ТОШКЕНТ вил.

Манзил: Тошкент шаҳар, Яккасарой тумани, Баходир кўчаси, 44-уй

Телефон:(71) 288-42-12

Электрон манзил:  adolat-tv@mail.ru

Янгиликлар
News

Маданий-маърифий тадбирлар – ёшлар маънавиятини юксалтиришнинг муҳим омили

Маълумки, Муҳтарам Президентимиз раислигида 2019 йил 19 март куни ўтказилган видеоселектор йиғилишида ёшлар маънавиятини юксалтириш, уларнинг бўш вақтини мазмунли ташкил этиш, соҳада ечимини кутаётган муаммолар муҳокама қилиниб, истиқболда амалга оширилиши лозим бўлган вазифалар белгилаб берилган эди. Ўзбекистон “Адолат” социал-демократик партияси Тошкент вилояти Бўка туман Кенгаши Бўка тумани Маиший хизмат кўрсатиш касб–ҳунар колежи билан ҳамкорликда Бўка туманидаги 19-сон Болалар мусиқа ва санъат мактабида “Ватан келажаги ёшлар қўлида” лойиҳаси доирасида ташкил этилган “Дўппи тикдим ипаклари тиллодан” номли маданий-маърифий тадбир ҳам мазкур вазифалар ижросига бағишланди. Унда Ўзбекистон “Адолат” СДП Тошкент вилояти Бўка тумани Кенгаши фаоллари, Бўка тумани Маиший хизмат кўрсатиш касб–ҳунар колежи, 15-сонли мехрибонлик уйи тарбияланувчилари, 19-сон Болалар мусиқа ва санъат мактаби ўқувчи-ёшлари, педагог-ўқитувчилар, тумандаги фаол ёшлар ҳамда ОАВ вакиллари иштирок этишди. Тадбирдан кўзланган мақсад — ёшларнинг бўш вақтини мазмунли ўтказишни ташкил этиш, уларнинг мусиқа, рассомлик, адабиёт, театр ва санъатнинг бошқа турларига қизиқишларини ошириш орқали истеъдодини юзага чиқариш ва айнан глобаллашув даврида турли ёд ғояларга қарши мафкуравий иммунитетини кучайтиришдан иборат. Мамлакатимизда ёшлар тарбиясига, уларнинг маданият, санъат, замонавий илм-фан ютуқларини ўзлаштириши, жисмоний тарбия ва спорт билан шуғулланишини кучайтириш, ўз даврининг муносиб фарзандлари бўлиб етишишларига ҳар томонлама кўмаклашиш ҳамда бузғунчи ғоялардан асрашга доимий эътибор қаратиб келинмоқда. Ҳозирда партия лойихалари доирасида ёшларнинг бўш вақти мазмунли ўтишини таъминлашга қаратилган кенг кўламли ишлар олиб борилмоқда. Ёшлар маънавиятини юксалтириш масаласи ҳар биримизнинг муқаддас бурчимиздир деб биламан, – дейди партиянинг Бўка тумани Кенгаши раиси Улуғбек Усмонов. Танлов якунида иштирокчиларга Ўзбекистон “Адолат” СДП Бўка туман Кенгаши раиси Улуғбек Усманов ва Бўка Маиший хизмат кўрсатиш касб-ҳунар коллежи директори Нигора Исакуловалар томонидан ташкил этилган эсдалик совғалари ҳамда фахрий ёрлиқлар топширилди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Партия ташаббуси: Чирчиқда Белбоғли кураш бўйича “Адолат” кубоги мусобақаси ғолиблари аниқланди

