ТОШКЕНТ вил.

Манзил: Тошкент шаҳар, Яккасарой тумани, Баходир кўчаси, 44-уй

Телефон:(71) 288-42-12

Электрон манзил:  adolat-tv@mail.ru

Янгиликлар
News

“Аҳмад Яссавий”да очиқ мулоқот ўтказилди

Ўзбекистон “Адолат” СДП Зангиота тумани Кенгаши фаолларидан иборат ишчи гуруҳи ташаббуси билан партиянинг  “Адолат – қонун устуворлигида” лойиҳаси доирасида жойларда ҳар ҳафтада олиб борилааётган юзма-юз мулоқотлар ўз самарасини бермоқда. Учрашувда фуқароларнинг дард-ташвишлари, уларни ўйлантириб келаётган муаммолар бартараф этилмоқда. Таклиф ва мурожаатлар депутатлар томонидан эътиборга олинмоқда. Куни кеча туманидаги “Аҳмад Яссавий” маҳалласида партиянинг туман Кенгаши раиси Н.Халхаджаева, депутат Д.Мирзабоева, туман кенгаши аъзоси Г.Алимова ва маҳалла раиси Миромил Жўраевлардан  иборат ишчи гуруҳи томонидан очиқ мулоқот ўтказилди. Ишчи гуруҳ ўрганишлар давомида ушбу маҳалладаги 23 та хонадонга кириб, фуқаролар билан мулоқот қилди. Уларнинг эҳтиёжлари, таклиф ва мулоҳазалари билан танишди. Мурожаатларнинг аксарияти уй-жой, коммунал, тиббий хизмат кўрсатиш масалалари билан боғлиқ бўлди. Самимий кечган мулоқот чоғида жойларда ечимини кутаётган кўплаб масалалар ижобий ҳал этилди. Жумладан, “Гўзал” кўчасида яшовчи 18 хонадондаги аҳоли билан давра суҳбати ўтказилганда бир қанча ноқулайликлар санаб ўтилди. Депутатлар тилга олинган муаммолар юзасидан туман “Тоза ҳудуд” корхонаси мутасаддиларига мурожаат қилишди. Муаммо жойида ҳал этилиб, чиқиндилар  вақтида олиб кетиладиган бўлди. “Гўзал” кўчаси 15 хонадонда яшовчи Файзулла Тошпўлатов айни дамда ишсизлиги, ҳовлиси этагида қорамол боқиш учун шароит борлиги сабабли туман ҳокимлигидан имтиёзли кредит олишни маслаҳат берди. Шунингдек, 7 нафар фуқарога  тадбиркорлик билан шуғулланиш, тумандаги банклардан Республика Фермер дехқон хўжаликлари ва томорқа ер эгалари кенгаши қошида ташкил этилган “Жамғарма” ҳисобидан ҳамда “Турон банк”нинг тумандаги банк филиалидан имтиёзли кредитлар олиб иссиқхоналар қуриш, қуёнчилик, паррандачилик, қўйчиликни ривожлантириш орқали қўшимча даромадларга эга бўлиш юзасидан тушунтириш ва тарғибот ишлари олиб борилди. Бундай амалий ишлар қанча кўпайтирилса, одамларга шунчалик фойда бўлади ва партияга жамоатчилик ишончи ортади. Демак, аҳоли орасида учраётган ижтимоий муаммоларни ҳал этиш, ҳуқуқий ва бошқа маслаҳат кўмаги кўрсатиш, электорат ҳуқуқ ҳамда манфаатларини ҳимоя қилиш муҳим аҳамиятга эга. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Бўстонлиқда меҳнат ярмаркаси

