ТОШКЕНТ вил.

Манзил: Тошкент шаҳар, Яккасарой тумани, Баходир кўчаси, 44-уй

Телефон:(71) 288-42-12

Электрон манзил:  adolat-tv@mail.ru

Янгиликлар
News

Партия ташаббуси: Чирчиқда фудзал бўйича мусобақа ўтказилди

Чирчиқ шаҳрида Ўзбекистон Республикаси Конституциясининг 26 йиллигига бағишлаб “Адолат — қонун устуворлигида” лойиҳаси доирасида Чирчиқ шаҳар жисмоний тарбия ва спорт бўлими, Тошкент вилояти Чирчиқ Давлат педагогика институти ва Ўзбекистон “Адолат” СДП Чирчиқ шаҳар Кенгаши ҳамкорликда спортнинг футзал туридан институт талабалари ўртасида мусобақа ташкил қилинди. Мусобақанинг тантанали очилиш маросимида Ўзбекистон “Адолат” СДП Чирчиқ шаҳар Кенгаши раиси Равшан Дастиров сўзга чиқди. Мусобақа иштирокчиларини Конституциямизнинг 26 йиллиги билан табриклаб, бошланаётган мусобақада ҳар бир жамоага чин дилдан омад тилади. Мамлакатнинг жаҳондаги нуфузи унинг заминида яратилган ва қурилган спорт иншоатлари ҳамда спортчиларнинг жаҳон спорт мусобақаларида қатнашиши, айни вақтда умумэътироф этилган халқаро меъёрларга нечоғлик амал қилиши, халқнинг турмуш даражаси билан белгиланади. Ёшлар ўртасида спорт мусобақалари тадбирларини олиб бориш аҳолининг соғлом турмуш тарзини шакллантиришда муҳим ўрин тутиб келмоқда. Мусобақанинг ғолиб ва совриндорлари Ўзбекистон “Адолат” СДП Чирчиқ шаҳар Кенгаши томонидан қимматбаҳо совғалар ва дипломлар билан тақдирланди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Донор қони – беморга малҳам

Куни кеча, 3 декабрь куни Ўзбекистон “Адолат” социал-демократик партияси Сиёсий Кенгаши ташаббуси билан Тошкент вилояти Кенгаши томонидан Ўзбекистон Республикаси Конституцияси қабул қилинганлигининг 26 йиллиги муносабати билан “Бор меҳримиз сенга, болажон” шиори остида беғараз донорлик акцияси Тошкент вилояти кўп тармоқли тиббиёт марказида ўтказилди. Бу шиор кўплаб инсонларни беминнат донорликка чорлайди. Соғлиқни сақлаш тизимини ислоҳ қилиш давлат сиёсатининг энг муҳим йўналишларидан биридир. Ислоҳотлар вилоят кўп тармоқли тиббиёт маркази ходимларига ҳам катта масъулият юклади. Қон касалликларини ўз вақтида аниқлаш, уларга замонавий кимёвий терапияларни ўтказилиши натижасида беморларга кўплаб қон ва қон маҳсулотларига зарурият сезилади. Ўзбекистон “Адолат” социал-демократик партияси сайловолди дастурида ҳам халқимиз саломатлигини асраш, тиббий хизмат сифатини яхшилаш бўйича бир қатор муҳим масалалар ўрин олган. Буни бажаришда давлат ҳамда нодавлат нотижорат ташкилотлари, жумладан, тиббиёт ходимлари, аҳоли ҳамда партиямиз ходимлари ўзларининг беғараз ёрдамлари билан фаол иштирок этдилар. Шу сабабли партия Ўзбекистон Республикаси Конституцияси қабул қилинганлигининг 26 йиллиги арафасида республикамизнинг барча ҳудудларида тиббий-ижтимоий кўмакка муҳтож болаларни қўллаб-қувватлаш, фуқароларни кўнгилли равишда қон топширишга чақириш орқали бемор болаларнинг ҳаётини сақлаб қолиш, жамиятда инсонпарварлик ва меҳр-оқибат ғояларини тарғиб қилишга қаратилган анъанавий хайрия акциясини ўтказди. Ўзбек халқига хос ана шундай саховат ва эзгулик ҳислатлари қанчадан-қанча инсонлар ҳаётини сақлаб қолишга хизмат қилмоқда, десак муболға бўлмайди. Акция доирасида 50 дан ортиқ фуқароларимиз қон топширдилар. Беморлар дардига малҳам бўлаётган дорнорларимиз сони кўпаяверсин! Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Тошкент вилоятида тиббий хизмат сифати қай даражада?

