БУХОРО

Манзил: Бухоро шаҳар, М.Икбол кўчаси, 15-уй

Телефон: (65) 221-26-95, 221-26-92

Электрон манзил:  buxoro@adolat.uz

Янгиликлар
News

Депутатлар ташаббуси муаммоларнинг амалий натижаларини кўрсатмоқда

Аҳоли мурожаатлари билан ишлаш, уларнинг муаммоларини вақтида ва натижали ҳал этиш депутат олдида турган энг муҳим вазифадир. Халқ депутатлари Шофиркон туман Кенгаши депутатлик гуруҳи аъзолари ўз вазифаларига масъулият билан ёндашган ҳолда муаммоларнинг амалий ечимига алоҳида эътибор қаратишмоқда. Таҳлилий натижаларга эътибор қаратадиган бўлсак, 2018 йил давомида гуруҳ аъзолари томонидан жами 85 та депутатлик сўровлари чиқарилган. Халқ депутатлари туман кенгаши сессияси 6 та, доимий комиссияларга эса 12 маротаба масала киритилди. Тўғри, натижалар ёмон эмас, аммо яхши ҳам дея олмаймиз. 2019 йилда ўз олдига аниқ мақсадларни қўйган депутатлик гуруҳи аъзолари партия лойиҳалари доирасида жойларда бўлиб, муаммоларни ўрганишмоқда. Ўрганишлар асосида эса Халқ депутатлари туман Кенгаши сессиясига 2 та, яъни “Таълим сифати – партия нигоҳида” ва “Соғлом турмуш тарзи йўлида бирлашайлик” лойиҳалари доирасида ҳамда “Ижтимоий-маданий ривожланиш масалалар” доимий комиссияга эса 3 та “Таълим сифати – партия нигоҳида”, “Соғлом турмуш тарзи йўлида бирлашайлик”, “Фарзандлари соғлом юрт қудратли бўлур” лойиҳалари доирасида олиб борилган ўрганишлар асосида масалалар киритилишига эришилди. Тегишли мутассадди ташкилот раҳбарлари номига эса 14 та депутатлик сўровлари чиқарилди. Шубҳасиз, сўров шунчаки эмас, балки аниқ мақсадни кўзлаган ҳолда юборилади. Ҳар бир депутат муаммолар юзасидан депутатлик сўрови билан мурожаат қилар экан, албатта, унинг мурожаати замирида фақат битта мақсад ётади, бу ҳам бўлса халқ муаммосини ҳал этиш ва мурожаатини ижобий ечимини топишда кўмаклашишдир. Ўтган йилнинг тўртинчи чораги ва 2019 йилнинг дастлабки ойлари мисолида оладиган бўлсак, анчагина депутатлик сўровлари ўзининг амалий ечимини топди. Гуруҳ вакилларидан бири Ҳамрогул Ашуровага “Мазлахон Чандир” МФЙ “Чандир” қишлоғида истиқомат қилувчи фуқаро Гулжаҳон Жўраеванинг руҳий ҳолатини инобатга олган ҳолда оила аъзолари уни ногиронлик нафақасига чиқарилишида амалий ёрдам берилиши тўғрисида ўз мурожаатларини билдиришди. Депутат мурожаат юзасидан туман Тиббиёт бирлашмасига сўров билан чиқиб, муаммонинг ижобий ечимини ҳал этиб берилишида кўмаклашди. Фуқаро Гулжаҳон Жўраева ҳақиқатдан ҳам Кўп тармоқли марказий поликлиникада Психиатр врачи “Д” ҳисобида туриши аниқланди ҳамда Тиббиёт бирлашмаси раҳбарияти ва депутат томонидан унинг оила аъзоларига фуқарони Вилоят психиатрия диспансерида текшириш ва ташхисини тасдиқлаш мақсадида ҳамда бир йил давомида тўрт ой узлуксиз ёки олти ой узлуксиз даволанган ҳолда ногиронлик белгилари кузатилганда Ўзбекистон Республикаси Вазирлар Маҳкамасининг 2011 йил 1 июлдаги қарорига асосан ногиронлик гуруҳи белгилаш мақсадида ТМЭКга ҳавола қилиши лозимлиги тушунтирилди. Шунингдек, “Қалмақон” МФЙ “Файзулло Хўжаев” кўчаси ички йўлларини таъмирлаш билан боғлиқ Туман йўллардан фойдаланиш унитар корхонасига юборилган сўрови ҳам ижобий ечимини топди. Ички йўлларнинг 1,5 кмда таъмирлаш ишлари бошлаб юборилди. Гуруҳ аъзолари билан бирга тумандаги “Жўйрабод” МФЙ “Жилвон” қишлоғида истиқомат қилувчи фуқаро Ўғилой Қосимованинг моддий ёрдам ажратиб бериш билан боғлиқ мурожаати ҳам ечимини топди. Маҳалла фуқаролар йиғини ҳамда депутатлик гуруҳи билан ўрганган ҳолда муаммо бартараф этилди. Фуқаро энди моддий ёрдам пули билан таъминланмоқда. Депутатлардан бири Ҳазрат Мавлонов ҳам Туман йўллардан фойдаланиш унитар корхонасига “Алишер Навоий” ҳудудидаги “Шўробод” ва “Ҳавлипоён” қишлоқлари орасидаги автомобиль йўлининг таъмирталаб аҳволда эканлиги билан қилган мурожаатида тегишли ташкилот ходимлари жорий йилнинг иккинчи чорагида таъмирлаш ишлари бажарилишини билдириб ўтишган эди. Мана, амалий ишлар йилнинг биринчи чораги охирги ойларида бошлаб юборилди.   Шу билан бирга яна бир депутат Илҳом Жўраевнинг туман ҳокими биринчи ўринбосарига “Хўжа Ориф” МФЙ “Хўжа Ориф” кўчасидаги 2 км йўлни таъмирлаб бериш билан боғлиқ депутатлик мурожаати ўзининг ижобий ечимини топди. Йўллар таъмирланди. Энг қувонарлиси, гуруҳ аъзолари билан бирга “Хўжа Ориф” МФЙда истиқомат қилувчи фуқаролар билан олиб борган мулоқотимизда улар томонидан ҳудуддаги “Чандирча” қабристонини ободонлаштириш билан боғлиқ билдирилган мурожаатининг амалий аҳамияти бўлди. Албатта, депутатлар ташаббуси билан ҳамкорлар кўмагида бугунги кунда қабристонда ободлаштириш ва қурилиш ишлари амалга ошириляпти. Кириш пештоқи янгиланди, зиёратчилар учун таҳоратхоналар ҳамда меҳмонхоналар қурилмоқда. Ҳар қандай иш масъулият талаб қилади. Бу масъулият ҳис этилса, шубҳасиз, мурожаатлар ўзининг амалий ечимини топади. Бунда эса албатта депутатлар ташаббуси энг муҳимидир. Карим БОБОМУРОДОВ, Халқ депутатлари Шофиркон туман Кенгаши депутатлик гуруҳи раҳбари Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

