НАВОИЙ

Манзил: Навоий шаҳар, Навоий кўчаси, 43"а"-уй

Телефон: (36) 224-90-31, 224-34-85

Электрон манзил:  adolat-navoiy@inbox.uz

Янгиликлар
News

МЕНДА ТАКЛИФ БОР: Таълим соҳасида партия позициясини кучайтириш керак

Кенг жамоатчиликка тақдим этилган Ўзбекистон “Адолат” СДПнинг янги сайловолди дастури лойиҳаси партия фаолларида катта қизиқиш уйғотди. Лойиҳада илгари сурилган ғоялар, устувор вазифалар келгуси беш йилликда амалга ошириладиган стратегик, аниқ мақсад-вазифаларни қамраб олган. Партиянинг таълим, соғлиқни сақлаш соҳасини ривожлантиришда белгилаб олган вазифалари, йўналишлари электорат манфаатларига тўла мос келади. Дастурнинг “Рақобатбардош ва замонавий кадрлар – барқарор тараққиёт таянчи” бўлимида ёшларни ватанпарварлик, миллий истиқлол ғоялари руҳида тарбиялашда аниқ ижобий таъсир кўрсатиш, қуруқ гаплардан холи эканини назарда тутиб, умумтаълим мактаблари, коллеж, лицейларнинг ўқув режаларида тарих, ўзбек адабиёти, она тили фанларидан дарс соатларини кўпайтириш белгилаб қўйилган. Мазкур бандга қўшимча қилиб, умумтаълим мактабларида “Темурийлар тарихи”ни алоҳида фан сифатида киритиш таклиф этилади. Бу ёшларда миллий ғурур, ватанпарварлик туйғусини ошириб, ҳаётда ўз ўрнини топишига хизмат қилади.    Бизга маълумки, ўқувчиларнинг билим олишида ўқув адабиётлари етакчи ўрин тутади. Шу маънода бугунги ўқув адабиётларини нашр этишда инновацион ёндашувларни жорий этиш, хусусан, дарсликларнинг аудио-визуал варианти билан бирга нашр этилишини амалиётга татбиқ этишни дастур лойиҳасига киритиш зарур. Бу ўқувчиларнинг фанни ўзлаштиришида самарали ёндашув бўлиб, уларнинг қизиқишини оширади. Қулайлик ва мукаммаллик таъминланади.     Учинчи таклиф шуки, ҳозирда умумтаълим мактабларида жорий қилинган алоҳида синфлар ва иқтидорли ўқувчилар билан ишлаш каби тўгаракларни қайта кўриб чиқиш зарур. Негаки, ижтимоий нотенгликка олиб келувчи бу каби усуллар ўқувчиларнинг ёшлигидан психик ҳолатига салбий таъсир қилади. Болаларни иқтидорли ва иқтидорсизга ажратмасдан ҳаммасини тенг қабул қилиш дарсни ўзлаштиришда енгилроқ кечади. Шунинг учун дастур лойиҳасига алоҳида банд киритиш керак. Бугун олий ўқув юртларида таълим олаётган талабалар учун дарсликлар етишмаслиги фанларни пухта ўзлаштиришда ўз таъсирини ўтказмоқда. Шундан келиб чиқиб, дастур лойиҳасига аниқ фанлар ва ижтимоий гуманитар фанлардан етарли миқдорда дарсликлар нашр этилишини, қўшимча адабиётларни махсус интернет порталига жойлаштирилишини ташкил этишни устувор вазифалар қаторига киритиш мақсадга мувофиқ. Маълумки, таълим, илм фан, тиббиёт соҳаси ходимлари партиянинг электорати ҳисобланади. Дастурда соҳада алоҳида хизмат кўрсатган ходимлар учун жамоат транспортларида, темир йўлларда чегирмалар берилишини илгари суриш партиянинг ғоя ва мақсадларига ҳар томонлама мос келади. Бу каби таклифларни лойиҳага киритиш унинг мукаммал ва халқчил бўлишини таъминлаб, ғоя ва фикрлар хилма-хиллигини оширади. Содда ва халқчил дастур эса бу йилги сайловларда муносиб ўрин эгаллашга пухта замин ҳозирлайди. Нуриддин РАЖАБОВ, Ўзбекистон “Адолат” СДП Навоий вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Депутатлик сўровлари сайловчилар ишончини оширяпди

