ЖИЗЗАХ

Манзил: Жиззах шаҳри, Ш.Рашидов шох кўчаси 63-уй

Телефон: (72) 226-61-32, 226-61-22

Электрон манзил:  jizzax@adolat.uz

Янгиликлар
News

Беш ташаббус доирасида Жиззахда спорт мусобақаси ташкил этилди

Президентимиз томонидан илгари сурилган 5 та муҳим ташаббус ижросини таъминлаш мақсадида Ўзбекистон “Адолат” СДП Жиззах вилоят Кенгаши томонидан ёшлар ўртасида спортнинг мини футбол, волейбол турлари бўйича спорт мусобақалари ташкил этилди. Ушбу мусобоқани ташкил этишдан кўзланган асосий мақсад ёшларни соғлом турмуш тарзи асосида яшашларини тарғиб этиш, уларнинг спортга бўлган қизиқишлари ва маҳоратларини янада оширишдан иборат. Ёшларни спортга кенг жалб этишда давлат ва жамоат ташкилотлари билан ҳамкорликни кучайтиришга алоҳида эътибор қаратилмоқда. – дейди партиянинг вилоят Кенгаши раиси Ориф Шукуров. – Ёшларнинг баркамол ва соғлом бўлиб тарбияланишларида спортнинг ўрни беқиёс. Бугунги кунда спорт соҳасига алоҳида эътибор қаратилмоқда. Болалар ва ўсмирларни жисмоний жиҳатдан баркамол қилиб тарбиялаш давлат дастурининг асосий мазмунига айланмоқда. Чунки келажак авлодлар тақдири бугунги соғлом кишиларимизнинг маънавий ва жисмоний баркамоллиги билан боғлиқдир. Бу борада мамлакатимизда ёш авлоднинг жисмоний ва маънавий соғломлигини мустаҳкамлаш, фарзандларимизнинг соғлом турмуш тарзини таъминлаш, уларда спортга муҳаббат туйғуларини кучайтириш, айниқса уюшмаган ёшларнинг бўш вақтларини мазмунли ўтказишлари учун шарт-шароит яратиш юзасидан кенг кўламли ишлар олиб борилмоқда. Ўзбекистон “Адолат” СДП Жиззах вилоят Кенгаши томонидан ҳам ёшларни турли спорт мусобақаларига жалб этиш борасида тизимли ишлар йўлга қўйилган. Мусобақа сўнгида ғолибликни қўлга киритган жамоалар партиянинг вилоят Кенгашининг диплом ва эсталик совғалари билан тақдирландилар. Достон ЗОКИРОВ, Ўзбекистон “Адолат” СДП Жиззах вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Юксак ҳуқуқий маданият — демократик жамият пойдевори