МТМ фаолиятида инновацион ривожланиш – замон талаби

Ҳар бир келажак эгасининг мустаҳкам билим ва сифатли таълим олишида албатта, кадрлар тизимининг ўрни беқиёс. Дарҳақиқат, бугунги кунда таълим ривожига жуда катта эътибор қаратилмоқда. Бу эътибор эса фарзандларимизнинг замон билан ҳамнафас яшашида, инновацион технологиялардан фойдаланган ҳолда ўз иқтидорини намоён этишида, шу билан бирга чет тилларини мукаммал ўзлаштиришида хизмат қилиб келади. Албатта, боланинг бошланғич билими бу мактабгача таълим муассасаларида шаклланади. Мамлакатимиз раҳбари томонидан бу муҳим масала билан боғлиқ қатор меъёрий ҳужжатларнинг имзоланганлиги ҳам бежизга эмас. Қолаверса, алоҳида вазирлик сифатида ташкил этилиши нур устига аъло нур бўлди. Айни қабул қилинган ҳуқуқий ҳужжатлар асосида жойларда минглаб амалий ишлар қилинмоқда, янги, замон талабига жавоб берадиган МТМлар қурилмоқда. Ҳудудларда боғча ёшидаги болалар сони қамраб олинмоқда. Шубҳасиз, бу амалий ишлар ўз натижаларини кўрсатган ҳолда ёшларнинг билим даражаси ҳам яхшиланмоқда. Маълумот ўрнида таъкидлаш лозимки, Вобкент туманида жами 26 та мактабгача таълим муассасаси бўлиб, улардан 2 таси хусусий, 9 та мактабгача таълим муассасаси эса капитал таъмирланган. Яқинда туманда мактабгача таълим муассасалари сони яна иккитага кўпайди. Тумандаги “Латифсовунгар” МФЙда 90 ўринга мўлжалланган 33-мактабгача таълим муассасаси ўз фаолиятини бошлади. Ҳам тарбия, ҳам билим бериб келаётган 33 нафар тарбиячилар замон талабидан келиб чиққан ҳолда ўз фаолиятларини бошлашди. МТМда инновацион технологиялардан фойдаланган ҳолда барча гуруҳлар жиҳозланган, чет тилларини ўргатишга бўлган эътибор эса жуда юқори. Айни мана шу эътибор сабаб болаларга таълим, тарбия беришнинг янги методларидан ҳам фойдаланиб келиниши режалаштирилган.  Шунингдек, “Чаргоран” МФЙда ҳам 90 ўринли 28-мактабгача таълим муассасаси қайта реконструкция қилиниб, ўз фаолиятини бошлади. Унда ҳам 33 нафар тарбиячи болажонларга таълим-тарбия беришга астойдил бел боғлашди. Ушбу масканда болажонлар учун барча шароитлар яратилган, мусиқа хоналари эса замон талабидан келиб чиққан ҳолда жиҳозланган.   Дарҳақиқат, айнан Ўзбекистон “Адолат” СДПнинг ташаббуси билан капитал таъмирланган МТМларда “шаҳмат майдончалари”ни босқичма-босқич ташкил этиб келиш анъанага айланди. Албатта, мактабгача таълим муассасаларига қаратилган бундай эътибор фарзандлар тафаккури ва онгини ривожлантиришда ҳамда уларнинг таълим-тарбиясини янада мустаҳкамлашда хизмат қилади. Янги қурилган ва реконструкция қилинган ушбу мактабгача таълим муассасаларининг очилиш маросимида ҳам шашка ва шаҳмат майдончаларини қуриш билан боғлиқ таклифлар киритилди. Қолаверса, инновацион технологиялардан фойдаланган ҳолда ҳар бир тарбиячининг билим бериш даражасини шакллантириб бориш лозимлиги айтилди.   Албатта, таълим ўчоғи бешикдан бошланади. Ёш авлодни ҳар жиҳатдан билимли ва тарбияли қилиш барчамизнинг олдимизда турган энг муҳим вазифадир. Муҳим вазифамизга эътибор билан ёндашсаккина ватан равнақи йўлида хизмат қилувчи авлодларни тарбиялай олган бўламиз. Шаҳноза ҲАЛИМОВА, Вобкент туман мактабгача таълим бўлими мудири, Партия фаоли ...

