Тошкент шаҳар

Манзил: Тошкент шаҳар, Чилонзор тумани Шарқ тонги кўчаси, 23-уй

Телефон: (71) 288-42-04 (136)

Электрон манзил:  toshkent.shahar@mail.ru

Янгиликлар
News

Кам таъминланган оилаларга эътибор етарличами?

Куни кеча партиянинг Тошкент шаҳар Кенгаши вакиллари Учтепа туманидаги “Боғистон” маҳалласига ташриф буюрди. Унда Кенгаш вакиллари Сайловолди дастур юзасидан маҳалла фаолларининг мулоҳазалари билан ўртоқлашди. Энг аввало, уларга  дастурнинг мазмун-моҳияти таништирилди. -Маҳалламиз ходимлари билан ёнма-ён ҳолда партиянинг Учтепа туман Кенгаши хонадонларга киришмоқда,  - дейди “Боғистон” МФЙ раиси Мўмин Эрматов – Фуқароларнинг муаммоларини ўрганиб, уларга биргаликда ечим топишга ҳаракат қилмоқдамиз. Шундан келиб чиққан ҳолда дастурга маҳаллаларда давлат ва жамоат ташкилотлари билан ҳамкорлик алоқаларини кескин ривожлантириш ҳамда кам таъминланган оилалардаги тиббий муолажага муҳтож фуқароларни тиббиёт бирлашмалари томонидан тегишли даволаш муассасасига жойлаштириш каби таклифларни бераман. Қайсики, маҳаллада жамоат ташкилотлари билан ҳамкорлик кенгайтирилса, ўша ҳудуд фуқаролари билан алоқалар мустаҳкамланади. Ўз-ўзидан ўша маҳаллада нохуш ва кўнгилсиз ҳолатларга йўл қўйилмайди. Шунингдек, бугунги кунда тиббиёт бирлашмаларининг маҳаллаларда ижтимоий ҳимояга муҳтож оилаларга бўлаётгани эътибори талаб даражасида эмас. Шу мақсадда тиббиёт бирлашмалари томонидан аҳолининг тиббий маданиятини ривожлантириш борасида кам таъминланган оилалардаги тиббий ҳимояга муҳтож фуқаролар соғлигини тиклаш учун тиббий кўрикдан ўтказиш лозим. Кўрик хулосаларига асосан тегишли даволаш муассасасига жойлаштириш ишларини амалга ошириш мақсадга мувофиқ. Муҳокама якунида Кенгаш аъзолари дастур юзасидан билдирилган фикр-мулоҳазалар эътиборга олинишини таъкидлашди.   Зулайҳо АХМАДЖОНОВА, Ўзбекистон “Адолат” СДП Тошкент шаҳар Кенгаши матбуот котиби   Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Менда таклиф бор: Ўзбек саноати қачон ривожланади?

Биламизки, мамлакатимизда иқтисодий барқарорликни таъминлаш кўп жиҳатдан саноатни ривожлантириш билан боғлиқдир. Ўтган йиллар давомида олиб борилган ислоҳотлар натижасида саноатда сезиларли ўзгаришлар бўлганига барчамиз гувоҳ бўлиб турибмиз. Бироқ, шунга қарамай бугун саноатнинг барча нуқталарида ҳал этилиши лозим бўлган масалалар талайгина. Юртимизда ишлаб чиқариш саноатини янада ривожлантириш мақсадида табиий-ресурс салоҳиятидан имконият даражасида тўлиқ ва самарали фойдаланиш ҳамда янги турдаги маҳсулотлар ишлаб чиқариш учун мамлакат илмий-техникавий салоҳиятини кенг қўллаш таклифини бераман. Ҳозирда тизимда юзага келган муаммолар саноатда ишлаб чиқаришни сифат кўрсаткичларини оширишни талаб этади. Шу мақсадда, билдирилган таклиф амалиётга татбиқ этилса, ўзбек саноатининг ривожланишида бой табиий ресурслардан фойдаланиш орқали устувор тармоқлар ва ишлаб чиқаришни кенгайишига эришилади. Шунингдек, унинг замонавий таркиби шаклланишига, ташқи ва ички бозорда чуқур қайта ишланган маҳсулотлар улушини ошишига замин яратади. Бу эса, мамлакатимиз саноатининг турли йўналишларда ривожланишида катта аҳамиятга эга, деб ўйлайман. Бахром ВАЛИЕВ, Ўзбекистон “Адолат” СДП Тошкент шаҳар Кенгаши раиси       Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Беморларга ҳаракатланиш аравачалари топширилди

