НАВОИЙ

Манзил: Навоий шаҳар, Навоий кўчаси, 43"а"-уй

Телефон: (36) 224-90-31, 224-34-85

Электрон манзил:  adolat-navoiy@inbox.uz

Янгиликлар
News

Сафдошимиз Ўзбекистон Белбоғли кураш федерацияси Навоий вилоят бўлими раиси этиб сайланди

Бугун юртимизда спортнинг барча турлари каби Белбоғли кураш спорт тури ҳам жадаллик билан оммалашмоқда. Буни сўнги йилларда ушбу спот тури билан шуғулланувчи ёшлар сафи ортганлиги ва халқаро мусобақаларда эришилган ютуқлар сонидан ҳам билиш мумкин. Шуниндек, сўнги вақтларда мазкур спорт тури билан мамлакатимизнинг барча гўшаларида ёшларнинг шуғулланишлари учун имкониятлар яратиш мақсадида ҳам бир қатор амалий ишлар қилинмоқда. Жумладан, Ўзбекистон Белбоғли кураш федерациясининг 2019 йил 16 мартдаги йиғилишида ташкилий масала кўрилди. Йиғилишда Ўзбекистон Белбоғли кураш федерацияси Навоий вилоят бўлими раиси этиб Ўзбекистон “Адолат” СДП вилоят Кенгаши раиси Хайитов Рустам Бурхонович сайланди. Шу ўринда айтиб ўтиш жоизки, сўнги йилларда парти ва Белбоғли кураш федерацияси ўртасида имзоланган мемарандум доирасида ҳам бир қатор амалий ишлар қилинмоқда. Ўзбекистон “Адолат” СДП Матбуот хизмати ...

Батафсил
News

17 та депутатлик сўровининг нечтасига ижобий жавоб қайтарилди

Ўзбекистон “Адолат” СДП Сайловолди дастурида адолатлилик, барчанинг қонун олдида тенглиги, фуқароларнинг ҳуқуқлари, эркинликлари ва қонуний манфаатларини ҳимоя қилиш партиядан сайланадиган депутатлар фаолиятининг асосий ва бош мақсади эканлиги эътироф этилган. Буни яхши англаган халқ депутатлари Навоий вилоят депуталик гуруҳи аъзолари Ўзбекистон “Адолат” СДПнинг Сайловолди дастури ва уставида белгиланган вазифалардан келиб чиқиб фаолият олиб боришмоқда. Хусусан, вилоят депутатлик гуруҳининг ҳар бир аъзоси турли таклиф ва ташаббусларни илгари сураётганликлари эътиборга молик. Ўзбекистон Республикаси “Халқ депутатлари вилоят, туман ва шаҳар Кенгаши депутатининг мақоми тўғрисида”ги қонунининг 8-моддаси ижросини таъминлаш мақсадида, жорий йилнинг биринчи чорагида жумладан, давлат ҳокимияти ва бошқаруви органларининг мансабдор шахсларига 17 та депутатлик сўровини сайловчилар мурожаатлари асосида юборишга мувоффақ бўлишди. Юборилган депутатлик сўровларининг 5 таси ижобий ечимини топди. Жумладан, 2019 йил Навоий вилоятидаги бир қатор мактаб ва мактабгача таълим муассасаларида тиббий ёрдам кўрсатиш ҳолатини яхшилаш, ички йўлларни ободонлаштириш, асфальтлаштириш, ичимлик суви билан таъминлаш, ёшларни ишга жойлаштириш ва бошқа шу каби муҳим масалалар ҳолати депутатлик гуруҳи аъзолари томонидан ўрганилиб, тегишли корхона ва ташкилотларга депутатилик сўровлари юборилиб, уларга ижобий ечим топишга эришилди. Депутат қабулхонасига сайловчилар ва ҳудуд аҳолисидан асосан уй-жой, тадбиркорлик фаолияти, турли хилдаги олди-сотди шартномалари, коммунал хизмат соҳасидаги муаммолар бўйича бир нечта мурожаатлар келиб тушган. Жумладан, Хатирчи туманидаги “Майдон” МФЙ ҳудудидаги 63-умумтаълим мактаби спорт майдончасини таъмирлаш тўғрисидаги мурожаатга асосан Навоий вилоят Кенгаши депутати М.Алиқулов томонидан туман ҳокимига депутатлик сўрови юборилиши натижасида мазкур спорт майдончасини таъмирлаш туманнинг 2019 йилги давлат дастурига киритилиши маълум қилинди.  Кармана туманидаги “Хончаорбоғ” МФЙда яшовчи М.Нуруллаева, “Айрончи” МФЙ яшовчи Д. Рахимовалар Навоий вилоят Кенгаши депутати Г.Сатторовага ишга кириш истагини билдириб мурожаат этган. Депутат томонидан Кармана туман бандликка кўмаклашиш маркази директори М.Шариповага депутатлик сўрови чиқарилиб, фуқаролар мутахассисликлари бўйича ишга жойлаштирилди. — Депутатлик гуруҳимиз аъзолари зиммаларидаги масъулятни теран англаган ҳолда сайловчилардан келиб тушаётган ҳар бир хат ва шикоятни ўз вақтида ижобий ҳал этишга интилмоқдалар,— дейди депутатлик гуруҳи раҳбари Юсуф Маликов. Қолаверса, депутатлик гуруҳимиз томонидан бугунги куннинг долзарб муаммоларига ҳам алоҳида эътибор қаратиляпти. Хусусан, тадбирларда шунчаки маърузабозликдан чекиниб, интерфаол услублардан, мавзуга доир слайд ва видео филмлардан фойдаланилганлиги боис уларнинг таъсирчанлиги юқори бўлиши таъминланмоқда. Бундай тадбирлар иштирокчилари мавзулар юзасидан ўзларини қизиқтирган саволларга жавоб олиш баробарида, ўз таклиф-мулоҳазаларни ҳам билдиришмоқда. Садоқат ШАМСИЕВА, Ўзбекистон “Адолат” СДП Навоий вилояти Кенгаши матбуот котиби Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Депутат халқ орасида: ўрганишлар халқ манфаатларига хизмат қиляпти