Ўзбекистон Республикаси Президентининг жорий йил 9 ноябрь куни бўлиб ўтган соғлиқни сақлаш тизимидаги ислоҳотлар самарадорлиги ва натижадорлигини муҳокама қилиш ҳамда мавжуд муаммоларни бартараф этишга бағишланган видеоселектор мажлисида қайд этилган масалалар ва тизимидаги ислоҳотларни янада жадаллаштириш ҳамда тиббий хизмат сифатини оширишга қаратилган Ҳаракатлар режаси — “Йўл харитаси” тасдиқланди ва унга муфовиқ Республика ишчи гуруҳи шакллантирилди. Тиббий-санитария ёрдам хизмати сифати ва самарадорлигини ошириш, муассасалар моддий-техника базасини янада мустаҳкамлаш, кадрлар таъминоти ҳамда салоҳиятини ошириш, санитар-эпидемиологик барқарорликни таъминлаш, хусусий секторни ривожлантириш чораларини белгилаш ишчи гуруҳининг асосий вазифаси этиб белгиланди. Олий Мажлис Қонунчилик палатаси депутатлари, Соғлиқни сақлаш вазирлиги ва бошқа бир қатор ташкилотлар мутасаддиларидан иборат Ишчи гуруҳи аъзолари ўтган давр мобайнида республикамизнинг бир қатор ҳудудларида ўрганиш ишларини олиб боришди. Ишчи гуруҳ аъзолари 1 декабрь куни Тошкент вилоятига ташриф буюришди. Ўрганишлар давомида соҳада олиб борилаётган ислоҳотларнинг натижаси ҳамда самарадорлигига алоҳида эътибор қаратишди. Тошкент вилоятида ихтисослаштирилган тиббий хизмат кўрсатишда кадрлар салоҳиятининг етарли эмаслиги, жорий қилиш мумкин бўлган даволаш усулларини тиббий асбоб-ускуналар етарли эмаслиги сабабли амалга оширилмаётганлиги учун Тошкент шаҳридаги республика ихтисослаштирилган марказларга ва бошқа муассасаларга 2018 йил давомида 5000 нафардан ортиқ бемор мурожаат қилганлиги аниқланди. Бугунги кунда Тошкент вилояти бўйича тез ёрдам шифокори, стоматолог, врач лаборант, УТТ врачи, хирург, неонотолог, педиатр, акушер-гинеколог, анестизиолог-реаниматолог каби тор мутахассисларга эҳтиёж мавжуд. Бундан ташқари вилоятда юздан ортиқ тиббиёт муассасалари таъмирталаб ҳолатда эканлиги ишчии гуруҳ аъзолари диққатини тортди. Ангрен шаҳри, Оққўрғон, Чиноз, Янгийўл ҳамда Ўртачирчиқ туманлараро ОИВ диагностика лаборатория биноларининг санитария-техник ҳолати, яъни ичимлик суви ва оқава сув қувурлари ҳамда иситиш тизимида носозликлар мавжудлиги аниқланди. Шунингдек, ташриф давомида Ишчи гуруҳ азолари Пискент, Бўка, Ўртачирчиқ, Янгийўл, Бекобод туманларидаги Тиббиёт бирлашмаларида бўлиб, беморлар, шифокор ва ҳамширалар билан суҳбатлашдилар. Мулоқот чоғида мазкур туманларда бир қатор камчиликлар мавжудлиги эътиборга олинди. Юзма-юз кечаётган мулоқотлар чоғида халқимизни қийнаётган муаммоларнинг бартараф этилиши унинг турмуш фаровонлигининг яхшиланиши омили бўлиши қайд этилди. Ишчи гуруҳ аъзолари аҳолига тиббий хизмат кўрсатиш борасидаги мавжуд муаммоларни батафсил ўрганиб чиқди. Уларни бартараф этиш юзасидан чора-тадбирлар белгиланиб, масалаларни ҳал этишда республика ва маҳаллий бюджетдан маблағлар ажратиш масаласини кўриб чиқишди. Ўрганишлар давом этмоқда.   Фотима САТТАРОВА Ўзбекистон “Адолат” СДП Тошкент вилояти Кенгаши матбуот котиби       ...