Депутатлик сўровлари сайловчиларнинг депутатга бўлган ишончини мустаҳкамловчи воситадир. Бундай имкониятдан муносиб фойдаланиш халқ вакилининг обрў-эътибори ва фаоллигини белгилайди. Ўзбекистон “Адолат” СДП Халқ депутатлари Навоий шаҳар Кенгашига сайланган депутатлар ҳам аҳоли билан ўтказган мулоқот ва учрашувлари натижасида юзага чиққан мавжуд муаммолар ечимини излаб, бир қатор сўровларни амалга оширган. Ана шундай депутатлардан бири Шовдир Асатовдир. Навоий шаҳридаги “Кимёгарлар” маҳаласида яшовчи аҳоли асосан ётоқхоналарда истиқомат қилади. Бугунги кунда маҳаллада кам таъминланган оилалар таркибига кирувчи фуқаро Н.Раимқулованинг оиласида иқтисодий ва ижтимоий шароит етарли бўлмаганлиги, оилавий шароити оғирлиги, ўғли жазони ижро этиш муассасасида бўлиб, ёлғиз она эканлиги уни ниҳоятда қийин аҳволга солиб қўяди. Н.Раимқулова депутат Ш.Асатовга мурожаат қилгиб, амалий ёрдам беришни сўрайди. Депутат фуқаронинг мурожаатини эътиборсиз қолдирмай, Навоий вилоят “Зарафшон проминвест” МЧЖ бошлиғи З.Бозоровга моддий ёрдам беришини сўраб, депутатлик сўрови киритади. Корхона томонидан сўров ижроси ижобий қаноатлантирилиб, фуқаро Н.Раимқуловага тўрт юз минг сўм моддий ёрдам кўрсатилди. – Ётоқхонамни ҳақини тўлашга, ўғлимни кўргани боришга пул тополмай етар-етмасдан қийналиб сарсон бўлдим, дейди. Норгул Раимқулова. – Яхшиям депутатимиз Шовдир Асатов бор экан. У киши менинг аҳволимни тушуниб ёрдам берди. Раҳмат Сизларга.   Шу маҳалладаги ётоқхонада яшовчи яна бир фуқаро Ш.Чўлиева ҳам ишсизликдан қийналиб, оилавий шароити оғирлиги, уч нафар вояга етмаган фарзанди борлигини ҳисобга олиб, амалий ёрдам беришни сўрайди. Депутат Ш.Асатов ушбу мурожаат ижроси юзасидан “Зарафшон проминвест” МЧЖ бошлиғи З.Бозоровга юборган депутатлик сўрови натижасида Ш.Чўлиевага уч юз минг сўм моддий ёрдам кўрсатилади. Навоий шаҳридаги мактабгача таълим муассасаларидан бирига ишга жойлаштирилади. Халқ вакилининг доимо аҳоли муаммосини ҳис қилиб яшаши, ўзига бўлган-ҳурмат эътиборни ошириб, ишига барака келтиради. Депутат яна бир хайрли ишга қўл урди. Маҳалладаги биринчи группа ногирони Хушвақова Феруза бундан уч йил аввал микроинсульт олиб соғлиғи ёмонлашганлиги туфайли юролмай қолади. Депутатнинг ижтимоий таъминот ходимлари, шаҳар ҳокимлиги мутасаддилари билан биргаликда олиб борган сайи-ҳаракатлари натижасида фуқаро Феруза Хушвақова ногиронлик аравачасини билан таъминланади. – Менга ёрдам беришди. Энди бемалол кўчага чиқишим, сайр қилишим мумкин. Хурсанд бўлдим, - дейди Феруза Хушвақова. Депутат қаерда бўлмасин аҳоли дардини тинглаб, ўз ишига масъулият билан ёндашиши, ташаббус ва фаоллик кўрсатиши унга рағбат ва мувофаққият келтиради. Бу эса сайловчилар ишончини ошириб, партиямизнинг бу йилги сайловларда муносиб ўрин эгаллашига замин ҳозирлайди. Нуриддин РАЖАБОВ, Ўзбекистон “Адолат” СДП Навоий вилоят Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Адабий тилга бефарқлик саводсизликни келтириб чиқаради