Ўзбекистон “Адолат” СДП Тошкент вилояти Кенгаши томонидан туман хотин-қизлар қўмитаси ҳамда аҳоли бандлигига кўмаклашиш маркази ҳамда Ёшлар иттифоқи ҳамкорлигида партиянинг “Ҳар бир болага меҳр-мурувват” ойлиги доирасида Бўстонлиқ тумани “Наврўз” маҳалласи “Ёшлар меҳнат гузари”да меҳнат ярмаркаси  ўтказилди. Ушбу тадбирни ташкил этишдан асосий мақсад аёлларнинг жамиятдаги нуфузини ошириш, ҳудудларда хотин-қизлар ўртасида учраётган жиноятларга барҳам бериш ҳамда аёллар бандлигини таъминлаш орқали инсон манфаатларини ҳимоя қилишга қаратилди. Тадбирда туманда фаолият юритиётган 20 та ташкилот 728 та иш ўрни ва маҳсулотлари билан қатнашди. Мазкур меҳнат ярмаркасида тумандаги ишсиз юздан ортиқ хотин-қизлар тадбиркор бўлиш истагини билдиришди. Улардан 40 нафарининг бандлиги таъминланди. Касбга қайта ўқиш истагини билдирган фуқаролардан 4 нафарига йўлланма берилди. Яна 13 нафарига бизнес-режа тузиш, давлат рўйхатидан ўтиш, кредит ажратишда ва солиқ тўловлари бўйича имтиёзлар юзасидан маслаҳатлар берилди. Таъкидлаш жоизки, жорий йилнинг ўтган 5 ойи давомида Ўзбекистон “Адолат” СДП туман Кенгаши ишчи гуруҳи томонидан хотин-қизлар қўмитаси билан биргаликда уйма-уй юриш орқали 1 минг 176 нафардан ортиқ ишсиз аёл борлиги аниқланган. Шу кунга қадар уларнинг 641 нафардан ортиғи янги иш билан таъминланди. Ишсиз аёллар ҳунармандчилик, пиллачилик, қандолатчилик корхоналарига бириктирилди. Шунингдек, қисқа муддат ичида фермер хўжаликлари соҳасида бандлиги таъминланган аёллар сони ҳам ортди. – Дарҳақиқат, партиямиз учун аҳоли, айниқса, аёллар бандлигини таъминлашга алоҳда эътибор қаратилади, – дейди “Бўстонлиқ томорқа” масъулияти чекланган жамияти бош директори, Ўзбекистон “Адолат” СДП аъзоси, Бекзод Масаитов – Шу орқали бугунги кунда амалга оширилаётган ислоҳотларнинг самарадорлиги ошишига муносиб ҳисса қўшган бўламиз. Шунингдек, тадбир доирасида  “Мен ҳам тадбиркор бўламан” шиори остида партиянинг “Аёллар” ва “Ёш адолатчилар” қанотлари Кенгаши ҳамда “Тадбиркор аёл” уюшмаси томонидан семинар машғулотлари ҳам ташкил этилди. Унда тажрибали мутахассислар томонидан керакли тавсиялар берилди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Эътирозларга сабаб бўлаётган масалалар ўрганилди

Ўзбекистон “Адолат” СДП Тошкент вилояти Зангиота тумани Кенгаши томонидан Ўзбекистон миллий университети қошидаги Зангиота академик лицейида “Халқ саломатлиги – мамлакат келажаги” мавзусида давра суҳбати ўтказилди. Унда партиянинг Зангиота тумани Кенгаши ҳамда туман тиббиёт бирлашмаси шифокорлари, партиямиз  депутатлари, кенг жамотчилик вакиллари  ва ОАВ ходимлари  иштирок этди. Нигора Холхаджаева, партиянинг Зангиота тумани Кенгаши раиси: - Соғлиқни сақлаш тизимини замонавий тиббиёт асбоб-ускуналари билан жиҳозлаш бўйича олиб борилаётган ишлар, ўз навбатида, малакали кадрларга эҳтиёжни оширмоқда. Фуқаролик жамиятининг бошқа институтлари билан мустаҳкам ҳамкорлик аҳолининг кенг қатламига кўрсатилаётган тиббий хизмат сифатини яхшилашга қаратилган. Дори воситалари ва тиббий буюмлари хавфсизлигини таъминлаш, соғлиқни сақлаш тизими бошқарувини такомиллаштириш бўйича қонунчилик ташаббусларини илгари суриш партиянинг  доимо диққат-эътиборида. Хосият Базарова, туман тиббиёт  бирлашмаси бош шифокори ўринбосари: — Бугунги тадбир барчамизни ўйлантираётган, халқимизнинг ҳақли эътирозларига сабаб бўлаётган долзарб масалалар, олиб борилаётган ислоҳотлар ва уларнинг таҳлилига бағишланди. Халқимизнинг саломатлик кўрсаткичларида ишимиз самараси кўринмоқда. Фаолиятимизнинг асл баҳосини халқимиз бериши керак.  Президентимиз айтганидек, фақат соғлом халқ, соғлом миллатгина буюк ишларга қодир. Тадбирда “Саломатлик йўлида бирлашайлик!” лойиҳаси доирасида ўқувчи-ёшлар орасида соғлом турмуш тарзини тарғиб этиш борасида амалга оширилаётган ишлар юзасидан фикр алмашишди. Давра суҳбатида сўзга чиққанлар оналик ва болаликни муҳофаза қилиш, бирламчи тиббиёт тизимини янада яхшилаш, аҳолини сифатли ва арзон дори-дармон воситалари билан таъминлаш борасидаги ҳал этилиши лозим бўлган долзарб масалалар, қишлоқ врачлик пунктлари, оилавий поликлиникалар, патронаж хизмати, шошилинч тез тиббий ёрдам тизими такомиллаштиришга оид фикр-мулоҳазаларни баён этишди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Онлайн: партиянинг устувор вазифалари мустаҳкамланмоқда