Батафсил
News

Раъно Шукурлаева: билдирилган ишончни албатта оқлаймиз

Хотин-қизларнинг масъулиятини ошириш, уларнинг ҳар томонлама иқтидор ва имкониятларини намоён эта олишларида юртимизда жуда кўп янгиланишлар кузатилди. Хусусан, аёлларни эъзозлаш, уларнинг қадрини баланд тутиш мақсадида “Зулфия” номидаги давлат мукофоти, “Мўътабар аёл” сингари кўкрак нишонининг таъсис этилганлиги ҳам биз аёлларга, қизларимизга берилган ишончнинг яна бир намунасидир.  Жорий йилнинг 7 февраль санасида мамлакатимиз раҳбари томонидан “Хотин-қизларнинг меҳнат ҳуқуқлари кафолатларини янада кучайтириш ва тадбиркорлик фаолиятини қўллаб-қувватлашга оид чора-тадбирлар тўғрисида”ги қарори қабул қилинди. Унга кўра хотин-қизларнинг ҳуқуқларини кафолатлаш, тадбиркорлик соҳасида самарали фаолият юритиш механизмларини яратишга тўсқинлик қилаётган бир қатор тизимли муаммо ва камчиликларнинг олдини олинишига алоҳида эътибор қаратилган. Айниқса, бу билан боғлиқ вазифаларнинг қайд этилганлиги хотин-қизларнинг жамият ҳаётидаги ўрнини белгилаб беради. Қарорда тадбиркорлик фаолиятини бошлаган ҳамда уни ривожлантириш мақсадида ўз олдига улкан режаларни қўйган ташаббускор жамият аёлларимиз учун имкониятлар кўламининг кенгайганлигини кўришимиз мумкин. Энг қувонарлиси, тадбиркорлик марказларини ташкил этган ҳолда уларнинг билими, ташаббусини оширишга бўлган эътибор бўлди. Албатта, аёлларга бўлган эътиборнинг яна бир намунаси сифатида хотин-қизларнинг гендер камситилишига йўл қўймаслик мақсадида Ўзбекистон Хотин-қизлар қўмитаси кўмагидаги Хотин-қизларнинг гендер тенглигини ҳимоя қилиш бўйича комиссиянинг тузилганлиги билан боғлиқ аниқ вазифаларнинг белгиланганлиги бўлди. Бу эса мамлакатда гендер тенгликни таъминлашга, аёлларнинг ижтимоий турмуш шароитларини яхшилашга, аёллар мурожаатларининг ижобий ечимини ҳал этилишига, қаратилган, уларнинг ҳуқуқий маданиятини оширишга хизмат қилади. Мамлакатимизда аёлларнинг тенг ҳуқуқлилигини, имкониятларини кафолатлаш мақсадида “Эркаклар ва аёллар учун тенг ҳуқуқлар ва имкониятлар кафолатлари тўғрисида”ги ва “Хотин-қизларни тазйиқ ва зўравонликлардан ҳимоя қилиш тўғрисида”ги Ўзбекистон Республикаси қонунлари лойиҳасини ишлаб чиқилиши ҳар бир аёлнинг жамиятда ўзининг мустаҳкам ўрнига эга бўлишида асос десак, адашмаган бўламиз. Асосий мақсад хотин-қизларнинг ижтимоий ҳимоясини таъминлаш, турли тазйиқ ва зўравонликларнинг олдини олиш, уларнинг жамият ҳаётида ўзининг мустаҳкам ўрнини эгаллаши экан, бугунги кунда президентимиз томонидан қабул қилинган ана шундай ҳар бир ҳуқуқий-меъёрий ҳужжатларнинг барчаси жамиятимиз тараққиёти йўлида улкан имкониятларни яратиб берилишида хизмат қилади. Раъно ШУКУРЛАЕВА, Халқ депутатлари Қоракўл туман Кенгаши депутати Бизни ижтимоий тармоқларда ҳам кузатинг:???? https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Хотин-қизлар тадбиркорлиги — фаолият мезонига бўлган эътибор

