СУРХОНДАРЁ

Манзил: Термиз шаҳри, Ат-Термизий кўчаси, 19 а-уй

Телефон: (76) 223-34-67, 224-34-68

Электрон манзил: surxondaryo.adolat@mail.ru

Янгиликлар
News

Депутат халқ орасида: муаммоларнинг ечими депутат назоратига олинди

Хабар берилганидек, Олий Мажлис Қонунчилик палатаси Спикери ўринбосари, Ўзбекистон “Адолат” СДП фракцияси раҳбари Наримон Умаров бошчилигидаги ишчи гуруҳ Узун туманида бўлиб, ҳудудда ислоҳотларнинг ҳаётга татбиқ этилиши, яратилган шароитлар, мавжуд камчиликлар ҳолатини ўрганмоқда. Ўрганишлар давомида ҳар бир муаммонинг амалий ечимини имкон қадар тезкорлик билан ҳал этиш учун тегишли ташкилот ходимлари билан боғланиб, муаммоларни жойида ҳал этилишига эришилмоқда. Хусусан, депутат Наримон Умаров тумандаги “Наврўз” МФЙда сайёр қабул ўтказди. Мазкур маҳаллада бўлиб ўтган фуқаролар билан юзма-юз мулоқотлар жараёнида депутатга фуқаролардан мурожаатлар бўлди. Мурожаатчилар асосан, электр энергиясининг тез-тез ўчиши, маҳалладаги электр симёғочлари ўз хизмат муддатини ўтаб бўлганлиги боис алмаштирилиши зарурлигини маълум қилишди. Депутат Наримон Умаров қилинган ҳар бир мурожаатлар туман электр тармоқлари корхонаси вакили ҳамда туман ҳокимлиги мутасаддилари билан ҳамкорликда ҳал қилинишини билдирди. Мулоқотлар жараёнида шу маҳаллада истиқомат қилувчи фуқаро Аҳмад Холмуродов маҳаллада ичимлик суви муаммоси ҳам аҳолини қийнаётганлигини таъкидлаб ўтди. Мазкур масала юзасидан мулоқот жараёнида иштирок этган туман ҳокимлиги ва туман “Сувоқова” корхонаси вакиллари тез кунлар ичида тегишли чора-тадбирлар амалга оширилишини ваъда беришди. Шундан сўнг Наримон Умаров бошчилигидаги ишчи гуруҳ тумандаги “Қорашиқ” МФЙда жойлашган қишлоқ оилавий поликлиникасида бўлиб тиббиёт муассасаси фаолияти билан яқиндан танишди. Муассаса тиббий жиҳозлар, дори-дармонлар билан етарли таъминланган, санитария-гигиена талабларига жавоб беради. ҚОП бош шифокори Ислом Одинаев мазкур клиникада “Қорашиқ” МФЙдаги юрак хасталиклари ва сил касалликлари билан оғриган беморлар рўйхатда туриб, мазкур поликлиникада даволанишларини айтиб ўтди. Поликлиника ходимлари билан суҳбатда педиатр етишмаслиги ва дори-дармонлар ўз вақтида олиб келинмаётганлиги билдирилди. Шунингдек, поликлиникада даволанувчи ногиронлиги бўлган шахс Ислом Усмоновнинг отаси Илҳом Худойбердиев ўғли учун берилаётган дори-дармонлар вақтида берилмаётганлигидан шикоят қилди. Депутат Н.Умаров мазкур масалалар юзасидан туман ва вилоят Соғлиқни сағлаш бошқармаси ҳамкорликда чора-тадбир белгилашини маълум қилди. Яна шунингдек, депутат Наримон Умаров бошчилигидаги ишчи гуруҳ аъзолари тумандаги “Меҳнат” МФЙда жойлашган 75-қишлоқ оилавий поликлинакаси ҳамда “Жончекка” ҚФЙдаги “Чақар” қишлоғи қишлоқ оилавий поликлиникасида бўлиб поликлиникаларда яратилган шарт-шароитлар ва муаммоларни ўргандилар. Ўрганишлар жараёни мазкур қишлоқ оилавий поликлиникаларида ҳам бир қатор муаммолар мавжуд эканли маълум бўлди. Хусусан, “Меҳнат” МФЙ 75-ҚОПда ЭКГ ишламаслиги, бу ҳақда туман тиббиёт бирлашмасига билдиришнома берилса ҳам ҳануз ижобий жавоб бўлмаётганлиги, хоналарнинг камлиги, мутахассислар етишмаслиги, ичимлик суви муаммоси қийнаётганлиги аниқланди. Депутат Наримон Умаров ҳамда ишчи гуруҳ таркибидаги маҳаллий ҳокимият вакиллари мазкур масалалар тез кунда ижобий ҳал бўлишини ўз назоратларига олишини таъкидлашди. Гулшод ТУРСОАТОВА, Ўзбекистон “Адолат” СДП Сурхондарё вилоят Кенгаши матбуот котиби ...