Ўзбек тили ва унинг шевалари халқимиз маданиятининг ажралмас қисми бўлиб, неча асрлар мобайнида ижтимоий алоқа воситаси сифатида ўз қимматини сақлаб келаётир. Қанчадан-қанча буюк зотлар, алломалар камол топишида бешик бўлган тил ва ёзув маданий қадриятларни сақлаб қолувчи ва уни келгуси авлодларга етказувчи  восита сифатида аҳамиятлидир.  Адабий тил халқ шевалари негизида таркиб топган, аниқ меъёрларга бўйсунувчи, қайси ҳудудда яшашдан қатъи назар, барча учун ягона бўлган тил ҳисобланади. Маълум бир соҳа йўналишларига қараб бир неча услубларга бўлиниб кетади. Аҳолига жамиятда кечаётган ўзгариш ва янгиланишларни етказишда, айниқса оммавий ахборот воситаларида адабий тилнинг расмий, публицистик услубига кучли эҳтиёж сезилади. Телевидение ва радиоларда бугун эфирга берилаётган кўрсатувларларда адабий тилга риоя этмаслик, уни Тошкент шевасида бузиб гапириш урф бўлиб кетди. Энг қизиғи “Зўр ТВ”, “Севимли”, “Менинг юртим” телеканалларида бу кундалик оддий ҳолатга айланиб бормоқда. Тўғри, бадиий услубда ёзувчилар маҳаллий ўзига хосликни ифодалаш учун қаҳрамонлар нутқида шевалардан фойдаланади. Лекин бу билан шевага оид сўз адабий тил бўлиб қолмайди. Ёки бадиий асар бутунлай шевага оид сўзлардан ташкил қилмайди. Бизга маълумки, шевалар деб бир ҳудуд сўзлашувчилари доирасида қўлланиб, бошқаларга тегишли бўлмаган сўзлар йиғиндисига айтилади. Ҳатто шевадаги баъзи сўзлар адабий тилда умуман бошқа маънони беради. Масалан иркит деган сўзни олайлик. Баъзи жойларда “айрон халта”ни билдирса, адабий тилда кир, ифлос деган маъноларни билдиради. Ёки товоқ сўзини кўрайлик. Адабий тилда косага ўхшаш ичи чуқур идишни англатса, Фарғона, Тошкент шеваларида лаганни билдиради. Ўзингиз ўйлаб кўринг, ойнаижаҳон орқали ҳамма чиқиб, адабий тилни бузиб гапираверса, тилимизга бўлган ҳурмат қаерда қолади? Тилга ихтиёрсиз - элга эътиборсиз, деб бекорга айтмаган буюк мутафаккир бобомиз Алишер Навоий. Онамиз айтган аллалар гўдаклигимизданоқ тил орқали онгимизга сингиб боради. Улғайиб оламни, борлиқни англаймиз. Бу ҳолатларга барҳам берилмас экан, бора бора тил саводхонлигига таъсир ўтказиб, ёш авлодда тўғри ёзиш кўникмаларини бузиб юборади. Боряпти, келяпти, шу ерда, бу ерда, қаердансиз ва бошқа сўзлар борвотти, кевотти, шутта, бутта, қаттансиз каби ишлатилавериши кейинги давр тадқиқотларида иккиланишларни келтириб чиқаради. Бепарволик, лоқайдлик урчиб кетади. Эътибор берсангиз, ўзи шундоғам кўчалардаги, жамоат жойларидаги ёзувларда имло хатолари камайиш ўрнига кундан кун ортиб бомоқда. Ахир оммавий ахборот воситалари, радио, телевидение ходимлари, ёзувчилар, олимлар, расмий идора вакиллари адабий тилга зийнат берувчи шахслардир. Ўзимиз унга риоя қилмасак, ўсиб келаётган ёшлардан нима кутамиз? Бора-бора мавжуд адабий тил меъёрлари йўққа чиқади-ку. Таълим тизимида акс садо бера бошлайди. Қарабсизки... Тилни англаш бу ўзликни англашдир. Ўзликни англаш аждодлар меросини ўрганишдир. Ўтган асрлардан бизгача етиб келган нодир асарлар, қўлёзмалар ўша давр адабий тилида яратилганини унутмайлик. Кўпгина халқлар адабий тил меёърларига ХIX-XX асрларда эришган бўлса, халқимизнинг адабий тили узоқ ўтмишга бориб тақалади. Бевосита адабий нутқ меъёрларига риоя қилиб ёзилган энг қадимги ёзма ёдгорлик бу Юсуф Хос Ҳожибнинг “Қутадғу билиг” асаридир. Ҳазрат Навоий даврига келиб адабий тил анъанаси юксак чуққини забт этиб, жаҳон тамаддунида муносиб ўрнини эгаллади. Адабий тил халқимиз маданий савиясининг бир кўзгуси экан, минг йиллик адабий тил анъанаси билан ҳар биримиз фахрлансак арзийди. Унга риоя этиш халққа сўзловчилар, айниқса оммавий ахборот воситалари учун сув ва ҳаводек зарур. Она тилини ҳурмат қилмаган киши нафақат ўзини, балки халқини ҳурмат қилмаган бўлиб чиқади. Жамиятнинг энг фаол қатлами бўлган радио, телевидений ходимлари ўз фаолиятида масъулият билан ёндашиб, тилимизга бўлган муносабатини ўзгартирса, адабий тил анъанаси яна давом этаверади. Нуриддин РАЖАБОВ, Ўзбекистон “Адолат” СДП Навоий вилоят Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

“I... NAVOIY” тилимизга бўлган бефарқликми?