  Олий Мажлис Қонунчилик палатаси депутати Зафар Султонов Нурота туманида бўлиб, ҳудудда ислоҳотларнинг ҳаётга татбиқ этилиши, яратилган шароитлар, мавжуд камчиликлар ҳолатини ўрганди. Ўрганишлар давомида ҳар бир муаммонинг амалий ечимини имкон қадар тезкорлик билан ҳал этиш учун тегишли ташкилотлар билан боғланди. — Ўрганишлар мамлакатимизда ислоҳотларнинг янги босқичида амалга оширилаётган кенг кўламли амалий ишлар ва чора-тадбирлар ижобий самара бераётганлигини кўрсатмоқда,– дейди депутат Зафар Султонов.– Қонунчилик палатаси депутатларининг бевосита жойларда фаолият юритиши амалиётининг жорий этилганлиги маҳаллий Кенгашилар депутатларининг ҳам фаолиятини жонлантириб, давлат бошқаруви тизими ҳамда мутасадди ташкилотлар раҳбарлари масъулиятини оширмоқда. Лекин ўрганишларимиз Нурота туманида ҳам ечимини кутаётган муаммолар етарли эканлигини кўрсатмоқда,— дея таъкидлади. Ўрганишлар давомида депутат Нурота туманидаги “Миришкор”, “Ибн Сино” ҳамда “Алишер Навоий” маҳалласида аҳоли хонадонлари табиий газ билан таъминланмаганлиги, маҳалла ҳудудида доимий ичимлик суви таъминоти йўлга қуйилмаганлигининг гувоҳи бўлди. “А.Навоий” МФЙнинг аҳоли сони камлиги сабабли (1246 нафар) “Миришкор” МФЙда аҳоли сони кўплигини инобатга олган ҳолда уларнинг бир қисмини “А.Навоий” МФЙга қўшиб бериш тўғрисида Нурота туман ҳокими Ж.Ҳамроев билан учрашиб, муаммони бартараф этиш юзасидан вилоят молия бошқармасига сўров билан мурожаат қилди. Депутатнинг ҳудуддаги ўрганишлари давом этмоқда. Садоқат ШАМСИЕВА, Ўзбекистон “Адолат” СДП Навоий вилояти Кенгаши матбуот котиби ...