Батафсил
News

Депутат халқ орасида: Шарғун шаҳридаги 1-сонли мактабгача таълим муассасасидаги ичимлик сувини сақлаш идишлари янгиланади

  Аввал хабар қилганимиздек, Олий Мажлис Қонунчилик палатаси депутати Даврон Тангиров Сариосиё туманида бўлиб маҳалла, муассаса ва ташкилотлар фаолияти билан яқиндан танишиб, фуқаролар мурожаатларини ўрганмоқда. Билдирилган мурожаатлар юзасидан тегишли ташкилот ходимлари билан боғланиб, муаммоларнинг жойида ҳал этиб берилишида кўмаклашмоқда. Депутат Сариосиё туман Шарғун шаҳри 1-сонли мактабгача таълим муассасасида бўлиб боғча фаолияти билан танишди. Мазкур боғча 140 ўринга мўлжалланган бўлиб, ҳозирги пайтда 199 та бола тарбияланмоқда. Муассасада шароитлар яхши. Озиқ-овқат маҳсулотлари билан етарли таъминланган. Ўрганишлар давомида боғча ходимлари муассасада ичимлик сувини сақлаш идишлари эскириб кетганлиги боис уларни алмаштиришда амалий ёрдам сўрашди. Депутат томонидан ичимлик сувини сақлаш идишларини янгилаш учун тегишли ташкилотларга кўрсатма берилди. Шундан сўнг депутат тумандаги 9-сонли умум ўрта таълим мактабида ҳам бўлиб мактаб ўқувчилари, ўқитувчи-педагоглар билан суҳбатда бўлди. Мазкур мактаб 600 ўринли бўлиб, мактаб ёнига яна қўшимча 180 ўринли бино ҳам қуриб ишга туширилган. Мулоқот чоғида мактаб жамоаси янги қурилган бинода ўқув мебеллари етишмаслигини маълум қилишди. Депутат бошчилигидаги ишчи гуруҳи мебеллар билан таъминлаш муаммосини ҳал қилишни ўз назоратларига олишини таъкидлашди. Ишчи гуруҳининг жойлардаги ўрганиш ишлари давом этмоқда. Гулшод ТУРСОАТОВА, Ўзбекистон “Адолат” СДП Сурхондарё вилоят Кенгаши матбуот котиби   ...

