СИРДАРЁ

Манзил: Гулистон шаҳри, Мустақиллик кўчаси, 35-уй

Телефон: (67) 225-43-58, 225-42-23

Электрон манзил:  sv_adolat@mail.ru

Янгиликлар
News

Мини-футбол бўйича хотира турнири ўтказилди

Ўзбекитон “Адолат” СДП Ховос туман Кенгаши томонидан Соғлиқни сақлаш бошқармаси ва Ховос бирлашган тармоқ шифохонаси ҳамкорлигида 9-май Хотира ва қадрлаш куни муносабати билан кўп йиллар давомида халқимиз хизматида бўлган, машаққатли касб эгаси, марҳум шифокор Облоқул Эркаев номини хотирлаб “Адолат” СДП аъзолари ва Сирдарё вилоят шифокорлар жамоаси ўртасида мини-футбол бўйича хотира турнири ташкил этилди. Янгиер шаҳрида жойлашган мини-стадион футбол ўйингоҳида ўтказилган мазкур хотира турнирида Янгие шаҳар, Сирдарё, Боёвут туман кўп тармоқли шифоҳоналари, Ховос бирлашган тармоқ шифохонаси, Гулистон шаҳар диагностика бўлими, Сирдарё вилоят шошилинч тез тиббий ёрдами марказидан ҳаммаси бўлиб саккиста жамоа иштирок этди. Қизғин ва муросасиз ўтган мини-футбол ўйинида барча жамоалар яхши кўрсаткичларни намойиш этишга астойдил ҳаракат қилишди. Примқул Тожиддинов, Ховос бирлашган тармоқ шифохонаси поликлиника бўлими мудири: — Ушбу ўйинни ташкил этишимиздан мақсад, аввало ўтганлар руҳини ёд этиш, уларнинг қилиб кетган эзгу амалларини барчага ўрнак этиб кўрсатишдан иборатдир. Шу билан бир қаторда “Спорт - соғлик гарови” тамойилига амал қилган ҳолда бу каби ўйинларни ташкил этиб, унда фаоллик кўрсатиш ҳам бизнинг бош мақсадларимиздан бирига киради. Марҳум шифокор Облоқул Эркаевнинг халққа кўп хизматлари синган. Бу каби улуғ инсонларнинг ёди ҳамиша халқ қалбида яшайверади. Ташкил этилган хотира турнири давомида жамоалар орасидан муносиблари сараланиб, финал босқичида қатнашиш ҳуқуқини қўлга киритишди. Якуний натижаларга кўра, 1-ўринни Боёвут кўп тармоқли шифохонаси қўлга киритди. 2- ва 3- ўринлар эса Сирдарё туман ва Янгиер шаҳар кўп тармоқли шифохонасидагиларига насиб этди. Шунингдек, Ховос бирлашган тармоқ шифохонаси “энг тартибли жамоа” номинацияси бўйича баҳоланди. Ғолибларга Ўзбекистон “Адолат” СДП Ховос туман Кенгаши ҳамда ҳамкор ташкилотларнинг қимматбаҳо эсдалик совғалари топширилди. Адҳам СУХРОБОВ, Ўзбекистон “Адолат” СДП Ховос туман Кенгаши ижрочи котиби ...

