КАШКАДАРЁ

Манзил: Қарши шаҳар, Мустақиллик кўчаси, 3-уй

Телефон: (75) 221-78-21

Электрон манзил:  qashqadaryo@adolat.uz

Янгиликлар
News

Қашқадарёда Наврўз тараддуди

Наврўз – қадриятлар қадр топадиган, кўнгиллар кўнгиллардан баҳра оладиган, мозий сарҳадларидан ошиб келаётган ўзбекона удумлар қайтадан сайқал топадиган муборак байрам. Шу кунларда Қашқадарё воҳаси шаҳар, қишлоқларида ҳам наврўз байрамига пухта тараддуд кўрилмоқда. Ободонлаштириш ишларида катта-ю кичик фаол иштирок этмоқда. Воҳа маркази Қарши шаҳар қиёфасининг тубдан ўзгаришида йўл инфратузилмасининг ҳам тобора такомиллаштирилаётгани муҳим омил бўлмоқда. Кўҳна Насафнинг Ўзбекистон, Мустақиллик, Амир Темур, Алишер Навоий, Насаф, Хонобод кўчалари кенгайтирилиб, атрофи ободонлаштирилди ва кўкаламзорлаштирилаяпти. Ариқлар тозаланиб, йўлакларга бордюрлар, ёритиш ускуналари ва сув пуркагичлар ўрнатилди. Бундан ташқари, вилоят марказидаги кенг кўламдаги бунёдкорлик ишларига тадбиркорлар томонидан ҳам бир қанча иморатлар барпо этилаяпти. “Евро эксел” масъулияти чекланган жамияти томонидан қурилиши бошланган гипермаркет замонавий шаҳарнинг замонавий обектларидан бирига айланмоқда. Вилоятнинг ўрмон хўжалигида ундирилган гул кўчатларини кўчалар, боғлар хиёбонларга экиш ниҳоясига етказилаяпти. Бу ишларда Ўзбекистон “Адолат” СДП вилоят Кенгашининг 21 минг 761 нафар аъзолари ҳам алоҳида ўрнак кўрсатишмоқда. “Адолат” СДП аъзолари ҳамкорлигида шаҳар тиббиёт коллежи, шунингдек, мустақиллик, Ўзбекистон кўчаларидаги хиёбонларга экилган манзарали дарахтлар шаҳар ҳуснига ҳусн қўшди. Бир қатор кўчалар таъмирланди. “Адолат” СДП фаоллари ва депутатларнинг бевосита саъи ҳаракатлари эвазига Маҳаллот, Ойдин, Зоғза, Самарқанд, Чармгар ва бошқа маҳаллалардаги ички йўллар, пиёдалар йўлакчалари таъмирдан чиқарилди. Айни пайтда наврўз кунлари фойдаланишга топшириладиган бир қатор савдо расталари, ижтимоий объектларда ҳам ишлар охирига етказилди. Умуман, шу кеча-кундузда Ўзбекистон “Адолат” СДП фаолларининг жамоат ташкилотлари билан ҳамкорликда партиянинг “Тозалик йўлида бирлашайлик” лойиҳаси доирасида уюштираётган ҳар бир ҳашари кўча ва хиёбонлар, турар – жой мавзеларининг орасталигини таъминлашга хизмат қилаяпти. Ҳа, бугун воҳамизнинг қай бир гўшасига қадам ранжида қилманг, ҳамманинг қалбида қувонч, юзида табассум. Шаҳрисабзнинг Мираки қишлоғидан тортиб, бир томони Туркманистон Республикасига туташиб кетган Помуқ қишлоғи маҳаллаларигача дошқозонларда наврўз таомлари ҳисобланган сумалак, ҳалим тайёрланмоқда Наврўзи олам боис кимлардир миллий таом – палов, кимлардир исмалоқ сомса, тайёрлаш билан, кимлардир меҳмон кутиш билан банд. Халқимизнинг қадимий байрами Наврўзни воҳамиз аҳли катта кўтаринкилик билан кутиб олаётир. Энг муҳими, Наврўзнинг нафасидан ҳеч ким четга қолмаётгани қувончлидир. Ўзбекистон “Адолат” СДП вилоят, шаҳар, туман Кенгашлари фаоллари ҳомийлар иштирокида байрам олдидан боқувчисини йўқотган, кам таъминланган оилалар ҳолидан хабар олишга алоҳида эътибор бераяпмиз. Сафдош тиббиёт ходимларимиз ногиронлар, беморларнинг ҳолидан хабар олишлари учун уйларига ташриф буюришмоқда. Қарши шаҳридаги Зоғза, Маҳоллот, Хонтепа, Ойдин маҳаллаларидаги уйларда яшовчи 6 нафар ногиронга партиянинг шаҳар Кенгаши билан ҳамкорликда моддий ёрдам кўрсатдик. Ҳомийларимиз уларнинг оилаларидаги ўғил-қизларга байрамолди совға-саломлари улашдилар. Мурувват уйлари, махсус интернат мактабларида Наврўз айёми кунлари кўнгилочар тадбирлар, сумалак сайиллари уюштиришни мўлжаллаганмиз. Ўзбекистон “Адолат” СДП вилояи Кенгаши байрам кунлари воҳадаги миллий маданий марказлар билан ҳам ҳамкорликда Наврўзга ўзига хослик бағишлаймиз. Шу куни Араб, тожик, туркман, татар миллий маданий марказлари анъанавий дастурхонларини тузайдилар, турли халқлар амалий санъати намуналари намойиш этилади. Хулоса қилиб айтадиган бўлсак, бу йилги Наврўз тадбирлари воҳамиз аҳли қалбида ёрқин из қолдириши учун барча чораларни кўраяпмиз. Рўйиддин РАУПОВ, Ўзбекистон “Адолат” СДП Қашқадарё вилоят Кенгаши раиси, халқ депутатлари вилоят Кенгаши депутати Бизни ижтимоий тармоқларда ҳам кузатинг:???? https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/   ...