Батафсил
News

Депутат халқ орасида: “Деҳқон” ҚФЙдаги муаммолар ўз ечимини топмоқда

Олий Мажлис Қонунчилик палатаси Спикери ўринбосари, Ўзбекистон “Адолат” СДП фракцияси раҳбари Наримон Умаров бошчилигидаги ишчи гуруҳ аъзолари Узун туманидаги маҳаллаларда, хонадонларда аҳоли билан суҳбатлашиб, аҳоли билан мулоқотлар ўтказмоқда. Ишчи гуруҳи аъзолари тумандаги “Деҳқон” қишлоқ фуқаролар йиғинида ва маҳаллаларда фуқаролар билан суҳбатлашди, аниқланган муаммоларнинг аксариятини ўз жойида ҳал этишга эришилди. Ишчи гуруҳга “Деҳқон” ҚФЙда фуқаролар билан юзма-юз мулоқотларда мазкур ҳудуддаги 7 км узунликка чўзилган йўллар носозлигидан шикоят қилишди. Ёзда чангликдан, қишда эса ёғингарчилик туфайли сувлар халқоб бўлиб автотранспорт учун жуда ноқулайликлар қийинчилик ва оворагарчиликларга сабаб бўлаётганлигини айтишди. Шунингдек, маҳалла аҳли “Деҳқон” ҚФЙ яқинида жойлашган “Мустақиллик” ва “Жончекка” қишлоқларини боғлаб турувчи узунлиги 12 км.га чўзилган “Дубай” канали ўртасига кўприк ўрнатиш зарурлиги хусусида мурожаат қилишди. Депутат Н.Умаров маҳаллий ҳокимият вакиллари билан мазкур масалани ҳал этишни маҳалла аҳлига билдирди. Депутатга мазкур маҳалла фуқароларидан мурожаатлар бўлиб, шу “Деҳқон” ҚФЙда истиқомат қилувчи Ж.Қосимов укаси ногиронлиги бўлган шахс Ш.Қосимовга даволаниши учун маблағ зарур бўлаётганлигини, шу хусусда кўмак беришларини илтимос қилди. Бу масалани қишлоқ фуқаролар йиғини раиси ўз зиммасига олиб, ёрдам беришини билдирди. Шундан сўнг Олий Мажлис депутати Наримон Умаров ва ишчи гуруҳ аъзолари Узун тумани тиббиёт бирлашмасига қарашли тез тиббий ёрдам бўлимининг “Жончекка” шохобчасида бўлишди. 5500 та фуқарога хизмат кўрсатувчи мазкур шохобчадаги шарт-шароитлар, тиббий анжомлар, дори-дармон воситаларини кўздан кечиришди. Ўрганишлар давомида шохобчада хоналар қон олиш хонасининг совуқлиги, аҳоли учун маълумот олиш бурчаклари жуда кичиклиги, шунингдек, беморларни қабул қилиш даражаси ҳам яхши эмаслиги аниқланди. Яна шунингдек, депутат Н.Умаров ва ишчи гуруҳ аъзолари “Деҳқон” ҚФЙда истиқомат қилувчи якка тартибдаги тадбиркор Сабоҳат Гулбоеванинг 50 ўринга мўлжаллаб қурилаётган МТМ қурилишини бориб кўришди.  Тадбиркор С.Гулбоева депутат Н.Умаровга боғча қурилишининг ҳовлисидаги ўйин майдончалари қурилиши учун 300 млн сўм кредит олишда қийинчилик бўлаётганлигини айтиб ёрдам сўради. Депутат Наримон Умаров ушбу масалада тадбиркорга ёрдам беришини, албатта кредит масаласи ҳал бўлишини билдирди. Депутатимиз бошчилигидаги ишчи гуруҳнинг ўрганишлари давом этмоқда. Гулшод ТУРСОАТОВА, Ўзбекистон “Адолат” СДП Сурхондарё вилоят Кенгаши матбуот котиби ...

Батафсил
News

Депутат халқ орасида: янги технологиялар Сариосиёда қишлоқ хўжалигидаги ишлар натижадорлигини оширмоқда

Ўзбекистон Республикаси Олий Мажлис Қонунчилик палатаси депутатлари ҳудудларда бўлиб, фуқароларни ўйлантираётган масалаларни аниқлаб, уларни ҳал этиш бўйича чора-тадбирлар кўрмоқдалар. Олий Мажлис Қонунчилик палатасининг депутати, Ўзбекистон “Адолат” СДП фракцияси аъзоси Даврон Тангиров бошчилигидаги ишчи гуруҳ Сурхондарё вилояти Сариосиё туманида жойлашган “Салан УЗ Фрейш-фуд” агрофирмасида бўлиб фирма фаолияти билан яқиндан танишдилар. Туманда ўз нуфузига эга бўлган мазкур фирма айни кунда Германиядан келтирилган технологиялар асосида фаолият олиб бормоқда. 780 гектар ер майдонига эга бўлган фирмада ҳозирда сабзавот экинлари экилиб парвариш қилинмоқда. Бундан ташқари 300 гектар майдонга Голландиядан келтирилган “Фанта” навли картошка экилиб парвариш қилинмоқда. Агрофирмада 300 та мавсумий ва 180 та доимий иш ўрни яратилган. — Агрофирмамизга қарашли майдонлар унумдор ерлар бўлиб, ҳар гектаридан 25-30 тоннагача ҳосил оляпмиз. Даромадимиз яхши. Бу йил маҳсулотларимизни чет давлатларга экспорт қилишни мўлжаллаб турибмиз,— дейди “Салан УЗ Фрейш-Фуд” агрофирмаси раҳбари Мансур Набиев. Депутат Д.Тангиров мазкур фирма фаолияти билан яқиндан танишар экан, юқори ҳосилдорликни янада кучайтириш учун керакли маслаҳат ва тавсияларини берди, ўз фикр-мулоҳазаларини билдирди. Шундан сўнг депутат Д.Тангиров бошчилигидаги ишчи гуруҳ тумандаги “Хуршид” ҳамда “Галабута” МФЙ фуқаролари билан юзма-юз мулоқотлар ўтказди. Ўрганилган ҳар икки маҳалла фуқаролари маҳаллада газ баллонлари вақтида алмаштириш учун олиб келинмаётганлиги, айниқса “Галабута” МФЙда баъзи фуқароларга бутун қиш давомида газ баллонлари умуман етказилмаганлигидан шикоят қилишди. Депутат Д.Тангиров томонидан тумангаз бошқармасига мурожаат қилинди ва тез кунда муаммо ҳал етилиши, буни депутат ўз назоратига олиши маълум қилинди. Депутатимизнинг ҳудуддаги ўрганишлари давом этмоқда. Гулшод ТУРСОАТОВА, Ўзбекистон “Адолат” СДП Сурхондарё вилоят Кенгаши матбуот котиби ...