  Бугун мамлакатимизнинг барча ҳудудларида жамоат жойларида, йирик ташкилот ва идораларда ўрнатилган “I “юрак” Uzbekistan”, ёки “I “юрак” Navoiy” ва ҳокозо ёзувларга кенг жамоатчилик ўз муносабатини билдирмоқда. Чиндан ҳам ушбу ёзувларнинг инглиз тилида ёзилиши кўпчиликнинг эътиборини қаратмоқда.    Энг аввало, ушбу ёзувлар жойлаштирилишининг мақсад-моҳияти нимани ифодалайди? Ёки қаердандир кўчириб олиб, шунчаки кишиларнинг эътиборини жалб этиш, расмга тушиш, безак учунми? Тўғри, маҳсулотлар ва кўрсатиладиган хизматлар, йирик банклар ҳақида реклама панноларига кўзимиз тушиб туради. Ҳар қалай бу ёзувлар реклама эмасдир. “I “юрак” Uzbekistan”, ёки “I “юрак”  Navoiy” ўзбекча муқобил варианти “Мен Навоийни”; “Мен Ўзбекистонни” сўзларига тўғри келади. Агар юрак шаклининг мазмун-моҳиятидан ёндашсак, “Мен Навоийни севаман”, “Мен Ўзбекистонни севаман” гаплари келиб чиқади.   Бу инглиз тилидаги сўзларни бир томондан бугунги глобаллашув, юртимизнинг жаҳонга юз тутиши, интернет тармоғининг тоборо кенгайиб бораётганлиги, кўплаб туристларнинг ташрифи билан боғласак, уларга бу ёзувларнинг нима қизиғи бор? Иккинчи томонидан бу ерда адабий тил меъёрларига кўра гап тўлиқ шаклланмаган. Бу на эгасиз гапга, на тўлиқсиз гапга, умуман ўзбек тилидаги гапнинг бирор бир турига мос келмайди. Тилшуносларга маълумки, тилимиздаги ўзлашма қатлам, яъни бошқа тиллардан ўзбек тилига сўзларнинг кириб келиши икки хил йўл билан амалга ошади. Биринчиси, сўз айнан ўзлаштирилади, масалан компьютер, бизнес ва ҳакозо; иккинчиси калкалаб олинади. Калкалаб олишда сўзнинг ўзи эмас унинг маъноси (таржимаси) ўзлаштирилади. Масалан, дарслик (учебник), дунёқараш (мировоззерение) ва бошқа. Яна мавзуга қайтамиз. Ёшлар томонидан “Мен Навоийни севаман”, “Мен Ўзбекистонни севаман” гапларининг инглизча таржимада ёд бўлиб кетиши бир томондан яхши бўлиши мумкин. Яъни, инглиз тилига қизиқиш ва эътиборни оширишдир, балки. Негаки, бугун тил ўрганиш, инглиз тилининг  халқаро мақоми ошиб бораётганлиги, юртимизда хорижий етакчи таълим муассасаларининг филиаллари очилаётганлиги, инглиз тилида ўтилаётган онлайн дарслар бу тилнинг таълим тизимидаги аҳамиятини тобора юксалтирмоқда. Лекин, шу ўринда алоҳида таъкидлаш керакки, ёзувлардаги “I” сўзидан сўнг жойлашган юракнинг рамзи аҳолининг айрим қатлами вакилларини ажаблантираётир. Чунки, бу шаклни кўрганимизда икки ёшнинг бир бирига бўлган севги-муҳаббат образи кўз олдимизда гавдаланади. Энди ўзингиз ўйлаб кўринг. Бу ерда мантиқсизлик бор. Шу жойда гап тўлиқ шакллантирилиб, гапнинг бошига ёки охирига атиргул жойлаштирилганда эди, бошқача бўлар эди. Азал-азалдан гулни халқимиз ҳурмат-эътибор, севги-садоқат, софлик, беғуборлик белгиси сифатида эъзозлаб келади. Баҳорда супасининг олдига гулу райҳонлар эккан ўзбек хонадонини ҳар қадамда учратасиз. Туғилган кунларда, тўйу-ҳашамларда, буюк алломаларимиз, замондошларимиз  пойига турфа рангларда гулдасталар қўйиб, уларга таъзим қиламиз.  Ҳозирда каттагина маблағ эвазига яратилган бу ёзувларни ўзбекча муқобил вариантига ўзгартириш иложи бўлса ҳам молиявий имконият қўшимча харажаатларни талаб этади. Шундай экан инглиз тилида бўлса ҳам “I” сўзидан сўнг гапни тўлиқ шакллантириш ва юрак рамзини атиргулга алмаштириш оз бўлсада осонроқ кечади. Шуни айтиш керакки, миллий тилимиз ўзбек тилининг адабий меъёри ва унинг шевалари халқимизнинг азалий қадриятлари саналади. Миллий ўзликни англаш бевосита тил билан узвий ва ҳамоҳангдир. Чунки ўтган асрларда яратилган ноёб китоблар, эски қўлёзмалар турли хил ёзувларда ёзилган бўлиши мумкин, лекин унинг тили ўзбек тилидир. Шундай экан кенг жамоатчиликка ҳавола этилаётган ташқи ёзувларда тилимизнинг адабий меъёрига бўлган эътиборсизлик, лоқайдлик ёзув бўйича саводхонлигимиз даражасини, тилимизга бўлган муносабатимизни аниқ ва равшан кўрсатиб беради. Шу ўринда Юсуф Хос Ҳожибнинг “Қутадғу билиг”, Маҳмуд Қошғарийнинг “Девони луғатит турк” китобларини келтириб ўтмоқчиман. Мазкур асарлар яратилганини ҳисобга олсак, минг йиллик тарихга эга бўлган кўҳна тилимиз билан ҳар бир юртдошимиз ҳақли маънода фахрланса арзийди. Демак, хулоса Сиздан... Нуриддин РАЖАБОВ, Ўзбекистон “Адолат” СДП Навоий вилоят Кенгаши матбуот котиби   ...