Бугун Ўзбекистон “Адолат” СДП Тошкент вилояти Кенгаши томонидан Чирчиқ шаҳар ҳокимиятида “Сиёсий жараёнларда Ўзбекистон “Адолат” СДП позицияларини мустаҳкамлашнинг долзарб масалалари” мавзусида семинар бўлиб ўтди. Унда Ўзбекистон “Адолат” СДП Сиёсий Кенгаши раиси Наримон Умаров, партиянинг вилоят, туман ва шаҳар Кенгашлари раислари, депутатлар, партиянинг фаол аъзолари ҳамда ОАВ вакиллари иштирок этди. Тадбирни вилоят Кенгаши раиси Умид Шоумаров олиб борди. Маърузачи ўз сўзда ижтимоий-сиёсий тадбирларни ташкил этишда инновацион усуллардан, тарғиботнинг илғор ва таъсирчан воситаларидан, хорижий давлатларнинг бу борадаги ижобий тажрибаларидан самарали фойдаланиш, сиёсий ўқувлар ҳамда бошқа ҳуқуқий тарғибот тадбирларининг самарадорлигини янада оширишда муҳим аҳамият касб этишига алоҳида тўхталиб ўтди. Бугунги кунда партия сайловолди дастурида белгиланган вазифалар ижросини таъминлашда ҳамда сайловчилар билан олиб борилаётган юзма-юз мулоқотларда юқорида қайд этилган мулоқотнинг таъсирчан усулларидан унумли фойдаланиш депутатлик фаолиятини ўз вақтида ва самарали амалага оширишда ижобий самара беради. Айни вақтда Чирчиқ шаҳрида бўлиб ўтаётган семинарда шу каби партиянинг халқ орасидаги фаолиятини жонлантиришнинг самарали усуллари тўғрисидаги фикр-мулоҳазалар тингланиб, устувор вазифалар белгилаб олинмоқда. Бизни кузатиб бориш орқали бўлиб ўтаётган семинар ҳақда батафсил маълумотлар билан танишиб боришингиз мумкин. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Онлайн: Наримон Умаров: бош мақсадимиз — давлат ва жамият қурилишида фаол иштирок этиш

