СИРДАРЁ

Манзил: Гулистон шаҳри, Мустақиллик кўчаси, 35-уй

Телефон: (67) 225-43-58, 225-42-23

Электрон манзил:  sv_adolat@mail.ru

Янгиликлар
News

Халқ депутатни тинглади

Бахт шаҳар 45-сайлов округидан Халқ депутатлари вилоят Кенгаши депутатлигига сайланган Салоҳиддин Элмуродов сайловчилар олдида беш йиллик қилинган амалий ишлари бўйича ҳисобот тақдим этди. Мусиқа ва санъат мактабида ўтказилган учрашувда депутат билан биргаликда партиянинг вилоят Кенгаши ходимлари, Бахт шаҳар ҳокимлиги вакиллари, мутасадди ташкилотлар ва юздан ортиқ сайловчилар иштирок этишди. Муяссар Бобомуродова, Бахт шаҳар “Хазина” маҳалласида яшовчи фуқаро: - Депутат Салоҳиддин Элмуродов сайланган онидан бошлаб шу давргача жуда кўплаб халққа манфаат етказадиган ишларни амалга оширди. Ўзининг таъбири билан айтганда, “халқ хизматчиси” бўлган депутат нафақат ўзи истиқомат қилаётган Сирдарё тумани ҳудуди, балки бутун вилоятда хайрли ишлар амалга оширилишида жонбозлик кўрсатди. Коммунал соҳа: электр, газ, ичимлик суви борасида муаммоси мавжуд ҳудудларни тегишли жойларга депутатлик сўрови киритиш орқали тезликда ҳал этди. Булардан ташқари қанчадан-қанча мактаблар, шифохоналар, боғчалар қурилишида, мукаммал қайта таъмирланишида бош-қош бўлди. Бу айтганларим депутатнинг бажарган ишларидан бир парча, холос. Бундан ташқари бу кетма-кетликларни яна кўплаб давом эттириш мумкин. Биз бу депутатни сайлаганимиздан жуда ҳам мамнунмиз. Келгуси сайловда ҳам уларнинг номзодини тўла ишонч билан қўллаб-қувватлаймиз. Депутат ҳисоботи тинглаб бўлингач, учрашув қизиқарли, фойдали савол-жавоблар тарзида давом этди. Дарҳақиқат, сайловчилар депутат С.Элмуродовнинг фидокорона мехнатларини, хизмат вазифасига масъулият билан ёндашган холда халқ учун қилган эзгу ишларини бир овоздан маъқуллашди. Шундай депутатлар сафи кўпайишига тилак билдиришди. Меҳринисо БОБОНАЗАРОВА, Ўзбекистон “Адолат”СДП Сирдарё вилоят Кенгаши матбуот котиби      Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP    ...

Батафсил
News

Менда таклиф бор: Мактаб ошхоналари яхшилансин

Бугунги кунда мактаб ошхоналаридаги мавжуд ҳолатни ижобий деб баҳолаб бўлмайди. Агар кузатган бўлсангиз, аксарият мактаб ошхоналарида сифати кафолатланмаган, уй шароитида тайёрланган шарбатлар, сомсалар, турли ҳилдаги озиқ-овқат ва ширинликларни сотишаётганига гувоҳ бўласиз. Мактаб ўқувчилари эса бу каби сифати кафолатланмаган маҳсулотларни кўр-кўрона истеъмол қилишади. Чунки эрталаб мактабга келган ўқувчи кун давомида ўзида озиқ-овқат маҳсулотларини истеъмол қилишга эхтиёж сезади. Ўқувчилар дарс тугагандан сўнг қўшимча тўгаракларда қолишади. Афсус билан айтиш мумкинки, болалар истеъмол қиладиган маҳсулотларнинг сифат ва кўрсаткичи мактаб маъмурияти томонидан назоратга олинмаяпти. Тиббиёт мутахассисларининг таъкидлашларича, ҳар бир ўсиб келаётган бола организми учун кунига 500 граммдан сут-қатиқ маҳсулотлари истеъмол қилиниши зарур. Бу бола организмининг кальций ва бошқа фойдали элементлар билан озиқланишида муҳим ўрин тутади. Айниқса, 11-14 ёшли ўсмир ёшидаги болалар учун бу озиқавий моддалар жуда зарур. Шуларни инобатга олган ҳолда мактаб ошхоналар тизими қайтадан кўриб чиқилиб, унда болалар истеъмоли учун сотилаётган маҳсулотлар қатъий назоратга олиниши ҳамда кунлик рационда фойдали ва зарарсиз деб топилган, сифати давлат назоратига олинган озиқ-овқатлар сотилиши мақсадга мувофиқ, деб ҳисоблайман. Лола ЖЎРАЕВА, Гулистон шаҳридаги 5-мактаб ўқитувчиси, Партия фаоли Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Қурол тўғрисида қабул қилинган янги қонун юзасидан матбуот анжумани ўтказилди