Батафсил
News

Меҳрангиз Раҳмонова кўрик-танловнинг Республика босқичига йўлланма олди

  Термиз шаҳридаги вилоят касаба уюшмалари фаоллари залида Ўзбекистон “Адолат” СДП вилоят Кенгашининг “Аёллар қаноти” ташаббуси билан партия тизимида замонавий тарзда ўтказилиб келинаётган “Йилнинг энг фаол адолатчи аёли” кўрик-танловининг Сурхондарё вилоят босқичи ўтказилди. Мазкур танловни ўтказиш жараёнида партия аъзолари орасида энг фаол ижтимоий-сиёсий билимларни ва миллий қадриятларимизни яхши ўзлаштирган, жамоа ва оилада намуна бўлаётган ташаббускор аёлларни аниқлаш, рағбатлантириш ва уларнинг тажрибасини кенг тарғиб қилишга эътибор қаратилди. Тадбирда иштирокчилар таништирув, савол-жавоблар, эркин ижодий йўналишдаги шартлар бўйича билим, ва маҳоратларини синовдан ўтказишди. Сафдошларимизнинг ҳар бири ўзлари истиқомат қиладиган ҳудуд тарихи, бугуни ва жойлардаги аҳолининг турмуш фаровонлигини ошириш йўлида амалга оширилаётган ислоҳотлар ҳақидаги чиқишлари, сиёсий партиялар фаолиятига доир миллий қонунчилигимиз асослари, сиёсий партиялар, жумладан Ўзбекистон “Адолат” СДПнинг дастуриий мақсад-вазифаларига доир сиёсий-ҳуқуқий билимлари, оила-жамият-касб уйғунлигида ўз касбий фаолияти, миллий қадриятлар акс этган саҳна кўринишларини қизиқарли тарзда намоён этишди. Умумий натижаларга кўра 3-ўринга Шеробод тумани маиший хизмат кўрсатиш коллежи ўқитувчиси Манзура Улуғбердиева, 2-ўринга Қизириқ туманидаги педагогика касб-ҳунар коллежи талабаси Фарида Алимардонова, 1-ўринга эса Термиз шаҳридаги 11-сонли умумий ўрта таълим мактаби ўқитувчиси Меҳрангиз Раҳмонова лойиқ деб топилиб, кўрик-танловнинг республика босқичига йўлланма олди. Танловда иштирокчилар номинациялар бўйича ҳам тақдирланишди, партия вилоят Кенгашининг фахрий ёрлиқ, диплом ва эсдалик совғалари топширилди. Дилафрўз РАҲМАТОВА, Ўзбекистон “Адолат” СДП Сурхондарё вилоят Кенгаши “Аёллар қаноти” раиси ...