Батафсил
News

Саховатга йўғирилган эзгулик

Донорлик-беморларга ёрдам беришнинг, инсонларга яхшилик қилишнинг оддий усули. Ҳар куни минглаб инсонлар донор қонига муҳтож бўлади. Афсуски, қонни сунъий тарзда ишлаб чиқишнинг имкони йук. Унинг ягона манбаи беғараз донорлардир. Қалбида эзгуликлар билан яшайдиган инсон доимо яхшиликлар қилишга интилиб яшайди. Айниқса, қилаётган бу хайрли амалларимиз кимнингдир соғлиғини сақлашга, ҳаётини узайтиришга кўмак берса-чи? Ўйлаймизки, киши учун бундан ортиқ бахт топилмаса керак. Донорларни ана шундай беғараз ёрдам кўрсатувчи эзгу-ниятли инсонлар дейиш мумкин. Таъкидлаш жоизки, бугунги кунда мамлакатимизда беғараз донорлик ва уни ривожлантиришга катта эътибор қаратилмоқда. Айни кунларда Ўзбекистон “Адолат” социал-демократик партияси Сиёсий Кенгаши ташаббуси билан “Бор меҳримиз сенга болажон” шиори остида беғараз доноролик акцияси ўтказилиши олдидан тарғибот ишлари олиб борилмоқда. Мазкур лойиҳа доирасидаги тарғибот жараёни партиянинг Олмалик, Бекобод, Чирчик, Ангрен шахарлари, Бустонлик, Охангарон, Чиноз, Юқоричирчиқ туман Кенгашларида маҳаллалар, корхона ва ташкилотларда беғараз донорликнинг мазмун-моҳияти хақидаги тушунтириш ишлари, сайёр мулоқотлар уюштирилмоқда ҳамда тарғибот материаллари тарқатилмоқда. Биламизки, қон беғараз, ўз хоҳиш-иродаси билан келган донордангина олинади. Бундай саховатпеша кишилар ўзининг саломатлиги ҳамда турмуш тарзи ҳақида аниқ маълумот бера олади. Бу эса қоннинг хавфсизлигини таъминлашда ғоятда муҳимдир. Негаки, донор бўлишга аҳд қилган инсон маъсулиятни ўз бўйнига олади. Кечагина у фақат ўз соғлиғи учун жавоб берган бўлса, бугун у бошқаларнинг саломатлиги учун ҳам масъулдир.Маълумки, донорлар 18 дан 60 ёшгача бўлган соғлом инсонлар бўлиб, улар Республика Қон марказида тўрт босқичли тиббий текширувдан ўтказилиб, шифокор тавсиясига биноан, донорлик қилиши мумкин. Соғлом киши учун қон топшириш, албатта, хавфсиз ҳисобланади. Чунки одам организмида 4,5, 5 литр қон бўлиб, ундан 200 ёки 400 мл олинади ва организм 36 соат ичида топширилган қон миқдорини тиклаб олиш хусусиятига эга. Асосийси, артериал гипертония хасталигининг олдини олиш ва бартараф этиш, моддалар алмашинувини яхшилаш, шунингдек, иммун тизимини мустаҳкамлашда қон топширишнинг аҳамияти беқиёсдир. Қон топшириш инсоннинг инсонга ҳадя этган энг олий даражадаги совғасидир. Ҳаёт ҳадя этиш – савоб ишнинг энг олий ифодаси ҳам саналади. Шундай экан савоб ишни амалга оширишга кечикмайлик. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Электорат манфаатлари рўёбга чиқмоқда