Ўзбекистон “Адолат” СДП Чирчиқ шаҳар Кенгаши томонидан Ўзбекистон Белбоғли кураш федерацияси Тошкент вилояти бўлими билан ҳамкорликда 2000, 2001, 2002 йилларда туғилган ўғил болалар ўртасида “Адолат” кубоги мусобақасининг туман босқичи бўлиб ўтди. Белбоғли кураш спорт турини ривожлантириш, уни тарғибот ва ташвиқот қилиш орқали иқтидорли ўқувчиларни қўллаб-қувватлаш ва ўсиб келаётган ёш авлодни миллий қадриятларимиз руҳида тарбиялаш мақсадида ташкил этилган мазкур мусобақада 55, 60, 65, 71, 77, 83 кг вазн тоифаларида 35 нафар иштирокчилар беллашдилар. Мусобақа натижаларига кўра 55 кгда Мансур Содиқов, 60 кгда Шавкат Сулаймонхўжаев, 65 кгда Шахзод Улуғбеков, 71 кгда Мангуберди Имянов, 77 кгда Жаҳонгир Вохидов ва 83 кгда Абдулатиф Каримовлар биринчи ўринни банд этиб, вилоят босқичига йўлланмани қўлга киритишди. — Беллашув ёшларни жисмоний тарбия ва спорт машғулотларига кенгроқ жалб қилиш ҳамда улар ўртасида соғлом турмуш тарзини шакллантириш орқали ўсиб келаётган ёш авлодни ҳар жиҳатдан етук ва баркамол бўлиб вояга етишига ҳам хизмат қилади,— дейди Чирчиқ шаҳар Кенгаши раиси Равшан Дастиров. Шахзод Улуғбеков, 65 кгда биринчи ўрин соҳиби: — Мусобақа қизиқарли ва муросасиз тарзда ўтди. Ғолибликни қўлга киритишим осон кечмади. Партия ташаббуси билан ташкил этилган ушбу мусобақада яратилган қулай шарт-шароитлар ҳам кучлилар қаторида бўлишимиз учун хизмат қилаётганидан мамнунмиз. Ниятимиз халқаро нуфузли мусобaқаларда юксак натижаларга эришиб, она Юртимиз шаънини юксакларга кўтариш. Мусобақа ғолиб ва совриндорларига партиянинг туман Кенгаши томонидан фахрий ёрлиғ ҳамда эсдалик совғалари топширилди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Бир ойда бир иш ўрни: Бўстонлиқда Президент қарори ижроси таъминланди

Аҳолининг ишсиз қатламини ижтимоий ҳимоялаш, уларнинг истак-хоҳишлари ҳамда касбий малакаларини инобатга олган ҳолда иш билан таъминлаш давлат ижтимоий сиёсатида муҳим ўрин тутади. Шу боис, Бўстонлиқ туман Кенгаши томонидан “Бир ойда бир иш ўрни” лойиҳаси концепсияси доирасида Кенгашга мурожаат қилган ҳар бир фуқаронинг бандлигини таъминлаш борасида бир қатор амалий ишлар қилинмоқда. Мазкур лойиҳа доирасида Бўстонлиқ тумани Кенгаши раиси А.Сайдалиев, депутатлардан Д.Бахтиёров, З.Хакимов ижрочи котиби Б.Масаитовлардан иборат ишчи гуруҳи тузилиб маҳаллаларда фуқаролар билан учрашувлар ўтказилди. Хусусан, “Намуна”, “Собир Раҳимов”, “Ёшлик” МФЙларида аҳолининг бандлиги ҳолати ўрганилиб, вақтинчалик ишсиз бўлган фуқаролар тўғрисида маълумотлар жамланди. Шунингдек, аҳоли билан мулоқотлар чоғида жойларда ечимини кутаётган кўплаб масалалар ҳамкор ташкилотлар билан ҳамкорликда ижобий ҳал этилди. Жумладан, иш масаласида мурожаат қилган “Намуна” МФЙда истиқомат қилувчи Сулаймон Уразбаев, “Собир Раҳимов” МФЙ фуқароси Бекзод Хасановлар “Тадбиркорликка кўмаклашиш маркази” бўлинмаси бошлиғи ва сектор бош мутахассиси лавозимларига, “Ёшлик” МФЙда истиқомат қилувчи фуқаро Мафтуна Нарқўзиева эса тумандаги Ўзбекистон Республикаси савдо саноат палатаси ҳудудий бошқармасининг “Тадбиркорликка кўмаклашиш маркази” унитар корхонаси ҳузуридаги туман филиалига назоратчи лавозимига ишга қабул қилинди. Аҳолининг бандлигини таъминлаш – энг аввало фуқаролар фаровонлиги, оила, маҳалла, бундан ҳам муҳими, она Ватан ободлиги масаласидир. Чунки ўзига маъқул машғулот билан банд бўлган инсон ҳамиша эзгу ишларга интилиб яшайди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Депутат халқ орасида: тиббиёт тизимини комплекс ривожлантириш депутат нигоҳида

