ТОШКЕНТ вил.

Манзил: Тошкент шаҳар, Яккасарой тумани, Баходир кўчаси, 44-уй

Телефон:(71) 288-42-12

Электрон манзил:  adolat-tv@mail.ru

Янгиликлар
News

Тиббиёт соҳасидаги изчил ислоҳотлар муҳокама қилинди

  Халқ депутатлари Тошкент вилояти Паркент тумани депутати Мавлуда Бердиқулова Паркент тумани кўп тармоқли тиббиёт бирлашмаси ходимлари билан учрашди. Учрашувда 2018 йил 9 ноябрь куни Ўзбекистон Республикаси Президенти Шавкат Мирзиёев раислигида танқидий-таҳлилий руҳда ўтган соғлиқни сақлаш тизимини ривожлантириш, ҳудудлар аҳолисини сифатли тиббий хизмат билан қамраб олиш, тиббиёт муассасалари моддий-техник базасини мустаҳкамлаш борасидаги ислоҳотлар натижаларини таҳлил қилиш ва истиқболдаги устувор вазифаларни белгилашга бағишланган видеоселектор йиғилишидан келиб чиқиб, соғлиқни сақлаш тизимини янада такомиллаштириш, тиббий хизмат сифати ва самарадорлигини ошириш, аҳоли саломатлигини мустаҳкамлаш, сифатли дори-дармон билан таъминлаш борасидаги ислоҳотлар юзасидан амалга оширилаётган ишлар самарадорлигига эътибор қаратилди. Депутат кейинги икки йилда Президентнинг соҳага оид 50 та фармон, қарор ва фармойиши, Вазирлар Маҳкамасининг 70 дан зиёд қарор ва фармойишлари мазмун-моҳияти, шунингдек, “Давлат тиббиёт муассасалари ва соғлиқни сақлашни бошқариш органлари ходимларини моддий рағбатлантиришни кучайтириш чора-тадбирлари тўғрисида”ги қарорига мувофиқ, тиббиёт ходимларининг ойлик маоши 2019 йил 1 апрелдан яна 15 фоизга оширилиши кутилаётганлиги ҳақида маълумот берди. Давра суҳбатида сўзга чиққанлар оналик ва болаликни муҳофаза қилиш, шошилинч тиббий ёрдамни такомиллаштириш, бирламчи тиббиёт тизимини янада яхшилаш, аҳолини сифатли ва арзон дори-дармон воситалари билан таъминлаш борасидаги ҳал этилиши лозим бўлган долзарб масалалар юзасидан фикр алмашишди. Шунингдек, соҳа вакиллари қишлоқ врачлик пунктлари, оилавий поликлиникалар, патронаж хизмати, тез тиббий ёрдам тизимининг фаолиятига доир фикр мулоҳазаларини баён этишди.  Тадбир сўнгида 10 нафар тиббиёт ходими партия аъзолигига қабул қилинди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Президент мактаблари — келажак тараққиёти

