигини, аъзо бўлиш орқали ўз муносабатларимни билдирмоқчи эканимни айтдим. Иш, ишдан сўнг уй.  Шу тариқа ортиқча вақт топиб партияга бора олмаётгандим. Лойиҳа айни мен каби вақт муаммосидаги ишчилар учун жуда қулай ўйланган экан. Партия вакиллари иш жойимга келиб, партияга аъзо қилдилар ва партия билетини топширдилар. Энди мен ҳам адолатчилар сафидаман. Бундан беҳад хурсандман ва фахрланаман. Ушбу партиянинг аъзоси сифатида ўз фикрим ва муносабатимни билдириш учун Сайловолди дастур бўйича таклифларимни юбораман. Наргиза АКРАМОВА, Ўзбекистон “Адолат” СДП Фарғона вилоят Кенгаши туманлараро ижрочи котиби     Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Сайловларда қўл келувчи стратегия ва тактикалар ўргатилди

Жорий йилнинг декабрь ойида бўлиб ўтадиган сайловларга муносиб тайёргарлик кўриш ва уни ўтказишда партия ходимлари ва фаолларининг малакаси, тажрибаси ҳамда сиёсий-ҳуқуқий билимлари ва салоҳиятидан унумли фойдаланиш яхши натижа беради. Бунинг учун уларни ўқитиш ва тренер сифатида тайёрлаш лозим. 2019 йилнинг 15-23 август кунлари Ўзбекистон “Адолат” СДП ҳудудий Кенгаш ходимлари ва фаоллари, депутатликка номзодлар, уларнинг ишончли вакиллари, кузатувчилар ва ваколатли вакилларини сайловларга тайёрлаш мақсадида ФЖШМҚМИ ва Ўзбекистон Миллий университети билан ҳамкорликда “Сайловлар: ғалаба стратегияси ва тактикаси” мавзусида ўқув семинар ташкил этилди. Ушбу семинарда Ўзбекистон Республикаси Президенти ҳузуридаги Давлат ва жамият қурилиши академияси, Ички ишлар вазирлиги академияси, Ўзбекистон Республикаси Бош прокуратура академияси ходимлари, И.Каримов номидаги илмий-маърифий ёдгорлик мажмуаси, Ўзбекистон Инновацион ривожланиш вазирлиги, Ёшлар муаммоларини ўрганиш ва истиқболли кадрлар тайёрлаш институти вакиллари, Тошкент давлат Шарқшунослик институти, Ўзбекистон давлат жаҳон тиллари университетининг малакали ўқитувчилари ҳамда Ўзбекистон Республикаси Олий Мажлиси Қонунчилик палатаси депутатлари ўзларининг маърузалари ҳамда кўргазмали воситалари орқали тренерларга маълумотлар бериб боришди. Жумладан, Ўзбекистон Республикаси Сайлов кодексининг мазмун-моҳияти, сайлов қонунчилигидаги янгиликлар, шунингдек 2017-2021 йилларга мўлжалланган Ҳаракатлар стратегиясининг бешта устувор йўналишлари бўйича сўнгги уч йилда амалга оширилган ишлар семинар-тренинг иштирокчиларига аниқ мисоллар билан етказилди. Шунингдек, Ўзбекистон Республикаси Олий Мажлиси Қонунчилик палатасига, халқ депутатлари вилоят, туман ва шаҳар Кенгаши депутатлигига номзодларни саралаш, сайловолди ташвиқоти жараёнларига мўжалланган алоҳида мавзуларда дарслар бўлиб ўтди. Жумладан, Сиёсий партиянинг сайлов кампанияси, сайлов кампанияси стратегиясини ишлаб чиқиш, партия ва номзодлар имижини шакллантириш, самарали сайловолди дастурини ишлаб чиқиш, сайлов кампанияси тактикаси, сайловолди тарғибот-ташвиқот ва ОАВ билан самарали мулоқотга киришиш, сайловга доир PR технологиялар, сайловолди курашда йўл қўйиладиган хатолар, номзодларнинг сайловчилар билан учрашувларини ташкил этиш ва ўтказиш, номзоднинг кучли ва кучсиз жиҳатлари таҳлили, интервью бериш қоидалари, сиёсий дебат ва баҳс-мунозараларда ўзини тутиш қоидалари, сайловчиларнинг диққатини жалб этиш усул ва воситалари, сайлов