Батафсил
News

Адолатнинг ташаббуси эътиборсиз қолмади

Аҳолининг юксак ҳуқуқий саводхонликка ва ҳуқуқий билимга эга бўлишига, уни кундалик ҳаётда қўллай олишига эришиш жамиятимиздаги устувор вазифалардан саналади. Шу маънода Президентимизнинг яқинда қабул қилинган “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги фармони билан “Юксак ҳуқуқий маданият мамлакат тараққиёти кафолати” деган концептуал ғоя илгари сурилди. Фармон билан жамиятда ҳуқуқий маданиятни юксалтириш концепцияси тасдиқланди. Жамиятда ҳуқуқий онг ва ҳуқуқий маданиятни юксалтириш “шахс оила таълим муассасаси ташкилот жамият” принципи асосида тизимли ва узвий ташил этилиши, аҳоли ўртасида ҳуқуқий маданиятни ошириш бўйича маънавий-маърифий тадбирларни халқимиз тарихи, миллий қадриятларини ўргатиш билан уйғун ҳолда ташкиллаштириш, ҳар бир юртдошимизда давлат рамзлари билан фахрланиш туйғуларини юксалтириш орқали дахлдорлик ҳиссини кучайтириш, ёш авлодга бош қомусимиз - давлатимиз Конституциясининг муҳим жиҳатларини болалагидан бошлаб ўргатиш каби бир қатор асосий вазифалар белгилаб берилди. Ана шу вазифалардан келиб чиқиб, Халқ депутатлари Навоий вилоят Кенгашининг навбатдаги эллик тўртинчи сессиясида Ўзбекистон “Адолат” СДП депутатлик гуруҳи Навоий вилоятининг туман (шаҳар) марказларида “Конституция хиёбони”ни ташкил этиш, унинг марказига Бош қомусимизнинг рамзий монументини ўрнатиш таклифини илгари суришди. Сессия йиғилишида таъкидланганидек, ҳудудларда “Конституция хиёбони аҳоли дам олиш масканларидан бирида ташкил этилиб, унда Олий Мажлис палаталари, суд ҳокимияти, Вазирлар Маҳкамаси ва бошқа давлат органлари ҳақида, шуниндек, фуқароларнинг ҳуқуқ ва мажбуриятлари тўғрисидаги маълумотлар, Конституциямизнинг олти бўлими бўйича меъёрлар ўзбек, рус ва инглиз тилларида замонавий электрон воситаларга жойлаштирилади. Бундай лойиҳанинг дам олиш масканларида ташкил этилиши, энг аввало, ушбу жойларда аҳолининг, ёшларнинг доимий гавжумлиги ва серқатновлиги билан узвий бўлиб, уларнинг эътибори ва қизиқишини оширишга, учрашув ва мулоқотларда, очиқ дарсларда кўргазмали манба бўлади.   - Бу хиёбонлар ҳудудларнинг инновацион ҳуқуқий тарғибот масканига айланади, дейди Ўзбекистон “Адолат” СДП вилоят Кенгаши раиси Р.Хайитов. -Ўриндиқлар ёнига инновацион кўринишга эга бўлган кичик китоб жавонлари ўрнтилса, уларга Ўзбекистон Республикаси Конституцияси ва бошқа қонун ҳужжатлари, аҳолининг ҳуқуқий маданияти юксалтиришга бағишлаб чоп этилган турли хилдаги буклет, флаер, брошюралар жойлаштирилиб, йўлаклар бўйлаб замонавий кўринишдаги радиокарнайлар ва инновацион ёритиш чироқлари ишга туширилса, янада самаралироқ бўлади Йиғилишда бир гуруҳ масъул мутасаддиларга “Конституция хиёбони”ни туман ва шаҳардларда ташкил этиш бўйича чора-тадбирлар режасини тайёрлаш, ўн беш кун муддатда Навоий шаҳрида хиёбон лойиҳасини ишлаб чиқиш вазифалари бириктирилди. Аҳолининг турли қатламлари, шу жумладан тадбиркорлар ва ёшларнинг ахборотга бўлган эҳтиёжини ҳисобга олиб, ҳуқуқий тарғиботнинг замонавий усулларини жорий этиш, аҳолини қонунчиликнинг моҳияти тўғрисида хабардор этишнинг сифат тизимини тубдан яхшилаш атрофлича муҳокама қилиниб, бунда кенг жамоатчилик фикрини ўрганиш, таҳлил қилиш ва таклифлар тайёрлаш тавсия этилди.   Видеоселектор тарзида ўтган йиғилишда энг қувонарлиси шу бўлдики, мазкур ташаббус Халқ депутатлари барча туман ва шаҳар Кенгашларининг навбатдаги сессиялари кун тартибига қўйилиб, муҳокама қилинди. Жорий йилнинг 1 сентябрига қадар барча туман ва шаҳарларда “Конституция хиёбон”ини барпо этиш топшириғи берилди.  Келгусида, депутатлар томонидан амалга оширилган ишлар ҳақида ижтимоий маданий ривожланиш, ёшлар сиёсати ва соғлом авлодни тарбиялаш масалалари доимий комиссиясига маълумот бериб бориш ва таъсирчан депутатлик назоратини ўрнатишга келишиб олинди. Нуриддин РАЖАБОВ, Навоий вилоят кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Болалар марказларида моддий-техник база эскирган халқ таълими бўлими фаолияти қониқарлими?