Батафсил
News

Мақсадимиз — ислоҳотларда фаол иштирок этиш

Яқинда “Оила ва жамият” газетасининг шу йил 13 март сонидаги “Томорқа кони-фойда” сарлавҳали мақолага кўзим тушди. Мақолада тилга олинган Нишон туманидаги фаол аёллар, кўпни кўрган отахонларнинг томорқалардан даромад олаётганликлари ҳақида ҳикоя қилинган. Тўғри-да, дастурхоним тўкин, ҳаётим фаровон бўлсин деган киши баҳорнинг ҳар бир кунидан самарали фойдаланиб, томорқасида экин-текин ишларини ўз вақтида амалга ошириши керак. Мен фаолият кўрсатаётган илм-масканининг ҳам томорқа ери бўлиб, турли экинлар экилган. Ўқувчиларга ҳам томорқа даромад манбаи ҳақида тушунтириб борамиз. Бу эса албатта ҳар бир оила фаровонлигини таъминлайди. “Хотин-қизларнинг меҳнат ҳуқуқлари кафолатларини янада кучайтириш ва тадбиркорлик фаолиятини қўллаб-қувватлашга оид чора-тадбирлар тўғрисида”ги Ўзбекистон Республикаси Президентининг Қарори билан яқиндан танишиб чиқдик. Унда хотин-қизларнинг меҳнат ҳуқуқларини янада кучайтириш ва тадбиркорлик фаолиятини қўллаб-қувватлашга оид чора-тадбирлар аниқ белгилаб берилган. Хотин-қизларнинг жамиятда фаоллигини оширишга қаратилган бир қатор ибратли ишлар амалга оширилаётганлиги кўнглимизни тоғдек кутаряпти. Ўзбекистон “Адолат” СДПнинг ташаббуси билан ўтказилаётган “Йилнинг энг фаол адолатчи аёли” кўрик-танловининг туман, вилоят босқичларида иштирок этиб, республика босқичига йўлланма олганлигим биз сингари хотин-қизларга қаратилаётган алоҳида эътибордир. Яқинда ушбу танловнинг республика босқичида иштирок этиб, 2-ўринни қўлга киритиб, махсус диплом ва совғалар билан тақдирланганлигим, биз каби хотин-қизлар кўнглини кўтаряпти. Мақсадимиз жамиятимизда руй бераётган янгиланишларни ислоҳотларни амалга ошириб, ҳалқимиз дастурхонини тўкин қилишдан иборат. Дилрабо ЧОРИЕВА, Қарши туманидаги 69-умумтаълим мактаби ўқитувчиси, “Йилнинг энг фаол адолатчи аёли” республика кўрик танлови иштирокчиси, партия фаоли Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Дилрабо Чориева: ўқувчилар сони, уларнинг ўзлаштириш даражаси ҳар хил эканлиги ўқитувчининг кўпроқ вақтини олиб қўяди

