ТОШКЕНТ вил.

Манзил: Тошкент шаҳар, Яккасарой тумани, Баходир кўчаси, 44-уй

Телефон:(71) 288-42-12

Электрон манзил:  adolat-tv@mail.ru

Янгиликлар
News

Китобхон ўқувчилар тақдирланди

Давлатимиз раҳбари томонидан ёшлар маънавиятини юксалтириш ва уларнинг бўш вақтини мазмунли ташкил этиш бўйича илгари сурилган бешта муҳим ташаббусни ҳаётга татбиқ этиш мақсадида Ўзбекистон “Адолат” СДП Бўстонлиқ тумани Кенгаши ташаббуси билан туманда жойлашган 2-сонли умумтаълим мактаби билан ҳамкорликда ўқувчи ёшлар иштирокида “Энг намунали китобхон ўқувчи” номли бадиий кўрик-танлов ташкил этилди. Танловда иштирок этган ёшлар ўзларининг ёд олган шеърлари ва ажойиб ҳикоялари билан иштирок этишди. Болаларнинг шеър айтиш қобилияти, ҳикояларни ўқиши йиғилганларда катта таассурот қолдирди. Кези келганда шуни айтиш лозимки, Ўзбекистон “Адолат” СДП дастурий мақадларида ёшларга эътиборни кучайтириш, уларда фуқаролик позициясини шакллантириш, мамлакатда олиб борилаётган ислоҳотлар иштирокчиси бўлиш ҳиссини ошириш, уларинг истеъдодини намоён қилишлари учун зарурий шарт-шароитларни яратиш каби қатор устувор вазифалар белгиланган. Кўрик-танловда фаол иштирок этган ёшлар ва совриндорлар Ўзбекистон “Адолат” СДПнинг эсдалик совғалари ҳамда китоб жамламалари билан тақдирланди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиб Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Китоб челленж: Чирчиқ шаҳар Кенгаши раиси ўзи ўқиган мактабга китоблар совға қилди

Давлатимиз раҳбарининг ташаббуси билан юртимизда китобхонликка қаратилаётган юксак эътибор, аҳоли орасида, айниқса, ёшларимизда мутолаа маданиятини юксалишига хизмат қилаётгани аҳамиятлидир. Ушбу хайрли ташаббус туфайли эндиликда мамлакатимизда раҳбар–ходимлар, зиёлилар, ишчи ходимлар ўзлари ўқиган умумий ўрта таълим мактабларига китоблар совға қилишмоқда. Хусусан, куни кеча Ўзбекистон “Адолат” СДП Чирчиқ шаҳар Кенгаши раиси, Ўзбекистон миллий белбоғли кураш федерацияси раиси, белбоғли кураш бўйича UWW (Бутун дунё курашлар олами )нинг халқаро тоифадаги ҳаками Равшан Дастиров Чирчиқ шаҳар, Иқбол маҳалла фуқаролар йиғини ҳудудидаги ўзи ўқиган 18-умумий ўрта таълим мактаби кутубхонасига миллий ҳамда жаҳон адабиёти намоёндаларининг сара асарларидан иборат китоблар жамланмасини совға қилди. – Биз мактабимизда билим олиб, кейинчалик жамиятимизда, эл орасида нафи тегадиган, элда эъзоз топган битирувчиларимиз билан фахрланамиз, - дейди мактаб бошланғич синф ўқитувчиси С. Норметова. – Мактабимиз кутубхонасига жисмоний тарбия ва спортни, жумладан миллий спорт турларимиздан бўлган белбоғли курашни мамлакатимизда оммалаштириб, жаҳонга кенг қулоч ёзишида алоҳида ҳисса қўшиб келаётган, менинг бошланғич синфдаги энг фаол аълочи ўқувчим бўлган Равшанжон Дастировнинг бундай хайрли ишларидан жудаям мамнун бўлдик. Шу мактабда ўқиб, таълим олиб, элда обрў топган ўқувчим Равшан Дастировнинг сара адабиётлар совға қилганидан кўнгим тоғдек кўтарилди. Дилдора ЧОРИЕВА, Ўзбекистон “Адолат” СДП Чирчиқ шаҳар Кенгаши ижрочи котиби ...