Халқимиз турмуш фаровонлигини ошириш, қишлоқ ва маҳаллаларда яшаётган аҳолини ташвишга солаётган мавжуд муаммоларни бартараф этиш, халқ билан доимий мулоқот олиб бориш барча даражадаги раҳбар ходимларнинг, жамоат ташкилотлари вакилларининг ҳам устувор вазифасига айланган. Бу борада фуқароларнинг талаб ва таклифлари асосида жойларда партия гуруҳлари томонидан ўтказилган таҳлилий-танқидий ўрганишлар натижаси доимий комиссиялар йиғилишида муҳокама қилиниб, маҳаллий Кенгаш сессиялари кун тартибига масала сифатида олиб чиқилаётир. Халқ депутатлари Навоий вилояти Кенгашидаги Ўзбекистон “Адолат” СДП депутатлик гуруҳи ҳам партиянинг лойиҳалари асосида жойларда ўтказилган ўрганишларда қайд этилган муаммоларни ҳал этиш мақсадида сессиялар муҳокамасига масала киритишга ҳаракат қилиб, муайян натижаларга эришмоқда. Ушбу депутатлик гуруҳи томонидан жорий йилда вилоятдаги “Баркамол авлод” болалар марказлари фаолиятини ўрганиш ҳамда аҳоли билан бўлган юзма-юз мулоқотлар натижасида қайд этилган муаммоларга доир масала халқ депутатлари вилоят Кенгаши сессиясида атрофлича кўриб чиқилди. Мажлисда таъкидланганидек, бугунги кунда вилоятда 11 та “Баркамол авлод” болалар марказлари мавжуд бўлиб, уларнинг моддий-техник базаси эскириб қолганлиги боис замонавий талабларга жавоб бермаяпти. Марказ биноларини таъмирлаш, ўқув, мебель жиҳозлари ҳамда компьютер жамланмалари билан таъминлаш долзарб аҳамиятга эга. Мазкур соҳада йиғилиб қолган муаммоларни бартараф этишга биринчи навбатда масъул бўлган халқ таълими тизимининг бу борадаги фаолияти қониқарсиз эканлиги жиддий танқид остига олинди. Шу маънода масъул мутасаддиларга таклифлар киритиш зарурлиги таъкидланиб, ижро юзасидан депутатлик назорати ўрнатилди. Томди, Учқудуқ, Нурота, Конимех туманлари олис чўл ҳудудлари ҳисобланади. Партия депутатлик гуруҳи аъзоларининг ўрганишларида давлатимиз раҳбарининг 2017 йил 25 апрелдаги “Навоий вилоятининг олис чўл туманлари аҳолиси турмуш даражасини янада оширишга доир қўшимча чора-тадбирлар тўғрисида”ги ПҚ-2925-сонли қарори ижросига алоҳида эътибор қаратилди. Халқ депутатлари вилоят Кенгашининг ушбу сессиясида олис чўл туманларида таълим тизимини малакали кадрлар билан таъминлаш, микрокредитлар ажратиш, аҳолининг ижтимоий ҳимояси, маиший хизмат кўрсатиш объектлари фаолиятини яхшилаш каби масалалар атрофлича таҳлил қилинди. Президентимизнинг мазкур қарорига асосан олис чўл туманларида доимий яшовчи оилаларга ўзининг томорқа хўжалигида тадбиркорлик фаолиятини амалга оширишлари учун банк муассасалари томонидан имтиёзли микрокредитлар ажратиш мақсадга мувофиқлиги таъкидланди. Тегишли мутасадди раҳбарларга мазкур туманлардаги бюджет ташкилотларининг юқори малакали кадрлар ҳамда мутахассисларга бўлган эҳтиёжларини тизимли равишда ўз вақтида аниқлаш ва зарур чора-тадбирлар кўриш вазифаси белгилаб қўйилди. Сессияда қабул қилинган қарорга мувофиқ, мутасадди ташкилотлар раҳбарларига туман (шаҳар) ҳокимликлари билан биргаликда “Баркамол авлод” болалар марказларида педагог кадрларнинг салоҳиятини ошириш, ўқув-тарбиявий, маънавий-маърифий ва услубий ишларни ташкил этиш, марказ фаолиятига доир ҳужжатларни юритиш, ўқувчиларни қизиқишларига қараб тўгаракларга жалб этиш, иқтидорли ўқувчиларни қўллаб-қувватлаш бўйича алоҳида манзилли “йўл харитаси” ишлаб чиқиш вазифаси топширилди. Нуриддин РАЖАБОВ, Навоий вилоят кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Партия позициясини мустаҳкамлаш масалалари кун тартибида