Ўзбекистон “Адолат” СДП Сирдарё вилоят Кенгаши томонидан Сирдарё вилоят Адлия бошқармаси ҳамкорлигида жорий йилнинг 29 июль куни тасдиқланган “Қурол тўғрисида” қабул қилинган қонун юзасидан матбуот анжумани ўтказилди. Анжуманда бир гуруҳ соҳа ходимлари журналистларни қизиқтирган  саволларга жавоб беришди. Ёқубжон Жалилов, Ўзбекистон Республикаси Миллий гвардияси Сирдарё вилоят назорат-руҳсат бериш фаолияти бўлим бошлиғи: - Мазкур қабул қилинган янги қонун фуқароларда ҳар хил тушунчаларни пайдо қилмоқда. Хатто баъзи бир инсонлар энди қуролни бемалол ишлатишимиз мумкин экан, деган ҳаёлга ҳам боришмоқда. Қонун билан тўлиқ танишиб чиққан киши бу фикрларнинг хато эканлигини тушунади. Негаки, мазкур қабул қилинган қонун қуролга эгалик қилиш бўйича хеч қандай эркинликларни бермайди. Балки ушбу қонун орқали фуқароларнинг қуролга эгалик қилишлари бўйича янги тартиб ўрнатилди ва қатьий назоратга олинди. Жумладан, эндиликда электрошокер ва газли қуролларни фақатгина руҳсатнома асосида сотиб олиш мумкин.  Илгари бундай чекловлар мавжуд эмасди. Яна бир эътиборли томони фуқаровий қуролларни сотиб олиши мумкин бўлган шахслар тоифаси ҳам аниқ белгилаб берилди. Жумладан, муомалага лаёқатсиз ёки муомала лаёқати чекланганлар, жазони ўтаётганлар, яшаш жойига эга бўлмаганлар ва илгари қурол билан боғлиқ бўлган ҳуқуқбузарликни содир этган шахслар қурол сотиб олиш ҳуқуқига эга эмаслиги қонун билан мустаҳкамлаб қўйилди. Қуролга эгалик қилиш бўйича рухсатнома олдинлари ИИВ томонидан берилар эди. Янги қонун бўйича рухсатнома бериш ваколати Ўзбекистон Республикаси Миллий гвардиясига берилди. Шунингдек, рухсатнома олиш учун маҳалла қўмитасидан ижобий характердаги тавсифнома олиш, камида уч нафар қўшни турадиган хонадон эгаларининг қуролга эгалик қилмоқчи бўлган шахсга нисбатан фикрномаси, қолаверса ўз турмуш ўртоғининг розилигини олиш тартиблари ҳам жорий қилинди. Миллий гвардия ходимлари халқимизнинг қон-қонига сингиб кетган юзхотирчилик одати туфайли хулқ-атвори тўғри келмайдиган шахсларга ҳам ижобий тавсифнома ёзиб бериш ҳолатлари учраётганлигини айтишди. Шунинг учун МФЙ раисларини фуқароларга ҳаққоний равишда тавсифнома ёзиб беришга ундаган ҳолда бу ҳолат назоратга олинажагини билдириб ўтишди. Хозирги кунда 1175 нафар давлат рўйҳатидан ўтган шахслар қуролга эгалик қилиш рухсатномаларини олишган. Матбуот анжуманида фуқаролар эндиликда ўзи истаган қуролни сотиб олиши мумкинми, деган саволга жавоб шуки, миллий гвардия ходимлари томонидан фуқаролар фақат ов, спорт машғулотлари вақтида ўзини ҳимоя қилиш мақсадида фуқаровий қуролларни харид қилиши мумкин. Бунда ов қуролидан фақат ов мақсадида, спорт қуролидан фақат спорт машғулотларида фойдаланиш мумкин. Фуқароларнинг бошқа турдаги қуролларга эгалик қилишлари қатьиян тақиқланади, деган жавоблар берилди. Шу билан бирга, қонунда фуқаровий қурол олиб юриш мумкин бўлмаган объектлар аниқ белгилаб қўйилгани, илгари бу масала аниқ тартибга солинмаганлиги, хусусан, оммавий тадбирлар вақтида, кўнгилочар ва хордиқ чиқариш жойларида, таълим, тиббиёт муассасаларида, шунингдек, маст ҳолда фуқаровий қуролни олиб юриш қатъиян тақиқланганлиги айтиб ўтилди. Демак, қурол тўғрисидаги меъёрлар янгилик эмас. Фуқаролар шу кунга қадар ҳам ов, спорт, пневматик қуролларни овчилик жамиятлари ва спорт дўконидан сотиб олиши мумкин эди. Ушбу қонунда эса фуқаровий қуролларнинг аниқ тушунчалари ва таснифлари белгилаб берилгани, шунингдек қуролларни сотиб олиш ва сақлаш бўйича қатор талаб ва чекловлар қўйилгани маълум қилинди.            Меҳринисо БОБОНАЗАРОВА, Ўзбекистон “Адолат” СДП Сирдарё вилоят Кенгаши матбуот котиби   Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Менда таклиф бор: Мактаб дарсликлари бепул бўлсин