кампанияси бош ғояси ва шиорини ишлаб чиқиш, жамоат олдида нутқ сўзлашда импровизациядан фойдаланиш, сайловчилар олдида нутқ сўзлашнинг ҳусусиятлари ва бошқа мавзулар бунга яққол мисол бўла олади. Айниқса, ушбу мавзулар интерфаол усулларда, ҳусусан, кўргазмали воситалар, психологик машқлар, гуруҳларга бўлиниб ишлаш орқали тренерларнинг малакаси ва билимларини оширишга жуда катта ёрдам берди. Эндиликда биз ўз ҳудудларимизда партия ташкилоти ҳодимларини, Ўзбекистон Республикаси Олий Мажлиси Қонунчилик палатаси, халқ депутатлари вилоят, туман ва шаҳар Кенгашлари депутатлигига қўйилган номзодларни, шунингдек, ишончли вакиллар, кузатувчилар ҳамда ваколатли вакилларнинг ўқувларини ташкил этамиз ҳамда сайловларга муносиб тайёргарлик кўрамиз. Ўтказилган ўқув-семинар биз тренерларга тажриба мактаби бўлиб хизмат қилди. Жорий йилда бўлиб ўтадиган сайловларда биз ўз билим ва тажрибаларимизни, партиямизнинг сиёсий партиялар тизимида муносиб ўрин эгаллаши йўлида бор куч ва ғайратимизни ишга соламиз. Бунёд АХМАДАЛИЕВ, Тренер, Ўзбекистон “Адолат” СДП Фарғона вилоят Кенгаши бош мутахассиси   Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP     ...

Батафсил
News

Менда таклиф бор: “Қариялар уйи” ҳамда “Меҳрибонлик уйи”нинг фаолияти бирлаштирилса қандай бўлар экан

Инсон ёши ўтиб боргани сайин ортиқча шовқин, тўпалонни кўтармайди, қарияларга энг кераклиси тинчлик ва хотиржамлик.  Бу таклиф   ўринсиз таклиф деб жамоамизда муҳокамалар кўп бўлди. Ҳар икки ташкилотнинг ўз фаолияти ўз холидагидек давом этгани маъқул деган фикрлар ҳам айтилди. Бу таклифни билдиришимдан мақсад юқоридаги ҳар икки муассасада кўнгли ярим, меҳрга, эътиборга муҳтож кишилар яшайди. Муассасанинг бирида кўпни кўрган, ўзига хос ҳаётий тажрибаси бор, турли соҳада ишлаб озми-кўпми билим, малакага эга бўлган ёши улуғлар бўлиб, иккинчи муассасада ҳали ҳаётни англамаган, орзулари бир олам жажжи болажонлар яшаб келмоқда. Ширинсўз ва меҳр-эътибор бу икки муассасадагиларни бир оила бўлишлари учун етарли асос бўла олмайди деб ҳисоблашса буни билмадим?! Ахир киши ҳиссиз ва онгсиз мавжудод эмаску?  Қариган чоғида бир суҳбатдошга зор бўлади киши. Кичиклар эса кимгадир эркаликлар қилгиси, “бобо” ёки “буви” деган сўзни бир бор айтгиси келади менимча. “Ўзгаришлардан қўрққан киши ҳеч қачон даҳо бўла олмайди” деб бекорга айтилмаган. Давлат муассасалари фаолиятини қандай бўлса шундай ҳолича кўриб ўрганганмиз. Ҳар қандай янги ғоя танқид остига олинган ва олиниб келмоқда. “Чумчуқдан қўрққан, арпа экмайди”. “Қариялар уйи” ва “Меҳрибонлик уйи” фаолиятини бирлаштириш таклифини бугунги кунда мамлакатимизда олиб борилаётган ижтимоий соҳадаги ислоҳотларнинг энг муҳим таркиби сифатида қўллаб-қувватланса мақсадга мувофиқ бўлар эди. Инсон дунёга бир марта келади, доим меҳрга ташна бўлади. Ҳеч бир инсонни меҳр ва муҳаббатдан чеклаб бўлмайди ва меҳрни торозида ўлчаб, тақсимлаб ҳам бўлмайди. Шундай экан бу масалада жиддий эътибор қаратиб, инсонларга ибрат бўладиган амалий ишларни амалга ошириш лозим. Наргиза Акрамова, Ўзбекистон “Адолат” СДП Фарғона вилоят Кенгаши туманлараро ижрочи котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Менда таклиф бор: Олий маълумотли журналист, аммо икки қатор фикр ёзолмайди...

