САМАРКАНД

Манзил: Самарқанд шаҳар, Мирзо Улуғбек кўчаси, 42-уй

Телефон: (66) 233-48-77

Электрон манзил:  sam_adolat.uz@mail.ru

Янгиликлар
News

Менда таклиф бор: Хайрия акциялари ташкил қилайлик!

Бугунги кунда жуда кўплаб фуқаролар ижтимоий тармоқларда даволаниш ёки чет давлатда бўладиган операциялар учун моддий маблағ сўраб мурожаат қилмоқда. Шу боисдан хайрия акциялари ташкил қилиниб, шундан тушадиган маблағларни вилоят, туман ва шаҳарларда фонд ташкил қилинса ва айнан юқоридаги кўзланган мақсадлар учун сарфланишини йўлга қўйши лозим, деб ҳисоблайман. Баъзан керакли пул йиғилгунча вақт етишмаслиги мумкин. Шошилинч ҳолатларда, агар бу тизим йўлга қўйилса, моддий кўмакка муҳтож бўлган, ҳаёти шунга боғлиқ бўлиб қолган кўплаб кишиларга енгиллик яратилган бўлар эди. Эътибор берсангиз, бугунги кунда гавжум жойларда, чорраҳаларда овқатланиш ёки бирон хизматни таклиф этадиган визит карталари берилади ва доимий мижозлар учун чегирмалар борлиги маълум қилинади. Лекин  нега янги чиққан қарор ёки фармонларни фуқароларга тарқатиш ташкил қилинмайди? Агар биз янги қабул қилинган қонун ҳужжатларини аҳоли учун тушунарли тилда, мисоллар орқали, изоҳлар берилган ҳолда аҳолига тақдим этишни йўлга қўйсак, аҳолининг сиёсий, ҳуқуқий саводхонлигини оширишга хизмат қилиши шубҳасиз. Бунда бизнинг партиямиз фаол бўлишини хоҳлардим.   Обид САТТОРОВ, Халқ депутатлари Булунғур туман Кенгаши депутати Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Менда таклиф бор: Экологик муаммоларга янги чоралар зарур

Бугун жамиятнинг барча соҳаларида эътироф этишга арзигулик ўзгаришлар кечмоқда. Ўзбекистон “Адолат” социал-демократик партияси ҳам сиёсий майдонда ўзининг мустаҳкам ўрнига эга бўлиш учун, энг аввало мамлакатимизнинг келажакдаги ҳолати бўйича ривожланиш лойиҳаларига эга бўлиши ҳамда уларни амалга ошириш учун аниқ, асосланган таклифлар тақдим эта олиши зарур. Инсонлар орасида яшаш ва меҳнат қилиш учун муносиб шароитларни нафақат бугунги кун талаби билан, балки кейинги даврларда қандай бўлиши лозимлиги юзасидан узоқни кўзлаган, аниқ таклифлар ишлаб чиқиш лозим. Масалан, кўпгина ривожланган давлатларда устоз ва мураббийлар мақоми, маоши юқорилиги, улар нафақага чиққанидан сўнг ҳам жамиятда энг эъзозли ва ҳурматли кишилар бўлиши ҳақида эшитдим. Биз ҳам ўқитувчиларни шу мақомга кўтара олсакгина, таълим сифати ҳақида сўз юритсак бўлади. Яна бир муҳим масала, бу экология муаммоси. Бугун чекка ҳудудларда иссиқлик таъминоти учун дарахтар кесилиб кетилаётгани, табиий газ, кўмир, ичимлик суви, электр энергияси масалалари, ҳозирда мавжуд ва кейинчалик бўй кўрсатиш эҳтимоли бўлган экологик муаммоларни бартараф этиш бўйича таклифлар, аниқ режалар ишлаб чиқиш бугунги кун талабидир. Шунингдек, жамиятда ижтимоий адолатни таъминлашнинг яна бир шарти жамоатчилик назоратини усуллари ва янги йўлларини кўчайтиришга эътибор қаратиш лозим. Чунки, кучли сиёсат билимдонлари, салоҳиятли кадрларга эга, ижтимоий тармоқларда ўз мустақил фикри ва мустаҳкам ўрнига бўлган сиёсий кучнинг тарафдорлари, қуллаб-қувватловчилари сони ҳам ортиб бораверади. Муҳиба БАБАБЕКОВА, Ўзбекистон “Адолат” СДП Самарқанд вилоят Кенгаши раиси ...

Батафсил
News

Самарқандликлар саломатлик йўлида бирлашди

Ўзбекистон “Адолат” социал-демократик партияси Самарқанд вилоят Кенгаши ташаббуси билан туман ва шаҳарларда аҳоли хонадонларига ташриф буюриб, фуқароларни тиббий кўрикдан ўтказиш ишлари айни пайтда қизғин давом этмоқда. Куни кеча Самарқанд туманидаги “Юқори Қайнама” маҳалла фуқаролар йиғинида туман тиббиёт бирлашмаси ҳамкорлигида партиянинг “Саломатлик йўлида бирлашайлик” лойиҳаси доирасида фуқароларни чуқурлаштирилган тиббий кўрикдан ўтказилиши ҳам айни шу мақсадларга қаратилган.   Тиббий кўрикда партия фаоллари, туман Кенгаши депутатлари, Олий Мажлис Қонунчилик палатаси депутатлигига заҳирага олинган номзодлар, туман тиббиёт бирлашмасининг лор, хирург, кардиолог, невропатолог, терапевт шифокорлари иштирок этишди. Фуқароларга соғлом турмуш кечириш, саломатликни асраш борасида ўзларининг қимматли маслаҳатларини беришди.  Мадина Баратова, туман Кенгаши депутати: – Бу каби хайрли,  аҳоли саломатлигини мустаҳкамлашдек шарафли ишдан кўзланган мақсад аҳоли саломатлигини асраш, оилаларда соғлом турмуш тарзини юксалтириш, бирламчи касалликларни ўз вақтида аниқлаб, соғломлаштириш дастурларини амалга оширишдан иборат. Шу билан бир қаторда, аҳоли орасида давлатимизнинг бугунги кун ислоҳотлари ҳамда партиямиз олдига қўйган мақсад ва вазифалари юзасидан тарғибот ишлари ҳам олиб борилмоқда. Бу эса партиямиз дастурий ғояларининг ҳаётбахшлигини тарғиб қилишга хизмат қилиши шубҳасиз. Асқар ХОЛИҚОВ, Ўзбекистон “Адолат” СДП самарқанд вилоят Кенгаши раиси ўринбосари Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Кадрлар тайёрлашнинг бирламчи бўғини