Ўзбекистон “Адолат” СДП Сиёсий Кенгаши Марказий аппарати ташаббуси билан партиянинг Жиззах вилоят Кенгашида “Аҳолининг сиёсий саводхонлигини оширишда сиёсий партияларнинг роли” мавзусида семинар ташкил этилди. Мазкур семинарни ташкил этишдан мақсад мамлакатимизда олиб борилаётган оқилона ислоҳотларда Ўзбекистон “Адолат” СДПнинг фаол иштирокини таъминлаш ҳамда партиянинг вилоят, туман ва шаҳар Кенгашлари ходимлари ва заҳирадаги депутатликка номзодларнинг ҳуқуқий онги ва ҳуқуқий маданиятини юксалтиришда партия фаоллари олдидаги долзарб вазифаларни белгилаб олишдан иборатдир. Вилоят маънавият-тарғибот марказида бўлиб ўтган семинарда Ўзбекистон “Адолат” СДП Сиёсий Кенгаши раиси ўринбосари Фарҳод Ишанкулов, партиянинг вилоят Кенгаши ходимлари, шаҳар ва туман Кенгашлари раислари, халқ депутатлари маҳаллий Кенгашларидаги партия депутатлик гуруҳлари аъзолари, партия фаоллари ҳамда ОАВ вакиллари иштирок этишди. Жамият тараққиётида ҳуқуқий маданиятни ҳозирги давр талаб ва даражаларидан келиб чиққан ҳолда ривожлантириш ҳар бир инсоннинг келажакка бўлган ишонч ва эътиқодини мустаҳкамлаш, ҳар тарафлама ҳам маънан, ҳам руҳан, ҳам ҳуқуқий жиҳатдан етук бўлиб етишишига хизмат қилади. Семинарда сўзга чиққан Ўзбекистон “Адолат” СДП Сиёсий Кенгаши раиси ўринбосари Фарҳод Ишанкулов таъкидлаганидек мамлакатимизда демократия умуминсоний принципларга асосланади. Жумладан, инсон унинг ҳаёти, эркинлиги, шаъни, қадр-қиммати ва бошқа дахлсиз ҳуқуқлари олий қадрият ҳисобланади. Демократик ҳуқуқ ва эркинликлар Конституция ва қонунлар билан ҳимоя қилинади. Ўзбекистон Республикасининг фуқаролари жамият ва давлат ишларини бошқаришда бевосита ҳамда ўз вакиллари орқали иштирок этиш ҳуқуқига эгадирлар. Бундай иштирок этиш ўзини ўзи бошқариш, референдумлар ўтказиш ва давлат органларини демократик тарзда ташкил этиш йўли билан амалга оширилади. Ўзбекистон Республикасининг фуқаролари айнан сайловлар ўтказилиши орқали давлат ҳокимиятининг вакиллик органларига сайлаш ёки сайланиш ҳуқуқларини ҳаётга татбиқ этадилар. Улар жинси, ирқи, миллати, тили, дини, маълумоти, ижтимоий келиб чиқиши, эътиқоди, шахси ва ижтимоий мавқеидан қатъи назар тенг сайлов ҳуқуқига эгадирлар. Истиқлолнинг илк кунлариданоқ ҳуқуқий демократик давлат ва кучли фуқаролик жамиятини барпо этишга, нодавлат нотижорат ташкилотлар, сиёсий партиялар, жамоат бирлашмалари, фуқароларнинг ўзини ўзи бош­қариш органлари ҳамда оммавий ахборот воситаларининг жамият ҳаётидаги иштирокини кенгайтиришга алоҳида эътибор қаратиб келинаяпти. Бу борада ҳуқуқий асослар яратилмоқда, уларни давлат томонидан қўллаб-қувватлаш механизмлари ишлаб чиқилмоқда. Бугунги мулоқот жонли ва самимий ўтди, – дейди Халқ депутатлари Жиззах шаҳар Кенгаши депутати Дилбар Ҳакимова.- Ўеказилаётган бу каби семинарлар — аҳолининг барча қатламларини ҳуқуқий саводхонликка чорлаш, ҳуқуқий билимларини кундалик ҳаётда қўллай олишга ўргатиш олдимизда турган муҳим вазифа эканлигини белгилаб бермоқда. Жонли мулоқот ва савол-жавобларга бой бўлган семинар сўнгида иштирокчиларга кун тартибидаги масалалар юзасидан тегишли кўрсатмалар берилди. Достон ЗОКИРОВ, Ўзбекистон “Адолат” СДП Жиззах вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Юзма-юз мулоқотлар давом этмоқда

Жамиятда қонун устуворлигини таъминлаш, ҳуқуқий маданиятни юксалтириш, халқ билан мулоқот самарадорлигини ошириш ҳамда инсон манфаатларини муҳофаза қилишда қатор ижтимоий-сиёсий ва ҳуқуқий омиллар муҳим ўрин тутади. Фуқаролар ҳуқуқ ва эркинликларининг ишончли ҳимоясини таъминлаш партиямизнинг устувор йўналишларидан ҳисобланади. Мазкур устувор вазифалар ижросини таъминлаш, халқ билан мулоқот қилиш самарадорлигини ошириш мақсадида Ўзбекистон “Адолат” СДП Сиёсий Кенгаши раиси ўринбосари Фарход Ишанкулов, партиянинг вилоят Кенгаши раиси Ориф Шукуров, Халқ депутатлари вилоят, туман ва шаҳар Кенгаши депутатларидан иборат ишчи гуруҳ Жиззах шаҳридаги “Олмазор” маҳалла фуқаролар йиғинига ташриф буюриб, Халқ депутатлари Жиззах шаҳар Кенгаши депутати Офтобой Нишонова кўмаги билан ўз тадбиркорлик фаолиятини йўлга қўйган фуқаролар билан суҳбат олиб борди. Халқ билан мулоқот ва инсон манфаатлари йилида давлат органлари фаолиятига фуқаролар мурожаатлари билан ишлашнинг илғор механизмлари татбиқ этилаяпти, – дейди партиянинг вилоят Кенгаши раиси Ориф Шукуров.- Натижада юртдошларимиз ҳуқуқ ва манфаатларини таъминлашнинг таъсирчан механизмлари пайдо бўлаяпти, сиёсий партиялар ҳамда халқ ўртасида мулоқот жонланди, аҳолининг давлат ташкилотларига бўлган ишончи тобора юксалмоқда. Ишчи гуруҳи томонидан мулоқот жараёнида билдирилган саволларга тегишли жавоблар берилиши билан бир қаторда, маҳаллий Кенгаш депутатлари халқ билан юзма-юз мулоқотларни ўрнатишда янада жонбозлик кўрсатишлари лозимлиги ҳамда тадбиркорлик билан шуғулланаётган тадбиркорларга ўз фаолиятларини янада кенгайтиришда яратилган қулай шарт-шароитлардан унумли фойдаланиш юзасидан таклифлар берилди. Достон ЗОКИРОВ, Ўзбекистон “Адолат” СДП Жиззах вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Жиззахда 5 та ташаббус доирасида мусобақа ташкил этилди