— Сиёсий онг ва ҳуқуқий маданиятни оширишда партияларнинг роли муҳим ҳисобланади. Айниқса, парламент ва маҳаллий органларга сайловлар бўлиб ўтадиган жорий йилда аҳоли ва сайловчилар билан янада яқинроқ мулоқот олиб бориш, шунингдек, жамиятда ҳуқуқий маданиятни шакллантириш, мамлакатимизда ҳуқуқий тарғиботини тубдан яхшилаш, қабул қилинган норматив-ҳуқуқий ҳужжатларни етказиш, қонунларнинг мақсади, мазмун-моҳиятидан кенг хабардор этиб бориш партиямизнинг энг муҳим дастурий вазифаларидан ҳисобланади. Президентимиз Шавкат Мирзиёевнинг Олий Мажлис Сенатининг йигирманчи ялпи мажлисида сўзлаган нутқида Сенатнинг қонунчилик фаолиятида, ишни тўғри ташкил қилишда талабчанлик ва жонкуярлик, ташаббускорлик ва изчиллик етишмаётгани тўғрисидаги таниқидий фикрларидан келиб чиқиб, депутатлик гуруҳлари фаолиятини тубдан кучайтириш, уларнинг ҳар томонлама ташаббускорлигини ошириш, халқ депутатлари маҳаллий Кенгашлардаги депутатлик гуруҳлари билан Олий Мажлис Конунчилик палатасидаги фракцияси ҳамкорлигини тизимли равишда йўлга қўйиш каби устувор вазифаларга алоҳида эътибор қаратиш зарур. Шунингдек, партия ташкилотларида масъулиятни ҳис киладиган, замонавий дунёқараш ва билимларга эга кадрлар заҳирасини шакллантириш ҳамда шу орқали партиянинг интеллектуал салоҳиятини ошириш ва партия ташкилотлари фаолиятини янада кучайтириш мумкин. Жорий йил мамлакатимизда Олий Мажлис Қонунчилик палатасига ҳамда халқ депутатлари вилоят, туман, шаҳар Кенгаши депутатлигига сайловлар яқинда қабул қилинган Сайлов кодекси нормалари асосида ташкил этилади. Мазкур кодекс, аввало, фуқароларнинг сайлов ҳуқуқларини ҳимоя қилишнинг амалий механизмларини, сайлов қонунчилигини тизимлаштириш ва унификациялаш, сайлов ҳуқуқи нормаларини таъминлаш ва очиқлиги кафолатларини кучайтириш имконини беради. Шу мақсадда сайловларга пухта тайёргарлик кўриш, номзодларни халқ билан яқинлаштириш учун муҳим йўналишларни белгилаб олиш даркор. Аввало партия сайловолди дастурида белгиланган устувор вазифаларни ҳаётга тадбиқ этиш, сайловчилар билан ўтказиладиган учрашувлар давомида аҳолини ўйлантираётган масалаларни атрофлича ўрганиш ва уларнинг ечимини топиш бўйича таклиф қилинган ҳамда амалга оширилган ишларни таҳлил этиш лозим. Бунда партиянинг барча даражадаги бўғинлари, шу жумладан, ҳудудий ва туман шаҳар партия Кенгашларининг масъулиятини кучайтириш, фаолиятнинг асосий моҳиятини кутилаётган сайловга тайёргарлик кўришга тўлиқ сафарбар этиш лозим. ...

