ФАРГОНА

Манзил: Фарғона шаҳри, Бурҳониддин Марғилоний кўчаси, 4-уй

Телефон: (73) 244-25-29, 244-14-29

Электрон манзил:  fergana@adolat.uz

Янгиликлар
News

Фарғонада семинар: юксак ҳуқуқий маданият – тараққиёт гарови!

Инсон бир мўжиза. Унга тафаккур қилиш, фирклаш каби улуғ неъматлар туҳфа этилган. Афсуски, баъзан бундан етарлича фойдаланилмаслик ёки воқеа-ходисаларниннг асл мазмун-моҳиятини тушунмаслик оқибатида турли кўнгилсизликлар келиб чиқмоқда. Айниқса, ҳуқуқий саводхонликнинг етишмаслиги хатто жамият илдизига тушган қуртдек фожеаларга ҳам сабаб бўлмоқда. Мавжуд муаммоларни ҳал этилишида жиддий тўсиққа айланяпти. Шу боис бугунги кунда мазкур йўналишда тарғибот-тушунтириш ишларини янги босқичга олиб чиқиш зарурати вужудга келди. Бу эҳтиёжнинг қондирилишига Ўзбекистон “Адолат” СДП ҳам “лаббай” деб жавоб берди. Жумладан, Ўзбекистон Республикаси Президенти Шавкат Мирзиёевнинг “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги ҳамда “Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисида”ги фармонларини кенг жамоатчилликка етказишда партия Сиёсий Кенгаши Марказий аппарати ҳамда унинг ҳудудий кенгашлари ташаббусни қўлга олганлар. Бугун Фарғона давлат университетининг мажлислар залида “Юксак ҳуқуқий маданият – тараққиёт гарови!” лойиҳаси доирасида бўлиб ўтган тадбир фикримиз исботи. “Жамиятда юксак ҳуқуқий маданиятни шакллантиришда сиёсий партияларнинг ўрни” мавзусидаги ушбу семинарда Ўзбекистон “Адолат” СДП Сиёсий Кенгаши раиси ўринбосари Абдукамол Рахмонов ҳамда Фарғона вилоят, туман ва шаҳар Кенгашлари раислари, халқ депутатлари маҳаллий Кенгашларидаги партия депутатлик гуруҳлари аъзолари ҳамда фаоллар иштирок этдилар. Абдукамол Рахмонов, Ўзбекистон “Адолат” СДП Сиёсий Кенгаши раиси ўринбосари; — Сўнгги икки ярим йил ичида Ўзбекистон демократик ривожланишнинг мутлақо янги босқичига қадам қўйди. Ушбу қисқа вақт мобайнида 2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси асосида ижтимоий-иқтисодий, сиёсий соҳаларда жадал ислоҳотлар, қатор янгиланишлар амалга оширилди, фуқаролик жамиятининг демократик институтлари фаоллиги янада ошди, жамият ҳаётининг барча жабҳаларида уларнинг иштироки таъминлаб келинмоқда. Шу қаторда сиёсий партияларнинг мамлакат ижтимоий-иқтисодий ҳаётидаги ўрни ва роли янада кучайди, парламентнинг ва давлат ҳокимияти вакиллик органларидаги депутатлик гуруҳларининг ваколатлари кенгайди. Халқ билан тўғридан-тўғри мулоқотлар йўлга қўйилди. Халқ давлат идораларига эмас, балки давлат органлари халқимизга хизмат қилмоқда. Айни пайтда сиёсий онг ва ҳуқуқий маданиятни оширишда сиёсий партияларнинг роли муҳим эканлигини ҳеч қачон унутмаслик керак. Айниқса, парламент ва маҳаллий вакиллик органларига сайловлар бўлиб ўтадиган жорий йилда аҳоли ва сайловчилар билан янада яқинроқ мулоқот олиб бориш, сўнгги йилларда миллий қонунчилигимизга киритилган янгиланишлардан хабардор қилиш орқали уларнинг ҳуқуқий маданияти ошириш долзарб саналади. Ижтимоий тармоқлар имкониятларидан, оммавий ахборот воситаларидан партия танилувчанлигини ортишида самарали фойдаланиш зарур. Депутатларимиз, партиямиз аъзолари, айниқса, “Адолат” газетасини ўқишлари керак. Янгиликларни билиб боришлари даркор. Бу бизнинг замонавий инсон бўлишимиз учун, партиямизни янада ривожлантиришимиз учун ҳам муҳим жиҳат ҳисобланади. Семинарда партиянинг вилоят Кенгаши раиси Шуҳратбек Эгамов ҳамда унинг ўринбосари Комила Исроиловалар ҳам ҳозирги кундаги долзарб масалалар юзасидан маързулар қилди. Жонли мулоқот ва савол-жавобларга бой бўлган семинар сўнггида иштирокчиларга кун тартибидаги масалалар юзасидан тегишли кўрсатмалар берилди. Нурбек МИРЗАЕВ, Ўзбекистон “Адолат” СДП Фарғона вилоят Кенгаши матбуот хизмати Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Партия ташаббуси: Қувасойда марафон бўлиб ўтди