Маълумки, республика мақсадли китоб жамғармаси (РМКЖ) томонидан ҳар йили мактаб ўқувчиларига ижара шартномаси асосида дарсликлар етказиб берилади. Бир оилада ўрта ҳисобда 2-3 нафар мактаб ёшидаги фарзандлар ўқийди. Маълумотларда келтирилишича, ҳар бир ўқувчи дарсликлар ижараси учун 17-18 минг сўм тўлов қилар экан. Аммо ҳамманинг шароити ҳар-ҳил бўлгани учун шу пулни ҳам тўлай олмайдиган ночор оилалар мавжуд. Партиямизнинг қарашларига кўра албатта, бундай оилалар манфаати ҳисобга олиниши зарур. Ўзбекистон Республикаси Конституциясининг 41-моддасида “Ҳар ким билим олиш ҳуқуқига эга. Бепул умумий таълим олиш давлат томонидан кафолатланади. Мактаб ишлари давлат назоратидадир” дейилган. Шундан келиб чиқиб фикр юритадиган бўлсак, мактабларга тарқатиладиган дарсликлар бепул берилиши ёки табақалаштирилган ҳолда муайян ўқувчиларни ижара тўловидан озод қилиш даркор. Зеро, фарзанднинг яхши билим олиши кўп ҳолларда унинг кучли ижтимоий ҳимояланишига ҳам боғлиқдир.   Дилноза Умрзоқова, Сирдарё вилоят Адлия бошқармаси ахборот хизмати бошлиғи Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Менда таклиф бор: Ваколатни ҳокимдан олиб, судга ўтказинг

Сўнгги вақтларда маҳаллий хокимликлар ва аҳоли ўртасида келиб чиқаётган зиддиятларни инобатга олиб ва жамиятда адолатни таъминлаш учун қуйидаги таклифни бераман: жисмоний ва юридик шахсларнинг кўчмас мулкларини давлат, жамият эҳтиёжи учун деган баҳоналар билан қонунларга риоя қилмасдан бузиш ҳолатлари кўплаб учрамоқда. Биз фуқароларнинг кўчмас мулкини бузиш ҳақида қарор қабул қилиш ваколатини ҳокимлардан олиб, тўлиқ судларга беришимиз зарур. Чунки кўпчилик ҳокимлар бу борадаги қонун талабларини бузиб, фуқароларнинг мулк ҳуқуқларига путур етказмоқда. Суд эса қонунларга асосан қарор қабул қилади. Бу таклифимиз инобатга олинса, кўчмас мулк эгалари, тадбиркорларнинг мулк дахлсизлигини таъминлашда янги қадам ташланган бўлади. Шунингдек, хорижий инвесторларни мамлакатимизга янада кўпроқ жалб қилишга ҳам туртки бўларди. Валижон ТЎЙЧИЕВ, Ўзбекистон “Адолат” СДП Сирдарё вилоят Кенгаши раис ўринбосари ...