Оммавий ахборот воситаларининг бугунги кунда ҳаётимизда, ҳар бир соҳа ва жамиятда тутган ўрни барчага аён. Ахборот соҳасини янада демократлаштириш, сўз ва ахборот эркинлигини таъминлаш масалаларига алоҳида эътибор қаратилмоқда. Бугунги кун журналисти олдига жуда катта масъулият қўйилган. Бизда оммавий ахборот воситалари жаҳон матбуоти билан тенглаша оладиган даражага келиши учун аввало, етук ва малакали, сиёсий билимга эга журналист кадрларни тайёрлаш энг муҳим масала ҳисобланади. Бундай кадрлар, аслини олиб қараганда, бизнинг вилоятимизда ҳам бармоқ билан санарли. Олий ўқув юртини тамомламаган бўлсада, қалами ўткир, дунёқараши кенг ижодкорлар талайгина. Бироқ, ишга қабул қилиш учун албатта, олий маълумот сўралади. Бизга ва бизнинг журналистикамиз ривожига ҳақиқий ижодкор керак. Ижод қилиш ҳамманинг ҳам қўлидан келавермайди. Олий таълимда ўқиб, журналист деган дипломни олгани билан икки қатор жўяли фикр ёки мақола ёза олмайдиган кадрлар ҳам йўқ эмас. Мана шундай кадр билан қайси соҳани ривожлантириш мумкин?! Журналистика бўйича фақатгина пойтахтда олий ўқув юртининг борлигини инобатга оладиган бўлсак, пойтахтда вилоятдан бориб ўқиш талаба учун осон эмас. Агар у тўлов контракт асосида ўқиса, қийинчиликлари икки баробар ортади. Сайловолди дастурни ўқиб, очиғи қувониб кетдим. Сабаби, “Рақобатбардош ва замонавий кадрлар – барқарор тараққиёт таянчи” деб номланган бўлимида “олий таълим муассасаларига қабул қилишдаги квоталарни босқичма-босқич ошириб бориш, барча талабгорларга олий таълим олиш ҳуқуқини бериш орқали иқтидорли ёшларни танлаб олиш сифатини ошириш”, ҳамда “ҳудудларнинг муайян иқтисодий устунликларидан келиб чиққан ҳолда пойтахтда жойлашган олий таълим муассасаларини тегишли ҳудудларга босқичма-босқич кўчириш” каби мақсадли вазифаларни амалга ошириш белгилаб қўйилган.     Таклифим - ушбу мақсадли вазифалардан келиб чиқиб, пойтахтдаги олий таълим муассасаларини босқичма-босқич кўчириш бизнинг Фарғонадан бошланса. Ҳеч бўлмаганда Фарғона давлат университетида журналистика факультети очилса. Ҳақиқий ижодкорлар олий таълимга эга бўлса, вилоятимизнинг оммавий ахборот воситаларида ҳам янги босқичга кўтарилишлар бўлар эди. Шерзод КАРИМОВ, Ўзбекистон “Адолат” СДП Фарғона вилоят Кенгаши раиси Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Поликлиникага боришнинг ҳожати қолмади

“Ҳар қандай касалликни даволагандан кўра унинг олдини олган маъқул”, деб бежиз айтилмаган, албатта. Ўз вақтида ўтказиладиган тиббий кўрик инсонга доимо соғлом бўлиб юриш имкониятини яратади. Ўзбекистон “Адолат” СДП Ёзёвон туман Кенгаши раиси А.Неъматжонов ташаббуси билан “Халқ саломатлиги – мамлакат келажаги” мавзусида аҳоли билан давра суҳбати ҳамда тиббий кўрик ташкил этилди. Учрашувда партиянинг вилоят Кенгаши ходимлари ҳамда Ўзбекистон Республикаси Инновацион соғлиқни сақлаш Миллий палатаси Фарғона ҳудудий бўлинмаси бўлим мудири Ф.