Жамиятда хотин-қизларнинг ҳуқуқ ва манфаатларини ҳимоя қилишда, ҳар жиҳатдан фаолиятини қўллаб-қувватлашда, бандлигини таъминлашга жуда катта эътибор қаратилмоқда. Бу борада қабул қилинаётган барча меъёрий ҳужжатлардан асосий мақсад ҳам шунда. Давлатимиз раҳбари томонидан жорий йилнинг 7 март санасида “Хотин-қизларнинг меҳнат ҳуқуқлари кафолатларини янада кучайтириш ва тадбиркорлик фаолиятини қўллаб-қувватлашга оид чора-тадбирлар тўғрисида”ги қарорининг имзоланганлиги ҳам юртимиз аёлларининг имкониятларини кенгайтиради. Энг қувонарлиси, уларнинг иқтидорларини самарали намоён этишида хизмат қилади. Албатта, бугунги кунда аёлларнинг тадбиркорлик фаолиятини қўллаб-қувватлаш мақсадида кенг кўламли ишлар амалга оширилмоқда. Хусусан, Когон шаҳримизда ҳам. Айнан уларнинг муаммоларини ўрганган ҳолда бандлигини таъминлаш масаласига алоҳида эътибор қаратилди. Тадбиркорликни ривожлантириш учун “Давлат хизматлари маркази” томонидан 180 нафар хотин-қизлар тадбиркорлик билан шуғулланиш мақсадида рўйхатдан ўтказилди. “Олтин тола” ҳиссадорлик жамиятида 18 нафар, “Когондон”да эса 5 нафар ногирон хотин-қизлар бандлиги таъминланди. 100 дан ортиқ хотин-қизларга кредит олишлари учун тавсияномалар берилди. “Ўзмиллийбанк” Когон филиали томонидан оилавий тадбиркорликни йўлга қўйиш учун 11 нафар аёлларга, “Халқ банки” АТ Когон филиали томонидан 18 нафар хотин-қизларга, “Микрокредит” АТБ Когон филиали томонидан 16 нафар аёлларга кредит берилди. 62 нафар хотин-қизлар Хунарманд уюшмасига аъзо бўлиб, шундан 5 нафари оилавий тадбиркорлик билан шуғулланмоқда. “Малика текстил” МЧЖ ташкил этилиб, 35 нафар хотин-қизлар иш билан таъминланди. Таъкидлаш ўринлики, тадбиркорлик фаолияти билан шуғулланмоқчи бўлган хотин-қизларимиз баъзи бир тўсиқларга рўбаро келиб қолишлари ҳамда уларнинг фаолиятлари эса ўз ўрнида ривожланмай қолаётганлигининг гувоҳи бўляпмиз. Президентимизнинг мазкур қарорида белгиланган вазифалар ҳам тадбиркорлик соҳасида самарали фаолият юритиш механизмларини яратишга тўсқинлик қилаётган бир қатор тизимли муаммо ва камчиликларнинг олдини олган ҳолда имкониятларни кенгайтириб бориши билан муҳимлиги барчамизни қувонтиради. Муаммоли вазиятларни яхшилаш мақсадида қарорда нодавлат нотижорат ташкилот мақомига эга бўлган хотин-қизлар тадбиркорлик марказларини ташкил этиш таклифи киритилган. Шубҳасиз, бу таклиф аёлларимизнинг жамиятда фаол ҳамда ташаббускор бўлишларини таъминлайди. Шунингдек, тадбиркорлик билан шуғулланиш истагини билдирган аёлларнинг ўз бизнесини ташкил этиш ва юритиш кўникмаларини шакллантиради, бизнес ғояларини тайёрлашда консултатив ёрдам бериб, жумладан, лойиҳа бизнес-режасини тайёрлаш, замонавий ахборот технологияларидан фойдаланиш ва бошқа йўналишлар бўйича ўқитишни ташкил этишга оид вазифаларнинг кўрсатиб ўтилганлиги ҳам албатта, ўзининг ижобий таъсирини кўрсатади. Аёллар фаоллигини таъминлаш, уларнинг жамият ҳаётида ташаббусларини янада оширишга катта эътибор қаратилар экан, қарорда белгилаб берилган ҳар бир вазифанинг аҳамиятли жиҳатлари ҳам шу билан ажралиб туради. Дилфуза ЭРГАШОВА, Халқ депутатлари Когон шаҳар Кенгаши депутати, Когон шаҳар хотин-қизлар қўмитаси раиси Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Бухорода ҳам депутатлик сўровлари жавобсиз қолмоқда