Ўзбекистон “Адолат” СДП Жиззах вилоят Кенгаши ҳамда бир қатор ташкилотлар ҳамкорлигида спортнинг белбоғли кураш, бокс, мини футбол ҳамда шашка-шахмат турлари бўйича мусобақа ўтказилди.   Ўзбекистон Республикаси Президенти томонидан илгари сурилган бешта муҳим ташаббус доирасида ташкил этилган ушбу тадбир орқали ёшлар ўртасида спортнинг белбоғли кураш, бокс, мини футбол, шахмат-шашка турлари ва уларнинг ижобий жиҳатлари хусусида тушунтиришлар берилди. Ёш авлоднинг жисмоний ва маънавий соғломлигини мустаҳкамлаш, соғлом турмуш тарзини таъминлаш, спортга муҳаббат туйғуларини кучайтириш, бўш вақтларини мазмунли ўтказишлари учун яратилаётган шарт-шароитлар борасида фикрлар билдирилди.  Ёшларнинг кенг қатламини, айниқса, уюшмаган ёшларни спортга жалб қилиш, уларнинг саломатлигини таъминлаш, ўз иродаси, кучи ва имкониятларига бўлган ишончни мустаҳкамлаш, янгича фикрлайдиган, мустақил дунёқарашига эга, ён-атрофида содир бўлаётган воқеаларга дахлдорлик ҳисси билан ёндашувчи ёшларни тарбиялаш, уларда мардлик ва ватанпарварлик, Ватанга садоқат туйғуларини камол топтириш мақсадида уюштирилган мусобақаларда вилоятнинг барча туманларидан ташриф буюрган 150 дан зиёд ёш, умидли спортчилар ўзаро беллашди.     Мусобақалар Жиззах давлат педагогика ва политехника институтлари, вилоят Олимпия захиралари мактаб-интернати, кураш саройининг спорт майдонлари ва заллари, шунингдек, вилоятдаги мактабгача таълим муассасаларида ўтказилди.              –Ёшларни спортнинг турли йўналишларига жалб этишда, давлат ва жамоат ташкилотлари билан ҳамкорликни кучайтиришга алоҳида эътибор қаратилмоқда, – дейди Ўзбекистон “Адолат” СДП Жиззах вилоят Кенгаши раиси Ориф Шукуров. – Қувонарлиси, мана шу тадбир ёшларни спортга бўлган қизиқишини оширишга, улар ўртасида соғлом турмуш тарзини қарор топтиришга ўзига хос ҳисса  қўшди, десак муболаға бўлмайди.          Дарҳақиқат, спорт мусобақалари ўтказиладиган жойларда ёшлар учун “Одам савдоси, экстремизм ва терроризм: инсон ҳуқуқ ва эркинликларига таҳдид” мавзусига бағишланган расмлар кўргазмаси ҳам ташкил этилди. Кўргазмани ташкил этишдан мақсад эса тинчлигимизни асраш, халқ фаровонлиги ва юрт ободлигини таъминлаш, ёшларнинг инновацион ғояларини рағбатлантириш, экстремизм ва терроризм иллатларига қарши курашиш, аёллар ва ёшлар ўртасида жиноятчилик ва ҳуқуқбузарликлар, ёт оқимлар таъсирига тушиб қолишининг олдини олиш борасида амалга оширилаётган ишларни янада такомиллаштириш, ушбу муаммоларни бартараф этиш юзасидан жамоатчилик фикри ва таклифларини ўрганишдан иборат.   – Мамлакатимизда ёшларни спортга жалб этиш, уларнинг саломатлигини муҳофаза қилишга аълоҳида эътибор қаратилмоқда, – дейди Халқ депутатлари Жиззах шаҳар Кенгаши депутати Д.Ҳакимова. – Ёш авлодни маънавий-жисмоний жиҳатдан чиниқтиришда, соғлом авлодни вояга етказиш ва уларнинг жамиятдаги ўрнини мустаҳкамлашда спорт муҳим аҳамиятга эга. Спорт ёшларимиз дунёқараши ва ҳаётига янгича мазмун киритаётир.     Мусобақани вилоят якка кураш спорт турларига ихтисослаштирилган болалар ва ўсмирлар спорт мактаби, вилоят Олимпия захиралари мактаб-интернати мураббийлари ва масъул ходимлари белгиланган тартиб-қоидалар асосида ўтказилишини таъминлаб боришди.    Мусобақа сўнгида ғолиб спортчилар ташкилотчилар томонидан  I-II-III даражали дипломлар ҳамда эсдалик совғалари билан тақдирланишди. Достон ЗОКИРОВ, Ўзбекистон “Адолат” СДП Жиззах вилоят Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