Батафсил
News

Ховосда янги БПТ ташкил этилди

Ўзбекистон “Адолат” СДП Ховос туман Кенгаши томонидан амалга оширилаётган бир қатор ишлар партиянинг сайловчиларимиз орасидаги нуфузининг ортишига ҳамда электоратимиз манфаатларини ҳар жиҳатдан ҳимоя қилишга ҳисса қўшиб келмоқда. Бу эса туман ҳудудида партиямиз аъзолари сафининг янада кенгайишига хизмат қилмоқдаки, бунинг ёрқин далилини Ховос сигнализация ва алоқа масофаси корхонасида ташкил этилган янги бошланғич партия ташкилоти мисолида ҳам кўришимиз мумкин. Хозирда БПТ аъзолари сони 100 нафарни ташкил этмоқда. Ҳар бир аъзонинг партия фаолиятига қизиқиш билан қараётганлигини уларнинг партия етакчиларига бераётган савол ва мулоҳазаларидан ҳам англаса бўлади. Носир Муқумов, бошланғич партия ташкилоти раиси: — Биз Ховос сигнализация ва алоқа масофаси корхонаси ходимлари яқиндан бошлаб Ўзбекистон “Адолат” СДП аъзолигига қабул қилиндик. Аъзоларимизнинг барчаси бир мақсад, яъни партиянинг дастурий вазифаларидан келиб чиқиб сиёсий жараёнларда фаол иштирок этишга бел боғлаганмиз. Кўпчилигимизга яхши аёнки, бугунги тезкор замонда фаол бўлиш, ҳар-бир жамият аъзоси учун ён-атрофда бўлаётган ходисаларга бефарқ қарамаслик тарақиётнинг муҳим шартларидандир. Шу томонлама ёндашиб қаралганда, бизнинг партия аъзоси бўлишимиз бугунги кун учун нақадар, зарурдир. Биз аминмизки, бўлғуси сайловларда шу каби аъзоларимиз партиявий дастур ва ишларимизнинг фаол тарғиботчиси бўлишади. Меҳринисо БОБОНАЗАРОВА, Ўзбекистон “Адолат” СДП Сирдарё вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Хотира муқаддас – қадр азиз

Бизнинг халқимиз азал-азалдан ўзаро меҳр-оқибат, ҳамжиҳатлик, қадрлаш ва ёд этиш каби эзгу фазилатларни ўзида мужассам этган халқ бўлиб келган. Бу - биродарларни йўқлаш, ота-она, қўшничилик, қариндош ва дўстларга бўлган муносабатларда ҳам яққол ўз ифодасини топган. Бу азалий қадриятлар ҳануз давом этиб келмоқдаки, далилини одамларнинг нигоҳларидан, уларнинг бир-бирига бўлган муомаласидан ҳам пайқаш қийин эмас. Шу маънода жорий йилнинг 7 май куни Ўзбекистон “Адолат” СДП Сирдарё вилоят Кенгаши томонидан Гулистон давлат университети билан ҳамкорликда ўтказилган “Аждодлар хотираси – муқаддас қадрият” мавзусидаги хотира тадбири ҳам айнан улуғ аждодларимизга бўлган юксак ҳурмат, Иккинчи жаҳон уруши қатнашчиларини шарафлаш ва эъзоз этиш, нуроний отахон ва онахонларимизга бўлган ҳурматнинг нишонаси бўлди, десак асло янглишмаган бўламиз. Гулистон давлат университетининг кичик мажлислар залида бўлиб ўтган мазкур Хотира тадбирида Ўзбекистон “Адолат” СДП Сирдарё вилоят Кенгаши ходимлари, депутатлар, фахрийлар, “Ёшлар қаноти” вакиллари университет ўқитувчи ва талабалари иштирок этдилар. Арипжон Қудратов, Олий Мажлис Сенати аъзоси, Халқ депутатлари вилоят Кенгаши депутати: — Халқимиз бугунги кунларга етиб келиш учун не-не синовлар-у машаққатларни бошидан кечирмади. Айниқса, бутун дунёни зир титратган Иккинчи жаҳон урушининг оқибатлари инсоният оламига вахшат солди. Инсон деган ном топталди, хўрланди. Шунинг учун бугуннинг қадрига етмоқ, тинчлигимизни асрамоқ ҳар биримизнинг олдимиздаги муқаддас бурчдир. Тадбир давомида талабалар иштирокида мавзуга оид савол-жавоблар ўтказилди. Саволга тўғри жавоб берганлар муносиб рағбатлантириб борилди. Меҳринисо БОБОНАЗАРОВА, Ўзбекистон “Адолат” СДП Сирдарё вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Бизнинг бобомиз Пушкин эмас-ку!