Бир неча йилдан буён педагогика соҳасида ишлаб, ёш авлодни ҳар томонлама баркамол этиб тарбиялаш ишига ҳисса қўшишга интилаяпман. Таълим йўналишига оид бир неча қўлланмалар ёздим, матбуот нашрларида ҳуқуқий мавзуда ҳамда педагогика соҳасига оид илмий қарашларим акс этган мақолаларим чоп этилган. Ўз уйимда кам таъминланган, боқувчисини йўқотган оилаларнинг иқтидорли, илмга чанқоқ болалари учун бепул қўшимча дарс ўтишни йўлга қўйдим. Буни хайрли иш демоқчи эмасман, иқтидорли ўқувчиларни қўллаб-қувватлаш, уларга қўлидан келган ёрдамни аямаслик ҳар бир педагогнинг бурчи, деб биламан. Аслида ҳар бир фандан дарс машғулотидаёқ ўқувчи зарур билим олиши лозим. Аммо ўқувчилар сони, уларнинг ўзлаштириш даражаси ҳар хил эканлиги ўқитувчининг кўпроқ вақтини олиб қўяди. Бу эса иқтидорли болалар билан дарсдан ташқари вақтда алоҳида шуғулланиш, уларнинг ўзи ҳам мустақил ўқишига жиддий зарурат пайдо қилади. Балки бунга бошқа бирор аниқроқ ечимлар топиш керакдир. Шу маънода олий ўқув юртларига қабул квоталари йилдан-йилга ошиб бораётганлиги умумтаълим мактаблари сонининг ошишига замин яратади, деб ўйлайман. Бу масалада партиямиз ғояларидан келиб чиқиб, депутатларимиз мутахассислар билан ҳамкорликда аниқ таклифлар ишлаб чиқиши айни муддао деб биламан. “Адолат” СДП вилоят кенгаши томонидан уюштирилаётган тадбирларда шулар ҳақида ҳам фикрлашамиз. Мамлакатимизнинг дунёда нуфузи ортиб бормоқда, ҳамкорликлар кенгаймоқда. Бу жараёнда юртимиз педагоглари ҳам дунёга ўз сўзнини айтиб туриши мақсадга мувофиқдир. Ёшлар манфаатини ҳимоя қилиш, уларни ҳар томонлама қўллаб-қувватлаш, рағбатлантириш юзасидан хорижий матбуот нашрларида ҳам ўз мақолаларим билан мунтазам равишда иштирок этаяпман. Дунё ёшлари бўш вақтларини мазмунли ўтказиши, иқтидорли болаларни излаб топиш, тарбиялаш борасидаги кузатишлар ўз аксини топган мақолаларим хориж матбуотида доимий равишда ёритиб келинади. Дилрабо ЧОРИЕВА, “Йилнинг энг фаол адолатчи аёли” Республика кўрик-танловининг 2-ўрин соҳиби, Қарши туманидаги 69-умумтаълим мактаби ўқитувчиси   Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Иқтидорли ёшлар кўп