Жўраева иштирок этди. Ушбу тиббий кўрик тумандаги 39-умумий ўрта таълим мактабида ташкиллаштирилди. Тиббиёт бирлашмаси қошидаги Аҳоли соғлом турмуш тарзини қўллаб-қувватлаш ва жисмоний фаолиятини ошириш марказининг умумий амалият шифокорлари ҳамда патронаж ходимлари ташриф буюриб, “Баҳор” маҳалла фуқаролар йиғини ҳудудида яшовчи юзга яқин аҳолини тиббий кўрикдан ўтказишди. О.Махсудова, туман тиббиёт бирлашмаси ходими: -Аҳоли ўртасида тиббий маданиятни юксалтириш, соғлом турмуш тарзини тарғиб қилиш, юқумли касалликларнинг олдини олиш бўйича тушунтириш ишлари ва мулоқотлар олиб бориш бизнинг доимий иш режамизга киритилган. Бугунги ташкил этилган тиббий кўрикда ҳам айнан аҳолининг турли қатлам вакилларининг саломатликларини билиш, соғлиғидаги ўзгаришларни аниқлаш учун текширувдан ўтказмоқдамиз. Р.Охунова, “Баҳор” маҳалла фуқароси:  –  Бундай тиббий кўрикларни ўтказиш жуда тўғри режалаштирилган. Сабаби, кексайганим сари қон босими ошиши безовта қилади. Қишлоқ врачлик пунктига бориб кўрингани оёқларимдаги оғриқлар сабаб юргани қувватим етмайди. Маҳалламизда тиббий кўрик ўтказилишини эшитиб, биринчилардан бўлиб кўрингани чиқдим. Ҳукуматимиз ва ташкилотчилардан миннатдорман, тиббий хизматни биз фуқароларга янада яқин қилганлиги учун. Наргиза АКРАМОВА, Ўзбекистон “Адолат” СДП Фарғона вилоят Кенгаши туманлараро ижрочи котиби   Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Фаол инвесторларга “Фахрий фуқаро” мақоми берилади

Рағбат ва эътибор ҳар бир киши ва унинг фаолияти учун зарур, албатта. Қай бир соҳани олманг, сиз фаолият юритаяпсизми, демак меҳнат қилаяпсиз. Бунинг учун рағбат бўлиши керак. Рағбат эса кишига ғайрат, шижоат, кўтаринки руҳ бағишлайди ва унинг ишида натижа, юксалиш бўлишини таъминлайди.  Ўзбекистон Республикаси Президентининг «Ўзбекистон Республикасида инвестиция муҳитини тубдан яхшилаш чора-тадбирлари тўғрисида» 2018 йил 1 августдаги Фармонини ижро этиш юзасидан Вазирлар Маҳкамасининг «Фахрий фуқаро» мақомини бериш тартиби тўғрисида қарорининг қабул қилиш замирида ана шундай рағбат ва унинг юксалиш прогнози турибди. Ушбу қарор Республикамизда инвестиция муҳитини янада яхшилаш учун қулай шароит яратишга хизмат қилиши шубҳасиз. Сабаби, қарорда «Фахрий фуқаро» мақоми чет эл фуқаролари ва фуқаролиги бўлмаган шахсларга берилиши кўзда тутилганлиги, шунингдек, уларни рағбатлантириш шакли, иқтисодиёт, фан, маданият ва санъат, таълим, соғлиқни сақлаш ва ижтимоий соҳанинг ривожланишига катта инвестиция киритганлиги, шунингдек, Ўзбекистон Республикасида хайрия (меценатлик) фаолиятини амалга ошираётганлиги учун миннатдорчилик ва ташаккур белгиси сифатида тақдим этилиши кўрсатилган. Чиндан ҳам қарор иқтисодиётимиз ривожига қўйилган яна бир муҳим қадам.   