Депутат халқ билан бирга яшамоғи, унинг муаммоларининг ижобий ечимини ҳал этишда кўмаклашмоғи даркор. Шундай экан, улар олдида турган энг муҳим вазифа ҳам масъулиятни астойдил ҳис этишдир. Аммо депутат-ку масъулиятни ҳис этяпти, баъзи мутасадди ташкилот раҳбарлари-чи? Шу жўнгина саволимизга жавоб топиш мақсадида партиянинг Бухоро вилоят, туман ва шаҳар Кенгашлари депутатларининг депутатлик сўровларига йўлланган жавоблар билан қизиқиб кўрдик. 2019 йил давомида жами 54 нафар депутатдан аҳоли мурожаатлари ва муаммолари асосида тегишли ташкилотларга 137 та депутатлик сўрови чиқарилган. 66 фоиз депутатлик сўрови ижобий ечимини топган бўлса, қолган қисми эса аниқ бир жавобга эга эмас ёки умуман жавобсиз қолиб кетмоқда. Шу ўринда таъкидлаш жоизки, сўровга жавоб берилган ҳолда, муаммолар ҳам бартараф этилмоқда. Аммо “беш қўл баробар эмас” деганларидек, ҳамма ташкилот мутасаддилари ҳам депутат сўровига эътибор билан ёндашмаяпти. Бу эса мамлакатимиз раҳбари айтганларидек, “Депутатга беписандлик халққа беписандлик” эмасми?! Халқ депутатлари Жондор туман Кенгаши депутати Қурбон Темиров “Кулиён” МФЙда бўлганида фуқаро Мухтарама Очилова томорқаларни суғоришда ариқ сувининг етарли даражада берилмаётганлиги билан мурожаат қилган. Депутат мурожаат юзасидан жорий йилнинг 1 февраль санасида “Аму Бухоро ирригация тизимлари ҳавзаси бошқармаси Жондор туман Ирригация бўлими”га депутатлик сўровини йўллаган. Аммо сўров бир ойдан ортиқроқ вақт ўтибдики, ўз жавобини топганича йўқ. Ваҳоланки, “Халқ депутатлари вилоят, туман, шаҳар Кенгаши депутатлари мақоми тўғрисида”ги қонуннинг 8-моддасида ташкилот мутасаддилари ўн кун муддат ичида муаммони ўрганиб, амалга оширилган ишлар юзасидан жавоб беришлари лозим эди. Ёки Халқ депутатлари Шофиркон туман Кенгаши депутати Ҳамрогул Ашурова ҳам “Темирчи” МФЙ “Шейхлар” қишлоғида бўлганида фуқаро Нозима Равшанова кам таъминланган оила эканлиги ҳамда янги қурилган иморатига электр токини ўтказиб бериш билан боғлиқ мурожаати депутат томонидан жойига бориб ўрганилди. Депутат мурожаат юзасидан туман Электр таъминоти корхонасига ўзининг сўровини юборди. Ажабланарли жиҳати шундаки, сўров 2018 йилнинг 19 декабрида йўлланган эди. Лекин ташкилот мутасаддилари на жавоб беришди, на мурожаатни жойига бориб ўрганишди. Муаммо эса ҳал этилмади.   Халқ депутатлари Когон шаҳар Кенгаши депутати Дилфуза Эргашова 14 февралда Бухоро вилояти “Иссиқлик манбаи” ДУКга “Бобур” МФЙда истиқомат қилувчи аҳоли мурожаатларини ўрганган ҳолда ўзининг депутатлик сўровини киритди. Унга кўра маҳалла фуқаролар йиғини ҳудудидаги “Қоровулбозоршоҳ” кўчаси 13,14 ва 16-кўп қаватли уйларда яшовчи фуқаролар ўз уйлари ёнидан ўтувчи шаҳар иссиқлик манбаига қарашли қувур ёрилиб, сувнинг беҳуда ерга оқиб кетаётганлиги, бу эса атрофга зарар келтираётганлиги билан биргаликда хонадонларни иситиш учун зарур бўлган иссиқлик суви манзилларга етарли миқдорда бормаётганлиги таъкидланган ҳамда айни муаммо юзасидан ўрганиш ишларини олиб борган ҳолда уни бартараф этиб боришда амалий ёрдам билан мурожаат қилинган. Лекин сўровга қонунда белгиланган тартибда жавоб берилмаган. Депутат сўровини эътиборга олмаслик бу масъулиятини ҳис этмаслик билан баробар эмасми?! Албатта, депутат мурожаати халқ мурожаатидир. Шундай экан, ҳар бир мутасаддилар мурожаатга вақтида жавоб қайтариши энг муҳим вазифасидир. Вазифасига масъулият билан ёндашса, шубҳасиз, аҳоли мурожаатлари ҳам ўз ечимини топади ва муаммолар ўз-ўзидан ҳал этилади. Моҳигул АБДУЛЛАЕВА, Ўзбекистон “Адолат” СДП Бухоро вилоят Кенгаши матбуот котиби Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Сайлов кодекси сайловчилар эътиборида