Мамлакатимизда сўнги йилларда жамиятнинг барча соҳаларида ислоҳот ва ўзгаришлар амалга оширилмоқда. Барча ислоҳотлар негизида, эзгу ниятларимизнинг замирида фарзандларимизни ҳам жисмонан, ҳам маънавий жиҳатдан соғлом қилиб ўстиришдек эзгу мақсадлар ётади. Бугунги кунда мамлакатимиз ёшлари халқаро фан олимпиадаларида, қизғин спорт баҳсларида фаол иштирок этиб, юқори натижаларни қўлга киритмоқдалар. Шу боис, ўсиб келаётган ёш авлодни Ватанга муҳаббат ва ватанпарварлик руҳида тарбиялашда таълим тизимидаги олиб борилаётган ислоҳотлар ёшларимизнинг давлат ва жамият ҳаётидаги фаолликларини оширишга хизмат қилиши шубхасиздир. Мана шундай эзгу максадларни изчиллигини таъминлашда Ўзбекистон Республикаси Президентининг 2019 йил 20 февралда қабул қилинган “Президент мактабларини ташкил этиш чора-тадбирлари тўғрисида”ги қарори муҳим аҳамиятга эга. Президент мактабларида ёшларга математика, физика, кимё, биология ва ахборот технологиялари ҳамда хорижий тиллар илғор таълим методологиялари асосида чуқур ўргатилиши келажакда юртимизда туристик компаниялар учун кенг имкониятлар эшигини очади. Туристик компаниялар хизматидан тушаётган валюталар эса иктисодиёт, сиёсат, спорт, маънавият, илм-фан соҳаларини янада ривожланиши натижасида мамлакат ёшлари жаҳон ареналарида ҳам улкан ютукларни қўлга киритишга хизмат қилади. Мазкур карор ёшлар ҳаётида тарихий ҳужжат бўлиб, янги саҳифаларни очиши шубхасиз. Умид ШОУМАРОВ, Халқ депутатлари Тошкент вилояти Кенгаши депутати ...

Батафсил
News

Депутат халқ орасида: Қибрай туманида аҳолига кўрсатилаётган тиббий хизмат ҳолати ўрганилди

  Олий Мажлис Қонунчилик палатаси депутатларининг ҳудудларда бўлиб, аҳоли муаммоларини ўрганиб, аниқланган камчиликларга ечим топиш чораларини кўриш борасидаги сафарлари давом этмоқда. Жумладан, Олий Мажлис Қонунчилик палатаси депутати Людмила Кошелапованинг навбатдаги сафари Қибрай тумани тиббиёт бирлашмасига бўлди. Унда халқ вакили томонидан Президентимиз раислигида 2018 йил 9 ноябрь куни ўтказилган, соғлиқни сақлаш соҳасида белгиланган долзарб вазифаларга бағишланган видеоселектор йиғилишидан келиб чиқиб, амалга оширилаётган ишларнинг бугунги ҳолати ўрганилди. Маълум бўлишича, муассаса бино ва хоналари тўлиқ капитал таъмирланган, зарур тиббий ҳамда лаборатория воситалари билан таъминланган, санитария-гигиена талабларига жавоб беради. Туман буйича 11 та даволаш профилактика муассасалари хизмат кўрсатади, шулардан 4 таси қишлоқ врачлик пункти, 5 таси кишлок оилавий поликлиникаси, 1 та кўп тармоқли марказий поликлиника ва туман тиббиёт бирлашмаси ҳисобланади. Тиббиёт бирлашмасида ҳозирги кунда 2 минг 255 нафар ишчи ходим фаолият юритади. Тиббиёт бирлашмаси бошлиғи Акром Эргашов билан суҳбатда у муассасада салоҳиятли кадрларга эҳтиёж борлигини ҳамда тор мутахассислар етишмаслигини билдирди. Депутат мазкур масала юзасидан вилоят Соғлиқни сақлаш бошқармаси билан ҳамкорликда чора-табирлар белгилашини маълум қилди. Шунингдек, депутат таълим масканларидаги замонавий шарт-шароитлар, педагог кадрлар салоҳияти ва соҳада учраётган муаммолар билан яқиндан танишиш максадида Қибрай тумани халқ таълими бўлимига ташриф буюрди. Ўрганишлар давомида “Зафаробод” МФЙда жойлашган битта бинонинг яримида 48-сонли умумтаълим мактаби, иккинчи қисмида эса, Тадбиркорлик касб-ҳунар коллежи жойлашганлиги ҳамда хоналарнинг торлиги таълим тарбия олаётган 400 нафар ўқувчига бир қанча ноқулайликларни келтириб чиқараётгани, бинонинг эски таъмирталаб аҳволда эканлиги, қиш мавсумида томдан чакки ўтиши ҳолатлари аниқланди. Депутат мазкур масалани ўз назоратига олишини таъкидлади. — Бугунги замон шиддати ҳаётимизга ҳар куни, ҳар лаҳзада янгиликлар кириб келишига замин яратмоқда,— дейди туман Халқ таълим бўлими мудири Ёрқиной Мирзахмедова.— Халқ таълими тизимида жорий этилаётган янгиликлар ҳам давр тақозоси, тараққиётнинг бирламчи талабидир. Бу эса соҳадаги ҳар бир мутахассисни мазкур янгиликлардан хабардор этиб бориш, уларни тизимнинг фаол аъзоси сифатида меҳнат қилишга ундашни талаб этади. Кейинги учрашув “Ўзсаноатқурилишбанк” Қибрай тумани филиали бошқарувчиси Дилшод Қутлиев билан бўлди. Суҳбат давомида жисмоний шахсларга берилаётган кредит турлари, фоизлари, молиявий хизмат кўрсатиш юзасидан таклиф ва мулоҳазалар билдирилди. Депутатнинг сайловчилар билан учрашувлари давом этмоқда. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Депутат халқ орасида: тадбиркор аёллар сафи кенгаймоқда