Жойларда мавжуд муаммолар юзасидан фуқароларнинг мурожаатларини чуқур ўрганиш ва ҳал этишда партия депутатлари фаоллиги муҳим аҳамият касб этади. Халқ депутатлари Бекобод тумани Кенгашидаги Ўзбекистон “Адолат” СДП депутатлик гуруҳи аъзолари партия фаоллари билан ҳамжиҳатликда ишлаб, масалалар ечим топишида бир қатор натижаларга эришмоқда. Депутатлик гуруҳи аъзолари томонидан жорий йил давомида мутасадди ташкилотларга киритилган депутатлик сўровларининг асосий қисми ижтимоий масалалар ва коммунал соҳага доир муаммолар эканлиги бу борада депутатлар жиддий ўрганишлар олиб бориши зарурлигини ҳам англатади. Туман партия кенгашининг “Адолат қабулхонаси”га фуқаролардан келиб тушган мурожаатлар асосида мутасадди ташкилотлар билан ҳамкорликда амалий ишлар қилинди. Партия депутатларининг туман Бандликка кўмаклашиш маркази билан ҳамкорлиги натижасида фуқароларнинг мурожаати асосида вақтинча ишсиз бўлган ёшлар тумандаги қурилиш ташкилотларига ишга жойлаштирилди. Шу билан бирга, бандлик масаласида депутатлик гуруҳидан ёрдам сўраган ёш мутахассислардан Толибжон Деҳқонбоев, Дадахон Абдурасулов, Сайёра Қодирова, Дилфуза Усмонова айни пайтда туман “Баркамол авлод маркази”да фаолият олиб боришмоқда. Тумандаги “Гулистон” МФЙнинг “Навоий” кўчасида аҳоли ҳамда транспорт воситалари қатновида ноқулайликлар юзага келаётганлиги, чунки йўл таъмирталаб ҳолатга келиб қолганлиги юзасидан фуқаролардан мурожаатлар келиб тушди. Ушбу мурожаатлар асосида депутатлик гуруҳи аъзоси Зоҳида Сувонова томонидан туман йўллардан фойдаланиш унитар корхонасига депутатлик сўрови чиқарилди. Ҳамкорликдаги ўрганишлар натижасида ҳозирда ушбу йўл таъмирланмоқда. Шунингдек, “Навоий” кўчасида йўлнинг носозлигш, ёмғир сувлари чиқиб кетадиган ариқ йўқлиги туфайли ёғингарчилик пайтида сув тўпланиб, ноқулайликлар юзага келаётганидан фуқаролар шикоят қилишган эди. Депутат З.Сувонованинг “Йўл хўжалиги пудрат таъмирлаш” ташкилот раҳбарига ички йўллар ҳолатини яхшилаш бўйича юборган депутатлик сўрови асосида мазкур йўл четига лоток ётқизилди. Депутатлик гуруҳининг “Йўл хўжалиги пудрат таъмирлаш” ташкилоти раҳбарига ички йўллар ҳолатини яхшилаш бўйича юборган яна бир депутатлик сўрови ҳам ижобий ечим топди. Яъни “Истиқлол” маҳалласининг “Мустақиллик” кўчасидаги пиёдалар йўлаги таъмирланиб, бетон йўлак ётқизилди. Мазкур йўл ўртасига бетон тўсиқ қурилиб, йўл четига светофор ва чиқинди челаклари ўрнатилди. Ҳозирда ёритқичлар учун устунлар ўрнатилмоқда. Шунингдек, ушбу йўл четида автомобиллар учун тўхташ жойи ажратилиб, транспорт воситалари ва аҳолига қулайликлар яратилди. Савдо шохобчаси йўқлиги боис аҳоли йўл четида савдо-сотиқ қилишарди. Эндиликда “Мустақиллик” кўчасининг атрофи обод этилиб, янги савдо расталари барпо этилди. Депутатлик гуруҳининг яна бир аъзоси Ибодат Ўтамбоева ҳам сайловчиларнинг таклиф ва мурожаатлари билан ишлашга масъулият билан ёндашади, у ёки бу ташкилот раҳбарига киритган депутатлик сўрови юзасидан назоратни сусайтирмайди. Очиғини айтганда, кутилган натижага эришгунча баъзан бир неча бор мутасадди раҳбарлар билан масала юзасидан фикрлашишга тўғри келади. Сайловчини эса аниқ натижа кўпроқ қизиқтиради. “Ўрикзор” маҳалласининг “Янгиобод” ва “Ўрикзор” кўчаларида таъмирлаш ишлари олиб бориш зарурлиги хусусида туман “Йўл хўжалиги пудрат таъмирлаш” корхонаси бошлиғи А.Ҳусановга депутатлик сўрови чиқарилган эди. Бу борада депутат бир неча бор назорат ишлари олиб борди ва ниҳоят мазкур кўчаларда таъмирлаш ишлари бошланиб, аҳоли ўз мурожаати ижобий ҳал этилаётганидан мамнун бўлмоқда. Партия депутатларининг ушбу маҳалла аҳли билан мулоқоти чоғида “Янгиобод” ва “Олмазор” кўчаларидаги хонадонларда тоза ичимлик суви муаммо бўлаётгани ҳақида баён этишди. Тошкент вилояти “Сув-оқава” ДУК раҳбари Н.Аминовга депутатлик сўрови киритилди ва “Янгиобод” кўчасидаги хонадонлар тоза ичимлик суви билан таъминланди. “Олмазор” кўчасида эса аниқ манзилли дастур бўйича насос агрегатлар келтирилиб, таъмирлаш ишлари давом этмоқда. “Ўринтой” маҳалласида истиқомат қилувчи 1977 йилда туғилган II гуруҳ ногирони Шарофат Пардаева ногиронлик аравачаси яроқсиз ҳолатда эканини айтиб, амалий ёрдам сўради. Республика ногиронлар жамияти туман бўлинмасига депутатлик сўрови чиқарилгач, фуқаро Ш.Пардаева ногиронлик аравачаси билан таъминланди. Ҳудудда ижтимоий-иқтисодий соҳаларда, аҳолининг ҳаёт даражаси ва сифатини яхшилаш борасида ечимини кутаётган масалаларни ўрганиб, халқ депутатлари туман Кенгашининг тегишли доимий комиссиялари муҳокамасига киритиш ҳам партия депутатларининг диққат марказида бўлиб келмоқда. Хусусан, жорий йилда аниқ фанлар бўйича ихтисослаштирилган мактаб ташкил этиш, тадбиркорлик фаолияти билан шуғулланиш истагида бўлган ёшларга кредитлар бериш, жойларда чиқинди тўплаш шохобчалари ишини яхшилаш, чиқиндилар учун контейнерлар қўйишга доир масалалар тегишли доимий комиссияларда кўриб чиқилди ва қарорлар қабул қилинди. Шунингдек, халқ депутатлари туман Кенгашининг доимий комиссиялари йиғилишида депутатлик гуруҳининг ташаббуси билан туман молия бўлими, ИИБ, прокуратура, жиноят ишлари бўйича туман суди раҳбар ходимларининг эшитувлари ўтказилди. Депутатларнинг мулоҳаза ва таклифлари ўртага ташланиб, ҳамкорликда ҳал этиладиган амалий ишлар хусусида фикрлашиб олинди. Фотима САТТОРОВА, Ўзбекистон “Адолат” СДП Тошкент вилояти кенгаши матбуот котиби ...