Батафсил
News

Сайловларга пухта тайёргарлик юқори самарадорлик омили

Бугун, партиямизнинг Тошкент вилояти Кенгаши томонидан Чирчиқ шаҳар ҳокимиятида “Сиёсий жараёнларда Ўзбекистон “Адолат” СДПнинг позицияларини мустаҳкамлашнинг долзарб масалалари” мавзусида семинар ташкил этилди. Унда Ўзбекистон “Адолат” СДП Сиёсий Кенгаши раиси Наримон Умаров, партия вилоят, туман ва шаҳар Кенгашлари раислари, депутатлар, партиянинг фаол аъзолари ҳамда ОАВ вакиллари иштирок этишди. Тадбирни вилоят Кенгаши раиси Умид Шоумаров олиб борди. Шундан сўнг, Олий Мажлис Қонунчилик палатаси Спикери ўринбосари, Ўзбекистон “Адолат” СДП Сиёсий Кенгаши раиси Наримон Умаровга сўз берилди. У “Сайловларга пухта тайёргарлик юқори самарадорлик омили” мавзусида нутқ сўзлади. Таъкидлаганидек, мамлакатда амалга оширилаётган кенг кўламли ислоҳотлар, давлат органларини шакллантириш жараёнини янада демократлаштириш сиёсати сайловларга тайёргарлик кўриш ва уларни ўтказиш бўйича тўпланган тажриба, замонавий халқаро сайлов стандартларини ва сайлов жараёнида ахборот-коммуникация технологияларидан кенг фойдаланишни ҳисобга олган ҳолда сайлов тизимининг ҳуқуқий асосларини янада такомиллаштиришни талаб этмоқда. Айниқса, парламент ва маҳаллий вакиллик органларига сайловлар бўлиб ўтадиган жорий йилда, партия тизимларида ишни пухта ташкиллаштириш, партия кадрлари ва фаолларининг мақсадли фаолият кўрсатишлари, жамиятда ҳуқуқий маданиятни шакллантириш мамлакатимизда ҳуқуқий таълим ва билимлар тарғиботини тубдан яхшилаш, қабул қилинган норматив-ҳуқуқий ҳужжатларни ижрочиларга етказиш, аҳолини қабул қилинаётган қонунларнинг мақсади, мазмун-моҳиятидан кенг хабардор этиб бориш “Адолат” социал-демократик партиясининг энг муҳим дастурий вазифаларидан бири эканлигига тадбир иштирокчиларининг эътиборини қаратди. Наримон Умаров давлатимиз раҳбари Шавкат Мирзиёевнинг Олий Мажлис Сенатининг йигирманчи ялпи мажлисида тўхталиб ўтган танқидий фикрлари нечоғлик ҳақиқат эканлигини баён этди. Масалан 2015-2018 йиллар давомида юқори палата томонидан 140 та қонун маъқулланган бўлса-да, аксарият қонунларнинг маъно-мазмуни Сенатда кўриб чиқилганидан сўнг сезиларли даражада ўзгармаган. Парламент назорати доирасида аниқланган тизимли муаммоларни умумлаштириб, ижтимоий-иқтисодий, суд-ҳуқуқ ва бошқа соҳаларга оид қонунчиликни ва ҳуқуқни қўллаш амалиётини такомиллаштириш бўйича аниқ, асосланган таклифларни ишлаб чиқиш ҳамда амалга ошириш ишлари қониқарли эмас. Шу боис, хорижий давлатлар парламентлари ва халқаро ташкилотлар билан кўпқиррали, самарали ҳамкорлик алоқаларини кучайтиришни тақазо этади. Таъкидланишича, жойлардаги маҳаллий Кенгашлар депутатларининг профессионал савияси, ҳуқуқий саводхонлиги, уларнинг депутатлик фаолиятини тўғри ва самарали ташкил этиш кўникмалари бугунги кун талаблари даражасида эмаслиги қайд этилди. Семинарда ҳозирги глобаллашув даврида хотин-қизларнинг ҳуқуқ ва эркинликлари, қонуний манфаатларини ҳимоя қилиш янада долзарб аҳамият касб этётганлиги эътироф этилди. Бугунги кунда хотин-қизлармизнинг ҳуқуқ ва манфаатларини ҳимоя қилиш, уларнинг мамлакатимиз ижтимоий-сиёсий ҳаётида тўлақонли иштирок этишига эришиш, гендер тенглик ва репродуктив саломатликни таъминлаш бўйича олиб борилаётган давлат сиёсатига жаҳон ҳамжамияти, жумладан, БМТ, Халқаро меҳнат ташкилоти, ЮНИСЕФ, Жаҳон соғлиқни сақлаш ташкилоти каби нуфузли халқаро ихтисослашган муассасалар томонидан юқори баҳо берилмоқда. Тадбир якунида Қонунчилик палатаси ва маҳаллий Кенгашлар депутатлари, партия фаоллари томонидан партиянинг ҳар бир лойиҳасини ўз ҳудудида жорий этиши, мавжуд муаммоларни бартараф қилиш орқали халқ ишончи ва сайловчилар эътиборига сазовор бўлиши, фаол депутатлар тажрибасини оммалаштириш, ҳамда уларнинг ислоҳотларнинг фаол иштирокчисига айланиши муҳимлиги таъкидланди. Иштирокчиларга кун тартибидаги масалалар юзасидан тегишли кўрсатмалар берилди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Муштарак мақсадлар йўлида