Эрта тонгда уйғониш кўпчилик учун осон бўлмаслиги маълум. Айниқса, югуриш учун йўлга отланиш инсондан бир оз машаққатни ҳам талаб этади. Ушбу жараёнлардан мувофаққиятли ўта олсак, дангасаликка бўйин эгмасак, марра бизники! Соғлом ҳаёт, кўтаринки кайфият чеккан заҳматларимиз эвазига мукофот бўлади. Олимларнинг маълум қилишларича, югуришнинг инсон саломатлигига фойдали жиҳатлари кўп. Юрак уриш тезлигини ва кислородга бой қон оқимини оширади. Ёши катта инсонларда юрак-қон томир фаолиятининг яхшиланишига ёрдам беради. Жисмоний машқлар билан доимий шуғулланувчилар бошқаларга нисбатан сабр-бардошли бўлишар экан. Шунингдек, асабийлашишга қарши самарали восита. Тушкунликнинг олдини олади. Шу маънода Ўзбекистон “Адолат” СДП Фарғона вилоят Кенгаши ҳамда Қувасой шаҳар Кенгаши ташаббуси билан яна бир хайрли ва эзгу ишга қўл урилди. Қувасой шаҳрида 2019 йил 17 - июнь куни эрта тонгда партиянинг “Фарзандлари соғлом юрт — қудратли бўлур” лойиҳаси доирасида югуриш марафони ташкил этилди. Унинг очилиш маросимида партиянинг вилоят Кенгаши раиси Шуҳратбек Эгамов, шаҳар ҳокимлиги, ички ишлар органлари, соғлиқни сақлаш ва таълим муассасалари ходимлари ҳамда кенг жамоатчилик вакиллари қатнашдилар. Дилобар Мирзаев, партиянинг Қувасой шаҳар Кенгаши раиси; — Марафонда 5000 минг нафардан зиёд 7 ёшдан 70 ёшгача бўлган фуқаролар қатнашдилар. Айниқса, халқ таълими ва тиббиёт ходимлари кўпчиликни ташкил этди. Бундай тадбирлар партиямиз танилувчанлигини ортишида муҳим аҳамият касб этади. Ҳозирда шаҳримизда 2000 нафардан ортиқроқ партиямиз аъзолари бор. Ўйлаймизки, уларнинг сони эндиликда яна ҳам кўпаяди. Эътиборлиси барча иштирокчиларда спорт билан шуғуланишга бўлган иштиёқ юксалди. Бу бизнинг асосий ютуғимиз бўлди. Нурбек МИРЗАЕВ, Ўзбекистон “Адолат” СДП Фарғона вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Хайрли ва эзгу ташаббус Фарғона вилоятида давом этмоқда