Батафсил
News

Мақсад – ёшларга оид давлат сиёсатини амалга ошириш

Давлатимиз раҳбари Шавкат Мирзиёев 2019 йил 19 март куни ёшларга эътиборни кучайтириш, уларни маданият, санъат, жисмоний тарбия ва спортга кенг жалб этиш, ахборот технологияларидан тўғри фойдаланиш кўникмасини шакллантириш, китобхонликни тарғиб қилиш ва хотин-қизлар бандлигини таъминлаш масалаларига бағишланган видеоселектор йиғилишида 5 та муҳим ташаббусни илгари сурган эди. Мамлакатимизда ёшлар тарбиясига, уларнинг маданият, санъат, замонавий илм-фан ютуқларини ўзлаштириши, жисмоний тарбия ва спорт билан шуғулланишини кучайтириш, ўз даврининг муносиб фарзандлари бўлиб етишишларига ҳар томонлама кўмаклашиш ҳамда бузғунчи ғоялардан асрашга доимий эътибор қаратиб келинмоқда. Айниқса, Президентимиз томонидан илгари сурилган 5 ташаббус Тошкент вилояти аҳолиси, айниқса, ёшлари томонидан катта қизиқиш билан кутиб олинди. Бугун Ўзбекистон “Адолат” СДП Тошкент вилояти Кенгаши томонидан Қибрай тумани Дўрмон Маданият саройида “Беш устувор ташаббус – ёшлар маънавий камолоти сари” мавзусида кўргазмали маънавий-маърифий тадбир ўтказилди. Тадбирда Ўзбекистон Республикаси Олий Мажлис Қонунчилик палатаси депутатлари, Ўзбекистон “Адолат” СДП Сиёсий Кенгаши вакиллари, Халқ депутатлари вилоят ҳамда туман ва шаҳарлар Кенгашлари депутатлари ва Тошкент вилояти Кенгаши ходимлари, Қибрай туманидаги таълим муассасаларининг ўқувчи-ёшлари, педагог-ўқитувчилар, партия фаоллари ҳамда ОАВлари вакиллари иштирок этди. Тадбирнинг мақсади – мамлакатимизда ёшларга оид давлат сиёсатини амалга ошириш, ёшларимизни ватанпарварлик руҳида тарбиялаш, ўсиб келаётган ёш авлод маънавиятини юксалтириш, уларнинг таълим-тарбияси учун қўшимча шароитлар яратиш, китобхонлик маданиятини, миллий адабиётимиз ва санъатимизни янада ривожлантириш, хотин-қизлар бандлигини таъминлашга кўмаклашишдан иборат.  Бешта муҳим ташаббусни ўзида тўлиқ қамраб олган ушбу тадбир бешта бўлимдан иборат бўлиб, биринчи бўлими ёшларнинг рассомлик, адабиёт ва санъатнинг бошқа турларига қизиқишларини оширишга, истеъдодини юзага чиқариш мақсадида Ўзбекистон “Адолат” СДП Тошкент вилояти Кенгаши қошида ташкил этилган “истеъдод клуби” аъзоларининг расмлар, қўл меҳнатлари ва дастурий ишланмалари ҳамда китоблар кўргазмаси ўтказилди. Тадбирнинг иккинчи бўлимини Ўзбекистон “Адолат” СДП Тошкент вилояти Кенгаши раиси У.Шоумаров кириш сўзи билан очиб берар экан, мазкур бешта ташаббуснинг ёшлар ҳаётидаги муҳим роли ҳақида тўхталиб, ёшларни бугунги кун билан ҳамнафас бўлиб, келажакка ишонч билан одимлашга чақирди. Шунингдек, ёшларни жисмоний чиниқтириш, уларнинг спорт соҳасидаги қобилиятини намоён қилиш ва уларнинг спортга бўлган қизиқишларини янада ошириш мақсадида карате ва гимнастика спорти билан шуғулланувчи ёшларнинг бадиий чиқишлари бўлиб ўтди. Учинчи бўлимда аҳоли ва ёшлар ўртасида компьютер технологиялари ва интернетдан самарали фойдаланишини ташкил этишга бағишланган дастурий ишланмалар намойиши бўлиб ўтди. Унда Тошкент давлат аграр университети Бухгалтерия ҳисоби ва аудит йўналиши 2–босқич талабаси Хожиакбар Убайдуллаев ёшларнинг компьютер технологияларига бўлган қизиқишларини ошириш мақсадида ўзининг дастурий ишланмалари ва лойиҳалари юзасидан йиғилганларга маълумот бериб ўтди. Тўртинчи ташаббус юзасидан ёшлар маънавиятини юксалтириш, улар ўртасида китобхонликни кенг тарғиб қилиш бўйича Халқ депутатлари Тошкент вилояти Кенгаши депутатлари томонидан ўзларининг шахсий кутубхоналаридан истеъдодли болаларга китоблар совға қилинди. Бешинчи йўналиш бўйича хотин-қизлар ва ёшларнинг иш билан таъминланишига кўмаклашиш мақсадида меҳнат ярмаркаси ташкил этилди. Жонли ва амалий мулоқотларга бой бўлган тадбир иштирокчиларда катта таассурот қолдирди. Малика БАЙМУРАТОВА, Ўзбекистон “Адолат” СДП Тошкент вилояти Кенгаши бош мутахассиси Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Ҳамкорлик ва ҳуқуқий маданият ёшлар фаоллигини оширади