Жорий йилнинг 13-14 июнь кунлари Бишкек шаҳрида бўлиб ўтган Шанхай ҳамкорлик ташкилотига аъзо давлатлар раҳбарлари кенгашининг ўн тўққизинчи мажлисида давлатимиз раҳбари Шавкат Мирзиёевнинг иштирок этиши мамлакатимизнинг мазкур нуфузли халқаро тузилма доирасидаги ўзаро манфаатли халқаро муносабатларни мустаҳкамлашга ҳамда ташкилотга аъзо бўлган давлатлар билан стратегик ҳамкорлигимизни янада кучайтиришга ҳамда Ватанимизнинг геосиёсий майдондаги нуфузини оширишга хизмат қилади. Президентимизнинг Шанхай ҳамкорлик ташкилоти давлат раҳбарлари саммитида илгари сурган ташаббуслари, имзоланган ҳужжатлар мамлакатлар ўртасидаги ҳамкорлик алоқаларини мустаҳкамлашга, иқтисодиётимизни янада барқарор ўсишини таъминлашга замин яратади. Савдо-иқтисодий мунсобатлар хусусида гап кетганда, кейинги йилларда икки томонлама товар айирбошлаш ҳажмининг қирқ баравардан зиёд ошгани унинг жадал ўсаётганидан далолат беради. Бир сўз билан айтганда, сўнгги бир неча йил ичида мамлакатларимиз ўртасидаги муносабатларда ҳамкорликнинг қарийб барча йўналишлари бўйича салмоқли ютуқларга эришилди. Бироқ икки мамлакатда ҳам савдо-иқтисодий ва молиявий-сармоявий ҳамкорликни янада юқори поғонага кўтариш учун ҳали ишга солинмаган катта имкониятлар ва улкан салоҳият мавжуд. Ўзбекистон Хитойнинг бу мамлакат дунёда етакчилик қилаётган соҳалардаги, масалан, телекоммуникация соҳаси, компьютер ва унинг бутловчи қисмларини ишлаб чиқариш, маиший техника, машинасозлик, кимё ва нефть кимёси саноатидаги тажрибасига, инновацион соҳадаги янгиликларига қизиқиш билан қарайди. Бу муваффақиятлар замирида, ШҲТнинг асосий ғояси - адолат ва ўзаро манфаатли халқаро муносабатларни йўлга қўйганлиги асосий омил бўлиб минтақанинг аксарият мамлакатларида амалга оширилаётган кенг кўламли ислоҳотлар маълум даражада инвестиция муҳитини яхшилашга хизмат қилиб келмоқда. Шанхай ҳамкорлик ташкилотига аъзо давлатлар билан кенг кўламли ва ўзаро манфаатли муносабатларни изчил ривожлантириш Ўзбекистон Республикаси ташқи сиёсатининг энг муҳим йўналишларидан бири ҳисобланади. Ҳаракатлар стратегиясида белгилаб берилган устувор мақсад ва вазифаларни амалга ошириш йўлида олиб борилаётган фаол ташқи сиёсат мамлакатимиз тараққиётида муҳим аҳамият касб этиб, иқтисодиётимизнинг барқарор ўсишига, ҳамда парламентлараро алоқалар, давлатлараро муносабатлар ва замонавий халқаро муносабатларнинг ривожланишга катта таъсир кўрсатади. Президентимиз томонидан ШҲТ саммитида парламентлараро мулоқотнинг йўлга қўйилишини қўллаб-қувватлашимизни ва ушбу механизм ташкилотнинг имкониятларини кенгайтиришини, унинг фаолиятига парламент аъзолари, сиёсий партиялар ва фуқаролик жамияти институтларини жалб қилиш имконини бериши айтиб ўтди. Хусусан, ЕХҲТнинг Парламент Ассамблеяси, МДҲ давлатлари Парламентлараро Ассамблеяси фаолиятлари ўртасидаги халқаро ҳамкорлик ижобий самара бериб келмоқда. Мунтазам равишда олиб борилган мулоқотлар, жумладан, Россия, Қозоғистон, Қирғизистон, Хитой, Ҳиндистон каби давлатлар миллий парламентлари билан ҳамкорлик йўлга қўйилиб, хатто парламент дўстлик гуруҳлари орқали мунтазам учрашув ва мулоқотлар ўзаро ишонч ва кўп қиррали ҳамкорликни янада ривожлантириш учун янги имкониятлар яратади. Бугунги кунда Ўзбекистон Республикасининг халқаро майдонда олиб бораётган кўп томонлама муносабатларида хавфсизликни таъминлаш масаласи марказий ўринни эгаллайди. Ўзбекистон ташқи сиёсатининг энг муҳим йўналишларидан бири минтақавий хавфсизликни таъминлаш ва унинг барқарорлигига тахдид солаётган терроризм, наркобизнес, диний экстремизм каби таҳдидларнинг ҳар қандай кўринишига қарши қатъий кураш олиб боришдан иборат. «Бугун хавфсизликни таъминлаш бўйича мувофиқлашган сиёсат юритиш, мамлакатларимизнинг барқарор ривожланиши учун қулай шарт-шароитлар шакллантириш муҳим” – деб таъкидлайди Шавкат Мирзиёев. Президентимиз Шавкат Мирзиёев саммитда иштирокчи мамлакатларнинг тинчликни мустаҳкамлаш, ижтимоий-иқтисодий тараққиётни рағбатлантириш борасидаги саъй-ҳаракатларини бирлаштиришга қаратилган қатор муҳим ташаббуслари башарият тараққиёти ва фаровонлигига хизмат қилиши билан бирга, партиямизнинг ижтимоий адолат ҳамда инновацияга асосланган иқтисодиётни ташкил этиш борасидаги ғояларига тўлақонли жавоб беради. Бугунги кунда Ўзбекистон ўзининг минтақадаги ўрнини мустаҳкамлаб, халқаро сиёсий доираларда ўзининг имиджини ижобий сезиларли даражада ўзгартира олди. Умид ШОУМАРОВ, Халқ депутатлари Тошкент вилояти Кенгаши депутати Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Юзма-юз мулоқот: муаммо, ечим ва самара