Бугун Навоий вилоятида “Сиёсий жараёнларда Ўзбекистон “Адолат” СДП позицияларини мустаҳкамлашнинг долзарб масалалари” мавзусида семинар бўлиб ўтди. Тадбир Ўзбекистон “Адолат” СДП Сиёсий Кенгаши ташаббуси билан ташкил этилиб, унда вилоят, туман ва шаҳар партия Кенгашлари раислари, партиядан сайланган депутатлар ва партия фаоллари иштирок этди. Семинарнинг мақсади мамлакатимизда олиб борилаётган оқилона ислоҳотларда, демократик ўзгариш ва янгиланишларда фаол иштирок этиш ҳамда партия фаоллари, заҳирадаги депутатликка номзодларнинг ҳуқуқий онги ва ҳуқуқий маданиятини юксалтиришда олдинда турган долзарб вазифаларни белгилаб олишга қаратилди. Тадбирни Ўзбекистон “Адолат” СДП вилоят Кенгаши раиси  Р.Хайитов кириш сўзи билан очиб, “Аҳолининг ҳуқуқий саводхонлигини юксалтиришда пиар технологиялардан фойдаланиш тўғрисида” маъруза қилди. Таъкидланганидек, бу йил Олий Мажлис Қонунчилик палатаси ва Халқ депутатлари вилоят, туман ва шаҳар Кенгашларига ўтказиладиган сайловлар янги қабул қилинган Сайлов кодекси асосида барча соҳа ва тармоқларда амалга оширилган туб ислоҳотлар, янги ғоялар ва хилма хил фикрлар муҳитида бўлиб ўтади. Мазкур компанияда партиямизнинг ўрни ва ролини кучайтириб бориш, бунда партия фаолларининг биринчи навбатда ҳуқуқий онги ва саводхонлигини юксалтириш, муҳокама қилинаётган норматив ҳуқуқий ҳужжатлар лойиҳаларида фаол иштирокини таъминлаш, таклиф ва тавсияларни қуйи тизимдан олишни шакллантириш муҳим аҳамият касб этади. Бу борада Президентимизнинг “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги фармони билан тасдиқланган “Жамиятда ҳуқуқий маданиятни юксалтириш концепцияси” дастуриламал ҳужжатдир.  “Жамиятда қонунларга ҳурмат руҳини қарор топтириш демократик ҳуқуқий давлат қуришнинг гаровидир!” деган ҳаётий ғоя бугун партиямизнинг устувор вазифасига айланган, - дейди  Р.Хайитов. Йиғилишда аҳоли, айниқса ёш авлодда ҳуқуқбузарликларга нисбатан муросасизлик муносабатни шакллантириш, таълим тизимида, энг аввало мактабгача таълимдан бошлаб ёш авлод онгига ҳалоллик, поклик, бурч ва садоқат, одоб ахлоқ меъёрларини чуқур сингдириб бориш, Конституция ва қонунларнинг билимдони этиб тарбиялаш ва уни ҳаётда қўллай олишига эришиш ғоят масъулиятли вазифа эканлиги айтилди. Ҳозирда партия томонидан ушбу йўналишда олиб борилаётган лойиҳаларда мавжуд имкониятлардан тўлиқ фойдаланиш, партия аъзоларини, уюшмаган ёшларни кенгроқ жалб этиш, уларни қизиқтирадиган масалаларни белгилаб, янги лойиҳаларни илгари суриш зарур. Ушбу масалада доимий равишда аҳолининг ижтимоий қатлами фикрларини ўрганиб, таҳлил қилиб бориш лозим. Семинарда жорий йил бўлиб ўтадиган сайловларга пухта тайёргарлик кўриш, замонавий ташвиқот воситалари билан ишлаш, сайловчилар билан ўтказиладиган учрашув ва мулоқотларда партиянинг позияциясини қонун ижодкорлиги ва ижтимоий, социал соҳалар мисолида аниқ ва равшан кўрсатиб бериш уларнинг ишончи ва қизиқиши ошишига хизмат қилиши таъкидланди. - Гендер тенглиги принципи ҳамда хотин-қизлар масаласи давлат сиёсатига кўтарилган бир шароитда партия томонидан номзодларни шакллантиришда қирқ фоизини аёллар ташкил этишига алоҳида эътибор бериш керак, - дейди Ўзбекистон “Адолат” СДП Сиёсий Кенгаши раиси ўринбосари Ф.Ишанкулов. – Аҳоли билан жойларда бўладиган учрашув ва мулоқотларда номзодларни таништириб боришимиз, туман, шаҳарнинг ижтисослашуви, соҳа ва тармоқлари ҳақидаги маълумотлар билан уларни таъминлашимиз зарур. Семинар давомида кучли нотиқликка эга бўлган партия фаоллари ўқувини ташкил этиш, бошланғич партия ташкилотлари фаоллигини ошириш орқали сайловларда қатнашадиган партия кузатувчиларини айнан энг қуйи тизимдан шакллантириб бориш, кейинги беш йилга мўлжалланган янги сайловолди плтаформага таклифларни умумлаштириш масалалари атрофлича муҳокама этилди. Жонли мулоқот руҳида кечган йиғилиш якунида иштирокчилар ўзларини қизиқтирган саволларга жавоблар олиб, кун тартибидаги масалалар юзасидан тегишли кўрсатмалар берилди.     Нуриддин РАЖАБОВ, Ўзбекистон “Адолат” СДП Навоий вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Ахборот хизматлари қандай бўлиши керак?