Батафсил
News

Экстремизмга қарши курашишга барчамиз бирдек масъулмиз

Куни кеча Ўзбекистон “Адолат” СДП Тошкент вилояти Кенгаши ташаббуси билан Бўстонлиқ тумани Ғазалкент ўқув спорт техника клубида “Экстремизмга йўл йук” мавзусида давра суҳбати ўтказилди. Унда Халқ депутатлари Бўстонлиқ тумани Кенгаши депутатлари, туман “Оила” илмий-амалий тадқиқот маркази вакиллари, туман ИИБ профилактика инспектори ходимлари, Ғазалкент ўқув спорт техника клуби педагог-ўқитувчилари, ўқувчи-ёшлари, тумандаги фаол ёшлар, партия фаоллари ҳамда маҳаллий ОАВ вакиллари иштирок этишди. Тадбирдан кўзланган мақсад Ўзбекистон “Адолат” СДПнинг сайловолди дастурида белгиланган мақсад-вазифаларни амалга ошириш, бугунги кунга келиб, экстремистик оқимлар ва террористик гуруҳларлар ўз сафларини кенгайтириш мақсадида турли усулларни қўллаб, жумладан, улар кўпинча ҳали мафкуравий жиҳатдан тўлик шаклланмаган ёшларга диний таълим бериш ниқоби остида, ҳар-хил алдов йўллари билан ўзларининг қўпорувчилик ғояларини сингдириб, кейинчалик давлатимизда нотинч вазиятни юзага келтириш орқали, ўзларининг диний давлат қуришга бўлган уринишларини амалга оширишда фойдаланишга ҳаракат килаётган ғаразли мақсадларини ёшлар онгига сингдириш уларни турли хил ёт ғояларга қарши курашишда мафкуравий иммунитетини кучайтиришдан иборат. Тадбирни Бўстонлиқ тумани Кенгаши раиси Акром Сайдалиев очиб берар экан, халкимиз, айникса ёшларимиз онгига таҳдид солишга ҳаракат килаётган мазкур окимларнинг таъсирига тушиб колмаслик учун маънавий салоҳиятимиз етук бўлиши, ҳар биримиз доимо огоҳ бўлишимиз, юрт тинчлиги, халқ фаровонлиги йўлида ўз ҳиссамизни қўшишимиз лозим эканлигини таъкидлади. Шунингдек, экстремизм мазмунига кўра диний ва дунёвий, намоён бўлишига кўра, ҳудудий, минтақавий ва халқаро шаклларга бўлиниши, экстремистик карашлар жуда чукур илдизларга эга бўлиб, ҳеч қачон чегара билмаган, дин, миллат, ҳудудни тан олмаганлиги, унинг сиёсий иқтисодий ва мафкуравий кўринишлари мавжуд бўлгани ҳолда, у барча динлар доирасида ривожланганлиги қайд этилди. Рисқали Зокиржонов, туман Ички Ишлар бўлими 113-сонли таянч пункти профилактика инспектори, лейтенант: — Президентимиз томонидан жорий йилнинг 19 сентябрь куни қабул қилинган “Террористик, экстремистик ёки бошқа тақиқланган ташкилот ва гурухлар таркибига адашиб кириб қолган Ўзбекистон Республикаси фуқароларини жиноий жавобгарликдан озод этиш тартибини такомиллаштириш тўгрисида”ги Фармони том маънода тарихий ҳужжат бўлди. Ушбу Фармоннинг мазмун мохиятидан келиб чикадиган булсак, мамлакатимизда олиб борилаётган сиёсатнинг тўлаконли адолатпарварлик, инсонпарварлик принципларига асосланган, диний бағрикенглик ва виждон эркинлигини таъминлашга, шунингдек, ёшларни террористик, экстремистик ва бошқа бузғунчи ғоялар таъсиридан самарали ҳимоя қилишга қаратилганлиги, бунинг заминида эса жамиятда ижтимоий-маънавий муҳитни соғломлаштириш бўйича кенг кўламли чора-тадбирлар амалга оширилаётганлигига амин бўламиз. Шу билан бирга, аҳолининг ҳуқуқий онги ва ҳуқуқий маданиятини юксалтириш, экстремистик ҳаракатларнинг ўз вақтида олдини олиш, аниқлаш ва уларга чек қўйишга, шунингдек, жавобгарликнинг муқаррарлиги принципини таъминлаш ҳамда умумэътироф этилган халқаро нормалар ва стандартларни амалга оширишга кўмаклашади. Ўзбекистоннинг барча фуқаролари, шу жумладан бўлажак мутахассис ёшларимизнинг экстремистик ва террористик ташкилотлар томонидан тинч ҳаётимизнинг омили бўлган хавфсизликка солинаётган таҳдиднинг юзага келиши сабаблари тўғрисида аниқ маълумотга эга бўлишлари шунингдек, мамлакатимизда соғлом ва баркамол авлодни турли хил ёт ғояларга қарши курашда мафкуравий иммунитетини кучайтиришдан иборатлиги чуқур эътироф этиб ўтилди. Ўйлаймизки, мамлакатимизда ижтимоий–сиёсий барқарорликни, хавфсизликни таъминлашда ва мутаассиб ғояларга қарши фуқароларда мафкуравий иммунитетни шакллантиришда дин соҳасидаги чуқур илмийликка, демократик тамойилларга асосланган давлат сиёсатининг кенг қамровли роли янада кучайиб боради. Шубҳасиз бу жараён халқимизнинг келажакка бўлган ишончини, эътиқодини, ўзи танлаб олган демократик тараққиёт йўлида ташлаётган ҳар бир қадамини мустаҳкамлашга самарали таъсир этади. Хулоса қилиб айтганда, жаҳонда жумладан, Марказий Осиёдаги халқларнинг мустақиллиги, эркинлиги урф-одатлари ва бойликларига таҳдид соладиган ва ўз манфаатлари йўлида ҳеч нарсадан қайтмайдиган ғайри инсоний кучлар мавжуд экан, бугунги кунда вояга етаётган фарзандларимиз-ёшларни кучли мафкуравий иммунитетга эга шахс сифатида тарбиялаш энг долзарб вазифалардан бири бўлиб қолаверади. Қизғин суҳбат ва баҳсга бой ўтган ушбу амалий учрашув якунида қатнашганлар ўзларини қизиқтирган саволларга соҳа мутахассисларидан атрофлича жавоб олишди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Сиёсий ўқувларда ҳафталик янгиликлар етказилди