Ён-атрофга диққат билан ҳеч разм солганмисиз? Кишиларнинг табиатида ўз она тилига бўлган муносабатини ҳеч пайқаганмисиз? Карочи, вообше, тем более каби сўзлар нутқий одат сўзларига айланиб қолганлигигачи? Тўғри, ўтган давр давомида муҳит ва шароит тақозоси инсонларнинг шундай сўзларни одатий ҳолда қабул қилишлари ва ишлатишларига сабаб бўлди, дейиш мумкин. Бироқ, биз янги жамият қурдик. Унда ўзимизга хос ва фақат ўзимизгагина тегишли бўлган миллийлигимизни сингдирдик. Бу миллийликни сақлаб қолиш учун эса миллат тили ягона бўлиши керак. Унга ўзга тиллар аралашдими, тамом. Бу миллат маънавиятига путур етказмасдан қолмайди. Биз биламизки, рус тили дунё тиллари қаторига киради. Биз уни иккинчи тил сифатида қабул қилиб мавқеини янада баландлатмаяпмизми? Орамизда шундай кишилар борки, ўз тилида гапиришдан ор қилиб, ўзбек тилида гапиришни хоҳламайди. Шундай экан, рус тилини янада юқори мартабага чиқариб нимага эришамиз?! Кўпчилик ота-оналар фарзандларига ёшлигидан рус тилини ўргатишга камарбаста бўлишади. Бу яхши. Бинобарин, дунё билиш учун, уни таниш учун рус тилини ўрганиш ижобий ҳолат. Лекин шундай ота-оналар ҳам йўқ эмаски, фарзандига рус тилини ўргатиш билан бирга русча тарбия ҳам беради. Бу ўз-ўзидан кўринадики, ўша фарзанднинг келгусидаги ҳаётига ўз таъсирини ўтказмасдан қолмайди. Бу ўзига хослигимиз, миллийлигимиз мустаҳкамлигини парчалайди. Ҳеч бир ота-она фарзанд тарбиялаётиб, унинг қандай сўзларни ишлатишига, фойдаланишига жиддий эътибор қаратадими? Афсуски йўқ. Бу сўзни айт-у, у сўзни айтма, деган билан фарзандингиз топшириғингизни тўлиқ уддалай олмаслиги мумкин. Лекин сиз қандай сўздан фойдалансангиз фарзандингиз ҳам шунга яраша камол топади. “Қуш уясида кўрганини қилади”- деган нақл юқоридаги фикримнинг исботи. Фарзанд тарбияси аввало оиладан бошланишини унутмайлик. Ўзингиз ўрнак бўлиб, кўрсатсангизгина таъсири жуда кучли бўлади. Демоқчиманки, биз Ватанимиз, миллатимиз шаънини юқорига кўтариш учун тилимизни, унинг дахлсизлигини таъминлашимиз зарур. Тил бор экан миллат бор. Ўзбек тили бор экан – ўзбек деган халқ бор. Рус тили шундоқ ҳам юртимизда, қолаверса, халқимиз орасида алоҳида ўринга эга. Уни ўрганиш, мулоқот қилишни одамларнинг ўзлари жуда яхши билишади, эплашади. Бунинг учун уни давлат тили даражасига чиқариш шарт эмас. Унинг ўрнига ўзбек тилининг мавқеини кўтарайлик. Тилимизнинг мустаҳкам бўлишига ҳисса қўшайлик. Дунё халқларининг жуда кўпчилиги рус тилини билишади. Ўзбек тилини ҳам шундай мартабага етказиш қўлимиздан келмайдими? Навоий бобомиз бу тилнинг мавқеини осмон қадар юксакларга кўтарганида, биз уларга муносиб ворис бўлолмаймизми? Биз бунинг ўрнига рус тилини кўтармоқчи бўламиз! Ахир бизнинг бобомиз Пушкин эмас-ку! Ўзга миллатлар тилини ҳурмат қилиш инсонийлик бурчимиз. Истагим, дунё тилларини ўрганайлик ва бу орқали жамиятимизга, халқимизга фойдаси тегадиган ишларни қилайлик. Аммо ўз тилимизга хиёнат қилмайлик. Зеро, бир кун келиб, бизнинг ўзбек тилимизни ҳам дунёнинг барча халқлари ўқиб-ўрганишга ихлосманд бўлсин! Меҳринисо БОБОНАЗАРОВА Ўзбекистон “Адолат” СДП Сирдарё вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Ховос тажрибаси ўрганилди