Ўзбекистон “Адолат” СДП Сиёсий Кенгаши Марказий аппарати ташаббуси билан бошланган навбатдаги хайрли ва эзгу иш Фарғона вилоятида ҳам давом этмоқда. Вилоят қон қуйиш марказига донорлик акциясида иштирок этиш нийятида бўлган фарғоналиклар эрта тонгдан етиб келдилар. Белгиланган тиббий текширувлардан ўтиб, келажагимиз эгалари бўлган дилбандларимиз, яъни тиббий-ижтимоий кўмакка муҳтож болажонлар учун қон топширдилар. Оязимхон Аҳрамова, вилоят қон қуйиш маркази бўлим мудири; — Айни пайтгача 150 нафарга яқин донорлар “Бор меҳримиз сенга, болажон!” шиори остидаги акцияда иштирок этишди. Уларнинг сони яна ортиб бормоқда. Албатта, қон топширишниннг ҳам фойдали жиҳатлари кўп. Масалан, тиббий текширувлардан ўтиш жараёнида ўз саломатлиги тўғрисида батафсил маълумотларга эга бўлади. Қолаверса, қон топширгач организмдаги ижобий ўзгаришлар, қон янгиланиши инсонни ёшартиради. Саломатлиги мустаҳкамланади. Энг муҳими ҳар бир донор ўзидаги юксак инсоний фазилатларни, болажонлигини, кўмакка муҳтожларга кўмак беришга тайёрлигини намоён қилади. “Ҳар бир болага меҳр-мурувват!” ойлиги доирасидаги акциялар Қўқон шаҳри, Данғара тумани ва бошқа ҳудудларда ҳам давом этмоқда. Комила ИСРАИЛОВА, Ўзбекистон “Адолат” СДП Фарғона вилоят Кенгаши раис ўринбосари ...

Батафсил
News

Депутат халқ орасида: қарздорлик туфайли аҳоли мавжуд ичимлик сувидан фойдалана олмаяпти

Ислоҳот ислоҳот учун эмас, инсон манфаатлари учун. Депутат фаолияти ҳам айни шу нуқтаи назардан амалга оширилгандагина кўзланган марраларга, эзгу мақсадларга эришиш мумкин. Одамларнинг мушкули осон, йўллари равон бўлади шунда. Давлатимиз раҳбари томонидан депутатларга кўплаб имкониятлар берилаётганлиги ҳам бежиз эмас, албатта. Президентимизнинг 3 май куни Тошкент вилояти ҳокимлигида ўтказган видеоселектор йиғилишида ҳам бу ҳақда алоҳида тўхталиб ўтилди. Боиси депутат энг аввало, халқ вакили. У фуқаролар мурожаатларини ўрганиш, аҳолини қийнаётган, ўйлантираётган масалаларга ечим топиш орқали эл-юрт ишончига сазоввор бўлади. Ўзбекистон “Адолат” СДП партиясидан номзоди кўрсатилиб, айни пайтда Олий Мажлис Қонунчилик палатаси депутати бўлиб фаолият олиб бораётган депутатлар ҳам ҳудудларга бориб ўрганишлар орқали ўз зиммаларидаги масъулятни адо этмоқдалар. Жумладан, депутат Умиджон Сулаймонов Фарғона вилоятининг Олтиариқ туманида бўлди. Депутатнинг 1 ой аввалги ўрганишларида “Азимобод” МФЙдаги ҚВПда бошланган таъмирлаш ишлари тўхтаб қолганлиги аниқланган эди. Тегишли ташкилотларга мурожаатлардан сўнг ишлар жонланиб кетди. Эндиликда замон талаблари даражасидаги янги тиббиёт маскани барпо этилмоқда. Бироқ, ҳамон ишлар тўла якунига етмаган. Мазкур ҳолат юзасидан чала қолган ишларни тугатиш ва муассасани фойдаланишга топшириш маросимини тезроқ ўтказиш юзасидан мутасаддилар билан келишиб олинди. Ўрганишлар Қўштепа туманидаги “Нурафшон” МФЙда давом этди. Гарчи, депутатнинг саъй-ҳаракатлари билан ичимлик суви таъминоти муммоси ҳал этилган бўлса-да, аҳоли бу сувдан ҳали-ҳонуз фойдалана олмаяпти. Сабаби эса сувдан бўлган қарздорлик. Депутат тумандаги “Катта Болтакўл” МФЙда ҳам бўлди. Ичимлик суви ва бошқа бир қатор масалаларда фуқаролар мурожаатлари тингланди.Уларга ечим топиш чора-тадбирлари белгилаб олинди. Нурбек МИРЗАЕВ, Ўзбекистон “Адолат” СДП Фарғона вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Фарғонада полвонлар беллашишди