  Ўзбекистон “Адолат” СДП Бухоро вилоят Кенгаши томонидан “Сайлов кодекси”нинг мазмун-моҳиятига бағишлаб Когон шаҳар ва Когон туман Кенгашларида тадбир ташкил этилди. Унда партия вилоят, туман ва шаҳар Кенгаши ходимлари, депутатлар, фаоллар иштирок этишди. Бухоро электр таъминоти корхонасида ташкил этилган тадбирда партия Когон шаҳар Кенгаши раиси Рауф Сувонов кодекс моддаларига тўхталиб ўтди. Шунингдек, сайлов округ ва участкалари, сайловга тайёргарлик кўриш ҳамда уни ўтказишдаги очиқлик, ошкоралик масалалари ҳақида ҳам гапириб ўтар экан, сайлов комиссиялари фуқароларни ўз иши тўғрисида, сайлов округлари, участкалари тузилганлиги ҳақида, сайлов комиссияларининг таркиби, уларнинг жойлашган ери ва иш вақти тўғрисида хабардор этиши, сайловчиларнинг рўйхатлари, сайловда иштирок этаётган сиёсий партияларнинг рўйхати билан таништириб ўтиши лозимлигини таъкидлади. Когон туман давлат санитария ва эпидемиология назорат марказида бўлиб ўтган тадбир ҳам партиядошларнинг сайловга тайёрланиш жараёнларини ҳамда эътиборларини кучайтирди. Партия туман Кенгаши раиси Мактуба Ҳамроеванинг сайлов участкаларини тузиш тартиби ва нормалари тўғрисидаги фикрлари, албатта, йиғилганларнинг сайлов билан боғлиқ қарашларини шакллантирди. Сайлов участкалари сайловчиларга мумкин қадар кўпроқ қулайлик яратиш мақсадида туманларнинг, шаҳарларнинг, шаҳарлардаги туманларнинг чегаралари инобатга олинган ҳолда тузилиши, шу билан бирга ҳарбий қисмларда ҳам тузилиши мумкинлиги қайд этилди. Қолаверса, тадбир иштирокчилари сайловда овоз бериш тартиби, муддатидан овози бериш мумкинлиги тўғрисидаги маълумотларга эга бўлишди. — Ҳар бир партия ходими сайловда фаол бўлиши даркор. “Сайлов кодекс”ининг моҳиятига бағишланган ушбу тадбирда барчамиз сайлов билан боғлиқ маълумотларга эга бўлдик. Такрорий овоз бериш, такрорий сайловлар ҳақидаги маълумотлар сайловчилар учун яна бир имкониятни очиб берди,— дейди партиядошимиз Шоира Эргашова. Кодекс моҳиятига бағишларган давра суҳбати йиғилганларнинг сайлов ҳақидаги қарашларини ривожлантиради, энг муҳими, уларнинг сиёсий жараёнлардаги иштирокини шакллантиришда, фаол ва ташаббускор бўлишларида хизмат қилади. Тадбирлар жойларда давом этмоқда.   Моҳигул АБДУЛЛАЕВА, Ўзбекистон “Адолат” СДП Бухоро вилоят Кенгаши матубот котиби ...