Вазирлар Маҳкамасининг 2019 йил 5 августдаги ушбу қарори мазмун-моҳиятини чуқур ўрганадиган бўлсак, хорижий инвесторлар учун катта янгилик ва имконият яратилганлигини кўриш мумкин. Хусусан, ушбу мақомни олган шахсга кўп марталик уч йиллик визани, унинг амал қилиш муддатини Ўзбекистон Республикаси ҳудудидан чиқиш заруриятсиз, шу жумладан, оила аъзолари (эр (хотини) ва вояга етмаган болалар) учун чекланмаган миқдорда узайтириш имконияти билан давлат божи тўланмасдан олиши мумкинлиги белгиланган. Бундан ташқари, вақтинча пропискани, шу жумладан, оила аъзолари (эр (хотини) ва вояга етмаган болалар) учун давлат божи тўланмасдан уч йилгача муддатда ички ишлар органларида расмийлаштириш ва узайтириш; шу жумладан, оила аъзолари (эр (хотини) ва вояга етмаган болалар) учун вақтинча прописка жойи бўйича Ўзбекистон Республикаси ҳудудида доимий прописка ва яшаш гувоҳномасини давлат божи тўланмасдан олиш каби жуда катта қулайликлар яратиб берилиши белгиланган. Ҳар қандай инвестор учун бу қарор баракали ва самарали фаолият юритиши учун айни муддао. Мамлакатимизда иқтисодиётни эркинлаштириш жараёнлари жадал суръатларда олиб борилаётгани маълум. Шу билан бирга  яратилаётган қулай инвестиция муҳити натижасида бугун юртимиз иқтисодиёти янги босқичларга кўтарилмоқда. Инвестициявий жозибадор, сармоя киритиш учун қулай ва ишончли мамлакатлар қаторида бизнинг мамлакатимиз инвесторлар эътиборида. Сўнги пайтларда инвесторларга яратилаётган имконият ва шароитлар таҳсинга лойиқ. Бунинг сафида ушбу қарор ҳам иқтисодий юксалишлар сари етаклаши шубҳасиз.  Шерзоджон КАРИМОВ, Ўзбекистон “Адолат” СДП Фарғона вилоят Кенгаши раиси Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Маҳаллада сиёсий ўқув

Маълумки, Ўзбекистон “Адолат” СДП Фарғона вилояти туман, шаҳар Кенгашлари томонидан  “Сиёсий-ҳуқуқий билимларни мустаҳкамлаш – демократик жамият пойдевори” лойиҳаси доирасида ҳафтанинг ҳар сешанба куни маҳалла фуқаролар йиғинлари ҳудудидаги аҳоли ўртасида сиёсий ўқувлар ташкил этилиб келинмоқда. Жойларда аҳоли билан ташкилланган бундай сиёсий ўқувлар чиндан ҳам фуқароларимизнинг сиёсий билимини ошишига хизмат қилмоқда. Бувайда туманидаги “Инғирчоқ” маҳалла фуқаролар йиғинида партиянинг туман Кенгаши раиси  Х.Турғунов томонидан шундай сиёсий ўқувлардан бири бўлиб ўтди. Х.Турғунов, Ўзбекистон “Адолат” СДП Бувайда тумани Кенгаши раиси: -Ушбу маҳалладаги аҳоли хонадонларига кириб, уларни турмуш тарзи ва яшаш шароитларини ўрганиш орқали уларга ҳуқуқий маслаҳатлар бериб бораяпмиз. Бу каби сиёсий ўқувлар ўтказилиши аҳоли учун айни муддао. Сабаби, фарзанди учун  нафақа пули сўраб мурожаат қилиш тартибини билмаган фуқаролар ҳам борлиги кузатилмоқда Х.Тўйчиева ҳам шу маҳаллада яшайдиган ана шундай фуқаролардан бири. Маҳалла раиси билан бирга муаммоларни ўрганиш чоғида унинг муаммоси шу жойнинг ўзида хал этилганидан фуқаро Х.Тўйчиева миннатдор бўлди. Бундай ҳуқуқий тарғибот тадбирлари орқали биз албатта жамиятимизда ҳуқуқий онг ва маданиятни юксалишига эришамиз.    Н.АКРАМОВА, Ўзбекистон “Адолат СДП” Фарғона вилоят Кенгаши  туманлараро ижрочи котиби      Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!