"Адолат" СДП самарали лойиҳалар ташаббускори

Ўзбекистон “Адолат” СДПнинг “Мактабгача таълим – кадрлар тайёрлашнинг бирламчи бўғини” лойиҳаси доирасида Жиззах шаҳридаги 37-сонли мактабгача таълим муассасасида вилоят мактабгача таълим муассасалари бошқармаси билан ҳамкорликда шахмат майдончаси ташкил этилди ва фойдаланишга топширилди. Шу муносабат билан ўтказилган маросимда партиянинг вилоят Кенгаши ходимлари, Халқ депутатлари Жиззах шаҳар Кенгаши депутатлари, партия фаоллари, мактабгача таълим муассасаси ходимлари, ота-оналар ҳамда ОАВ вакиллари иштирок этди. Таъкидлаш лозимки, таълим-тарбиянинг бош бўғини бўлган мактабгача таълим муассасаларининг моддий техник базасини яхшилаш, болажонлар учун муҳим ва зарур бўлган барча шарт-шароитларни яратиш бугунги куннинг энг долзарб масаласига айланган. Шу боис, ушбу муассасаларда тарбияланаётган ёшларнинг кенг дунёқарашли, маънавий баркамол бўлиб улғайишларида жиддий эътибор қаратилмоқда. Ушбу майдонча ҳам ҳар томонлама соғлом ва баркамол авлодни вояга етказиш, уларни спортга кенг жалб этиш болажонларнинг вақтларини мазмунли ўтказишларига хизмат қилади. Шашка ва шахмат майдончаларининг ташкил этилганидан болажонлар ва уларнинг ота-оналари беҳад мамнун. Болажонлар ўқиган шеърлар, ижро этган қўшиқлар тадбир қатнашчиларига манзур бўлди. Болаларнинг донолик ва топқирлик билан дона суришларини барча бирдек қўллаб-қувватлаб турди. Бошқа мактабгача таълим муассасалари ходимлари ҳам бундан намуна олган ҳолда ўз мактабгача таълим муассасаларида шашка ва шахмат майдончаларини ташкил этишга қизиқиш билдиришди. Қувонарли томони шундаки, бу ишга болажонларнинг ота-оналари ҳам хайрихоҳлик билдиришмоқда. Буларнинг барчаси ҳукуматимиз томонидан олиб борилаётган оқилона сиёсатининг мевасидир. Мана шундай самарали ишларга педагоглар, кенг жамоатчилик вакиллари билан бир қаторда партия фаолларининг ҳиссаси юқори бўлмоқда. Кўтаринки кайфиятда ўтган тадбирда партияга яқиндан ҳамкорлик қилган мактабгача таълим муассасаси мудираси Нафосат Юлдашевага ва мусобақада иштирок этган болажонларга партиянинг ташаккурнома ва эсдалик совғалари топширилди. Достон ЗОКИРОВ, Ўзбекистон “Адолат” СДП Жиззах вилоят Кенгаши матбуот хизмати Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Акция кўнгилли донорлар сафини кўпайтирмоқда