Бугунги кунда юртимизда тиббиёт соҳасини тубдан ислоҳ қилиш давр талабига айланган. Кейинги йиллар ичида тиббиёт соҳасини тубдан ислоҳ қилиш ва моддий-техника базасини мустаҳкамлаш орқали халқимизга муносиб тиббий хизмат кўрсатишни ташкил қилиш мақсадида давлатимиз раҳбарининг қатор фармон, қарор ва фармойишлари, шунингдек, Вазирлар Маҳкамасининг соҳага оид қатор қарор ва фармойиши қабул қилинди. Бугун тизим фаолиятини мувофиқлаштириш, моддий-техника базасини мустаҳкамлаш ва соҳани малакали мутахассислар билан таъминлаш билан тиббий хизмат сифатини янада ошириш шу куннинг асосий мавзусига айланди. Ўзбекистон Республикаси Олий Мажлиси Қонунчилик палатаси депутати Людмила Кошелапова Тошкент вилоятининг Қибрай тумани “Қизил шалола” ҚФЙ ҳудудида жойлашган 27-сонли қишлоқ оилавий поликлиникасида бўлиб, у ердаги шароит, фуқаролар, ёшлар учун яратилган имкониятлар ҳамда соҳа мутахассисларнинг билим даражаси, аҳоли ўртасида соғлом турмуш тарзини тарғиб қилиш борасида амалга оширилаётган ишлар ҳолати билан танишди. — Айни вақтда 36 та тиббиёт ходими 19 минг 409 нафар аҳолига хизмат қилиб келмоқда, — деб бош шифокор Ализулқайнар Раззоқов муассасанинг хоналари билан таништириш давомида маълумот бериб ўтди. Ўрганишлар жараёнида қатор ижобий ишлар амалга оширилганлиги маълум бўлди. Клиник-биохимик лабаратория хоналарининг ҳолати, у ерда беморлар учун яратилган шарт-шароитлар ва зарур бўлган дори-дармонлар билан таъминлаганлик даражаси, шунингдек, 16 минг аҳолига бириктирилган мазкур поликлиника қошида ташкил этилган тез тиббий ёрдам шахобчаси хизмати яхши йўлга қўйилганлиги, бундан аҳоли беҳад мамнунлиги айтиб ўтилди. Бироқ ўрганишлар давомида муассасада тиббий жиҳозлар етарли эмаслиги, ЭКГ, электрофарез, тубус, УЗИ аппаратлари эскирганлиги, шунингдек, умумий амалиёт шифокори (УАШ) етишмаслиги аниқланди. Людмила Кошелапова қайд этилган муаммолар бўйича ўз таклифларини билдириб, тегишли мутассади ташкилотларга депутатлик сўрови орқали мурожаат этишини билдирди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Депутат халқ орасида: “Зафаробод” МФЙда мактаб ҳамда коллеж битта бинода фаолият кўрсатмоқда