Ўзбекистон “Адолат” СДП Ангрен шаҳар Кенгаши ташаббуси билан Ўзбекистон жаҳон тиллари университети қошидаги Ангрен академик лицейида “Сиёсий-ҳуқуқий билимларни мустаҳкамлаш – демократик жамият пойдевори” лойиҳаси доирасида “Юксак ҳуқуқий маданият келажак пойдевори” мавзусида очиқ мулоқот ташкил этилди. Тадбирда Ўзбекистон “Адолат” СДП Ангрен шаҳар Кенгаши, “Чотқол” МФЙ фаоллари, ҳуқуқ-тартибот ходимлари, “Оила” илмий-амалий тадқиқот маркази, “Ёшлар келажагимиз” жамғармаси Ангрен шаҳар филиали вакиллари ҳамда таълим муассасасининг ўқувчи-ёшлари, партия фаоллари иштирок этди. Тадбирда ёшларнинг сиёсий ҳуқуқий саводхонлигини ошириш уларда мамлакатимизда амалга оширилаётган ҳуқуқий ислоҳотларга дахлдорлик хиссини янада ривожлантириш, глобаллашув даврида ахборот хуружлари ва носоғлом муҳитдан ҳимоя қилиш масалаларига алоҳида эътибор қаратилди. Учрашувда Халқ депутатлари Ангрен шаҳар Кенгаши депутати Шокир Уришов томонидан бугунги кунда амалга оширилаётган ислоҳотларнинг аксарияти, келажагимиз эгалари бўлган ёшларимизни ҳар томонлама қўллаб-қувватлаш учун яратилган барча шарт - шароитлар давлат сиёсатининг устувор йўналишларидан бири эканлиги таъкидланди. Шунингдек, ҳар қандай ҳуқуқбузарликлар ва жиноий хатти-ҳаракатлар содир этганлик учун ёшидан ва ижтимоий келиб чиқишидан қатъий назар, Ўзбекистон Республикасининг Жиноят ва Маъмурий жавобгарлик тўғрисидаги кодексларнинг тегишли моддалари билан қонуний жавобгарликка тортилиши ҳақида маълумотлар бериб ўтилди. Жамиятда ҳуқуқий маданият ва ҳуқуқий онг ривожланса шубҳасиз, қонун устуворлиги таъминланади, инсоннинг ҳуқуқ ва эркинлик муносабатларига бўлган ҳурмати ошади, фуқароларнинг ҳуқуқий саводхонлиги шаклланади, ёшларнинг жамият ҳаётида муносиб ўрин эгаллашида хизмат қилади. Бобир Тўраев, Ангрен шаҳар ички ишлар органлари фаолиятини мувофиқлаштириш бошқармаси тергов бўлими катта терговчиси: — Ёш авлодни ҳуқуқий онги ва ҳуқуқий маданиятини юксалтириш мақсадида кўпроқ депутатлар ҳамда ички ишлар идораларининг ҳамкорлиги доирасида ёшлар учрашувларини ташкил этиш ва мулоқотлар уюштириш ижобий самара беради. Бу мулоқотлар ёшларни ташвишга солаётган муаммоларини бартараф этибгина қолмай, уларнинг сиёсий-ҳуқуқий билимларини янада мустаҳкамлашга хизмат қилади. Дарҳақиқат, ушбу жиҳатлар ёшларнинг келажаги, ёрқин тақдирини ўзида намоён этган қонунлар тарғиботида муҳим роль ўйнайди. Тадбир давомида ёшлар депутатлик фаолияти ҳамда мамлакатимизда амалга оширилаётган ислоҳотларга доир ўзларининг қизиқтирган саволларига жавоб олишди. Таъкидлаш лозимки, партия томонидан амалга оширилаётган бу каби учрашувлар, ёшларнинг жамиятдаги сиёсий-ҳуқуқий онгини юксалтириш билан бирга, сиёсий жараёнлардаги фаол иштирокини таъминлашда муҳим аҳамият касб этади. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