Мен Ўзбекистон “Адолат” СДП фаоли сифатида давлатимиз раҳбарининг “Президент мактабларини ташкил этиш чора-тадбирлари тўғрисида”ги қарорини матбуотда диққат билан ўқиб чиқдим. Ҳақиқатдан ҳам бугунги авлоднинг интеллектуал ва ижодий салоҳиятини ривожлантириш, юксак иқтидорли болаларни ҳар томонлама қўллаб- қувватлаш ва рағбатлантириш, замонавий таълим-тарбия олишлари учун барча шароитларни яратиш муҳимдир. Ҳурматли Президентимизнинг ушбу қарорларидан сўнг 2020 йилда вилоятимизда ҳам янгидан Президент мактаблари барпо этилади. Ушбу таълим муассасасида келгусида замонавий компютер техникалари, адабиётлар, мультимедя маҳсулотлари билан таъминланади. Шу ўринда мен Президентимиз қарорларида алоҳида эътироф этилган яна бир муҳим жиҳат ҳақида тўхталмоқчиман. Янгидан ташкил этиладиган Президент мактабларида ўқув жараёнини ташкил этиш ва ўқувчиларни қабул қилишда чет эллик малакали мутахассисларни ёллаш ҳам назарда тутилганлигини юқори баҳолайман. Шунингдек Президент мактабларини барпо этиш ҳамда замонавий асбоб ускуналар, мебел, комютер техникаси, ўқув адабиётлари ва бошқа воситалар билан таъминлаш Ўзбекистон Республикаси Давлат бюджети маблағлари ва хорижий инвестициялар, юридик ва жисмоний шахсларнинг хайрия эҳсонлари ҳисобидан қопланади. Ушбу муҳим ҳужжатни мутолаа қилар экансиз, келгусида Президент мактабида 9-11 синфларда таълим олиши мўлжалланган ўқувчиларнинг қизиқишларини ҳисобга олган холда, айрим фанларни ўрганиш ва ўқув жараёнини индивидуаллаштириш ҳам кўзда тутилган. Шунингдек истиқболимиз эгалари камол топадиган муассасасада ўқувчиларнинг қизиқишларидан келиб чиққан ҳолда синфдан ташқари амалий машғулотлар ҳам ўтказилади. Умуман, мен бир ота сифатида ҳам айтишни хохлардимки, Президент мактаблари ҳар бир ҳудуд учун албатта керак. Яна бир муҳим томони шундаки, Президент мактабида таълим олиб битирувчиларга белгиланган тартибда давлат томонидан шаҳодатнома, аттестат билан бир қаторда, хорижий мамлакатларнинг етакчи олий таълим муассасаларига кириш имконини берувчи халқаро даражадаги тегишли дастур дипломи ҳам тақдим этилишини юксак қадрлайман. Айни пайтда Қашқадарёда 1116 та умумтаълим мактаблари бор. Келгусида вилоятимизда ҳар томонлама талантли фарзандларимиз учун Президент мактабларининг очилиши бу ёш авлод учун катта имкониятлар эшигини очади. Ишонаманки, насиб этса, келажакда Қашқадарё воҳасидан ҳам буюк ота-боболаримиз сингари даҳолар етишиб чиқади. Рўйиддин РАУПОВ, Ўзбекистон “Адолат” СДП вилоят Кенгаши раиси, Халқ депутатлари вилоят Кенгаши депутати ...