Маълумки, жорий йилнинг февраль ойида Ўзбекистон Республикаси Олий Мажлиси Қонунчилик палатаси депутати Людмила Кошелапова таълим масканларидаги замонавий шарт-шароитлар, педагог кадрлар салоҳияти ва соҳада учраётган муаммолар билан яқиндан танишиш мақсадида Қибрай тумани Халқ таълими бўлимига ташрифи чоғида бўлим мудири Ёрқиной Мирзахмедова билан суҳбатлашгани, туманнинг “Зафаробод” МФЙда жойлашган битта бинонинг ярмида 48-сонли умумтаълим мактаби, иккинчи қисмида эса Тадбиркорлик касб-ҳунар коллежи жойлашганлиги ҳамда хоналарнинг торлиги таълим-тарбия олаётган 400 нафар ўқувчига бир қанча ноқулайликларни келтириб чиқараётгани, бинонинг эски таъмирталаб аҳволи юзасидан маълумот берган эдик. Мазкур соҳада амалга оширилаётган ишларнинг ҳолатини такроран ва изчил ўрганиш мақсадида халқ вакили мазкур мактабда бўлди. Мулоқотлар жараёнида педагоглар жамоаси мактаб ўта авария ҳолатида эканлигини, мактаб биносини қайтадан лойиҳалаштириб қуриш зарурлигини айтиб ёрдам сўрашди. Депутатимиз мазкур масалани тегишли мутасаддилар билан ҳал этишни ўз зиммасига олди. Шундан сўнг депутат ҳудудда жойлашган 46-сонли “Камалак” мактабгача таьлим муассасасида бўлиб, муассаса фаолияти билан танишди. Мазкур боғча 140 ўринга мўлжалланган бўлиб, ҳозирги пайтда 202 та бола тарбияланмоқда. Муассасада шароитлар яхши. Озиқ-овқат маҳсулотлари билан етарли таъминланган. Ўрганишлар давомида боғча ходимлари мева ва сабзавот омбори учун сифатли ва ишончли вентиляция тизими хамда ҳаво совутгичлари мавжуд эмаслиги айтиб, депутатдан бу муаммоларни ижобий ечимида амалий ёрдам беришини сўрашди. Депутат тумандаги тадбиркорларни жалб қилган ҳолда мазкур масала амалий ҳал этилишини маълум қилди. Шунингдек депутат Людмила Кошелапова бошчилигидаги ишчи гуруҳ аъзолари тумандаги 28-сонли умумтаълим мактабида бўлиб, ўқитувчи ва ўқувчи ёшлар билан учрашиб, дилдан суҳбатлашди. — Мазкур давра суҳбатини ташкил этишдан кўзланган асосий мақсад — мамлакатимизда амалга оширилаётган таълим ҳамда ёшларга оид давлат сиёсати, парламентнинг қонун ижодкорлиги фаолияти юзасидан аҳолига, сайловчиларга ахборот бериш, қабул қилинган қонунларнинг мазмун-моҳияти билан кенг жамоатчиликни таништириш, аҳолини қийнаётган муаммо ва камчиликларни ўз вақтида бартараф қилишдан иборатдир, — дейди Олий Мажлис Қонунчилик палатаси депутати Л. Кошелапова. Таълим-тарбия соҳасида биз доимо олдинга қарашимиз, олдимизда турган вазифаларга эътиборни кучайтиришимиз зарур. Ана шунда таълим-тарбия жараёнининг самараси биз кутган даражада бўлади. Замонавий фикрлайдиган, ислоҳотлар мазмун-моҳиятини тўғри англайдиган ёшлар вояга етишиб чиқади. Депутатнинг сайловчилар билан учрашувлари давом этмоқда. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Аёлга эътибор — келажакка эътибор