Батафсил
News

Ёшларнинг инновацион салоҳияти намойиш этилди

Ўзбекистон “Адолат” СДП Вобкент туман Кенгаши ташаббуси билан партиянинг “Инновацион фаолият – тараққиёт гарови” лойиҳаси доирасида туман педагогика касб-ҳунар коллежида давра суҳбати ташкил этилди. Тадбирда партия туман Кенгаши ходимлари, депутатлар, фаоллар ҳамда иқтидорли ёшлар иштирок этишди. Давра суҳбатидан мақсад ёшларнинг инновацион ғояларини янада шакллантириш, уларнинг фаолиятига эътиборни кучайтириш, партия мақсад ва вазифаларидан келиб чиққан ҳолда қўллаб-қувватлаш экан, албатта, партия вилоят Кенгаши раиси Мақсуд Ҳамидовнинг бу борада фикр ва мулоҳазалари йиғилганларга катта қизиқиш уйғотди. Дастлаб касб-ҳунар таълими бўйича сабоқ олаётган ёш инновациячи қизларнинг фаолиятлари намойиш этилди. Албатта, уларнинг бугунги кунда яратилаётган имкониятлардан унумли фойдаланиб келаётганликлари ҳамда ўз ишларининг самарали натижалари билан ўртоқлашилди. Айниқса, касб-ҳунар тизимида янги ғояларнинг тарғиб этилганлиги тадбир иштирокчиларнинг олқишларига сазовор бўлди.   — Партия ташаббуси билан ташкил этилган тадбир барча ёшларимизнинг инновацион қирраларини кашф этди. Албатта, улар ўз ижодий ишлари билан фаол иштирок этар экан, шубҳасиз, яратган янгиликлари тадбир иштирокчиларининг қизиқишини орттирди. Тўғри, фаолиятларида камчиликлар йўқ эмас, аммо ҳар бирининг қизиқиши ва интилиши улкан ютуқларга сабаб бўлиши мумкин, - дейди коллеж ўқитувчиси Зилола Эргашова. Давра суҳбатида иқтидорли ёшлар партия сафига қабул қилинди ҳамда уларга партиянинг фахрий ёрлиқ ва эсдалик совғалари топширилди. Маҳбуба РЎЗИЕВА, Ўзбекистон “Адолат” СДП Вобкент туман Кенгаши раиси   Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Тиббиётда инновацион лойиҳалар – соғлом турмуш тарзининг муҳими бўғини