Қон бу ҳеч нарса билан алмаштириб бўлмайдиган ва сунъий равишда ишлаб чиқиб бўлмайдиган инсон ҳаётидаги муҳим неъмат ҳисобланади. Шу боисдан мамлакатимизда донорлик тизимини ривожлантиришга алоҳида эътибор қаратилиб келинмоқда. Қон захирасини таъминлашнинг ягона йўли соғлом кишилардир. Донорлар томонидан топширилган қон шифохонада оғир бетоб бўлиб ётган беморларнинг тезда соғайиб соғлом ҳаётга қайтишлари учун бебаҳо даво ҳисобланади. Вилоятимизда ҳам ана шундай савобли тадбир бўлиб ўтмоқда. Вилоят қон қуйиш маркази шифокорлари томонидан вилоятимиздаги корхона ва ташкилотлар ходимлари, аҳолидан иборат кўнгилли донорлардан қон қабул қилишиб, савобли ишни амалга оширдилар. Бугунги кунда юртимизда донорликни, жумладан, беғараз донорликни ривожлантириш борасида кўпгина ишлар амалга оширилмоқда. Хусусан, партиямиз томонидан “Бор меҳримиз сенга, болажон” шиори остида йилда икки маротаба кўнгилли донорларни кон топширишга жалб қилиш мақсадида беғараз донорлик актциялари ташкил этилиб келинмоқда. Ушбу тадбирнинг бош мақсади инсонларда қон қуйиш учун хавфсиз қоннинг муҳимлиги ва қон донорларининг зарурлигини чуқурроқ англаб етишларини шакллантиришдир. Қолаверса, кўнгилли донорларнинг инсоният олдидаги хизматларини рағбатлантириб, уларга миннатдорлик билдиришдан иборат. — Ўз хоҳишим билан ушбу савобли ишга ҳисса қўшдим, – дейди хусусий тадбиркор Акрам Қувватов. – Кўплаб инсонлар қон топширишади. Албатта, кимнингдир саломатлиги йўлида бу каби хайрли ишларни амалга ошириш халқимизнинг қанчалик бағрикенг ва олийжаноб эканлигини яна бир бор кўрсатиб берди. Мен барчани ушбу савобли ва хайрли ишга чорлаб қоламан. Достон ЗОКИРОВ, Ўзбекистон “Адолат” СДП Жиззах вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Шароф Рашидов туманидаги боғчаларнинг 60 фоизи таъмирталаб, муаммо қачон ҳал этилади?!