Батафсил
News

Ўралбуви Нормуродова кўрик-танловнинг республика босқичида иштирок этади

  Ўзбекистон “Адолат” СДП Навоий вилоят Кенгаши “Аёллар қаноти” томонидан ташкил этилган “Йилнинг энг фаол адолатчи аёли” Республика кўрик-танловининг асосий мақсади Ўзбекистон “Адолат” СДПга аъзо бўлган фаол, ташаббускор, жамоа ва оилада намуна кўрсата оладиган аёлларни аниқлаш, уларни рағбатлантириш ҳамда ижтимоий-сиёсий фаоллигини оширишдан иборат. Ташкил этилган тадбирда танловнинг шаҳар, туман босқичларида ғолибликни қўлга киритган иштирокчилар, партия ходимлари, маҳаллий Кенгаш депутатлари ҳамда жамоат ташкилотлари вакиллари иштирок этишди. Кўрик-танловни партиянинг вилоят Кенгаши раиси Рустам Хайитов очиб берди, иштирокчиларни танлов Низоми ва қоидалари билан яна бир бор таништириб ўтди. Танлов, аёлларнинг ташаббускорлиги, ғоявий ва мафкуравий жиҳатдан дунёқараши мустаҳкамлиги, сиёсий саводхонлиги, амалга оширган лойиҳалари, ўрнатган ҳамкорлик ишлари, жамоатчилик томонидан кенг эътироф этилишига оид маълумотларини таҳлил этиш, саралаш ва баҳолаш асосида амалга оширилди. Кўрик-танлов очиқлик, ошкоралик, рақобат тамойиллари асосида ўтказилди. Кўрик-танлов якуний натижаларига кўра Конимех тумани иштирокчиси Нилуфар Долмуродова 3-ўринни, Навбаҳор тумани иштирокчиси Элмира Бобонорова 2-ўринни барча шартлар бўйича юқори балл олган Навоий шаҳаридан иштирок этган Ўралбуви Нормуродова фахрли биринчи ўринни эгаллаб кўрик-танловнинг республика босқичига йўлланмани қўлга киритди. Кўрик-танлов якунида иштирокчилар Ўзбекистон “Адолат” СДП вилоят Кенгашининг диплом ва эсдалик совғалари билан тақдирландилар. Садоқат ШАМСИЕВА, Ўзбекистон “Адолат” СДП Навоий вилояти Кенгаши матбуот котиби ...

Батафсил
News

Пленумдан — пленумгача: устувор вазифалар муҳокамаси

  Ўзбекистон “Адолат” СДП Навоий вилоят Кенгашининг навбатдаги Пленуми бўлиб ўтди. Унда Ўзбекистон “Адолат” СДП Сиёсий Кенгаши раиси ўринбосари Фарҳод Ишанкулов хамда вилоят партия Кенгаши аъзолари, ҳудудий партия Кенгашлари раислари ва халқ депутатлари маҳаллий Кенгашларидаги депутатлик гуруҳлари аъзолари, партия экспертлари, ОАВ вакиллари иштирок этди. Йиғилишда партиянинг барча даражадаги тузилмалари ва депутатлик корпусининг 2018 йилда амалга оширган ишлари, эришилган ютуқлар баробарида йўл қўйилган камчиликлар танқидий-таҳлилий нуқтаи-назардан кўриб чиқилиб, 2019 йилдаги фаолиятнинг асосий йўналишлари ҳамда партия фаолиятига доир бошқа масалалар муҳокама қилинди. Пленумда Ўзбекистон “Адолат” СДП Навоий вилоят Кенгашининг 2018 йилдаги фаолияти ва 2019 йилдаги устувор вазифалари юзасидан партия вилоят Кенгаш раиси Рустам Ҳайитовнинг маърузаси тингланди. Рустам Ҳайитов таъкидлаб ўтганидек, 2018 йилда партия Сайловолди дастури ҳамда “Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастурида белгилаб берилган устувор вазифлардан келиб чиқиб, электорат ва аҳолининг кенг қатлами билан йўлга қўйилган самарали механизмлар асосида кенг мулоқот олиб борилди. Жорий йил бошидан партиянинг вилоят туман ва шаҳар Кенгашларида тузилган партия фаоллари ҳамда маҳаллий кенгашлар депутатларидан иборат ишчи гуруҳлари томонидан аниқланган камчилик ва муаммолар юзасидан маҳаллий кенгашлардаги депутатлик корпуслари орқали депутатлик сўровлари чиқариш, доимий комиссиялар ва халқ депутатлари маҳаллий кенгашлари сессиялари муҳокамасига масалалар киритиш, мансабдор шахсларнинг эшитувини ташкил этиш каби амалий ишлар орқали сайловчилар манфаатларини ҳимоя қилиш зарурлиги қайд этилди. Хусусан, халқ билан юзма-юз мулоқот ўрнатиш мақсадида “Адолат – қонун устуворлигида” лойиҳаси доирасида партиянинг барча туман, шаҳар Кенгашларида фаоллар ва депутатлар томонидан мунтазам равишда маҳаллаларда халқ билан юзма-юз мулоқотлар олиб борилди. Вилоят бўйича 307 та маҳалладаги 8107 та хонадон ва 427 та хўжалик юритувчи субъектга ташриф буюрилди. Учрашувлар мобайнида аҳоли томонидан билдирилган 1982 та мурожаат асосида мутасадди ташкилотларга юборилган 392 та депутатлик сўровининг 142 таси ижобий ҳал этилди. Қолган мурожаатлар бўйича ҳуқуқий маслаҳатлар берилди. Шу билан бирга, партия тизимида фуқаролар, сайловчилар ва электорат билан очиқ мулоқотни йўлга қўйишнинг янги самарали механизми сифатида партия вилоят Кенгашида ташкил этилган “Адолат қабулхонаси” ишида депутатлик корпусининг фаол иштирокини таъминлаш масаласи иштирокчилар диққат-эътиборида бўлди. Ҳисобот даврида сайловолди дастурида белгиланган вазифалар ижросини таъминлаш ва сайловчиларга берилган ваъдаларни бажариш мақсадида депутатлик гуруҳлари томонидан Кенгашлар сессияларига 35 та, шундан 4 вилоят сесиясига, 31 туман, шаҳар Кенгашлари сессияларига масала киритилиб тегишли қарорлар қабул қилинишига эришилди. Пленумда “Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастури ижросида Ўзбекистон “Адолат” СДПнинг иштироки масаласи ҳам атрофлича муҳокама этилиб, шу мақсадда партиянинг вилоятдаги барча тузилмалари, депутатлик гуруҳлари ва фаолларининг куч ва имкониятларини сафарбар қилишга доир таклифлар илгари сурилди. Пленум якунида 2017-2021 йилларда Ўзбекистон Республикасини ривожлантиришнинг бешта устувор йўналишлари бўйича Ҳаракатлар стратегияси асосида Ўзбекистон “Адолат” СДПнинг 2019 йилдаги фаолиятининг асосий йўналишлари белгиланди. Муҳокама этилган барча масалалар юзасидан тегишли қарорлар қабул қилинди. Садоқат ШАМСИЕВА, Ўзбекистон “Адолат” СДП Навоий вилоят Кенгаши матбуот котиби ...