  Амалий ишлар, юзма-юз мулоқотлар соҳаларда учраётган камчиликларнинг бартараф этилишида муҳим омил бўлмоқда. Олий Мажлис Қонунчилик палатаси депутати Людмила Кошелапова Тошкент вилоятининг Қибрай тумани маданият саройида хотин-қизлар билан ишлаш ва оилаларда маънавий ахлоқий қадриятларни мустаҳкамлаш буйича мутахассислар, хотин-қизлар қўмитаси бошланғич ташкилоти раислари, тумандаги таълим муассасалари маънавий-маърифий ишлар бўйича директор ўринбосарлари, Ёшлар иттифоқи, психологлар ҳамда тумандаги “Дустлик”, “Навбаҳор», “Нуробод” маҳаллаларида истиқомат қилаётган аҳоли билан юзма-юз мулоқотлар ўтказди. Мазкур учрашувларда халқ вакили давлатимиз раҳбарининг Олий Мажлисга Мурожаатномаси ҳамда “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятни тубдан такомиллаштириш чора-тадбирлари тўғрисида”ги фармонида белгиланган вазифалар ижросини таъминлаш, жамиятда хотин-қизларнинг ижтимоий-сиёсий фаоллигини ошириш, оила институтини мустаҳкамлаш борасида олиб борилаётган ишлар ҳақида кенг маълумотлар берди. Учрашувда оилаларда маънавий-ахлоқий қадриятларни мустаҳкамлаш, аёлларнинг сиёсий-ҳуқуқий, маънавий-маърифий, ижтимоий-иқтисодий соҳалардаги эҳтиёжларини ўрганиб, уларнинг ҳуқуқ ва манфаатларини ҳимоя қилиш, ёшларни оилавий ҳаётга тайёрлаш, низоли ҳолатлар ва ажралишларнинг олдини олиш, ҳуқуқбузарликка мойиллиги бўлган ва жазони ижро этиш муассасаларидан озод қилинган хотин-қизларнинг жамиятда муносиб ўрин эгаллашига кўмаклашиш каби масалалар кенг муҳокама этилди. Оила муқаддас даргоҳ,— дейди туман ҳоким уринбосари, хотин-кизлар қўмитаси раиси, С.Салихова. – Унинг мустаҳкамлигига ҳар икки томон бирдек жавобгар. Оилада эр шоҳ, хотин вазир вазифасини аъло даражада бажарсагина, оила мустаҳкам бўлади. Шу боис низоли оилаларни тиклаш учун маҳалладаги намунали оилаларни ибрат сифатида кўрсатдик, узоқ йиллар чиройли ҳаёт кечириб келаётган оила соҳиблари ташрифини уюштирдик. Шунингдек, депутат “Дустлик” МФЙ Чавандоз кўчаси 3 ва 12-хонадон эгалари Ойгул Гулямова ва Магзума Бойматова каби оилавий тадбиркорлар билан учрашиб, уларнинг иш фаолияти яқиндан ўрганиб чиқилди. Учрашув пайтида уларга юртимизда сўнгги вақтларда қабул қилинаётган қонунлар, айниқса тадбиркорларга берилаётган имтиёзлар тўғрисида батафсил маълумотлар берилди. Депутат билан дилдан суҳбат қурган сайловчилар бундан кейин ҳам бу каби тадбирлар тез-тез ўтказилишидан барча манфаатдор эканлигини билдиришди. Юзма-юз мулоқотлар давом этмоқда... Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Депутат халқ орасида: депутат назорати очиқ қолаётган муаммоларга барҳам бермоқда