Батафсил
News

Депутат халқ орасида: одамларнинг турмуш тарзи ўзгараяпти

Халқнинг фикр ва таклифларини эшитиш ҳамда дарду ташвишини енгиллаштириш давлат хизматчиларининг бурчидир. Бу борадаги ишларни самарали ташкил қилиш мақсадида давлатимиз раҳбари Наманган вилояти аҳолиси билан тўғридан-тўғри мулоқоти давомида ҳам алоҳида таъкидлади. Аввал хабар бераётганимиздек, вилоятимизда Олий Мажлис Қонунчилик палатаси депутатларидан иборат ишчи гуруҳнинг Шахрисабз тумани аҳолиси билан мулоқоти ғоят самимий руҳда кечмоқда. Олий Мажлис Қонунчилик палатаси депутати Абдуғани Умировнинг жойларда одамлар билан юзма-юз жонли мулоқотлари ҳам айниқса фойдали бўлди. Тадбирларда маҳаллий ҳокимлик вакиллари, фуқароларнинг ўзини ўзи бошқариш органлари, “Маҳалла” жамоат фонди, турли корхона, ташкилот раҳбарлари, маҳаллий Кенгаш депутатлари иштирок этиб, маҳаллаларда умргузаронлик қилаётган одамларнинг яшаши, ҳаёт даражаси, оилавий аҳволи, турмуши билан яқиндан танишиб, фуқароларни қийнаётган масалаларни ўз жойида ҳал этиб, ечимини кутаётган муаммоларни атрофлича ўргандилар. Депутатнинг туман тиббиёт бирлашмаси ходимлари ва даволанаётган беморлар билан мулоқотлари очиқ ошкора тарзида ўтди. Унда аҳоли билан мулоқотга киришган Олий Мажлис депутати Абдуғани Умиров  Президентимиз томонидан ишлаб чиқилган Ҳаракатлар стратегиясида белгилаб берилган устувор вазифалар, бу борада парламент депутатлари томонидан олиб борилаётган ишлар хусусида иштирокчиларга сўзлаб берди. — Халқ билан тўғридан-тўғри мулоқотни ташкил этишдан мақсадимиз, фуқароларнинг давлат органларига мурожаат қилишга доир қонуний ҳуқуқларини сўзсиз таъминлашдан иборат,— деди Абдуғани Умиров.— Албатта, мурожаатларнинг ўз вақтида тўлиқ, холис ва сифатли кўриб чиқилишини таъминлаш, аҳолининг давлат органларига мурожаат этишдаги ҳуқуқий маданиятини ҳам ошириш зарур. Шуни доимо ёдда сақламоқ керакки, мустақил мамлакатимизда ҳар бир фуқаронинг муносиб ҳаёт кечириши, ўз турмушидан рози бўлиб яшаши учун шароит яратиш давлат ва хўжалик бошқаруви органлари масъулларининг вазифасидир. Учрашув давомида Ўзбекистон “Адолат” СДП фракцияси аъзоси Абдуғани Умиров бошчилигидаги ишчи гуруҳ аъзолари тиббиёт муассасасининг иш тартиби, одамларга кўрсатилаётган тиббий хизматнинг аҳволи билан қизиқдилар. Мулоқотларда Абдуғани Умиров тиббиёт самарадорлигини ошириш, аҳоли хонадонларига чиқиб, маҳалла фуқароларига патронаж хизмати кўрсатишни замон талаби даражасида кучайтириш лозимлигини уқтирди. Шунингдек, бирламчи тиббиёт муассасалари, оилавий поликлиникалар, тез тиббий ёрдам тизимининг фаолиятини янада такомиллаштириш ва бу борадаги камчиликларни бартараф этишда ишчи гуруҳ аъзолари соғлиқни сақлаш соҳаси ходимлари ва маҳаллий аҳолига ёрдам беришларини қайд этиб ўтди. — Олий Мажлис Қонунчилик палатаси ва маҳаллий Кенгаш депутатларининг ўз жойида аҳоли билан бундай жонли мулоқотлари фақат юртимиз равнақи ва халқ фаровонлигига хизмат қилади,— деди Полмон қишлоғида яшовчи Примқул Қурбонов.