Жамиятнинг давлат органлари билан ўзаро муносабатини таъминлашда оммавий ахборот воситаларининг очиқлиги, ошкоралиги, эркинлиги муҳим аҳамиятга эга. Ахборот хуружларига қарши тура оладиган, ҳар қандай иллатларга жавобан жамоатчилик ўртасида муросасиз муҳитни шакллантира оладиган миллий медиа маконни яратиш ҳар томонлама долзарблик касб этмоқда. Аҳолига қабул қилинаётган ислоҳотларнинг моҳияти, давлат ҳокимияти органлари томонидан ижро этилиши ва унинг натижаси ҳақида тезкор, холис ва тўлиқ ахборот етказиш ОАВни сифат жиҳатдан янги босқичга ўтишини тақозо этаётир. Ана шу мақсад ва вазифаларни амалга оширишда Президентимизнинг яқинда қабул қилинган “Оммавий ахборот воситалари мустақиллигини таъминлаш ҳамда давлат органлари ва ташкилотлари ахборот хизматлари фаолиятини ривожлантириш бўйича қўшимча чора тадбирлар тўғрисида”ги қарори муҳим дастуриламал ҳужжат бўлди. Қарорда давлат органлари фаолияти ҳақида аҳолига мунтазам, тўлиқ ва тезкор ахборот тақдим этиб бориш, ижтимоий сўровлар ўтказиш орқали жамоатчилик фикрини ўрганиш, ахборот хуружларига тезкор муносабат билдириш ахборот хизматларининг устувор вазифалари этиб белгиланган. Бу албатта, оммавий ахборот воситалари томонидан давлат ташкилотининг веб-ресурсларидан аниқ маълумот олиб уни тарқатишда, қолаверса, аҳоли, ёшларнинг тўғридан тўғри интернет тармоғига кириши орқали ахборот олишида аниқ ва тезкор тизим шаклланишига хизмат қилади. Мазкур ҳужжатда яна бир муҳим вазифа - норматив-ҳуқуқий ҳужжатлар лойиҳаларини муҳокама қилишда кенг аҳоли қатламларининг иштирокини таъминлаш ўртага ташланган. Бу эса аҳолининг юксак ҳуқуқий саводхонликка эга бўлиши ва уни ҳаётда қўллай олиши, қабул қилинаётган қарорларнинг бевосита иштирокчисига айланиши билан аҳамиятлидир. Ушбу қарордаги энг муҳим янгиликлардан бири шуки, 2019 йилнинг 1 октябридан бошлаб, болалар адабиёти, ногиронлиги бўлган шахслар учун мўлжалланган китоб маҳсулотлари чоп этишга ихтисослашган нашриётлар ноширлик фаолиятини амалга оширишга лицензия учун давлат божи тўлашдан тўлиқ озод этилмоқда. Бу партиямизнинг ижтимоий адолат принциплари билан узвий ва ҳамоҳанг бўлиб, ёш авлоднинг ҳар томонлама комил ва баркмол инсон бўлиб етишида, ижтимоий нотенгликка мутлақо ўрин бермасликка, ҳаётда ўз ўринини топишига ундайди.  Хулоса қилиб айтганда, ушбу тарихий ҳужжат ахборот хизматлари ва оммавий ахборот воситалари ўртасида туб бурилиш ясаб, ҳаққонийлик ва холислик тамойилларига асосланган турли баҳс ва тортишувларни қамраб олган миллий ахборот маконини янги босқичга кўтариши шубҳасиз. Нуриддин РАЖАБОВ, Ўзбекистон “Адолат” СДП Навоий вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!