Маълумки, ўтган 2018 йилнинг май ойида Ўзбекистон Республикаси Олий Мажлиси Қонунчилик палатаси депутатлари ҳамда Сенати аъзолари ҳудудларни ижтимоий-иқтисодий ривожлантириш, иқтисодиёт тармоқлари ва ижтимоий соҳа аҳволини ўрганиш ҳамда мавжуд муаммоларни бартараф этишда амалий кўмак кўрсатиш мақсадида жойларда аҳоли билан мулоқот қилиб, уларнинг турмуш тарзи, яшаш шароити билан танишишиб бир неча ишларни амалга оширган эдилар. Эътиборли жиҳати Ўзбекистон Республикаси Олий Мажлиси Қонунчилик палатаси депутати Людмила Кошелапова бу галги фаолиятини Тошкент вилоятининг Тошкент тумани “Хасанбой” ҚФЙ ҳудудида жойлашган 150 та бемор болаларни даволашга мўлжалланган 1-сонли болалар сил касалликлари сиҳатгоҳининг моддий техник ҳолати ва шарт-шароитлар аянчли аҳволга келиб колганлиги юзасидан муаммоларни бартараф этиш чора-тадбирлари қай тартибда олиб борилаётганлиги билан танишди. Мазкур соҳада амалга оширилаётган ишларнинг ҳолатини ўрганиш мақсадида кун аввалида депутат ушбу сиҳатгоҳда бўлди. Ўрганишлар жараёнида қатор ижобий ишлар амалга оширилганлиги маълум бўлди. Жумладан, вилоят ҳокимининг 2018 йил 12 октябрдаги 63-Фармонига асосан муассасанинг мавжуд бино ва иншоатларини жорий таъмирлаш учун 288 млн сўм ажратилган. Натижада, сиҳатгоҳнинг клиник-биохимик лабаратория хоналари капитал таъмирланиб, бино ва хоналарининг ҳолати, у ерда беморлар учун яратилган шарт-шароитлар, ва зарур бўлган тиббий анжомлар, дори-дармонлар билан таъминлаганлик даражаси ҳамда ошхона анжомлари янгиланиб амалий ишлар бажарилганлиги ишчи гуруҳни кувонтирди. Шундан сўнг депутат “Ободлик” маҳалла фуқаролари билан учрашди. Маҳалланинг Ойбек кўчаси билан туташган Масалбой кўчаларини ички  йўлларида тунги чироқлар йўқлиги сабабли симёғочларини янгилаш лозимлиги маълум бўлди.— Маҳалламизда тоза ичимлик суви йўқлиги маҳалла аҳолисига қийинчилик туғдирмоқда,— дейди, “Ободлик” МФЙ раиси Шукуржон Агзамов. Шу билан бирга, ҳудудда чиқинди қутиларининг йўқлигини таъкидлади. Депутат ўрганишлар давомида “Дархон” маҳалласидаги 1,2,3,4- уйларда истиқомат қилаётган 7 та хонадонга кириб, фуқаролар билан мулоқот қилди, уларнинг эҳтиёжлари, таклиф ва мулоҳазалари билан танишди. Уларнинг аксарияти уй-жой, коммунал, тиббий хизмат кўрсатиш масалалари билан боғлиқ. Олий Мажлиси Қонунчилик палатаси депутати Людмила Кошелапова мурожаатчилар билан дилдан суҳбатлашди ва тегишли ташкилотлар билан гаплашиб бу муаммони ҳал этишини билдирди. Албатта, жойларда депутатлар ва Сенаторлар бошчилигида йўлга қўйилган ўрганишлар бугун ўзининг ижобий натижаларини кўрсатмоқда. Ечимини топаётган масалалар, яратилаётган қулайликлар эса, аҳоли турмуш тарзини янада яхшилашга замин яратмоқда. Депутатнинг сайловчилар билан учрашувлари давом этмоқда. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Депутат халқ орасида: “Гуллола” мактабгача таълим муассасаси тарбияланувчиларини қийнаб келаётган муаммолар ҳал этилади