Фарғона туманида сўлим Водил қишлоғи бор. Ҳудуд тоғ ён бағирларида жойлашган. Об-ҳавоси тозалиги, бетакрор табиати доимо одамларни ўзига жалб этади. Айниқса, ёз ойларида бу ерга юртимизнинг турли вилоятларидан, қўшни республикалардан дам олиш истагида сайёҳлар ташриф буюрадилар. Уларни лол қолдирадиган яна бир жиҳат ушбу масканда тез-тез кураш мусобақаларининг ўтказилишидир. Энг номдор полвонлар гиламга тушиб, ўз мухлисларига чиройли ўйинларни намойиш этадилар. Фарғона фарзанди Турсунали полвонни нафақат юртимизда, балки хорижий давлатларда ҳам яхши танишлари бежиз эмас, албатта. Шу йилнинг 1-2 июнь кунларида ўтказилган кураш мусобақалари ҳам Ўзбекистон “Адолат” социал-демократик партияси Фарғона вилоят Кенгаши ва Ўзбекистон Белбоғли Кураш федерацияси Фарғона бўлими ўртасида тузилган ўзаро ҳамкорлик тўғрисидаги меморандумнинг яна бир амалий ифодаси бўлди. Қолаверса, Президентимииз томонидан ўртага ташланган беш ташаббуснинг 2 – йўналишида кўрсатилган ёшларни жисмоний чиниқтириш, уларнинг спорт соҳасида қобилятини намоён қилишлари учун зарур шароитлар яратиш йўлидаги эзгу саъй-ҳаракатлардан бирига айланди. “Чинортаги” истирохат боғида ташкил этилган мусобақаларда Қирғизистон Республикасидан, Фарғона, Андижон, Наманган вилоятлари, Тошкент шаҳри ва юртимизнинг бошқа ҳудудларидан ёш истеъдодли полвонлар ўз имкониятларини синовдан ўтказмоқдалар. Жасурбек Исроилов, Илёсбек Обиджонов, Умиджон Холматовлар ана шундай курашчилар сафида 90 кг вазн тоифасида гиламга тушдилар. Шуҳрат Эгамов, Ўзбекистон “Адолат” социал-демократик партияси Фарғона вилоят Кенгаши раиси; — Яқиндагина Белбоғли кураш бўйича “Адолат” кубоги мусобақаларининг Республика босқичи ниҳоясига етганди. Бугун 1-июнь санасида эрта тонгдан бошланган мусобақалар унинг узвий давоми бўляпти десак хато бўлмайди. Зеро, Белбоғли кураш миллий спорт турларимиздан бири ҳисобланади. Гувоҳи бўлаётганимиздек иштирокчиларнинг иштиёқи баланд. Шундай экан, ота-боболаримиздан мерос бўлиб келаётган, мардлик ва жасурлик рамзи бўлган ушбу белбоғли кураш спорт турида гиламга тушаётган барча полвонларга омад тилаймиз. Ўйлаймизки, партиямиз ва Ўзбекистон Белбоғли Кураш федерацияси билан яқин ҳамкорлик келгусида ҳам мана шу тарзда давом этади. Нурбек МИРЗАЕВ, Ўзбекистон “Адолат” СДП  Фарғона вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Партия раиси ва депутат болаларни табриклади (фоторепортаж)

1 июнь — “Халқаро болаларни ҳимоя қилиш куни”. Байрам муносабати билан жойларда турли-туман тадбирлар, концертлар ўтказилиши анъанага айланган. Шунингдек, оғир бемор, даъволанишга муҳтож ва ногирон болалар учун хайрия акциялари ташкил этилади. Фарғона шаҳридаги она ва бола скрининг марказида ўткан тадбир ҳам ана шундай эзгу мақсадларга хизмат қилди. Унда сўз олган Ўзбекистон “Адолат” СДП вилоят Кенгаши раиси Шуҳрат Эгамов ва халқ депутатлари вилоят Кенгаши депутати Манзура Салимовалар болажонларни байрам муносабати билан табрикладилар. Уларга совғалар бердилар. Манзура Салимова, халқ депутатлари вилоят Кенгаши депутати: — Бугун марказимизга вилоятимиздаги ногиронлиги бўлган жажжи ўғил-қизларни ва уларнинг ота-оналарини таклиф этганмиз. Мақсадимиз улар қалбига оз бўлсада қувонч улашиш. Албатта, юртимизда ҳеч ким меҳр ва эътибордан четда эмас. Тадбиримизда иштирок этаётган болажонларимизни ҳам даъволанишлари учун давлатимиз томонидан алоҳида ғамхўрликлар кўрсатилмоқда. Улар келгусида шифо топиб, соғлом ҳаёт тарзи билан яшасалар ҳамда ватанимизга хизмат қилсалар, шу энг катта ютуқ, энг катта марра бўлади. Тадбирда мактабгача таълим муассасалари тарбияланувчилари томонидан ташкил этилган концерт дастури барчага кўтаринкилик бағишлади. Зотан, болалар бизнинг келажагимиз, умримиз мазмуни ҳисобланади. Уларнинг бахту саодати ва фаровон келажагини қуриш, дунёда ҳеч кимдан кам бўлмайдиган авлодни тарбиялаш устувор вазифалардан биридир. Нурбек МИРЗАЕВ, Ўзбекистон “Адолат” СДП Фарғона вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