Батафсил
News

Менда таклиф бор: “Параллел мактаб тизими” бу ҳол қачонгача давом этади?

Бир ҳамкасбим деди: — Ўғлимнинг юқори синфда ўқиётганини эшитган танишим яхши репетиторлар борлигини айтиб қолди. Сабабини сўрасам, ишонч билан шундай изоҳ берди: “Репетиторга қатнамаса, ўғлинг ўқишга киролмайди...” Ахир бизлар мактабда ўқиган эдик, у пайтлар репетитор деган тушунчанинг ўзи йўқ эди. Шунга қарамай синфдошларимизнинг деярли ҳаммаси институтларга ўқишга киришди, олий маълумотли бўлишди, улар орасида номзодлик, докторлик ишини ҳимоя қилганлар ҳам бор. Энди бўлса кўпчилик репетиторликни абитуриентни институт аудиториясига олиб бориб қўядиган ягона восита деб билади. Аслида бундай бўлиши керак эмас-ку. Тест синовлари ҳам мактаб таълими дастури асосида тузилади. Демак, ўқувчида қўшимча билим олиш учун ҳеч қандай эҳтиёж йўқ. Аксинча, шу пайтгача жуда кўпчилик репетиторлар болаларга тест жавобларини кўр-кўрона ёдлатавериб, уларни фикрлашдан, ижодий мулоҳазакорликдан бенасиб қилмоқда. Бироқ, биз барибир репетиторга маҳкам ёпишиб оламиз, уни халоскор деб биламиз. Ҳолбуки, замон ўзгарди. Энди мисол учун, қишлоқ ўқувчилари ойлаб далада юришмайди, уларнинг тўлиқ дарс ўтишлари кафолатланган. Ўқитувчилар ҳам мажбурий меҳнатга, жамоат ишларига жалб қилинмаяпти. Бундай эзгу ишларнинг ҳаммаси юрт раҳбарининг ташаббуси билан амалга оширилди. Ўқитувчиларнинг ойлик маошлари кескин оширилди. Шогирдлари халқаро танловларда иштирок этган устозлар алоҳида рағбатлантирилмоқда. Шундай шароитда ҳам репетиторга суяниш уят эмасми? Энг қизиғи, аксарият ҳолларда ўқув марказларида ёки хонадонларда айнан мактаб ўқитувчиларининг ўзлари репетиторлик қилишаяпти. Табиийки, бундай шароитда ўқитувчи кучи ва вақтини мактабга эмас, қўл остида пул тўлаб ўқиётган болаларга сарфлайди. Ўзбекистон “Адолат” СДП таълим тизимининг янада ривожланиши учун ҳаракат қилиб келмоқда. Ўйлайманки, бу жараёнда репетиторлик муаммоси кичик масала бўлиб қолмайди. Партия бу масалага жиддий эътибор қаратиши ва унинг ечимини топиши лозим. Ахир қачонгача ўқувчи билимни мактаб ўқитувчисидан эмас, репититордан олади? Қизиқ, ўқитувчи мактабда ўз фанидан яхши ўқитмаса-ю, репетитор сифатида ўқувчини ўқишга кирадиган даражада билимдон қила олса! Мактабнинг ўзидаёқ олаётган маошига яраша ёшларга таълим беришса бўлмайдими, деган савол туғилади. Шу билан бирга, репетиторга бериб ўқитган боласи ўқишга киролмаса, пулига куйиб қолаётган ота-оналар ҳам борлигини айтиш жоиз. Халқ таълими вазирлиги мутасаддилари бу борада назорат ўрнатиб, мактабларда таълим сифатини тубдан кўтаришга эришса, давлат тасарруфидаги мактаблардан кўра ўқувчиларни яхши ўқитаётган, таъбир жоиз бўлса, “параллел мактаб тизими”га айланиб улгурган репетиторлик хизматига асло ҳожат қолмасди. Катта ёшдагилар репетиторсиз ўқишга кирган экан, демак, бу имконсиз иш эмас. Аслида бундай фикр-мулоҳазалар ОАВда бир неча бор кўтарилди. Аммо муаммога лозим даражада эътибор қаратилмаяпти. Шу боис ҳамон “параллел мактаб тизими” вакиллари — репетиторлар мактаб ёки лицейда ҳам, уйда ёки бирор ўқув марказида ҳам бир иш учун икки мартадан маош олишмоқда, дейиш мумкин. Бу ҳол қачонгача давом этади? Партиямиз бу борада назоратни кучайтириши, ўз дастурларида аниқ вазифалар белгилаши ва амалга ошириши керак, деб ҳисоблаймиз. Бундай ҳолатларнинг туб сабабларини аниқлаш вақти аллақачон келган. Демоқчимизки, ҳар бир умумтаълим мактаби, академик лицей битирувчиларининг камида 50-60 фоизи ОТМларга ўқишга кира олишига кафолат бериши шарт — уларга ана шундай талаб қўйишга давлат ҳам, ота-оналар ҳам ҳақлидир, шундай эмасми? Бугун мактабларда фан тўгараклари номига ишламоқда, холос. Улар фаолиятини ҳам йўлга қўйиш керак. Умуман олганда, мактаб — билим ўчоғи. “Адолат” партияси мана шу ҳақиқатни амалиётга татбиқ этиши ва бу жараённи ўз дастурида, албатта, акс эттириши лозим. Пиримқул ТОЖИДДИНОВ, Ховос темир йўл шифохонаси поликлиника бўлими мудири, шифокор-педиатр Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