Аввал хабар қилганимиздек, Олий Мажлис Қонунчилик палатаси депутати Людмила Кошалапова ўз сайлов округида бўлиб сайловчилар билан очиқ мулоқотлар ўтказмоқда. Депутатнинг сайловчилар билан навбатдаги учрашувлари Қибрай туманидаги “Кўприкбоши”, “Алишер Навоий”, “Навбаҳор”, “Нуробод” ҳамда “Ўймовут” маҳалла фуқаролар йиғинида истиқомат килувчи маҳалла фаоллари ва фуқаролар билан ўтказилди. Очиқ мулоқотларда маҳаллалар аҳлининг муаммолари тингланди. Сайловчилар мурожаатларидан келиб чиқиб ҳудудда жойлашган 30-сонли “Гуллола” мактабгача таьлим муассасаси ўрганилди. Ўрганишлар давомида муассасанинг жуда эскириб қолгани, хоналарнинг зичлиги, оқава сув кувурлари ўта таъмирталаблиги депутат эътиборини тортди. Боғча мудири Нафиса Магдалиева билан суҳбатлашганда қуйидагиларни баён этди.— Ҳозирги вақтда боғчада жами 3 та гуруҳ булиб уларда 71 нафар фарзандларимиз тарбияланмоқда. Юқорида кўзга ташланган ҳолатлар юзасидан депутатлик назоратининг ўрнатилишини ва масаланинг ижобий ҳал этьилишини кутиб қоламиз. Муассаса ходимлари ва тарбияланувчиларни қийнаётган мавжуд муаммоларни депутат ўз назоратига олишини ва ижобий ечими юзасидан мутасадди ташкилотларга депутатлик сўровларини чиқаришини маълум қилди. Навбатдаги қизғин учрашув эса, Мажбурий ижро бюроси туман булим бошлиғи адлия маслаҳатчиси Алишер Назаров билан бўлди. Суҳбат давомида соҳада олиб борилаётган ишлар, мавжуд муаммолар аниқланаётган аҳоли қарздорлиги бажарилиши юзасидан таклиф ва мулоҳазар билдирилди. Депутатнинг сайловчилар билан учрашувлари даврм этмокда. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Пленумда янгича ёндашув ва устувор йўналишлар белгилаб олинди