— Биз парламент аъзоларига муаммоларимизни ошкора билдирдик. Айримларига депутатларимиз ва маҳаллий ҳокимият бошқаруви идоралари томонидан жойида ечим топилди. Масалан, қишлоқларимиздаги бандлик, тоза ичимлик суви, йўллардаги носозликларга тез фурсатда барҳам бериш юзасидан мутасаддиларга аниқ кўрсатмалар берилди. Шунингдек, қишлоғимизда аҳоли мурожаатлари асосида Олий Мажлис Қонунчилик палатаси депутати Абдуғани Умиров ҚВП биноси қурилишига беғараз ёрдам берадиган бўлди. Кези келганда айтиш жоизки, “Адолат” СДП фракцияси аъзоси Абдуғани Умиров билан одамларнинг қизғин мулоқот доирасидаги бу учрашувлари иштирокчиларда яхши таассурот қолдирди. Улар Ўзбекистонни ривожланган давлатлар қаторига олиб чиқишда ҳар бир фуқаронинг ўрни ва роли ҳамда одамларнинг ўз муаммолари юзасидан турли идораларга қилаётган мурожаатлари қай тартибда ижро этилиши ҳақида ҳам муайян кўникмаларга эга бўлдилар. Шунингдек, депутатга “Чоршанбе” МФЙ аҳолиси канализация қувурини ўтказиш, истироҳат боғи қуриш, Мираки, Шаматон ҳудулларида саноат зоналари ташкил этиш, Шахрисабз ва Мираки шаҳарчасини боғловчи йўлни реконсрукция қилиш ва бошқа масалалар хусусида мурожаатлар қилишди. Энг муҳими, юзма-юз мулоқотларда аҳоли томонидан билдирилган барча таклиф ва камчиликлар Абдуғани Умиров томонидан назоратга олинди. Айни пайтда эса ечими юзасидан аниқ чора-тадбирлар кўрилаяпти. Депутат Абдуғани Умировнинг Деҳқонобод тумани аҳолиси билан уюштирган жонли мулоқоти ҳам ғоят самарали кечди. Айниқса, Оқрабод маҳалла фуқаролар йиғинидаги 7-мактаб биносида депутат билан бўлиб ўтган учрашув оз эмас 170 нафар фуқаро ҳозир бўлди. — Мактабимизни усти ёпиқ спорт зали 1,5 йилдирки, туман санитария эпидемиология назорати маркази томонидан ёпиб қўйилган эди,— деди 7-умумтаълим мактаби директори Усмон Ҳайитов,— Депутат Абдуғани Умиров аралашуви туфайли ноқонуний ёпиб қўйилган спорт зали туман санитария эпидемиология назорати маркази мутасаддилари томонидан дарҳол очиб берилди. Мактабимизни жорий ва капитал таъмирлаш масалаларини ҳам парламентимиз аъзолари назоратга олишди. Депутатнинг “Қодирбахши” маҳалла фуқаролар йиғини ҳудудидаги Хўжамахмуд қишлоғи аҳолиси билан юзма-юз мулоқоти ҳам иштирокчиларда илиқ таассурот қолдирди. Ушбу мулоқотда фуқаролардан кўпдан-кўп масалалар бўйича мурожаатлар тушди. Абдуғани Умировнинг тезкор кўрган чоралари туфайли муаммолар ўз жойида ечим топди. Масалан, шу мактабда узоқ йиллар педагогика соҳасида хизмат қилиб, айни пайтда қарилик гаштини сураётган Хуррам Янгибоев кўпдан буён соғлиги ёмонлиги туфайли ногиронлик нафақаси ололмай келаётган эди. У шу масалада депутатга мурожаат қилди. Абдуғани Умиров бу муаммони бартараф этиш учун туман Тиббиёт бирлашмаси раҳбари Ф.Жалиловга тегишли кўрсатма берди. Фуқарони қийнаб келаётган бу жумбоқ бир ҳафта ичида бартараф этиладиган бўлди. Депутат Абдуғани Умировнинг тумандаги “Оқрабод”, “Деҳқонобод” маҳалла фуқаролар йиғинлари аҳолиси билан учрашувларида ҳам кўтарилган кредит ажратиш, табиий газ ва тоза ичимлик суви таъминоти, электр энергия, ички йўллар, уяли алоқа, қишлоқлардаги ҚВПлар том қисмини таъмирлаш, мактаблар ва тиббиёт муассасаларида мутахассислар етишмаётганлиги билан боғлиқ шикоятлар қилишди. Энг муҳими парламент аъзолари томонидан ўрганилган масалаларнинг асосий қисми ўз жойида бартараф этилди. Республика миқёсида ҳал этилиши лозим бўлган муаммолар эса депутат томонидан назоратга олинди. — Парламентимиз аъзолари билан мулоқотлар менга манзур бўлди,— деди “Оқработ” МФЙ аъзолари номидан шифокор Акрам Ибрагимов.– Депутатларимиз биз билан учрашув асносида ҳокимият идоралари, хизмат кўрсатувчи ташкилотлар фаолиятини ҳам ўргандилар. Албатта, депутатларимиз жойлардаги масалаларни чуқур таҳлил қилиб, унинг тез кунларда бартараф этилиши юзасидан ўз хулосаларини тегишли вазирлик ва идораларга берадилар. Бу эса эл-юртимиз фаровонлигини таъминлайди. Комил САХАТОВ, Ўзбекистон “Адолат” СДП Қашқадарё вилоят Кенгаши матбуот котиби ...