Ўзбекистон “Адолат” СДП Бўстонлиқ тумани Кенгаши фаолларидан иборат ишчи гуруҳи ташаббуси билан партиянинг “Адолат – қонун устуворлигида” лойиҳаси доирасида жойларда ҳар ҳафтада олиб борилаётган юзма-юз мулоқотлар ўз самарасини бермоқда. Партиянинг туман Кенгаши раиси А.Сайдалиев ва туман ҳоким ўринбосари, хотин-қизлар қўмитаси раиси Шоира Худайбергановалардан иборат ишчи гуруҳ аъзолари жойларда фуқаролар хонадонида бўлиб, муаммолар, ечимини кутаётган масалаларни ижобий ечимини топишда фаоллик кўрсатмоқда. Жумладан, ишчи гуруҳи тумандаги Чорвоқ қўрғони “Нурчилар” маҳалла фуқаролар йиғини ҳудудида истиқомат қилувчи маҳалла аҳолиси билан очиқ мулоқот ўтказди. Учрашувда маҳалланинг Нурчилар кўчаси 8-уй, 36-хонадонида истиқомат қилувчи фуқаро Нилуфар Маҳкамова мурожаати эшитилганда унинг имконияти чекланганлиги ҳамда вояга етмаган бир нафар саккиз ёшли фарзанди борлиги маълум бўлди. Мулоқот чоғида у моддий ёрдамга муҳтожлигини айтиб, кир ювиш машинаси кераклиги юзасидан кўмак сўради. Ушбу мурожаат юзасидан партиянинг туман Кенгаши Ғазалкент ўқув спорт техника кулуби бошлиғи Ўткир Махмудов билан ҳамкорликда фуқаро Н.Маҳкамовага кир ювиш машинасини совға тариқасида тақдим этишди. Аҳоли муаммосини ўрганиш, уларга ечим топиш, халқни рози қилиш, турмуш фаровонлигини ошириш мамлакатимизда олиб борилаётган ислоҳотлардан кўзланган асосий мақсад. Ана шундай эзгу мақсаднинг рўёбга чиқиши албатта, партиямиз вакилларининг фаоллигига боғлиқ. Ўйлаймизки, партиямиз фаоллари халқ билдирган юксак ишончни оқлаб, эл-юрт фаровонлиги учун хизмат қилишдан ҳеч ҳам чарчамайди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!