Батафсил
News

Сиёсий ўқувлар — ҳуқуқий демократик жамият кўзгуси

Ўзбекистон “Адолат” СДП Сурхондарё вилоятининг барча туман, шаҳар Кенгашлари томонидан “Сиёсий ҳуқуқий билимларни мустаҳкамлаш — демократик жамият пойдевори” лойиҳаси доирасида маҳаллаларда фаол нотиқлар ҳамда партия ходимлари ташаббускорлигида ўтказилаётган сиёсий ўқувлар барча фуқароларнинг сиёсий саводхонлигини бойитиб, билим ва ҳуқуқий маданиятини оширмоқда. Жумладан, партиянинг Қумқўрғон ва Узун туманида бўлиб ўтган сиёсий ўқувларда фуқаролар фаоллиги кузатилди. Хусусан, Узун туманидаги “Хатиб Қаҳрамон” маҳалласи фуқаролари ва Қумқўрғон туманидаги “Янги шаҳар” МФЙда жойлашган Тиббиёт ўқув марказида ёш тиббиётчилар учун ўтказилган ўқувда партия ходимлари ҳамда маърузачилар томонидан юртбошимиз томонидан қабул қилинган “Мамлакатни ижтимоий-иқтисодий ривожлантиришнинг стратегик вазифалари амалга оширилиши самарадорлиги учун Ўзбекистон Республикаси Вазирлар Маҳкамасининг масъулиятини оширишга доир биринчи навбатдаги чора-тадбирлар тўғрисида”ги, “Ўзбекистон Республикаси Ҳукумати ишини ташкил этишнинг сифат жиҳатидан янги тизимини жорий этиш тўғрисида”ги, “Инвестиция ва ташқи савдо соҳасида бошқарув тизимини такомиллаштириш чора-тадбирлари тўғрисида”ги шу билан бирга, Ўзбекистон Республикаси Президенти томонидан “Ўзбекистон Республикаси Инвестициялар ва ташқи савдо вазирлиги фаолиятини ташкил этиш тўғрисида”ги ҳамда “Банкротлик таомилларини янада соддалаштириш ва суд бошқарувчилари фаолиятини тубдан такомиллаштириш чора-тадбирлари тўғрисида”ги қарор ва фармонлар, уларнинг тўлиқ мазмун-моҳияти тушунтириб ўтилди. Шунингдек, ушбу ҳужжатларда ҳар бир қисми ҳамда ундаги берилган вазифалар билан барча фуқаролар танишдилар. Айтиш жоизки, мамлакатимиз раҳбарининг қўшни давлатлар билан ўзаро ҳамкорлиги, минтақавий ва халқаро аҳамиятга молик долзарб масалалар юзасидан фикр алмашувлари ҳам сиёсий ўқувларда таъкидланиб борилмоқда. Сиёсий ўқувда иштирок этганларга партиямиз хақида унинг мақсади, вазифаси, амалга оширилаётган лойиҳалари тўғрисида қисқача маълумот бериб ўтилди. Ўқув давомида жаҳон ва юртимизда бўлаётган сиёсий ўзгаришлар, воқеалар хусусида ҳам маълумотлар берилди. Маъмура ЭРГАШЕВА, Ўзбекистон “Адолат” СДП Сурхондарё вилоят Кенгаши ижрочи котиби ...

Батафсил
News

Сурхондарёда Навоий ижодига бағишланган маънавий-маърифий тадбирлар булиб ўтмоқда

Тарих саҳифаларини варақлар экансиз буюк сиймолар орасида неча асрлар ўтсада ҳамон жаҳон илм-фани, маънавият ва маърифати осмонида йўлчи юлдуз сингари нур таратиб турган буюк мутафаккир шоир Алишер Навоийнинг жаҳон адабиёт майдонида буюк сиймо, улкан маънавий мерос соҳиби эканлигига гувоҳ бўласиз. Бу йил таваллудига 578 йил тўлаётган Ҳазрат Алишер Навоий бобомиизнинг адабий меросини ёш авлод онгига, шуурига сингдириш, Навоий ижодиётига меҳр-муҳаббат уйғотиш мақсадида таълим масканларида маънавий-маърифий тадбирлар, ғазалхонлик кечалари бўлиб ўтмоқда. Ана шундай тадбирлардан бири Ўзбекистон “Адолат” СДП Қумқўрғон туман Кенгаши ҳамда туман Халқ таълими бўлими ҳамкорликда тумандаги 3-умумий ўрта таълим мактабида бўлиб ўтди. Тадбирда партиянинг Қумқўрғон туман Кенгаши фаоллари, депутатлар, мактаб жамоаси ва ўқувчи ёшлар иштирок этишди. Тадбирда сўз олганлар шоирнинг улуғ ижод йўли, маънавий мероси, шунингдек улуғ давлат арбоби сифатида тутган ўрни хусусида сўз юритишди. Тадбир давомида ўқувчи ёшлар шоир ғазалларидан намуналар ўқишди. Шуҳрат Абдураимов, партиянинг Қумқўрғон туман кенгаши раиси: — Навоий нафақат сўз қудратини намоён эта олган ноёб истеъдод соҳиби шунингдек, туркий тилининг бор жозибаси ва бетакрорлигини кўрсатишга жазм қилган жасорат эгаси ҳамдир. Аллома бобомизнинг ижодидаги сўз қўллаш санъати бугунги авлодни ҳам ҳайратга солаётгани рост. Ҳар ўқиганда янгича мазмунда намоён бўлаётган фикрлар асрлар оша инсониятни сеҳрлаб келмоқдаки, оҳори тўкилмас бу санъатдан барча давр одамлари ўзига хос маъно туйиб завқланишаяпти, маънавий озуқа олишаяпти. Бугунги бўлиб ўтган тадбирда қалбида адабиётга меҳр уйғонган ёшларимизнинг Навоий бобо қаламидан тўкилган сатрларни қалбида ҳаяжон билан ифодали ўқишлари асносида ўзгача маънони англаб, гўёки оламни бошқатдан кашф этгандек бўлдим. Назаримда Навоий ижоди шунчалар кенг уммонки, унинг сарҳадларига етмоқ мушкул. Навоий ғазал ва рубоийларини тинглаб, сабр матонат билан сатрларда яширилган жавоҳирлари улуғ бобомиз ижодига бўлган иштиёқимни янада оширди десам муболаға қилмаган бўламан. Бўлиб ўтган маънавий-маърифий тадбир давомида Навоий ғазаллари билан айтилувчи куй-қўшиқлар иштирокчилар кайфиятига хушнудлик бахш этди. Гулшод ТУРСОАТОВА, Ўзбекистон “Адолат” СДП Сурхондарё вилояти Кенгаши матбуот котиби ...