Бугунги кунда Ўзбекистон “Адолат” СДП Сирдарё вилоят Кенгаши таркибида фаолият юритаётган партия туман, шаҳар Кенгашлари ичида Ховос туман Кенгаши ҳар жиҳатдан бошқаларга нисбатан намуна бўларлик даражада фаолият олиб бормоқда. Шу боис, яқинда партия Ховос туман Кенгаши иш фаолияти тажрибасини ўрганиш ҳамда шу орқали қолган туман, шаҳар Кенгашлари ҳам партия ишида малакавий билим ва тажрибага эга бўлишларини таъминлаш мақсадида Ўзбекистон “Адолат” СДП Сирдарё вилоят Кенгаши ҳудуддаги барча туман ва шаҳар Кенгашлари иштирокида “Партия тизимида иш юритиш, ижро интизоми: талаб ва таҳлил” мавзусида давра суҳбати ўтказди. Партия Ховос туман Кенгаши биносида ўтказилган ушбу давра суҳбатида партиянинг барча туман, шаҳар Кенгаши раис ва ижрочи котиблари, вилоят Кенгаши раиси ва ходимлари, депутатлар ва партия фаоллари қатнашишди. Сал аввалроқ Ўзбекистон “Адолат” СДП Сиёсий Кенгаши Марказий аппаратидан келган ишчи гуруҳлар ҳудудлар ишини ўрганиш юзасидан ташриф буюрган эди. Унда партия Сиёсий Кенгаши Марказий аппарати бўлим мудири Г. Агзамова туман, шаҳар Кенгашлари фаолиятини тегишлича ўрганиб чиқиб, таклиф ва бажарилиши лозим бўлган вазифаларни белгилаб берган эди. Шу сабабли, мазкур учрашув ҳам партия тизимидаги кадрлар салоҳиятини ўстириш, олиб борилаётган ишлар, партиявий лойиҳаларнинг амалиётга татбиқи борасидаги долзарб масалаларга бағишланди. Ўзбекистон “Адолат” СДП Сирдарё вилоят Кенгаши раиси Д. Абдуллаева партиянинг 2019 йил 1-чоракдаги фаолияти бўйича сўз юритар экан, ҳисобот, иш шакли ва усулларини янгилаш юзасидан партия томонидан ўтказилаётган таҳлилларнинг кўрсатишича, барча ташкилий-партиявий ишлар бир марталик кам самарали ва катта аҳамиятга эга бўлмаган тадбирларни ўтказишга боғланиб қолганлиги масаласига алоҳида тўхталиб ўтди. Партияга янги аъзоларни қабул қилиш иши бўйича етарли шуғулланилмаганлиги, шу билан бир қаторда, Сирдарё вилоят Кенгаши фаолиятига янгича муносабатни ишлаб чиқиш ва уларни амалиётга татбиқ этиш бўйича асосий йўналишларни белгилаш ҳамда ушбу дастур асосида вилоят партия Кенгашининг фаолият услуби, шакли, ва усулларини янгилашнинг асосий йўналишлари тўғрисида дастур ишлаб чиқиш кераклиги таъкидланди. Шунингдек, Халқ депутатлари Ховос туман Кенгаши депутати Ғ. Раимназаров ҳам сўзга чиқиб, Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини амалий рўёбга чиқариш доирасида шу йилнинг ўзида турли соҳаларни ривожлантиришга қаратилган Ўзбекистон Республикаси Президентининг тўққизта, ҳукуматнинг тўртта қарори қабул қилинганлигини, шу асослардан келиб чиқиб олдимизда бажарилиши зарур бўлган талай вазифалар турганлиги, партиявий ишларимизни қайта кўриб чиқиб ўз фаолиятимизни тубдан ўзгартиришимиз ва бугунги замонга, халқимизнинг талаб ва истакларига мос равишда янгилашимиз ва фаолият олиб боришимиз кераклигига алоҳида урғу бериб ўтди. Учрашув давомида барча йиғилган иштирокчилар партия Ховос туман Кенгаши иш фаолияти билан яқиндан танишиб, ўзлари учун зарур бўлган иш ва тажрибага эга бўлишди. Шу билан биргаликда, муҳокамада сўзга чиққан партиядошларнинг ҳам таклифлари инобатга олиниб, фикр-мулоҳазалари тингланди. Меҳринисо БОБОНАЗАРОВА, Ўзбекистон “Адолат” СДП Сирдарё вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Ислоҳотларда сиёсий партияларнинг фаол иштирокини таъминлаш — давр талаби