“Очиқ мулоқот”да вазифалар белгилаб олинди

Мамлакатимиз Президенти Шавкат Мирзиёевнинг шу йилнинг 6-7 май кунлари Фарғона вилоятига ташрифлари она юртимиз Фарғонанинг ҳар тамонлама ривожланиши ва юксалишига замин яратди. Энг эътиборлиси, Фарғонада янги марралар белгилаб олинди. Фарғона вилояти телерадиокопманияси орқали эфирга узатилиб борилаётган “Очиқ мулоқот” кўрсатувининг навбатдаги сонида мазкур ташриф ва унда қўйилган топшириқлар ижроси юзасидан олиб борилаётган ишлар хусусида фикр-мулоҳазалар ўртага ташланди. Кўрсатув долзарб мавзулардаги кўрсатувлари билан эл меҳрини қозонаётган таниқли журналист Муяссар Ҳамдамова томонидан олиб борилди. Унда Ўзбекистон “Адолат” СДП Фарғона вилоят Кенгаши раиси Шуҳрат Эгамов ва раис ўринбосари Комила Исраилова, халқ депутатлари Фарғона вилоят Кенгаши депутати Манзура Салимова, “Темурбеклар мактаби” директори Зиёдулло Камолов, тадбиркор Шаҳноза Ғаниева, Тошкент ахборот технологиялари университети Фарғона филиали маънавий-тарбиявий маркази бўлим бошлиғи Абдулҳамид Раимовлар иштирок этдилар. “Айтиш мумкинки, биз мана шундай тинч ва осойишта мамлакатда яшаяпмиз. Кундан кунга аҳоли турмуш шароитларини яхшилаш йўлида ислоҳотлар жадал кўриниш олмоқда. Энг муҳими фуқаролар қалбида эртанги кунга ишонч, юрт тақдирига дахлдорлик ҳисси ортмоқда. Айни жараёнларда сиёсий партияларнинг ўрни қандай бўлмоқда? Умуман олганда Президентимизнинг вилоятга ташрифи доирасида қўйилган вазифалар ижросини таъминлашда ҳозирда нима ишлар амалга оширилмоқда?” – дея ўртага савол ташлади телебошловчи. Шундан сўнг суҳбат жараёни қизиб кетди. Таъкидландики, ислоҳотлар давр талаби. Кун сайин шиддат билан илгарилаб бораётган тараққиёт биздан замон билан ҳамнафас бўлишни тақозо этмоқда. Президентимиз вилоятимиз фаоллари билан бўлиб ўтган йиғилишда ҳудудларда амалга оширилган ишларни бирма-бир таҳлил қилдилар ва ҳали олдинда бажарилиши зарур бўлган вазифалар, ўз ечимини кутиб турган масалалар хусусида ҳам қимматли маслаҳатларини бериб ўтдилар. Халқимиз эртага эмас, бугунги кунда яхши яшашга ҳақли эканлигини, шунинг учун кечаги кун билан яшаб бўлмаслигини уқтирдилар. Хусусан, тадбиркорликни ривожлантириш орқали янги иш ўринларини яратиш масаласига алоҳида эътибор қаратилди. Хатто бир йил Фарғонада саноат ва тадбиркордликни ривожлантириш йили бўлиши ҳам айтиб ўтилди. Қолаверса, бу жараёнларда фаолликни бой бермаслик учун тан сиҳатлик ҳам муҳим жиҳатлардан бири ҳисобланади. Чунки, инсон саломатлигидан азизроқ ва қадрлироқ неъмат йўқ. Зеро, ҳар томонлама соғлом ва баркамол инсон жамиятнинг олтин заҳираси ҳисобланади. Очиқ мулоқотда шулар хусусида аторофлича тўхталиб ўтилди.  Зиёдулло Камолов, “Темурбеклар мактаби” директори; — Яна бир эътиборли ҳолат шуки, юрт тинч бўлсагина, бунёдкорлик, ободончилик ишлари давом этади, одамлар турмуш фаровонлиги ортиб боради. Шу маънода ташриф давомида Президентимизнинг Фарғона шаҳридаги “Темурбеклар мактаби”да бўлишида ҳам ўзига хос рамзий маъно-мазмун мужассам. Буюк саркарда Амир Темур бобомизнинг мардлиги ҳамда ватанпарварлиги, жасорати ва адолатпарварлигини ёшларимизга ўрнак қилиш мақсадида ташкил этилган мазкур мактабдаги шароитлар бугун ҳавас қилса арзигулик. Зотан, ёшлар бизнинг ишонган қалқонларимиз, тиргакларимиз. Келажагимиз бунёдкорлари. “Очиқ мулоқот”да давлатимиз раҳбари ўртага ташлаган 5 та ташаббус ва унинг жойлардаги ижроси ҳақида ҳам фикр-мулоҳазалар ўртага ташланди. “Вилоятмизда давом этаётган бунёдкорлик, қайта қуриш, ободонлаштириш, кўкаламзорлиштириш, иқтисодий-ижтимоий ривожланиш ишлари бутун фарғоналикларни, барча-барчамизни қалбимизни фахр-ифтихор туйғуларига тўлдиради. Ҳаётимиз шундай яхши ўзгаришлар билан давом этар экан, халқимизда яратувчанлик руҳи ҳеч қачон сўнмайди”, -дея кўрсатувга якун ясади журналист Муяссар Ҳамдамова. Нурбек МИРЗАЕВ, Ўзбекистон “Адолат” СДП Фарғона вилоят Кенгаши мутбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Менинг мактабим - менинг уйим!