Батафсил
News

Депутат халқ орасида: парламент назоратининг натижаси муҳим

  Парламентимизнинг қуйи палатасидаги Ўзбекистон “Адолат” СДП фракцияси аъзолари Д.Тангиров ва Ё.Холиёров Шўрчи ва Сариосиё туманларида муассасалар, маҳаллалар, хонадонларда фуқаролар билан учрашиб, ўрганилган муаммоларни қонуний йўсинда ҳал этишга ҳаракат қилмоқда. Шуни айтиш керакки, Шўрчи ва Сариосиё туманлари вилоятнинг хушманзара, тоғли ҳудудларидан ҳисобланиб, иқтисодиёти асосан, пахтачилик, ғаллачилик ва боғдорчиликка, шу тармоқда етиштирилган маҳсулотларни қайта ишлашга ихтисослашган. Кейинги йилларда туманда ижтимоий-иқтисодий ислоҳотларни рўёбга чиқариш ҳисобига аҳоли турмуш фаровонлигини оширишга қаратилган қатор тадбирлар амалга оширилди. Кичик бизнес ва тадбиркорлини ривожлантириш ҳисобига янгидан-янги корхоналар ишга туширилди. Аммо шунга қарамай, муассаса, корхона, ташкилотларда ва аҳоли билан мулоқот чоғида ўз ечимини кутаётган муаммолар оз эмаслиги аён бўлди. Депутат Ё.Холиёровга “Саксонкапа” МФЙга қарашли “Мингжар” қишлоғида сайловчилар қишлоқда ичимлик суви йўқлиги, аҳоли узоқ жойлардан сув ташиб келтириши, қишлоқда 240 ўринли янги мактаб биноси қуриш зарурлиги, электр энергияси тармоғида узилишлар бўлаётгани учун янги трансформатор ўрнатиш кераклиги, ички йўлларнинг носозлигидан шикоят қилишди. Депутат Ё.Холиёров иштирокида халқ таълими туман бўлимида бўлиб ўтган йиғилишда эса тумандаги 10 га яқин умумтаълим мактабларининг умумий аҳволи, реконструкция ва капитал таъмирга муҳтожлиги, пол ва шифтларни таъмирлаш, ташқи фасад қисмларини пардозлаш, стол-стул, парталар билан таъминлаш каби масалалар юзасидан фикр-мулоҳазалар билдирилди. Парламент қуйи палатаси депутати Д.Тангиров Сариосиё туман тиббиёт бирлашмасида бўлиб, беморлар, шифокор ва ҳамширалар билан суҳбатда бўлди. Суҳбат жараёнида бирлашмада тиббий жарроҳлик ўрамлари, жарроҳлик стол-стуллари етишмаслиги каби масалалар кўтарилди. Депутат мазкур масалалар юзасидан депутатлик сўрови чиқаришини билдирди. Гулшод ТУРСОАТОВА, Ўзбекистон “Адолат” СДП Сурхондарё вилоят Кенгаши матбуот котиби ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!