Жойларда қонун устуворлигининг таъминланиши халқнинг ишончли вакиллари бўлган депутатларнинг муносиб фаолият олиб бориши билан белгиланади. Шу билан бирга, ҳудудларни ижтимоий-иқтисодий ривожлантириш борасидаги вазифалар ижроси, мавжуд муаммоларни ҳал этишга депутатларнинг фаол таъсир кўрсатиши муҳим аҳамият касб этади. Фуқароларни ўйлантираётган масалаларга ўз вақтида ва қонуний ечим топиш орқали депутатлар сайловчилар ишончини оқлашга эришадилар. Халқ депутатлари Шароф Рашидов тумани Кенгашидаги Ўзбекистон “Адолат” СДП депутатлик гуруҳи аъзолари электорат манфаатларини рўёбга чиқариш, аҳолининг таклифларини ўрганишга эътибор қаратишмоқда. Жорий йилда депутатлик гуруҳи аъзолари партиямизнинг “Таълим сифати партия нигоҳида”, “Фарзандлари соғлом юрт қудратли бўлур”, “Мактабгача таълим — кадрлар тайёрлашнинг бирламчи бўғини” лойиҳалари доирасида бир қатор муассасаларда олиб борган ўрганишлар натижалари халқ депутатлари туман Кенгашининг доимий комиссияларида муҳокама этилиб, тегишли қарорлар қабул қилинди. Ҳудудда уюшмаган ёшлар бандлигини таъминлаш юзасидан амалга оширилаётган ишлар, мавжуд муаммоларни партия депутатлари ўрганиб, шу асосда халқ депутатлари туман Кенгашининг сессиясига масала киритилди ва қабул қилинган қарор амалиётга йўналтирилди. Депутатлик гуруҳи аъзолари тумандаги 58 та умумтаълим мактабида мавжуд шарт-шароитлар, илм масканларда умумий тиббий хизматнинг аҳволи, мажбурий дори-дармонлар билан таъминланганлик ҳолати бўйича ўрганишлар олиб боришди. Аниқланган муаммолар халқ депутатлари туман Кенгашининг “Ёшлар сиёсати, соғлом авлодни тарбиялаш масалалари бўйича” доимий комиссиясида туман халқ таълими бўлими мудири иштирокида муҳокама этилди ва унинг эшитуви тингланди. Шунингдек, депутатлик гуруҳи томонидан тумандаги МТМларда ўтказилган ўрганишларда мавжуд 27 та МТМнинг 60 фоизи таъмирталаб аҳволда эканлиги, боғчалардаги аксарият жиҳозлар, ўйинчоқлар ва техник жиҳозлар маънан эскирганлиги, уларда олий маълумотли тарбиячилар, логопедлар ва психолог кадрлар етишмаслиги маълум бўлди. Бу муаммоларни ҳал этиш юзасидан ҳам мазкур доимий комиссияда туман мактабгача таълим бўлими мудирининг эшитуви тингланди ва муҳокама этилди. Доимий комиссия қарорида мазкур масалани сессия муҳокамасига тақдим этиш алоҳида қайд этилди. Партия депутатлари сайловчилар билан яқин алоқада ишлаб, жойлардаги масалаларни ўрганган ҳолда уларга қонуний ечим топишга ҳаракат қилмоқда. Бу жараёнда депутатлик сўрови киритиш ваколатидан унумли фойдаланилмоқда. Депутатлик гуруҳининг фаол аъзоларидан бири Дилмурод Каримқулов тумандаги “Олмачи” МФЙда истиқомат қилувчи фуқароларнинг ички йўллар таъмирталаб аҳволга келиб қолганлиги бўйича қилган мурожаатларини жойига бориб ўрганди. Ҳудуддаги Ў.Ўролов кўчасининг 200 метр, Э.Норбеков кўчасининг 1500 метр, Д.Қосимов кўчасининг эса 800 метр қисмини таъмирлаш зарурлиги маълум бўлди. “Ўзавтойўл” ДАК Жиззах вилоят бошқармаси раисига, туман ҳокимининг биринчи ўринбосари ва ободонлаштириш бошқармаси бошлиғига мазкур ички йўлларни асфальтлаш масаласида, очиғи, бир неча маротаба депутатлик сўрови юборилди. Ниҳоят, саъй-ҳаракатлар натижа бериб, “Олмачи” МФЙ ҳудудидаги Ў.Ўролов кўчасининг 200 метр қисмига шағал ётқизилиб, йўлнинг ҳолати бирмунча яхшиланди. Э.Норбеков ва Д.Қосимов кўчаларининг айрим қисмлари асфальтланди, баъзи қисмларига шағал ётқизилиб, кўчаларга файз кирди. Мазкур маҳаллада жойлашган 20-умумтаълим мактабига кирувчи йўлак Н.Зияев кўчасига туташ эканлиги, ўқувчилар транспорт серқатнов бўлган автомобиль йўлини кесиб ўтиши, айни шу кичик чорраҳада пиёдалар ўтиш жойи ва светофор йўқлиги ота-оналарда хавотир уйғотаётган эди. Д.Каримқулов асосий йўл ва иккинчи даражали йўл туташган мазкур чорраҳага пиёдалар ўтиш жойи белгилаш, светофор ўрнатиш юзасидан вилоят ички ишлар бошқармаси йўл ҳаракати хавфсизлиги бўлими бошлиғига депутатлик сўрови киритди. Айни пайтда мазкур чорраҳада пиёдалар ўтиш жойи белгиланиб, махсус чизиқлар тортилди ҳамда зарур йўл белгиси ўрнатилди.  “Сўлоқли” маҳалла фуқаролар йиғинида истиқомат қилувчи фуқаролар М.Турсунбоева, М.Султонова, О.Ҳақбердиева, Т.Мусурмонова МФЙ томонидан уларнинг фарзандларига тайинланган 2 ёшгача бўлган нафақа пули кейинги ойларда асоссиз равишда тўхтаб қолганлигидан шикоят қилишди.  Депутатлик гуруҳи аъзолари маҳалла раиси иштирокида ушбу фуқароларнинг оилавий аҳволи билан танишдилар. Оиласи кам таъминланган эканлиги инобатга олиниб, М.Турсунбоева ва М.Султонованинг талаби қаноатлантирилди ва уларга тегишли нафақа пули бериладиган бўлди. Фуқаролар О.Ҳақбердиева, Т.Мусурмонованинг оилавий аҳволи қониқарли эканлиги боис уларга тегишли нафақа пулини бериш тўхтатилганлиги тўғри ҳолат, деб топилди. Депутатлик гуруҳи аъзоларининг жойларда аҳоли билан очиқ мулоқотлари чоғида “Тошкентлик” МФЙ ҳудудида яшовчи фуқаро Ж.Норбўтаев уй-жой кадастр ҳужжатини расмийлаштириш учун маблағ зарурлиги, бундай харажат оилавий шароитига тўғри келмаётганлиги ҳақида баён қилди. Холида Содиқова туман ер ресурслари ва давлат кадастри бўлимига депутатлик сўрови чиқаргач, ушбу хонадоннинг кадастр ҳужжатлари имтиёзли равишда тўлиқ расмийлаштирилди. “Раваллиқ” маҳалласида истиқомат қилувчи фуқаролар Б.Босимов, Ў.Шойимова соғлиги ёмонлашганлиги сабабли, даволанишда ёрдам кўрсатилишини сўрашган эди. Иккала оила ҳам кам таъминланган эканлиги аниқлангач, уларга амалий кўмак бериш мақсадида туман тиббиёт бирлашмасига депутатлик сўрови чиқарилди. Улар зарурий дори-дармонлар билан таъминланиб, шифохонада даволанишларига имконият яратилди. Х.Содиқовага “Тоқчилиқ” МФЙда яшовчи фуқаролар ҳудудда сув қувури ёрилганлиги сабабли ярим йилдан буён ичимлик суви етиб келмаётганини билдиришди. Туман “Сув-оқава” корхонасига депутатлик сўрови юборилиб, натижада мазкур корхона ходимлари томонидан муаммо атрофлича ўрганиб чиқилди. Шундан сўнг қувурлар янгиланди ва хонадонлар ҳаёт манбаи — тоза ичимлик суви билан таъминланди. Албатта, бундай натижалар сайловчиларнинг манфаатларини ҳимоя қилишнинг бир ифодаси саналади. Аммо депутатлар ваколатларини назарда тутсак, амалий ташаббуслар етарли даражада эмаслиги маълум бўлмоқда. Депутатларимиз бу йилги сайловлар йилида партия тузилмалари билан биргаликда фаолроқ ишлашга янада кўпроқ эътибор қаратишлари лозим. Достон ЗОКИРОВ, Жиззах вилоят кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Қонунчиликдаги ўзгаришлар фуқароларга етказилди