Батафсил
News

Оналик ва болаликни муҳофаза қилиш — устувор вазифа

  Ўзбекистон “Адолат” СДП Қашқадарё вилоят Кенгаши, вилоят хотин-қизлар қўмитаси ҳамкорлигида Қарши шаҳридаги Педагогика коллежида “Оналик ва болаликни муҳофаза қилишнинг ҳуқуқий асослари” мавзуида давра суҳбати ташкил этилди. Унда маҳаллий Кенгаш депутатлари, шаҳардаги маҳалла фуқаролар йиғинлари аъзолари, вилоят хотин-қизлар қўмитаси фаоллари, тиббиёт ходимлари ва оммавий ахборот воситалари вакиллари иштирок этди. Тадбирда кун тартибидаги масала юзасидан халқ депутатлари вилоят Кенгашидаги Ўзбекистон “Адолат” СДП депутатлик гуруҳи раҳбари, вилоят хотин-қизлар қўмитаси раиси Мақсуда Мустафоева маъруза қилди. — Мамлакатимизда оналик ва болаликни муҳофаза қилиш, соғлом наслни вояга етказиш йўлида кенг кўламли ишлар амалга оширилди ва бу борада ягона миллий тизим йўлга қўйилди,— деди Мақсуда Мустафоева.— Шу билан биргаликда миллий ва умуминсоний тамойилларга асосланган мустаҳкам қонунчилик тизими яратилди. Соҳадаги ютуқлар халқаро эътирофга сазовор бўлиб келаётгани эса барчамизни қувонтиради. — Оналик ва болаликни муҳофаза қилиш, саломатлигини асрашни устувор вазифа этиб белгилаш нафақат бугунги кун, балки келажак учун қўйилган тўғри қадамдир,— деди партия вилоят Кенгаши раиси Рўйиддин Раупов.— Партия ташкилотларимиз томонидан Фаол тадбиркорлик, инновацион ғоялар ва технологияларни қўллаб-қувватлаш йилида мутахассисларни жалб этган ҳолда мамлакатимизда умумэътироф этилган шиор – “Соғлом она — соғлом бола” тамойили ва “Оналик ва болаликни муҳофаза қилишнинг ҳуқуқий асослари” мавзуида 50 дан ортиқ учрашув, давра суҳбатлари уюштирилди. Одамлар билан юзма-юз мулоқотларда бу мавзу давлат ва жамият даражасига кўтарилгани, ўз моҳиятига кўра эса аҳолини жипслаштирувчи ва сафарбар этувчи даъват эканлиги кенг тушунтирилди. Давра суҳбатида Қарши шаҳар тиббиёт бирлашмаси шифокори Мавжуда Бердиева ҳам сўзга чиқиб, оналар ва болаларга кўрсатилаётган эътибор ва ғамхўрликлар хусусида тўхталди. — Бу борадаги ишлар мустақилликнинг илк кунларидан бошланган,— деди Мавжуда Бердиева,— Мамлакатимиз биринчи Президенти томонидан “Она ва бола саломатлигини муҳофаза қилиш, соғлом авлодни шакллантиришга доир қўшимча чора-тадбирлар тўғрисида”ги қароридан сўнг туғиш ёшидаги аёлларни соғломлаштириш, эрта ҳамда яқин қариндошлар ўртасидаги никоҳларнинг олдини олиш, туғруқлар ўртасидаги муддатни узайтириш, ҳомиладорлар ва болаларга тиббий ёрдам кўрсатадиган муассасаларнинг моддий техник базасини мустаҳкамлаш, оилада тиббий маданиятни шакллантириш борасида катта ишлар қилинди ва қилинмоқда. Хусусан, шу кеча-кундузда ҳам оналар ва болаларга бирламчи тиббий ёрдам кўрсатиш ва стационар даволаш, мунтазам профилактика кўригидан ўтказиш ва шошилинч тиббий ёрдам кўрсатиш, эмлаш орқали касалликларни олдини олиш, скрининг воситасида эрта ташхис қўйиш каби ишлар бажарилаяпти. Шунингдек, давра суҳбатида оналар ва болалар ҳуқуқлари ҳамда қонуний манфаатларини ҳимоялаш, оналик ва болаликни муҳофаза қилиш, аҳолининг репродуктив саломатлигини янада яхшилаш каби долзарб масалалар хусусида ҳам фикр мулоҳаза юритилди. Оналик ва болаликнинг ҳуқуқий манфаатларини ҳимоя қилишни кафолатловчи қонунчилик асосларини яратиш ва ривожлантириб бориш, уларга ҳар томонлама ижтимоий, ҳуқуқий ва бошқа соҳаларда кўмаклашувчи кадрларни тайёрлаш, оилалар аъзоларининг ҳуқуқий саводхонликларини мунтазам ошириб бориш юзасидан тегишли давлат ва нодавлат, нотижорат ташкилотлари мутасаддиларига кўрсатмалар берилди. Гулноза РАДЖАБОВА, партия фаоли ...