Маълумки, демократик жамият қурилишида иштирок этадиган ҳар бир масала халқнинг диққат марказида бўлмоғи лозимдир. Шу боисдан, демократиянинг асосий кўриниши бўлган сайлов ва у билан боғлиқ ишлар ҳам энг аввало, халқ билан узвий алоқада шаклланиши зарур. Кейинги вақтларда сайлов тизимида олиб борилаётган ислоҳотлар, бу жараённи юқори босқига кўтармоқда, десак асло янгишмаймиз. Хусусан, янгидан жорий этилаётган сайлов қонунчилиги ҳам айнан юртимизда демократия тизимини тўлақонли жорий этиш, бу борада халқнинг дилидаги истак ва орзуларини асос қилиб олиш моҳиятан келгусидаги янги-янги истиқболларни белгилаб берса, не ажаб. Ўзбекистон “Адолат” СДП Сирдарё вилоят Кенгаши томонидан ўтказилган “Жамиятда юксак ҳуқуқий маданиятни шакллантиришда сиёсий партияларнинг ўрни” мавзусидаги семинар ҳам юқоридаги фикрларнинг исботи сифатида бу борадаги кўплаб янги қирраларни намойиш этди. Жумладан, ҳар бир партиядош ўз масъулиятини яхши англаган ҳолда бу йилги бўлиб ўтадиган сайлов жараёнларида фаол иштирок этиши, унинг ташкилий-ҳуқуқий жиҳатларига диққат-эьтибор қаратиши кераклигига алоҳида урғу берилди. Фермерлар Кенгаши мажлислар залида бўлиб ўтган мазкур учрашувда Ўзбекистон “Адолат” СДП Сиёсий Кенгаши раиси ўринбосари Абдукамол Рахмонов ҳам иштирок этдилар. Шу билан бирга, партиянинг вилоят Кенгаши раиси ва ходимлари, депутатлар, туман ва шаҳар Кенгаши вакиллари, бўлғуси сайловдаги номзодлар, “Аёллар” ва “Ёшлар” қанотлари ҳамда ОАВ вакиллари иштирок этишди. Семинарни партиянинг вилоят Кенгаши раиси Дилшунос Абдуллаева очиб берар экан, ташкил этилган мазкур учрашув мазмунан партия олдида турган долзарб масалаларни қамраб олишига алоҳида урғу бериб ўтди. Сўнгра партия Сиёсий Кенгаши Марказий аппарати раис ўринбосари Абдукамол Рахмонов сўзга чиқиб, жамиятда сайловчиларнинг ҳуқуқий маданиятини ошириш борасидаги муҳим вазифаларга алоҳида тўхталиб ўтди. “Қачонки, фуқароларимиз жамиятда ўз ўрнини топишга интилиб, унинг ҳуқуқий асосларига риоя этсаларгина, кейинги тараққиёт куртаклари ҳам шунга мутаносиб тарзда қулоч ёза боради. Шу билан бир қаторда, партиямиз манфаатларини муносиб ҳимоя қилиш, бўлғуси сайловга жиддий тайёргарлик кўриш, халқ ишончига кира олиш, бунинг учун электоратимиз манфаатларини кўзлаган ҳолда иш тутиш, сайлов олди тарғибот-ташвиқот ишларини кучайтириш зарур”. А. Рахмонов шу хусусдаги ишларни олиб бориш орқали юқори натижага эришиш мумкинлигини айтиб, бир қанча топшириқ ва вазифаларни белгилаб берди.  Шундан сўнг сўзга чиққан Олий Мажлис Сенати аъзоси, Халқ депутатлари вилоят Кенгаши депутати Арифжон Қудратов ҳам мавзу доирасидаги ўз фикр-мулоҳазалари билан ўртоқлашди. Депутатларнинг халқ олдидаги саъй-ҳаракатлари нечоғли аҳамиятга эга эканлигини таъкидлаган ҳолда, унга жиддий ёндашиш, шу жиҳатдан олиб қаралганда сайлов учун муносиб номзодларни кўрсатиш лозимлигини эътироф этди. Партиянинг бир бўғини бўлган Сирдарё вилоят Кенгашининг бу борадаги фаолиятини жонлантириш зарурлигини алоҳида қайд этди. “Партияни омма орасида кенг тарғиб қилишда пиар технологиялардан фойдаланиш” мавзусида Д. Абдуллаева сўзга чиқиб, аввало, туман, шаҳарларнинг бу хусусдаги фаолиятини кескин жонлантириш муҳимлигига эътиборини қаратди. Бугунги кунда ахборот технологиялари замонида яшар эканмиз, бевосита одамларнинг дунёқараши ва онги ҳам шунга мос равишда ўсиб бораётганлиги, интернетнинг афзаллик томонларидан партиямизнинг тарғибот-ташвиқот ишларини жадал суратда йўлга қўйишда фойдаланиш пировард натижаларга эришишда қулай усул эканлигини айтиб ўтди. Шундан сўнг, қолган йиғилганлар ҳам мавзу юзасидан келиб чиқиб ўз фикрларини баён этиб ўтишди. Семинар сўнгида якуний хулосалар чиқарилиб, партиянинг ҳар бир масъули зиммасига алоҳида топшириқлар белгиланди. Меҳринисо БОБОНАЗАРОВА, Ўзбекистон “Адолат” СДП Сирдарё вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Сирдарёда “Адолат” кубогининг вилоят босқичи бўлиб ўтди