“Адолат” СДП депутати Зарина ва Элмира Омароваларга 2 та тикув машинаси совға қилди

Куни кеча Бўстонлиқ туманидаги “Гулобод” маҳалласида туман Кенгаши раиси А.Сайдалиев, депутатлардан Д.Бахтиёров, З.Хакимов ижрочи котиби Б.Масаитовлардан иборат ишчи гуруҳи томонидан маҳалла аҳолиси билан очиқ мулоқот ўтказилди. Самимий кечган мулоқот чоғида жойларда ечимини кутаётган кўплаб масалалар ижобий ҳал этилди. Жумладан, маҳалладаги опа-сингил Зарина Омарова ва Элмира Омарова мурожаати эшитилганда Омароваларнинг 4 нафар вояга етмаган ука-сингиллари бўлсада, ҳеч қандай даромади йўқлиги ва модий ёрдамга мухтожлиги маълум бўлди. Оила боқувчиси, яъни уларнинг отаси Талипбай Омаров ҳам вақтинчалик ишсизлиги аниқланди. Зарина Омарова 1983 йилда туғилган, болаликдан биринчи гуруҳ ногирони ҳамда синглиси 1984 йилда туғилган Элмира Омарова ҳам туғма ногирон. Улар отасининг уйида яшайди. Ногирон бўлишига қарамай опа сингиллар мана бир неча йилдирки, уйда қуроқ тикиш билан шуғулланишади. Мулоқот чоғида опа-сингиллар тикув машинаси эскириб қолганлиги боис 8 фоизли имтиёзли кредитга тикув машинаси олиб беришда моддий ёрдам сўраб, депутат Улуғбек Эрматовга мурожаат этишди. Билдирилган мурожаатнинг амалий ечимини топиш ҳамда опа-сингилларнинг муносиб иш шароитига эга бўлишини таъминлаш мақсадида халқ депуталари Тошкент вилояти Кенгаши депутати Улуғбек Эрматов ўз ҳисобидан иккита тикув машинасини совға қилди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Маданий-маърифий тадбирлар – ёшлар маънавиятини юксалтиришнинг муҳим омили