Бугун Юнусобод туман аҳолиси партиямиз Кенгаши фаолиятидан мамнун. Боиси “Адолат” СДП Юнусобод туман Кенгаши ҳамда депутатлари томонидан ҳудудда талайгина ишлар амалга оширилмоқда. Хусусан, лойиҳалар доирасидаги саъй-ҳаракатларга туман Кенгаши жиддий ёндашмоқда. “Адолат-қонун устуворлигида” лойиҳаси асосидаги амалий ишлардаги натижалар ана шулар жумласидандир. Депутат Умида Маҳмудова бошчилигидаги ишчи гуруҳ аъзолари 54-оилавий поликлиника шифокорлари иштирокида “Боғишамол” маҳалласи аҳли билан учрашди. Мулоқотда фуқаролар Л.Качеткова ҳамда  Ф.Пўлатовалар бир неча йиллардан буён бетоблиги сабабли ҳаракатланиш аравачасига эҳтиёжи борлигини айтиб, мурожаат қилишди. Мазкур мурожаат юзасидан партиянинг Юнусобод туман Кенгаши туман Тиббиёт бирлашмасига юзланди. Ҳар икки фуқаронинг саломатлиги борасидаги ҳужжатлари тақдим этилди. Мутасадди ташкилот томонидан қисқа вақт ичида мурожаат ўрганиб чиқилиб, куни кеча уларнинг хонадонларида ҳаракатланиш аравачалари топширилди.  Л.Качеткова ҳамда  Ф.Пўлатовалар бундай эътибор ва ғамхўрликдан беҳад хурсандлигини айтишди. Партиямиз номига миннатдорчилик билдиришди. Шу ўринда айтиш лозимки, лойиҳалар ўз самарасини берсагина, дастурий мақсадларимизга эришишимиз, шубҳасиз. Бу йўлда маҳалий Кенгашларимизда масъулият шиорга айланиши лозим. Зулайҳо АХМАДЖОНОВА, Ўзбекистон “Адолат” СДП Тошкент шаҳар Кенгаши матбуот котиби    Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Нега тиббиёт ходими оқ ҳалатни ўзи сотиб олади?

“Адолат” СДП Сайловолди дастурининг муҳокамаси юзасидан Юнусобод туманидаги 49-оилавий поликлиникада ҳам баҳс-мунозаралар бўлиб ўтди. Унда Юнусобод туман Кенгаши раиси Умида Маҳмудова йиғилганларни дастурнинг мақсад-вазифалари билан таништирди.    Муҳокамада депутатлар оилавий поликлиникаларда патронаж ҳамширалар фаолияти йўлга қўйилгани аҳоли саломатлигини мустаҳкамлашда катта аҳамиятга эга эканлигини таъкидлашди. Патронаж ходимларни ижтимоий қўллаб-қувватлаш мақсадида, уларга ойлик маошларидан ташқари устама пули таклифини беришди. Боиси, ҳамшира ёзнинг жазирамасида, қишнинг совуқ кунларида уйма-уй юрар экан, ҳаво ҳарорати албатта соғлигига ўзининг салбий таъсирини ўтказиши шубҳасиз. Бу вазиятда моддий рағбат уларга катта кўмак бўлади. Шунингдек, патронаж ҳамширасини алоҳида иш формаси бўлиши лозимлигини айтиб ўтишди. Бугунги кунгача ходимлар иш жараёнида оқ ҳалатидан тортиб, оёқ кийимигача ўз ҳисобидан олишлари барчага маълум ҳолат. Албатта, келгусида махсус форма жорий қилиниб, Соғлиқни сақлаш вазирлиги томонидан таъминлаб берилса, бу нафақат ҳамшираларга қулайликни, балки аҳоли орасида уларга бўлган ҳурматни яна бир карра ошишига замин яратади. Зулайҳо АХМАДЖОНОВА, Ўзбекистон “Адолат” СДП Тошкент шаҳар Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Аҳоли иссиқ сув босими пастлигидан норози