Ўзбекистон “Адолат” социал-демократик партияси томонидан амалиётга татбиқ этилган партиянинг “Сиёсий-ҳуқуқий билимларни мустаҳкамлаш – демократик жамият пойдевори” лойиҳаси доирасида ҳудудлардаги маҳалла, қишлоқ фуқаролар йиғинларида ўтказилаётган сиёсий ўқувлар аҳолининг сиёсий онги, ҳуқуқий маъданиятини шакллантиришга катта хизмат қилмоқда. Партиянинг Ш.Рашидов туман Кенгаши томонидан тумандаги “Олмачи” МФЙда ана шундай ўқувлар бўлиб ўтди. Ўтказилган сиёсий ўқувда партия ходимлари томонидан ўтган ҳафтада имзоланган Ўзбекистон Республикаси Президентининг “Ипотека кредити бозорини ривожлантириш ва кенгайтиришга оид қўшимча чора-тадбирлар тўғрисида”ги, “Тадбиркорлик фаолиятини қўллаб-қувватлаш ва ҳимоя қилиш тизимини тубдан такомиллаштириш чора-тадбирлари тўғрисида”ги фармони, “Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида” қарорига атрофлича тўхталиб ўтилди. Шу билан биргаликда, тадбирда сўзга чиққан партиянинг туман Кенгаши раиси Б.Бозоров ўтган ҳафтада мамлакатимизга ташриф буюрган хорижий давлатлар делегациялари, улар билан ҳамкорлик алоқалари, халқаро ташкилотлар ва компаниялар билан имзоланган турли хил шартномалар юзасидан ўз фикрларини билдириб ўтди. Достон ЗОКИРОВ, Ўзбекистон “Адолат” СДП Жиззах вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!