Мактаб – муқаддас даргоҳ. Бу ерда юрт тақдири, унинг келажаги яралади. Мамлакатимизда таълим муассасалари фаолиятини самарали ташкил этишга алоҳида эътибор қаратилаётганлиги сабаби ҳам шу. 25 май санасида умумтаълим мактабларида бўлиб ўтган тадбирлар эса ўзига хос ўқув йили сарҳисоби бўлди. Уларда фаол ва иқтидорли ўқувчилар яна бир бор эътироф этилдилар ва муносиб тарзда рағбатлантирилдилар. Эътиборлиси, мазкур жараёнларда Ўзбекистон “Адолат” СДП аъзолари ва депутатлар ҳам ташаббускорлик кўрсатдилар. Хусусан, Фарғона шаҳридаги 30-сонли умумтаълим мактабида ўтган тадбирда сўзга чиққанлар таълим соҳасида амалга оширилаётган ислоҳотлар, тизимга татбиқ этилаётган янгиликлар, ёшларнинг дунёнинг етакчи мамлакатларидаги тенгдошлари билан бўйлашиб, олға қадам ташлашлари учун яратиб берилаётган шарт-шароитлар ҳақида гапирдилар. Раъно Сулаймонова, халқ депутатлари Фарғона шаҳар Кенгаши депутати - Бугун ўз сайлов округимдаги умумтаълим мактабига келдим. Ўқувчилар жуда кўтаринки руҳда. Ёшлар ижросида қўшиқ ва рақслар ижро этилди. Айниқса, 11 йил давомида меҳри дарё устозларидан таълим-тарбия олган битирувчилар эндиликда катта ҳаёт сари қадам ташлаётганлиги барчамизни бирдек ҳаяжонган солди. Биз, албатта, уларга “оқ йўл” тилаймиз. Улар олий ўқув юртларига ўқишга кириб, яхши мутахассис кадрлар бўлиб етишишларини хоҳлаймиз. Дарҳақиқат, билим олиш инсон камолотидаги асосий мезон ҳисобланади. Мураббийларнинг, устозларнинг таълим-тарбияси ёшларни келгуси ҳаётида, таълимнинг кейинги босқичида таянч, асос бўлиб хизмат қилиши, шубхасиз. Зотан, ўғил-қизлардан эндиликда янада кўпроқ меҳнат ва изланиш талаб этилади. Бинобарин халқимизнинг, Юртбошимизнинг ишончи улар учун энг катта рағбат, энг катта мукофотдир. Нурбек МИРЗАЕВ, Ўзбекистон “Адолат” СДП Фарғона вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!