Партиянинг Чилонзор туман Кенгаши “Навбаҳор” маҳалласида “Адолат-қонун устуворлигида” лойиҳаси доирасида аҳоли билан юзма-юз мулоқот ўтказилди. Учрашув чоғида фуқаролар ўзларини қийнаётган муаммоларини ўртага ташлади. Хусусан, ҳудудда “Махсус транс” хизмати яхши йўлга қўйилмаганлиги, иссиқ сув босимининг пастлигидан норозилик билдиришди. Мулоқот давомида фуқароларнинг эътирозларини туман Кенгаши раиси Мадамин Дехқонов тегишли ташкилотлар билан боғланиб, масалага ойдинлик киритишини таъкидлади. Шундан сўнг, фуқаролар партиянинг Сайловолди дастур юзасидан ўзларининг мулоҳазаларини айтиб ўтишди. Унга кўра, республика бўйлаб маҳаллаларда ҳафтанинг бир кунида “Адолат куни” бўлсин, дея таклиф киритишди. Зотан, ҳар қандай ижтимоий муаммонинг ечими маҳалланинг ўзида, халқ олдида тегишли мутасаддилар бошчилигида адолатли қарор топсин. Шунингдек, ўз кучи, иқтидори ва истеъдоди билан катта ютуқларга эришаётган ёшларимизни энг аввало, маҳаллаларда тенгдошларига ўрнак қилиб кўрсатайлик. Зеро, бугуннинг ёшлари одиллик бор жойга интилар экан, бу йўлда ҳар бир маҳалла адолат ўчоғи бўлмоғи даркор. Зулайҳо АХМАДЖОНОВА, Ўзбекистон “Адолат” СДП Тошкент шаҳар Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Поликлиника ходимлари дастурга муносабатини билдирди

Партия Сайловолди дастурига фикр-мулоҳазалар билдиришда Чилонзор тумани аҳолиси фаоллик кўрсатмоқда. Хусусан, тумандаги 43-оилавий поликлиника ходимлари партиянинг Чилонзор туман Кенгашига дастур юзасидан таклиф билдириш истаги борлигини айтишди. Шу мақсадда туман Кенгаши раиси Мадамин Дехқонов мазкур поликлиникага ташриф буюрди. -Шифокор-ходимлар иштирокида Сайловолди дастур билан танишиб чиқар эканмиз, унда соғлиқни сақлаш тизимига алоҳида эътибор қаратилганидан мамнун бўлдик, - дейди 43-оилавий поликлиника бош шифокори муовини Гулчеҳра Собирова. -   Бу борада соҳамиз вакиллари томонидан ҳам кўплаб фикрлар билдирилаётганини кузатиб бормоқдамиз. Партия дастурининг мақсадларидан бири, соҳани ривожлантириб, аҳолига сифатли тиббий хизмат кўрсатишга эришишдир. Бу борада таклифимиз Соғлиқни сақлаш вазирлиги томонидан республика бўйлаб оилавий поликлиникаларга юрист-консульт штати ажратилсин. Чунки бугунги фаолиятимизда айнан ҳуқуқшунос ишига эҳтиёжимиз катта. Иш жараёнида ҳуқуқий ҳужжатлар ижросини таъминлаш учун шаҳар Соғлиқни сақлаш бошқармаси юристига мурожаат қилинади. Бошқарма ходими томонидан биргина масалага ойдинлик киритилгунча ҳужжатимиз ҳафталаб, керак бўлса ойлар давомида қолиб кетади. Бу эса натижадорликнинг пасайишига сабаб бўлмоқда. Таклифимиз инобатга олиниб, тизимда юрист-консульт штати йўлга қўйилса, энг аввало оворагарчиликка чек қўйиларди. Иш самарадорлиги кўтарилиб, аҳолига тиббий хизмат кўрсатиш сифатини янада яхшилашга замин яратилади. Мулоқот якунида “Адолат” СДП Чилонзор туман Кенгаши раиси М.Дехқонов шифокорларнинг дастур юзасидан саволларига атрофлича жавоб берди. Зулайҳо АХМАДЖОНОВА, Ўзбекистон “Адолат” СДП Тошкент шаҳар Кенгаши матбуот котиби    Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Депутат қандай ишларни амалга оширди-ю, нималарга улгурмади?