Хотин-қизлар жамиятимизнинг тенг ҳуқуқли аъзоси сифатида мамлакатимизнинг ижтимоий-сиёсий ҳаётида тобора муҳим ўрин эгалламоқда. Давлатимиз томонидан амалга оширилаётган барча ислоҳотлар негизида хотин-қизларнинг жамиятда фаоллигини оширишга қаратилган мақсад турибди. Бу борада мустаҳкам қонунчилик базаси, турли халқаро ҳуқуқий-меъёрий ҳужжатлар аёллар манфаатларини ҳимоялашда ҳуқуқий пойдевор бўлмоқда. Хусусан, янги иш ўринларини яратиш, пировардида, оилалар даромадини ошириш, уларнинг фаровон ҳаёт кечиришини таъминлаш айни пайтда устувор йўналишларидан биридир. Бу борада айнан хотин-қизлар масаласига алоҳида урғу берилиб, улар учун янги иш ўринларини яратиш,  аёллар тадбиркорлигини ривожлантириш ва уларни ҳар томонлама қўллаб-қувватлашга оилалар фаровонлигини таъминлашнинг асосий омили сифатида қаралади. Шу боис Президентимизнинг «Хотин-қизларнинг меҳнат ҳуқуқлари кафолатларини янада кучайтириш ва тадбиркорлик фаолиятини қўллаб-қувватлашга оид чора-тадбирлар тўғрисида»ги қарори оилавий тадбиркорликни янада ривожлантириш, соҳага тўлиқ эркинлик бериш, бу йўлда ғов бўлиб турган барча тўсиқ ва чекловларни бартараф этиш хамда ушбу йўналишдаги ишларни янада фаоллаштиришни янги босқичга олиб чиқиши шубҳасиз. Масалан, карорга мувофик, эндиликда худудларда нодавлат-нотижорат ташкилот мақомига эга бўлган хотин-кизлар тадбиркорлик марказлари аёлларни меҳнат бозорида талаб этилаётган касблар бўйича қайта тайёрлаш ва уларни ишга жойлашишга ҳамда тадбиркорлик билан шуғулланиш истагини билдирганларга кўмаклашиш каби вазифаларни амалга оширади. Кейинги йилларда аҳоли бандлигини таъминлашнинг касаначилик ва оилавий тадбиркорлик каби янги шакллари фаол ривожланиб бормоқда. Натижада кичик бизнес ва хусусий тадбиркорликнинг иш билан бандликдаги улуши 78 фоиздан ортиғини ташкил этаётир. Ўз навбатида, республикамизда хусусий тадбиркорликнинг миллий-анъанавий шакли бўлган оилавий бизнеснинг жадал ривожланиб бориши унинг яратилаётган ялпи ички маҳсулот таркибидаги улуши йил сайин ўсишига сабаб бўлмоқда. Оилавий тадбиркорликнинг оммавий ривожланиши аҳоли асосий қисмининг ижтимоий психологияси ижобий ўзгаришига ва янги ижтимоий-иқтисодий шароитларга мослашишига ёрдам беради. Оилавий бизнес вакиллари нафақат ўзини самарали иш билан таъминлайди, балки янги иш ўринларини ҳам яратади. Иш билан банд аёлларга қулай меҳнат шароитини яратиб бериш аёллар ҳуқуқларини ҳимоя қилишнинг муҳим йўналишларидан биридир. Хулоса ўрнида айтиш мумкинки, карорда белгиланган устувор вазифалар хотин-қизларга кўрсатилаётган эътибор ўз навбатида, аёлларнинг турмуш шароитини яхшилаш, уларнинг бахтли ҳаёт кечиришлари ва жамият ижтимоий ва сиёсий ҳаётида фаол иштирок этишлари учун хизмат килади. Вилоят АКРОМОВА, Халқ депутатлари Қибрай туман Кенгаши депутати Бизни ижтимоий тармоқларда ҳам кузатинг:???? https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Соғлом авлод — миллат келажаги пойдевори

“Фуқароларнинг репродуктив саломатлигини сақлаш тўғрисида”ги Қонунни матбуотда диққат билан ўқиб чиқдим. Ҳақиқатдан ҳам репродуктив саломатлик нафақат аёлнинг, балки эркакнинг ҳам ўзидан соғлом зурриёд дунёга келтириш давридаги саломатлигини асрашда ниҳоятда муҳим. Ушбу қонун аёллар ва эркаклар бепуштлигига барҳам бериш, шунингдек, сунъий уруғлантириш ва касалланган тухум ҳужайраларини олиб ташлаш орқали соғлом генофондни шакллантириш каби хорижда кенг қўлланаётган технологияларни юртимизда қўллашга ҳуқуқий асос яратади. Демократик тамойиллар тараққий этгани сари, инсон манфаатларини ҳимоя қилишда муҳим бўлган ижтимоий соҳанинг ҳуқуқий меъёрлари янада жиддийлашиб, янада қатъийлашиб, одамнинг қадр-қиммати янада ортиб бораверади. Ушбу масалаларда етарли билим ва тажрибага, амалий кўникмаларга, тиббий саводхонлик ва тиббий маданиятга эга бўлмаган одам ўз ҳаётида қатор муаммоларга дуч келиши мумкин.  Айнан шунинг учун ҳам бугунги кунда, аҳолининг репродуктив саломатлигини муҳофаза қилиш масаласи нафақат соғлиқни сақлаш тизимининг, балки умуман давлатнинг, жамиятнинг муҳим вазифалари сирасига киради. Янада аниқроқ айтадиган бўлсак, аҳолининг репродуктив жиҳатдан соғломлиги даражаси ўша аҳоли истиқомат қилаётган жамиятнинг соғломлиги даражасига, миллий генофонд саломатлиги даражасига, миллат тақдирига, давлатнинг умумий қудратига, нуфузи ва салоҳиятига бевосита таъсир кўрсатади. Шу боисдан ҳам бутун дунёда репродуктив саломатлик фақат тиббий муаммо эмас, балки тиббий — ижтимоий, қолаверса, ижтимоий-сиёсий муаммо ҳисобланади. Энг муҳими, шуни алоҳида таъкидлаш жоизки, мустақил юртимизда олиб борилаётган барча ислоҳотлардан кўзланган натижа — бу, инсон омили эканлигини онгли равишда барча фуқаролар англаган ҳолда, ана шу яратилаётган шароит ва имкониятлардан тўлиқ фойдаланиши, муносиб ҳаёт кечиришидан иборат. Айни пайтда фуқаролар ҳуқуқ ва манфаатлари ҳимоясининг кафолати бўладиган мазкур қонун баркамол авлодни вояга етказишда халқимизнинг янада фаровон ҳаётини таъминлашга хизмат қилиши шубҳасиз. Хулоса қилиб айтганда, ҳеч шубҳасиз, тиббиёт соҳасидаги изчил ислоҳотлар одамларда бугунги кундан розилик ҳамда эртанги кунга ишонч ҳиссини кучайтириш йўлидаги тизимли ишлар муҳим ижтимоий адолатни таъминлашнинг асосий ва зарур талабларидан биридир. Зарифа ЭРАЛИЕВА, Халқ депутатлари Тошкент вилояти Кенгаши депутати Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/   ...