“Орол сувларига юзимни чайсам...”

Сирдарёлик 69 ёшли отахоннинг Оролга велосипедда йўлга чиққанлиги ва йўл таассуротлари хусусида маълумот тақдим этиб бораётгандик. Куни кеча отахоннинг ўзидан олган янги маълумотларимизга кўра, Абдурасул ота Бухоро вилоятининг чекка ҳудудларида жойлашган Газли шаҳридан ўтиб, Хоразм диёрига етиб қолибди. Отахоннинг айтишича, йўл-йўлакай турфа одамлар билан ҳамсуҳбат бўлиб, уларнинг беминнат ёрдамларидан бахрамандликда йўл машаққатлари у қадар сезилмаётган экан. – Оролга сафарим чоғида кўплаб инсонлар билан суҳбатда бўляпман, одамларнинг туриш-турмуши, юртимизда амалга оширилаётган оламшумул ўзгаришларга гувоҳ бўляпман. Шукрки, юртдошларимиз мехмондўст, одамохун, қалби тоза ва эзгу ниятли кишилар. Бу жиҳат менда янгидан-янги куч-қувватларни пайдо қилмоқда. Биргина орзуим – Оролга эсонликда етиб олиб, унинг сувларидан тўйиб-тўйиб юзимни чайсам, - дейди  тўлқинланиб отахон. Бу фикрларни эшитиб, халқимизнинг “Юрган дарё – ўтирган бўйра” мақоли ёдимга келади. Демак, фан-техника жадал суръатда ривожланган ХXI аср одамларни сал дангасароқ қилиб қўйган бугунги кунда отахон каби шижоати қалбида жўш урган кимсалар ҳар қандай машаққатли йўлни ҳам ўз мехнатлари ила босиб ўтажаклари ҳақиқатдир. Меҳринисо БОБОНАЗАРОВА, Ўзбекистон “Адолат”СДП Сирдарё вилоят Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Навбатдаги баҳона: “Бу бизнинг ваколатимизга кирмайди”