Батафсил
News

Депутат ташрифини кутган кўчалар

  Ўзбекистон “Адолат” СДП Кармана туман Кенгашида тузилган ишчи гуруҳи томонидан “Арабхона” МФЙда партиянинг “Адолат – қонун устуворлигида” лойиҳаси доирасида маҳалла фуқаролари билан юзма-юз мулоқот олиб борилди. “Арабхона” МФЙ ҳудудида жойлашган 23 та хонадонга ташриф буюрган ишчи гуруҳ 18 нафар фуқароларга кичик бизнес ва тадбиркорлик билан шуғулланиш, банклардан имтиёзли кредитлар олиш орқали қўшимча даромадларга эга бўлиш юзасидан тушунтириш ва тарғибот ишларини олиб боришди. “Арабхона” МФЙ “Бободеҳқон” кўчасида яшовчи фуқаро Райимов Олимжон маҳалла ҳудудида жойлашган қабристонни ободонлаштиришда, Назаров Нурим кўчага ичимлик суви ўтказиш тўғрисида амалий ёрдам сўради. Мурожаатлар асосида туман Кенгаши депутати А. Қулмуродов Кармана туман “Сувоқава” ДУ бўлими бошлиғи Б. Тошовга депутатлик сўрови юборди. Шунингдек, ёғингарчилик вақтларида йўлнинг айрим жойларида ҳосил бўлувчи кўлмакларни йўқотиш мақсадида ишчи гуруҳ ва МФЙ раиси А.Бўроновларнинг ташаббуси билан йўлнинг ёмон жойларига шағал ташланиб текисланди. Лойиҳа доирасида олиб борилган ўрганишлар натижасида аҳолини қийнаб келаётган бир қатор муаммолар ўз ечимини топмоқда. Абдуваҳоб САДИРОВ, Ўзбекистон “Адолат” СДП Навоий вилоят Кенгаши раис ўринбосари ...