Маълумки, Муҳтарам Президентимиз раислигида 2019 йил 19 март куни ўтказилган видеоселектор йиғилишида ёшлар маънавиятини юксалтириш, уларнинг бўш вақтини мазмунли ташкил этиш, соҳада ечимини кутаётган муаммолар муҳокама қилиниб, истиқболда амалга оширилиши лозим бўлган вазифалар белгилаб берилган эди. Ўзбекистон “Адолат” социал-демократик партияси Тошкент вилояти Бўка туман Кенгаши Бўка тумани Маиший хизмат кўрсатиш касб–ҳунар колежи билан ҳамкорликда Бўка туманидаги 19-сон Болалар мусиқа ва санъат мактабида “Ватан келажаги ёшлар қўлида” лойиҳаси доирасида ташкил этилган “Дўппи тикдим ипаклари тиллодан” номли маданий-маърифий тадбир ҳам мазкур вазифалар ижросига бағишланди. Унда Ўзбекистон “Адолат” СДП Тошкент вилояти Бўка тумани Кенгаши фаоллари, Бўка тумани Маиший хизмат кўрсатиш касб–ҳунар колежи, 15-сонли мехрибонлик уйи тарбияланувчилари, 19-сон Болалар мусиқа ва санъат мактаби ўқувчи-ёшлари, педагог-ўқитувчилар, тумандаги фаол ёшлар ҳамда ОАВ вакиллари иштирок этишди. Тадбирдан кўзланган мақсад — ёшларнинг бўш вақтини мазмунли ўтказишни ташкил этиш, уларнинг мусиқа, рассомлик, адабиёт, театр ва санъатнинг бошқа турларига қизиқишларини ошириш орқали истеъдодини юзага чиқариш ва айнан глобаллашув даврида турли ёд ғояларга қарши мафкуравий иммунитетини кучайтиришдан иборат. Мамлакатимизда ёшлар тарбиясига, уларнинг маданият, санъат, замонавий илм-фан ютуқларини ўзлаштириши, жисмоний тарбия ва спорт билан шуғулланишини кучайтириш, ўз даврининг муносиб фарзандлари бўлиб етишишларига ҳар томонлама кўмаклашиш ҳамда бузғунчи ғоялардан асрашга доимий эътибор қаратиб келинмоқда. Ҳозирда партия лойихалари доирасида ёшларнинг бўш вақти мазмунли ўтишини таъминлашга қаратилган кенг кўламли ишлар олиб борилмоқда. Ёшлар маънавиятини юксалтириш масаласи ҳар биримизнинг муқаддас бурчимиздир деб биламан, – дейди партиянинг Бўка тумани Кенгаши раиси Улуғбек Усмонов. Танлов якунида иштирокчиларга Ўзбекистон “Адолат” СДП Бўка туман Кенгаши раиси Улуғбек Усманов ва Бўка Маиший хизмат кўрсатиш касб-ҳунар коллежи директори Нигора Исакуловалар томонидан ташкил этилган эсдалик совғалари ҳамда фахрий ёрлиқлар топширилди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Партия ташаббуси: Чирчиқда Белбоғли кураш бўйича “Адолат” кубоги мусобақаси ғолиблари аниқланди