Ўзбекистон “Адолат” СДП Сирдарё вилоят Кенгаши томонидан Ўзбекистон Белбоғли кураш федерацияси билан ҳамкорликда “Адолат” кубоги учун ўтказиб келинаётган белбоғли кураш мусобақасининг вилоят босқичи бўлиб ўтди. Боёвут туманидаги 32-сон умумтаълим мактабида ўтказилган мазкур кураш мусобақасида партиянинг вилоят Кенгаши вакиллари, Ўзбекистон Белбоғли кураш федерацияси Сирдарё вилоят филиали мураббийлари, “Адолат” кубоги мусобақаси иштирокчилари, партия фаоллари, ОАВ вакиллари ҳамда мусобақа ихлосмандлари иштирок этдилар. Маълумки, азал-азалдан белбоғли кураш бўйича сайилларда, тўйларда ва бошқа йиғинларда мусобақалар ташкил этилиб келинган. Бу беллашувларда кураги ерга тегмаган курашчи полвонларимиз юртимиз довруғига довруқ қўшганлар. Белбоғли кураш узоқ тарихга эга, бу кураш усулида ўзбек полвонларининг қўли белбоғдан узилиб кетмасдан амалга оширилади. Белбоғли кураш Темурийлар замонида ҳам ва ундан кейинги даврларда ҳам халқнинг севимли спорт турларидан бўлиб келган. Мусобақа аввалида партия вилоят Кенгаши раиси Дилшунос Абдуллаева барча иштирокчиларни вилоят босқичига етиб келганлиги билан табрик этган ҳолда қатнашувчиларга омад тилади. Шу билан биргаликда, Белбоғли кураш федерацияси Сирдарё вилоят бўлими бош мураббийи Ҳусниддин Бердибеков “Спорт – соғлик гарови” мавзусида ўтказилаётган мазкур мусобақанинг аҳамияти, спортга ошно ёшларнинг ҳаётида тутадиган ўрни ҳақида қисқача тўхталиб ўтди. Шундан сўнг ҳакамлар ҳайъати томонидан белбоғли кураш мусобақасининг вилоят босқичига старт берилди. “Адолат” кубоги учун беллашилаётган мазкур турнирда 2001, 2002 йилларда туғилган 55, 60, 65, 71, 77, 83 кг вазн тоифаларидаги курашчиларнинг тенгсиз курашлари намойиши бошланди. Мазкур очиқ биринчиликда 50 нафарга яқин белбоғли кураш билан мунтазам шуғулланётган спортчи ёшлар ўз имкониятларини яна бир бор синовдан ўтказишди. Қизиқарли ва муросасиз кечган беллашувнинг якуний натижаларига кўра А. Йигиталиев 55 кг, Р. Бозорбоев 60 кг, Қ. Юсупов 65 кг, Т.Исмоилов 71 кг, Б. Холматов 77 кг, М. Мамараимов 83 кгда фахрли биринчи ўринни эгаллашди. Беллашув мутлақ ғолиблари Ўзбекистон Белбоғли кураш федерацияси Сирдарё вилояти бўлими ҳамда Ўзбекистон “Адолат” СДП Сирдарё вилояти Кенгаши томонидан турли вазн тоифасида 1-,2-,3-ўринлар бўйича баҳоланиб, диплом ҳамда эсдалик совғалар билан тақдирландилар. Шунингдек, қолган фаол иштирокчилар ҳам рағбатлантирилди. Меҳринисо БОБОНАЗАРОВА, Ўзбекистон “Адолат” СДП Сирдарё вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Депутатлик сўрови орқали фуқаро Суюн Жўраевга тадбиркорлик фаолияти учун ер майдони ажратиб берилди