Батафсил
News

Муқаддам Бекмуродова: Юртимизда ўқув қуролларининг сифатини аниқлашга доир тегишли стандартлар белгиланганми?

2018 йилда партиямизнинг “Таълим сифати — партия нигоҳида” лойиҳаси доирасида мактаб дарсликларидаги хатоликлар ва турли тиллардаги ўқув қўлланмаларидаги тафовутлар ҳамда бу китобларнинг сифат даражаси ўрганилди. Ангрен шаҳрида тузилган ишчи гуруҳ таркибида таълимдаги ушбу муаммоларни ўрганар эканман, яна бир савол туғилди. Дарсликлар сифатини ўргандик, хўш, ўқувчилар фойдаланаётган ўқув қуроллари сифати-чи? Тўғри, мамлакатимизда тадбиркорликка кенг йўл очилганлиги сабабли ўқув қуроллари тадбиркорлар томонидан истеъмолчиларга етказиб берилади. Ўқув қуроллари бирор жиҳатдан болалар соғлиғига зарар етказмаслигини мутахассислар билан биргаликда ўрганиб кўрдикми? Дейлик, дафтарлардаги чизиқлар яхши кўринмаса, боланинг кўзига бу ҳолат қандай таъсир қилади, улар фойдаланаётган пластилинлар терида аллергик хусусиятлар уйғотмайдими? Юртимизда ўқув қуролларининг сифатини аниқлашга доир тегишли стандартлар белгиланганми? Маълумки, ўқув қуроллари сифат даражасини белгиловчи халқаро стандартлар мавжуд. Лекин ҳали юртимизда бунга доир стандартлар борлиги тўғрисида маълумот топа олмадим. Шунинг учун танловда фарзандларимиз фойдаланаётган ўқув қуроллари сифатини партиямиз лойиҳаси асосида мутахассислар иштирокида ўрганиш таклифини илгари сурдим. Бундай ўрганишлар орқали ўқув қуроллари сифати меъёрлари бўйича стандарт қабул қилинишига замин яратилиши мумкин. Шу билан бирга, ўқувчиларда учраши эҳтимоли бўлган айрим касалликларнинг олди олинади. Яна бир масала. Маълумотларга кўра, дунёда йўл ҳаракати қоидалари бузилиши оқибатида ҳар йили юз минглаб одам вафот этар экан. Галдаги таклифим шу мавзуга доир бўлди. Яъни боғчаларда партиямиз ташаббуси билан ташкил этиб келинаётган шахмат-шашка майдончалари ёнида жойлардаги ички ишлар бўлинмалари билан ҳамкорликда йўл ҳаракати хавфсизлиги майдончалари ҳам барпо этилса, мақсадга мувофиқ бўлар эди. Бунинг натижасида фарзандларимизни болалигидан бошлаб қонунга итоаткорлик руҳида тарбиялаш, уларда белгиланган тартиблар, қонун-қоидаларга амал қилиш зарурлигини сингдиришга эришамиз. Муқаддам БЕКМУРОДОВА, “Йилнинг энг фаол адолатчи аёл” Республика кўрик-танлови иштирокчиси ЎзДЖТУ ҳузуридаги Ангрен академик лицейи ўқитувчиси   Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!