Ўзбекистон “Адолат” СДП Чирчиқ шаҳар Кенгаши томонидан Ўзбекистон Белбоғли кураш федерацияси Тошкент вилояти бўлими билан ҳамкорликда 2000, 2001, 2002 йилларда туғилган ўғил болалар ўртасида “Адолат” кубоги мусобақасининг туман босқичи бўлиб ўтди. Белбоғли кураш спорт турини ривожлантириш, уни тарғибот ва ташвиқот қилиш орқали иқтидорли ўқувчиларни қўллаб-қувватлаш ва ўсиб келаётган ёш авлодни миллий қадриятларимиз руҳида тарбиялаш мақсадида ташкил этилган мазкур мусобақада 55, 60, 65, 71, 77, 83 кг вазн тоифаларида 35 нафар иштирокчилар беллашдилар. Мусобақа натижаларига кўра 55 кгда Мансур Содиқов, 60 кгда Шавкат Сулаймонхўжаев, 65 кгда Шахзод Улуғбеков, 71 кгда Мангуберди Имянов, 77 кгда Жаҳонгир Вохидов ва 83 кгда Абдулатиф Каримовлар биринчи ўринни банд этиб, вилоят босқичига йўлланмани қўлга киритишди. — Беллашув ёшларни жисмоний тарбия ва спорт машғулотларига кенгроқ жалб қилиш ҳамда улар ўртасида соғлом турмуш тарзини шакллантириш орқали ўсиб келаётган ёш авлодни ҳар жиҳатдан етук ва баркамол бўлиб вояга етишига ҳам хизмат қилади,— дейди Чирчиқ шаҳар Кенгаши раиси Равшан Дастиров. Шахзод Улуғбеков, 65 кгда биринчи ўрин соҳиби: — Мусобақа қизиқарли ва муросасиз тарзда ўтди. Ғолибликни қўлга киритишим осон кечмади. Партия ташаббуси билан ташкил этилган ушбу мусобақада яратилган қулай шарт-шароитлар ҳам кучлилар қаторида бўлишимиз учун хизмат қилаётганидан мамнунмиз. Ниятимиз халқаро нуфузли мусобaқаларда юксак натижаларга эришиб, она Юртимиз шаънини юксакларга кўтариш. Мусобақа ғолиб ва совриндорларига партиянинг туман Кенгаши томонидан фахрий ёрлиғ ҳамда эсдалик совғалари топширилди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Бир ойда бир иш ўрни: Бўстонлиқда Президент қарори ижроси таъминланди

Аҳолининг ишсиз қатламини ижтимоий ҳимоялаш, уларнинг истак-хоҳишлари ҳамда касбий малакаларини инобатга олган ҳолда иш билан таъминлаш давлат ижтимоий сиёсатида муҳим ўрин тутади. Шу боис, Бўстонлиқ туман Кенгаши томонидан “Бир ойда бир иш ўрни” лойиҳаси концепсияси доирасида Кенгашга мурожаат қилган ҳар бир фуқаронинг бандлигини таъминлаш борасида бир қатор амалий ишлар қилинмоқда. Мазкур лойиҳа доирасида Бўстонлиқ тумани Кенгаши раиси А.Сайдалиев, депутатлардан Д.Бахтиёров, З.Хакимов ижрочи котиби Б.Масаитовлардан иборат ишчи гуруҳи тузилиб маҳаллаларда фуқаролар билан учрашувлар ўтказилди. Хусусан, “Намуна”, “Собир Раҳимов”, “Ёшлик” МФЙларида аҳолининг бандлиги ҳолати ўрганилиб, вақтинчалик ишсиз бўлган фуқаролар тўғрисида маълумотлар жамланди. Шунингдек, аҳоли билан мулоқотлар чоғида жойларда ечимини кутаётган кўплаб масалалар ҳамкор ташкилотлар билан ҳамкорликда ижобий ҳал этилди. Жумладан, иш масаласида мурожаат қилган “Намуна” МФЙда истиқомат қилувчи Сулаймон Уразбаев, “Собир Раҳимов” МФЙ фуқароси Бекзод Хасановлар “Тадбиркорликка кўмаклашиш маркази” бўлинмаси бошлиғи ва сектор бош мутахассиси лавозимларига, “Ёшлик” МФЙда истиқомат қилувчи фуқаро Мафтуна Нарқўзиева эса тумандаги Ўзбекистон Республикаси савдо саноат палатаси ҳудудий бошқармасининг “Тадбиркорликка кўмаклашиш маркази” унитар корхонаси ҳузуридаги туман филиалига назоратчи лавозимига ишга қабул қилинди. Аҳолининг бандлигини таъминлаш – энг аввало фуқаролар фаровонлиги, оила, маҳалла, бундан ҳам муҳими, она Ватан ободлиги масаласидир. Чунки ўзига маъқул машғулот билан банд бўлган инсон ҳамиша эзгу ишларга интилиб яшайди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!