Ўзбекистон “Адолат” СДП Олмалиқ шаҳар Кенгашининг навбатдаги ХIII Пленуми бўлиб ўтди. Унда Ўзбекистон “Адолат” СДП Тошкент вилояти Кенгаши вакиллари, Олмалиқ шаҳар Кенгаши, БПТ раислари ҳамда партия фаоллари иштирок этди. Уни Кенгаши раиси Акмал Расулов олиб борди. Партия Олмалиқ шаҳар Кенгашининг Навбатдаги Пленуми ҳам танқидий руҳда ўтиб, 2018 йил давомида олиб борилган ишлар, амалга оширилган кенг кўламли чора тадбирлар, ҳисобот давридаги қатор амалий ишлар ҳамда 2019 йил “Фаол инвестициялар ва ижтимоий ривожланиш йили” Давлат дастурида белгиланган вазифаларнинг ижтимоий аҳамиятини тарғиб қилишга доир долзарб вазифалар муҳокама марказида бўлди.  Йиғилишда таъкидланганидек, “Адолат — қонун устуворлигида” лойиҳаси доирасида Олмалиқ шаҳар Кенгаши томонидан сайловчилар билан юзма-юз мулоқотлар ўрнатиш, маҳаллаларда аҳоли билан бевоста суҳбатлар уюштириш, қонунлар ижроси ва ислоҳотларнинг амал қилиш даражаси юзасидан тузилган ишчи гуруҳ томонидан ўрганиш ишлари амалга оширилган. Ҳисобот даврида шаҳар бўйича жами 43 МФЙ ўрганилган бўлиб, жами 207 та хонадонга ташриф буюрилган. Бироқ, мазкур лойиҳа доирасида айрим бошланғич ташкилотлар томонидан бирорта ҳам иш амалга оширилмаганлиги маълум бўлди. Партиянинг “Сиёсий-ҳуқуқий билимларини мустаҳкамлаш — демократик жамият пойдевори” лойиҳаси доирасида шаҳар Кенгаши томонидан ўтган йил давомида ҳафтанинг ҳар сешанба куни маҳаллалар кесимида партиявий-сиёсий ўқув ўтказиб борилган. Унда йил давомида 46 та маҳаллада сиёсий ўқув ўтказилиб, жами 800 нафар иштирокчи қатнашган. Йиғилишда таъкидланганидек, “Мактабгача таълим — кадрлар тайёрлашнинг бирламчи бўғини”,“Мактабларда ижтимоий тенглик масалалари”, “Таълим сифати — партия нигоҳида”, “Фарзандлари соғлом юрт – қудратли бўлур” лойиҳаси доирасида ишчи гуруҳ аъзолари томонидан 89 та МФЙ, 70 дан ортик тадбирлар, 15 та мактабгача таълим ҳамда 20 дан ортиқ ўрта таълим мактаблари мутасадди ташкилотлар мутахассисларини жалб қилган ҳолда атрофлича ўрганилди. Пленумда партиянинг “Аёллар қаноти”, “Ёш адолатчилар қаноти”, “Истеъдод клуби” фаолиятига алоҳида эътибор қаратилиб, аниқланган камчилик ва муаммолар атрофлича таҳлил қилинди. Таъкидланганидек, мавжуд муаммолар юзасидан кечиктириб бўлмайдиган амалий чораларни кўриш, долзарб ижтимоий-сиёсий ва иқтисодий масалалар бўйича партиянинг позициясини мунтазам равишда билдириб бориш муҳим экани қайд этилди. Қонун ҳужжатларини жойларга етказиш ва ижросини таъминлашга доир чора-тадбирлар ишлаб чиқиш, партиянинг аҳоли билан тизимли мулоқотини йўлга қўйиш юзасидан фикр-мулоҳазалар билдирилди. Пленум якунида муҳокама қилинган масалалар юзасидан партия Олмалиқ шаҳар Кенгашининг тегишли қарорлари қабул қилинди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Тошкент вилоятида “Йилнинг энг фаол адолатчи аёли” аниқланди