Мамлакатимизда олиб борилаётган ислоҳотларнинг сифати ва самараси кўп жиҳатдан фуқароларимизнинг ижтимоий – сиёсий ва ҳуқуқий билимлари даражаси ҳамда уларнинг ушбу жараёнлардаги иштироки ва фаоллигига боғлиқдир. Ўзбекистон “Адолат” СДП Тошкент вилояти шаҳар ва туман кенгашларида сиёсий ўқувларнинг янада самарали ўтказилишини таъминлаш, партия ходимларининг мамлакатимизда амалга оширилаётган демократик ислоҳотлар тўғрисидаги билимларини мустаҳкамлаш ҳамда касбий кўникмаларини мунтазам ошириб бориш орқали партия фаолиятини тубдан яхшилаш мақсадида йил давомида сиёсий-маърифий ўқувлар ўтказиб келинмоқда. “Сиёсий-ҳуқуқий билимларни мустаҳкамлаш — демократик жамият пойдевори” лойиҳаси доирасида МФЙларида мамлакатимизда қабул қилинган қонун ҳужжатларининг мазмун-моҳиятини тушунтириш, аҳолининг ҳуқуқий онги ва маданиятини оширишга қаратилган сиёсий-ҳуқуқий ўқувлар ташкил этиб келинмоқда. Шундай сиёсий ўқувларнинг навбатдагиси ўтган ҳафта давомида партиянинг Ангрен, Бекобод, Олмалик, Олмалиқ шаҳар, Бўстонлиқ, Оққўрғон, Оҳангарон, Пискент, Паркент, Чиноз, Юқоричирчиқ туман Кенгаши раислари бошчилигида туман маҳаллаларида бўлиб ўтди. Унда маҳалла раислари ва фаоллари кенг жамоатчилик иштирок этди. Сиёсий ўқувда Ўзбекистон Республикаси Президенти томонидан қуйидаги фармон ва қарорлар моҳиятига эътибор қаратилди. Жумладан, “Халқаро ҳунармандчилик фестивалини ўтказиш тўғрисида”, “Балиқчилик соҳасини янада ривожлантиришга доир қўшимча чора-тадбирлар тўғрисида", “Жиноят-ижроия қонунчилигини тубдан такомиллаштириш чора-тадбирлари тўғрисида”, “Ўзбекистон Республикаси Марказий сайлов комиссияси фаолиятини такомиллаштириш бўйича ташкилий чора-тадбирлар тўғрисида”, “Республика ҳудудида хорижий малакали мутахассисларнинг меҳнат фаолияти учун қулай шарт-шароитлар яратиш бўйича чора-тадбирлар тўғрисида” ги қарорлари, шунгингдек, Ўзбекистон Республикаси Президенти Шавкат Мирзиёев раислигида 9 ноябрь куни соғлиқни сақлаш тизимини ривожлантириш, ҳудудлар аҳолисини сифатли тиббий хизмат билан қамраб олиш, тиббиёт муассасалари моддий-техник базасини мустаҳкамлаш борасидаги ислоҳотлар натижаларини таҳлил қилиш ва истиқболдаги устувор вазифаларни белгилашга бағишланган видеоселектор йиғилишида муҳокама қилинган масалалар ва уларнинг мазмун-моҳияти билан таништирилди. Ойбек Абдушукуров, Бекобод шаҳар Кенгаши раиси: — Дунёда содир бўлаётган воқеа-ҳодисалар, юртимизда амалга оширилаётган ислоҳотлар, Президентимиз олиб бораётган сиёсий, иқтисодий, ижтимоий ва маънавий соҳалардаги ислоҳотларнинг аҳамиятлилик даражаси партия ходимлари ва фаоллари олдидаги масъулиятини янада кучлирок оширади. Дунёда ғоявий таҳдид ва ахборот хуружлари кучайиб, одамлар онги ҳамда қалбини эгаллаш йўлидаги кураш тобора кескинлашиб бораётган бугунги кунда аҳоли орасида тарғибот-ташвиқот ишларини самарали олиб боришни ҳаётнинг ўзи талаб қилмоқда. Шу жиҳатдан олиб қарасак, сиёсий ўқувлар таъсирчанлигини оширишга алоҳида эътибор қаратишимиз керак бўлади. Фотима САТТАРОВА , Ўзбекистон “Адолат” СДП Тошкент вилояти Кенгаши матбуот котиби ...