Халқ депутатлари Сергели туман Кенгаши депутати Дониёр Рашидов “17-Жаҳонаро” сайлов округи аҳолисига ҳисобот берди. Унда ўтган йиллар давомида бажарилган ишлар ҳақида тўхталинар экан, ҳар бир ҳаракатда фуқароларга қулайлик яратишга киришилгани айтиб ўтилди.  Хусусан,  партия лойиҳалари доирасидаги ўрганишларда ҳудудга тегишли бўлган кўплаб муаммолар аниқланиб, ижобий ечим топилди. Жумладан, “Адолат-қонун устуворлигида” лойиҳасида аҳолини қийнаётган муаммо ва таклифларга эътибор қаратилди. Шу давр ичида 50дан ортиқ хонадонларга кирилиб, уларни ўйлантираётган масалаларга ойдинлик киритилди. Ички йўлларни таъмирлаш, паспорт олиш, иссиқ сув босимини кўтариш каби қатор мурожаатлар кўриб чиқилиб, ўз вақтида ҳал этилишига эришилди.   “Соғлом турмуш тарзи йўлида бирлашалайлик” лойиҳаси доирасида ҳам ҳудуддаги ўнлаб умумтаълим мактаблари ўрганилди. Унда болаларда сколиоз касаллигининг олдини олишга эътибор қаратилди. Хусусан, ўрганишлар хулосаси асосида тегишли мутасаддиларга депутатлик сўровлари юборилди. Мазкур касаллик аниқланган болаларда шифокорлар томонидан олиб борилаётган даволаш ишларнинг самарадорлик ҳолатлари кузатилди. Ҳисобот якунлангач, депутат томонидан бажарилган ишлар юзасидан фикр-мулоҳазалар билдирилди. Уларнинг таклифлари келгуси иш жараёнида инобатга олиниши таъкидланди. Зулайҳо АХМАДЖОНОВА, Ўзбекистон “Адолат” СДП Тошкент шаҳар Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP     ...

Батафсил
News

Менда таклиф бор: Маҳалла билан ҳамкорлик тилга олинмаган

Партия Сайловолди дастурининг жамоатчилик ўртасидаги муҳокамаси “Зиё” маҳалла фуқаролар йиғинида ҳам уюштирилди. Унда маҳалла фаоллари дастур билан танишиб, ўзларининг фикр-мулоҳазаларини билдиришди. -Ўқиб чиқиш жараёнида шунга амин бўлдимки, энг аввало  дастур кенг қамроли экан, - дейди Олмазор туманидаги “Зиё” МФЙ раиси Убайдулла Мамажонов. – Унда жамиятнинг барча бўғинларига оид яхши мақсадлар кўрсатиб ўтилган. Лекин уларга аниқлик, ихчамлик етишмаяпти, назаримда. Боиси, давлатимиз сиёсатнинг бир устуни бўлган партия дастурида умумий гаплар кимга керак? Таклифим дастурдаги умумий матнларни олиб ташлаб, ихчамлаштириш ҳамда  мақсад-вазифалар аниқ ва лўнда кўрсатилиши лозим. Шунингдек, биламизки, партия томонидан йил давомида “Адолат – қонун устуворлигида” лойиҳаси доирасида маҳаллаларда ўрганишлар олиб борилади. Бироқ, дастурни кўздан кечириш жараёнида маҳаллалар билан ҳамкорликдаги бирорта аниқ белгиланган вазифаларга гувоҳ бўлмадим. Таклифим - ўтказилаётган юзма-юз мулоқотларнинг натижасини ошириш, маҳалла ва партия ҳамкорлигини янада кенгайтириш ҳамда аниқ, давомий вазифалар қайд этилиши лозим. Шундагина, партия дастури халқчил ва аҳоли манфаати йўлида бунданда кўпроқ хизмат қилиши шубҳасиз. Бу эса сайловчиларнинг ишончини оширишга ва партия нуфузини мустаҳкамлашда катта кўприк вазифасини ўтайди. Муҳокама якунида “Ёшлик” талабалар шаҳарчаси Кенгаши раиси Нилуфар Одилова таклифлар учун миннатдорчилик билдириб, туманда маҳаллалар билан ҳамкорлик алоқалари янада кенгайишини таъкидлади.     Зулайҳо АХМАДЖОНОВА, Ўзбекистон “Адолат” СДП Тошкент шаҳар Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!