Батафсил
News

Қашқадарёлик энг ташаббускор, фаол ва фидоий аёл аниқланди

  Бугун Қарши шаҳридаги Маданият марказида “Йилнинг энг фаол адолатчи аёли” кўрик-танловининг вилоят босқичи бўлиб ўтди. Унда вилоятдаги барча туманлар босқичида ғолибликни қўлга киритган 14 нафар зукко ва фаол хотин- қизлар иштирок этдилар. Ҳақиқатдан ҳам юртимизда хотин-қизларнинг жамият ҳаётидаги ижтимоий фаоллигини янада ошириш, уларнинг эзгу мақсад ва интилишларини қўллаб-қувватлаш, муносиб рағбатлантиришга хизмат қилиб келаётган анъанавий кўрик-танлов бу гал ҳам энг ташаббускор, фаол, фидоий ва жонкуяр хотин қизларни кашф этди. Танловда Қарши шаҳридан иштирок этган Зулфия Қиёмова ўзининг партия сайловолди дастуридаги билими ва сиёсий партияларга оид қонунчиликдан хабардорлигини намойиш этган бўлса, Ғузор туманидан иштирок этган иштирокчи Дилрабо Назарова эса ўзи яшаётган ҳудуд анъаналари, урф-одатлари, ёшлар ва хотин-қизлар ўртасида олиб бораётган сиёсий, ҳуқуқий, маънавий-маърифий тарғибот-ташвиқот ишларидаги фаоллигини саҳна кўринишлари орқали аниқ ифода эта олди. — Бугунги кўрик- танловда иштирок этаётган барча хотин-қизларнинг юзида мамнуният, самимият ифодасини кўриш мумкин,— дейди тадбир иштирокчиси Зулфия Қиёмова. — Мен ушбу кўрик-танловнинг шаҳар босқичида ғолибликни қўлга киритиб, вилоят босқичида ҳам намунали иштирок этганимдан хурсандман. Умуман олганда, кўрик-танловнинг ушбу босқичи ҳам энг фаол намунали ибратга лойиқ иш олиб бораётган номзодларни саралаш имконини берди. Танловда биринчи ўрин Қарши шаҳрилик Зулфия Қиёмовага, иккинчи ўрин Ғузор туманилик Дилбар Назаровага, учинчи ўрин эса Яккабоғ туманилик Адиба Эшмуродовага насиб этди. Тадбирда ғолиб деб топилган совриндорлар партиянинг вилоят Кенгаши томонидан эсдалик совғалари билан рағбатлантирилиб, I, II, III даражали “Ўзбекистон “Адолат” СДП вилоят Кенгашининг энг фаол адолатчи аёли” дипломи билан тақдирланди. Танловда ғолиб бўлган Қарши шаҳрилик Зулфия Қиёмова эндиликда кўрик-танловнинг республика босқичида иштирок этади. Биз тадбир якунида унинг иштирокчилари билан суҳбатлашдик. — Бугунги ўзбек аёли нафақат намунали уй бекаси, балки ижтимоий ҳаётнинг, ҳусусан, сиёсат, иқтисодиёт, маданият ва бошқа соҳаларда илғор ғоялар ташаббускори ва тарғиботчиси сифатида жамият тараққиётига муносиб ҳисса қўшмоқда,— дейди вилоят ҳокими ўринбосари, халқ депутатлари вилоят Кенгашидаги Ўзбекистон “Адолат” СДП депутатлик гуруҳи раҳбари Мақсуда Мустафоева.– Мен “Адолат” СДПнинг “Аёллар қаноти” Кенгаши томонидан хотин-қизларни улуғлаб, ҳурмат бажо этиб, ғамхўрлик кўрсатиб, юртимизда аёлларнинг ижтимоий фаоллигини ошириш, жамиятдаги мавқеини мустаҳкамлаш борасида ўтказиб келаётган бу каби тадбирларини юксак қадрлайман. Комил САХАТОВ, Ўзбекистон “Адолат” СДП Қашқадарё вилоят Кенгаши матбуот котиби ...

Батафсил
News

Кўзланган мақсадга эришишда ўзаро ҳамжиҳатлик, талабчанлик зарур

  Бугун Ўзбекистон “Адолат” СДП Ғузор туман Кенгашининг навбатдаги Пленуми бўлиб ўтди. Унда маҳаллий Кенгаш депутатлари, партия фаоллари, корхона, ташкилот, муассасалар вакиллари, нодавлат нотижорат ташкилотлари ва оммавий ахборот воситалари вакиллари қатнашди. Пленум кун тартибидаги “2018 йил якунлари ва жорий йилдаги амалга оширилиши лозим бўлган ишлар ҳақида” партия туман Кенгаши раиси Камолиддин Камолов маъруза қилди. — Ўтган вақт мобайнида партия Сиёсий Кенгаши томонидан ишлаб чиқилган режага мувофиқ фаолларимиз томонидан анчагина ишлар амалга оширилди, — деди кун тартибидаги масала юзасидан маъруза қилган партиянинг туман Кенгаши раиси Камолиддин Камолов. — Бироқ, фаолиятимизда бир қатор камчиликларга ҳам йўл қўйилди. Масалан, партиямиз лойиҳаси доирасидаги – ички йўлларни тартибга келтириш, таълим муассасаларида ўқувчиларни зарур дарсликлар билан таминлаш бугунги кун талабига жавоб бермайди. Шунингдек, аъзолар сонини кўпайтириш борасида ҳам бир қатор камчиликлар бор. Пленум танқидий – таҳлилий руҳда ўтди. Шунингдек, бугун Дехқонобод, Касби, Қарши тумани ва Қарши шаҳар Кенгашларининг ҳам навбатдаги Пленумлари таъсирчан руҳда ўтди. Танқидий – таҳлилий руҳда ўтган Пленумларда фаол иш олиб борган партия фаоллари эсдалик совғалари билан тақдирланиб, янги аъзоларга аъзолик билетлари топширилди Нодир ИСОМОВ, Ўзбекистон “Адолат” СДП Қашқадарё вилоят Кенгаши ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!