Соғлом турмуш тарзини шакллантириш ҳамда аҳоли саломатлигини мустаҳкамлаш мақсадида юртимизда қатор тизимли ишлар амалга оширилмоқда. Мамлакатимиз раҳбари томонидан қабул қилинаётган ҳуқуқий-меъёрий ҳужжатларнинг моҳиятида ҳам фуқаролар саломатлигини, оналар ва болалар соғлигини мустаҳкамлаш, аҳоли орасида турли юқумли касалликларнинг олдини олишга эътибор қаратилган. Албатта, жорий йилнинг 14 февралида “Ихтисослаштирилган фтизиатрия ва пульмонология ёрдами кўрсатиш тизимини такомиллаштириш чора-тадбирлари тўғрисидаг”ги президент қарори қабул қилинди. Унда аҳоли саломатлигини муҳофаза қилиш ва сил инфекциясидан ҳимоялаш, сил ва ўпканиг носпецифик касалликлари тарқалишининг олдини олиш, барқарор санитария-эпидемиология ҳолатини сақлаб туриш бўйича аниқ мақсадга йўналтирилган ишларнинг амалга ошириб келинаётганлиги таъкидланар экан, шубҳасиз, соҳада баъзи мавжуд камчиликларни бартараф этиш, тиббиёт тизимини янада юксалтириш, соҳа мутахассисларини тайёрлаш ҳамда уларнинг малакасини ошириш масалаларига эътибор қаратилган. Дарҳақиқат, Халқ депутатлари вилоят Кенгаши депутатлик гуруҳи билан партиянинг “Фарзандлари соғлом юрт – қудратли бўлур” лойиҳаси доирасида умумтаълим мактабларида бўлиб, тиббий хизматнинг сифати билан танишар эканмиз, унда мавжуд камчиликларнинг борлигига гувоҳи бўлдик. Хусусан, тиббиёт хоналарининг йўқлиги, тиббиёт асбоб-ускуналари билан жиҳозланмаганлиги, санитария-гигиена талабларига жавоб бермаслиги депутатлик гуруҳи аъзолари томонидан назоратга олинди. Шунингдек, ўрганишлар давомида сил касаллигини эрта аниқлаш мақсадида ўтказилаётган манту синамаси ва бошқа эмлашлар даврийлигининг ҳолатлари ҳам таҳлил қилинди. Бу борада тарғибот ишлари ташкил этилди. Албатта, турли касалликларнинг олдини олиниши таълим муассасаларида тиббий хизматнинг сифатли таъминланганлиги билан боғлиқ. Айнан мамлакат раҳбари томонидан имзоланган ушбу қарорда ҳам санитария-гигиена ҳолатларига эътибор қаратиш лозимлиги таъкидланган. Шу ўринда айтиш жоизки, экологик омиллар таъсирида нафас органлари ривожланади, санитария-гигиена талабларига жавоб бермаслик эса турли юқумли касалликларни келтириб чиқариши ҳам табиий ҳолдир. Жумладан, Фтизиатрия ва пульмонология билан боғлиқ касалликларни ҳам. Қарорда айнан соҳа билан боғлиқ аниқ вазифалар белгилаб берилган. Хусусан,  фтизиатрия ва пульмонология ёрдами кўрсатиш тизимини янада такомиллаштириш, мамлакатда барқарор санитария-эпидемиология ҳолатини таъминлаш борасидаги чора-тадбирларни кучайтириш мақсадида касалликни келтириб чиқарадиган қўзғатувчиларни лаборатор ташхислаш усулларини сифат жиҳатидан янада яхшилаш, инновацион усулларни кенг жорий этиш ва бу асосида профилактика ишларини олиб бориш, силни юқтириб олиш хавфи юқори бўлган шахсларни, шунингдек, силнинг дориларга чидамли турига чалинган беморлар билан мулоқотда бўлган шахсларни ташхислаш ва даволашни ташкиллаштириш, профилактика тадбирларини ташкил этишга эътибор қаратилган. Энг қувонарлиси, тиббиёт муассасаларида “Пульмонология” мутахассислиги бўйича магистратурада кадрларни тайёрлашни ташкил этиш, “Фтизиатрия” ва “Пульмонология” мутахассислиги бўйича магистратура ва клиник ординатурада кадрларни тайёрлаш фақат давлат грантлари асосида амалга оширилиши билан боғлиқ таклифнинг киритилганлиги тиббиёт тизимида соҳа билан боғлиқ муаммоларнинг олдини олинишида хизмат қилади, сил касаллиги билан оғриган беморларнинг кескин камайиб кетишида хизмат қилади. Албатта, тиббий хизмат сифатини яхшилаш, кадрлар салоҳаятини ривожлантириш, соҳа мутахассисларини тайёрлаш аҳолининг соғлом турмуш тарзини мустаҳкамлашда ҳамда фуқаролар учун сифатли тиббий кўрикни ташкил этишда муҳим мезонлардан бири ҳисобланар экан, қарорда таъкидлаб ўтилганидек, инновацион технологияларни жорий этиш орқали эса касалликнинг олдини олиниб, тубдан яхшиланишига асос бўлади. Ҳафиза ТЎХТАЕВА, Халқ депутатлари Бухоро вилоят Кенгаши депутати Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!