Тошкент вилоятининг Ўртачирчиқ туманидаги Агросаноат ва транспорт касб-ҳунар коллежида Ўзбекистон “Адолат” СДП Тошкент вилояти Кенгаши томонидан “Йилнинг энг фаол адолатчи аёли” кўрик-танловининг вилоят босқичи бўлиб ўтди. Унда Ўзбекистон “Адолат” СДП Тошкент вилояти Кенгаши, Халқ депутатлари Тошкент вилояти Кенгаши депутатлари, вилоят “Оила” илмий-амалий тадқиқот маркази вакиллари, вилоятнинг туман, шаҳар босқичида ғолиб бўлган партиянинг энг илғор аёллари, ўқитувчи ва ўқувчи-ёшлар, кенг жамоатчилик вакиллари, партия фаоллари ҳамда ОАВ ходимлари иштирок этди. Мазкур кўрик-танлов партиянинг сайловолди дастурида белгиланганидек, хотин-қизларнинг жамият сиёсий ҳаётидаги фаоллигини ошириш, ташаббускор аёлларни юзага чиқариш каби вазифалар доирасида ташкил этилгани билан алоҳида аҳамиятга эга. Танловнинг туман босқичи Тошкент вилоятининг барча шаҳар, туманларида кўтаринки руҳда ўтказилди. Мазкур тадбирда партия аъзолари орасида энг фаол, ижтимоий-сиёсий билим ва миллий қадриятларимизни яхши ўзлаштирган, жамоа ва оилада намуна бўлаётган ташаббускор аёлларни аниқлаш, юқори салоҳиятга эга, интилувчан аёлларни кашф этиш, рағбатлантириш ва уларнинг тажрибасини кенг тарғиб қилишга эътибор қаратилди. Ўзбекистон Республикасининг Президенти Ш.Мирзиёевнинг “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятни тубдан такомиллаштириш чора-тадбирлари тўғрисида”ги Фармони бу борадаги ислоҳотларни амалга оширишда муҳим омил бўлиб хизмат қилмоқда . Албатта, ана шу улуғвор вазифаларни бажаришда хотин-қизлар ҳам фаол иштирок этиши кўзда тутилган. Улар бугунги кунда жамият ҳаётининг барча жабҳаларини ривожлантиришга ўзларининг муносиб ҳиссаларини қўшмоқдалар. Яна бир эътиборли жиҳати — мамлакатимизда аёллар манфаатини ҳимоя қилиш, уларни ҳар томонлама қўллаб-қувватлаш, ўз истеъдод ва қобилиятларини рўёбга чиқаришга катта аҳамият берилмоқда. Танловни Ўзбекистон “Адолат” СДП “Аёллар ва ёшларнинг сиёсий фаоллигини ошириш бўлими” мудири Райхона Урманова кириш сўзи билан очиб берар экан, истиқлол йилларида мамлакатимизда хотин-қизларнинг ҳуқуқ ва манфаатларини ҳимоя қилишга, уларнинг жамиятдаги ижтимоий-сиёсий мавқеини оширишга, оилада ўзининг муносиб ўринини мустаҳкамлашга кенг эътибор қаратилаётганини тилга олди. — Хотин-қизларимизга қаратилаётган эътиборга бугун барча миллат аёллари ҳавас билан қарашмоқда,— дейди ҳайъат аъзоси, “Адолат” СДП Тошкент вилоят Кенгаши бош мутахассиси Малика Баймурадова.— Бугунги ўтказилган танловда ҳам партия аъзолари орасида ҳар томонлама ўрнак бўла оладиган аёллар аниқлаб олинди. Иштирокчиларни шартлар бўйича чиқишлари ҳакамлар ҳайъати томонидан адолатлилик тамойили асосида баҳоланди. Танлов натижасига кўра, Ангрен шаҳридан иштирок этган Муқаддам Бекмуратова 1-ўринга, Паркент туманидан Нилуфар Алимова 2-ўринга, Зангиота туманидан Арофат Йўлдошева 3-ўринга лойиқ деб топилди. Тадбирда биринчиликни қўлга киритган Ангрен шаҳри қатнашчиси Муқаддам Бекмуратова танловнинг Республика босқичида иштирок этиш учун йўлланмани қўлга киритди. Танлов якунида иштирокчиларга Ўзбекистон “Адолат” СДП Тошкент вилояти Кенгашининг диплом, фахрий ёрлиқ ва эсдалик совғалари топширилди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!