Фаровон ҳаёт кечиришнинг омилларидан бири бўлган тадбиркорлик соҳаси нафақат оила ва унинг моддий таъминотлари учун, балки, эл-юрт ва жамият манфаатлари учун ҳам алоҳида аҳамият касб этиб бормоқда. Шу боис, юртимизда бу борада амалга оширилаётган ишларнинг кўлами таҳсинга лойиқ. Бироқ “гуруч курмаксиз бўлмайди” – деганларидек, соҳа ривожини юқори босқичга олиб чиқишда тўсиқ бўлиб турган айрим муаммолар ҳам йўқ эмас. Хусусан, Сардоба туман Пахтаобод шаҳарчаси “Қуйитош” маҳалласида истиқомат қилувчи фуқаро II гуруҳ ногирони Суюн Жўраев тадбиркорликнинг балиқчилик соҳасида шуғулланиш учун ер майдони ажратилишини сўраб бормаган ташкилот-у идораси қолмади. Қайга бормасин, “отанга бор, онанга бор”- деб, хуноб қилишди. Сардоба туман ҳокимлиги, туман халқ қабулхонаси, давлат хизматлари кабилардан эса бир иш чиқмади. Фуқаро Суюн Жўраевнинг ўғли Жасур Жўраев бўлса, балиқчилик билан шуғулланишга ер олиша олмаса Россия давлатига ишлаш учун кетмоқчи эканлигини отасига маълум қилади. Ота эса бунга рўйхушлик беришни истамасдан бир иложини қилиб ер олиш лозимлигини айтади. Шу ўринда ота нима қилишини билмай боши қотади. Ер берилмаса ўғли ишлаш учун ўзга давлатга кетадиган. Мурожаат қилиб боришганда ҳокимлик мутасаддилари сўралган ерни Хитой давлати вакилларига беришганини важ қилиб кўрсатади. Алал-оқибат ҳеч қаердан нажот топа олмаган фуқаро С. Жўраев “Адолат қабулхонаси” орқали Олий Мажлис Сенати аъзоси, Ўзбекистон “Адолат” СДПдан Халқ депутатлари вилоят Кенгаши депутати Арипжон Қудратовга масала юзасидан ёрдам беришини сўраб мурожаат этади. А. Қудратов мазкур муаммони яхшилаб ўрганиб чиқиб, фуқаронинг мурожаати асосли эканлигидан уни узоқ куттириб ўтирмади. Мурожаат бўйича Сардоба туман ҳокимлигига депутатлик сўрови киритди. Буни қарангки, депутатлик сўровидан сўнг Сардоба туман ҳокимлиги дарҳол С. Жўраевнинг фарзанди Ж. Жўраев номига балиқчилик йўналишида фермер хўжалиги ташкил этиш учун ер ажратиб бериш тўғрисида қарор қабул қилди. Фуқарога Узоқов номли СИУ ҳудудидаги 1-контурдан ер ажратиб берилди. Ота-болалар қариийб бир йил сарсон-саргардонликдан сўнг тадбиркорлик қилиш учун ерга эга бўлишди. Мана шундай ҳолларни кузата туриб ажабланасан, киши. Фуқаронинг тадбиркорлик қилиши учун ер майдони ажратилишида Сардоба туман ҳокимига албатта, кимнингдир турткиси керакми? Халқ ўз орзу-умидларини рўёбга чиқараман деб юқори ташкилот вакиллари-ю мансабдорларнинг бюрократик тўсиқларига дуч келганида ўз номига ҳамоҳанг фаолият олиб борадиган Ўзбекистон “Адолат” СДП доимо қанот бўла олишини мана шу жиҳатлардан ҳам англаб олиш қийин эмас. Меҳринисо БОБОНАЗАРОВА, Ўзбекистон “Адолат” СДП Сирдарё вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!