Депутат Арипжон Қудратов мазкур тиббиёт муассасасини таъмирлаш ва қайтадан реконструкция қилиш бўйича дастлаб, 2019 йилнинг 22 майида вилоят ҳокими ўринбосари А.Р.Каримов номига депутатлик сўрови юборганида 5 июль куни, яъни орадан 44 кун ўтгандан сўнг ҳокимликнинг қурилиш бўйича ягона буюртмачи хизмати инжиниринг компанияси томонидан жавоб хати келди. Жавоб хатининг муддатидан кечикиб келгани етмаганидек  (“Халқ депутатлари  вилоят, туман ва шаҳар Кенгаши депутати мақоми тўғрисида”ги қонуннинг 8-моддасига мувофиқ ижро жараёни ҳақида депутатга 10 кундан кечиктирилмаган муддатда жавоб берилиши шарт) боз устига масалани ҳал этиш уларнинг ваколатига кирмаслигини билдириб, вилоят соғлиқни сақлаш бошқармаси ҳамда Ўзбекистон Республикаси соғлиқни сақлаш вазирлиги бу ишга масъул эканлигини баён этган. Шундан сўнг сенатор ва депутат А. Қудратов Соғлиқни сақлаш вазирлигига масала ҳал этилишини сўраб депутатлик сўрови юборди. Шу йилнинг 12 июлида вазирликдан олинган жавоб хатига кўра 2018 йил 19 июлдаги  Президент қарорига асосан маҳаллий хокимлик томонидан таклиф берилган тақдирда тегишли вазирликлар билан келишилиб, бинони қайтадан реконструкция қилишни навбатдаги Инвестиция дастурлари лойиҳасига киритиш мумкин эканлиги  маълум қилинган. Хўш, энди бундай вазиятда 1999 йилда шаҳардаги 7 ва 19- МТМлар негизида ташкил этилиб тиббий муассасага айлантирилган ушбу бинони таъмирлашни ким бўйнига оларкин? Депутатлик сўровида “бино олдинги йиллар давомида таъмирланган” деб маълумот тақдим этилган бўлса-да, сифатсиз таъмирлангани, шу боис, марказнинг соматика-даволаш бўлимлари хозирги кунда аянчли ахволда эканлиги, бинонинг пол қисми жиддий таъмирга мухтож (ленолиумлар йиртилиб, яроқсиз ҳолга келган), беморларнинг диван ва бошқа инвентарлари мутлақо яроқсиз ҳолатдалиги, қолаверса, марказ эски биноларининг йўлак ва майдонлари 1999 йилдан буён таъмирланмаганлиги келтириб ўтилсада, юборилган депутатлик сўровларига – “Бу бизнинг ваколатимизга кирмайди”, деган важлар билан жавоб берилса. Айни дамда тиббиёт муассасасининг мазкур ҳолати беморларнинг кириб чиқишларида бир қатор қийинчиликларни юзага келтирмоқда. Вилоят соғлиқни сақлаш бошқармаси ва Гулистон шаҳар тиббиёт бирлашмаси рахбарларининг айби билан шаҳар тиббиёт бирлашмаси болалар бўлими ёпилиб кетганлиги сабабли марказга келаётганлар сони кўпайиб, ўрин етмаганлиги беморларни қабул қилишда муаммоларга сабаб бўлмоқда. Шундай долзарб ва муҳим аҳамиятга эга бўлган масала устида бош қотиришни мутасадди ташкилотлар ўзидан соқит қилишга уринса, униси ҳам буниси ҳам “ваколатимга кирмайди”, деб турса депутат нима қилсин, қаерга мурожаат қилсин? Бу каби саволлар албатта, масъулларни қизиқтирмаслиги аниқ. Йўқса депутатлик сўровига жавоб беришаётганда совуққонлик билан ёндашилмаган бўларди. Масалани чуқурроқ таҳлил қилиб, ҳал этишга ҳаракат бел боғлашарди, эхтимол. Ушбу  ҳолатларнинг юз бериши эса афсус билан қайд этиш мумкинки,  кўп бор такрорланмоқда. Нахотки, мутасаддилар ўз ваколатларини билишмаса? Муаммони ҳал этишни бир-бирларига юклаётган бу каби масъуллар қачон уйғонишаркин? Ўзбекистон “Адолат” СДП Матбуот хизмати Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!