Батафсил
News

Фаоллик ва масъулият оширилмоқда

Ўзбекистон “Адолат” социал-демократик партияси Тошкент вилоят Кенгаши томонидан “Партия сайловолди дастурида белгиланган вазифаларни амалга оширишда депутатлик гуруҳларининг ўрни” мавзусида амалий семинар ўтказилди. Унда партиянинг вилоят Кенгаши ходимлари, туман, шаҳар Кенгашлари раислари, ижрочи котиб-мутахассислари, Халқ депутатлари Тошкент вилояти, шаҳар ва туман Кенгаши депутатлари, партия фаоллари, ОАВ вакиллари иштирок этди. Тадбирни кириш сўзи билан партия вилоят Кенгаши раиси Умид Шоумаров очиб берди. Кириш сўзида партия сайловолди дастурида белгиланган вазифаларни, партия лойиҳаларини тизимли равишда амалга оширишда халқнинг ишончли вакиллари бўлган депутатлар ва депутатлик гуруҳларининг ўз ўрни ва масъулияти муҳим ва зарур эканлиги таъкидланди. Семинарда сўзга чиққан Халқ депутатлари Тошкент вилояти Кенгаши депутати Зарифа Эралиева партиянинг “Адолат — қонун устуворлигида” лойиҳаси доирасида Ўзбекистон “Адолат” СДП Тошкент вилоят Кенгашининг 18 та туман Кенгашларида маҳаллий Кенгаш депутатлари, партия ходимлари ва фаолларидан иборат ишчи гуруҳлар томонидан жорий йил мобайнида жами 375 та Маҳалла фуқаролар йиғинларида аҳоли билан юзма-юз мулоқотлар ва ўрганиш ишлари олиб борилиб, 5835 та хонадон аҳволи ҳамда 120 та хўжалик юритувчи субъектлар фаолияти атрофлича ўрганилиб, 564 нафар фуқародан турли-хил мурожаатлар тушиб, улардан 185 таси жойида ҳал этилганлиги тўғрисидаги маълумотларни қайд этиб ўтди. Шунингдек, семинарда депутатлик гуруҳи аъзолари томонидан фуқаролардан тушаётган мурожаатлар ўрганиб чиқилиб, тегишли ташкилотлар билан ҳамкорликда ҳал этилаётган муаммоларнинг натижалари хусусида сўз борди. Семинарда фуқаролик жамияти шаклланишини мониторинг қилиш мустақил институти Тошкент вилояти ҳудудий бўлинмаси бошлиқ ўринбосари Саиджасур Саидқодировнинг “Фуқаролик жамияти шаклланишида сиёсий партияларнинг роли” мавзусида маъруза қилди. У ўз нутқида мамлакатимизда сиёсий партиялар фаолиятини эркинлаштиришга доир ислоҳотлар натижасида сиёсий партияларнинг давлат ва жамият ҳаётидаги ўрни ва аҳамияти босқичма-босқич кучайтирилиб, унинг ҳуқуқий асослари мустаҳкамланиб борилаётганлигига тўхталиб ўтди. Айнан кўппартиявийлик туфайли демократиянинг сиёсий плюрализм, қонун устуворлиги, имкониятлар тенглиги каби тамойилларини ўзида мужассам этган сиёсий партиялар ва уларнинг вакиллари ўртасида доимий мулоқотлар адолатли барқарорликни таъминловчи йўл эканлигига эътибор қаратилди. Семинарда олиб борилаётган ислоҳотларнинг муваффақияти авваламбор, мамлакатимизни янада демократлаштириш ва либераллаштириш йўлидаги саъй-ҳаракатларимиз суръатларига, фуқароларимизнинг ижтимоий-сиёсий фаоллигига, уларнинг сиёсий-ҳуқуқий маданиятининг юксаклигига ва ўз-ўзидан аёнки, биринчи навбатда, сиёсий партияларнинг етуклик даражасига, уларнинг Ўзбекистонимиз тақдири ва келажагига дахлдор бундай улкан масъулиятли ваколатларни ўз зиммасига олишга қай даражада тайёр эканига бевосита боғлиқ эканлиги хақида сўз юритилди. Қизғин суҳбат ва баҳсга бой ўтган ушбу тадбир сўнггида депутат ва партия фаоллари томонидан мавзуга доир фикр ва мулоҳазалар эшитилди. Фотима САТТАРОВА, Ўзбекистон “Адолат” СДП Тошкент вилояти Кенгаши матбуот котиби ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!