Батафсил
News

Депутат халқ орасида: депутат учрашуви аҳоли манфаатлари учун хизмат қилади

  Халқ билан мулоқот олиб бориш жараёнида улар муаммоларининг амалий ечимини топиш ҳар бир депутатнинг фаолият мезонидир. Жойларда ўрганишлар олиб бораётган Олий Мажлис қонунчилик палатаси депутатлари ҳам айни мана шу масъулиятдан келиб чиққан ҳолда фуқаро мурожаатларини ўрганишмоқда. Улар юзасидан тегишли ташкилот ходимлари билан боғланиб, жойида ҳал этиб берилишида кўмаклашмоқда. Жумладан, 38-“Нурота” сайлов округидан сайланган Олий Мажлис Қонунчилик палатаси депутати Зафар Султонов ҳам. Депутат Нурота туман “Ғазғон” МФЙ ҳудудидаги касб-ҳунар коллежи фаоллар залида сайловчилари билан учрашув ўтказди. Депутат томонидан фуқаролардан тушган мурожаатлар билан ишлаш, айниқса, аҳолини табиий газ, электр энергияси ва тоза ичимлик суви билан таъминланганлик аҳволи, пенсия, нафақаларнинг ўз вақтида берилиши муҳим масалалардан эканлиги таъкидланди. Шу билан бирга туманда таълим ҳамда тиббиёт тизимини ҳар жиҳатдан сифатли таъминлаш билан боғлиқ фикрлар билдирилди. Учрашувда аҳоли томонидан “Ғазғон” МФЙда маданият маркази қуриш, маҳалла ҳудудида чиқиндилар ташлаш учун жойларнинг мавжуд эмаслиги, кутубхона ташкил этиш, 56-сон умумтаълим мактабида спорт залига зарурият борлиги айтиб ўтилди. Тўғри, балки бу оддий ва ечими мавжуд муаммодир. Аммо ана шу “оддий” бўлиб кўринадиган муаммолар эса ҳалигача ўз ечимини кутмоқда. Депутат муаммоларни батафсил ўрганиб, уларнинг амалий ечимлари хусусида мутассадди ташкилот ходимларига алоҳида эътироз билдирди ҳамда уларнинг олдини олиш мақсадида таклифлар айтиб ўтди. Албатта, учрашувлар давомида ҳудудлардаги атиги битта муаммо ечилса ҳам бошқа бир қатор камчиликлар ўз-ўзидан ечилиб борилади. Депутатнинг олдида турган мақсади ҳам шунда – аҳоли манфаатлари учун астойдил хизмат қилиб, уларга кўмаклашишдир ҳамда муҳими, муаммоларнинг амалий ечимларига аҳамият қаратиб боришдир. Садоқат ШАМСИЕВА, Ўзбекистон “Адолат” СДП Навоий вилоят Кенгаши матбуот котиби ...

Батафсил
News

Бебаҳо неъматнинг буюк қадри

    Инсоннинг энг яқин дўсти китобдир. Интернет туфайли ёшларда китоб ўқишга бўлган эътибор камайди, деган фикрга қўшилмайман. Биринчидан, китоб ўқимайдиган инсонлар ҳар даврда бўлган. Бугунги кунда эса интернет ва ундаги ижтимоий тармоқларга ружу қўйган кўплаб ёшлар ўзлари билмаган ҳолда вақтларини мазмунсиз ўтказишмоқда. Китоб ўқиш аввало, оиладан бошланади. Бир ҳамкасбим болани китобга жалб қилишннг қизиқарли усулини мен билан ўртоқлашди: — Уйимизда мўъжазгина кутубхонамиз бор. Фарзандларимиз Х.Тўхтабоевнинг “Сариқ девни миниб” асарини қўлдан қўймай ўқийди. Мен уларга қизиқ ҳикоялар, шеърлар ўқиш жараёнида қаҳрамонларга ўзларини исмларини қўяман. Табиийки, фарзандларимда китобга нисбатан меҳр уйғонади, дейди у. Бизнинг таълим муассасамизда ҳам китобсевар ўқувчилар жуда кўп. Улар бу соҳада турли танловларда қатнашиб, ўз билимларини намойиш этиб келмоқдалар. Шундай экан бир гуруҳ ёшлар билан туманимиздаги 23-сонли умумий ўрта таълим мактабимизда “Даҳоларнинг ёш авлодга башорати” мавзусида тадбир ўтказдим. Бу тадбирда Беруний, Амир Темур, Алишер Навоий, Улуғбек каби буюк сиймолар гавдалантирилиб, уларнинг китоб мутолааси, китобхонлик ҳақидаги фикрлари талқин этилди. Бундай тадбирлар китоб ва китобхонликни тарғиб этишда энг яхши самарали усуллардан саналади. Мен узтоз сифатида айта олишим мумкинки, маънавий – ижтимоий барқарорликка етакловчи, яхши тарбия учун кенг йўл очиб берувчи бебаҳо неъмат бу — буюк даҳоларимизнинг бизларга қолдириб кетган китобларидир. Авера РАХМАТОВА, Халқ депутатлари Қизилтепа туман Кенгаши депутати ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!