Ватанимиз келажагини ҳар томонлама уйғун ривожланган, баркамол, ёшлар қўлида деб ҳисоблайдиган “Адолат” социал-демократик партияси ёш авлод камолоти йўлида мамлакатимизда олиб борилаётган ислоҳатларга камарбаста бўлиш мақсадида мактабгача таълим муассасаларида “Шахмат ва шашка майдончалари” ташкил этиш ишларини олиб бормоқда. Куни кеча Ўзбекистон “Адолат” СДП Самарқанд шаҳар Кенгаши томонидан партиянинг “Мактабгача таълим – кадрлар тайёрлашнинг бирламчи бўғини” лойиҳаси доирасида ҳар томонлама соғлом ва баркамол авлодни вояга етказиш, уларни ёшлигидан спортга кенг жалб этиш мақсадида Самарқанд шаҳридаги 33-сонли мактабгача таълим муассасада шахмат ва шашка майдончаси ишга туширилди. Аллақачон болажонларнинг севимли машғулот майдонига айланиб улгарган майдончадан болажонлар шашкани моҳирлик билан ўйнашлари барчага илиқ кайфият бағишлади. Самарқанд шаҳар мактабгача таълим бўлими билан ҳамкорликда бошқа мактабгача таълим муассасалирда ҳам шашка ва шахмат майдончаларини ташкил этиш борасида келишиб олинди. Зеро, ақл гимнастикаси ҳисобланган шахмат ва шашка ўйинлари инсонларнинг бўш вақтини мазмунли ўтказишга хизмат қилиши билан бир қаторда ақлини чархлайди, интеллектуал сало­ҳиятини, фикрлаш қобилиятини ҳам ривожлантиради. Айниқса ёш болаларни бу ўйинлар билан машғул бўлииши унда бир қатор ижобий фазилатлар, хусусан, диққатни жамлаш, мустақил қарорлар қабул қилиш, режа тузиш, вазиятни таҳлил қилиш, масъулиятли бўлиб шаклланишларига хизмат қилади. Жамшид НОРБОБОЕВ, Ўзбекистон “Адолат” СДП Самарқанд шаҳар Кенгаши раиси Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Кам таъминланган оилалар учун арзонлаштирилган уйлар қурилмоқда

Самарқанд вилоятида аҳолининг кам таъминланган, ижтимоий ҳимояга муҳтож қатлами учун арзонлаштирилган уйлар қуриш тезкорлик билан, энг асосийси сифатли амалга оширилмоқда. “Қишлоққурилишинвест”нинг вилоят бўлимидан олинган маълумотга кўра, ҳозир туманларда 1690 та хонадонга мўлжалланган ана шундай кўркам тураржойлар барпо этилмоқда. Юқори касбий тайёргарликка ва моддий-техник базага эга бўлган 80 дан ортиқ қурилиш ташкилотларининг бунёдкорлари бу муҳим вазифани сидқидилдан адо этмоқдалар. “Бунёдкор Самарқанд” хусусий қурилиш корхонаси ана шундай ишчан, ҳозиржавоб меҳнат жамоаларидан бири саналади. Ўтган уч йил давомида вилоятнинг турли қишлоқларида етмишдан ортиқ уй-жой биноларини қурган ва кўплаб оилаларнинг эътирофига сазовор бўлган мазкур жамоа ҳозир Самарқанд туманидаги “Паррандачилик” маҳалласида 48 хонадонга мўлжалланган 2 та тўрт қаватли уй қурилишини ниҳоясига етказмоқда. — Биз барпо этаётган уйлар тижорат йўли билан қурилаётган уйлардан деярли икки баробар арзон, — дейди “Бунёдкор Самарқанд” корхонаси раҳбари Шуҳрат Маматқулов. — Кўчиб кирмоқчи бўлган оилаларга ҳамма шароитни муҳайё қилиб, уйларнинг калитини топширамиз. Оила янги уйда дастурхон атрофида жамулжам бўлиб ўтирганини кўрсак, ўзимиз ҳам хурсанд бўлиб кетамиз. Қурувчилик касбининг масъулияти ва ана шундай қувончли дамлари бизга фахр-ифтихор бағишлайди. Зоҳир ТЎРАҚУЛОВ, “Adolat” мухбири Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

МЕНДА ТАКЛИФ БОР: Мактабгача таълим муассасалари чет тилларига ихтисослаштирилса...

Мутахассисларнинг таъкидлашича, инсон умри давомидаги барча ахборот ва маълумотнинг 70 фоизини 5 ёшгача бўлган даврда олади. Шундай экан, келажагимиз бунёдкорларининг эртанги камолоти уларни болалигидан соғлом ва билимдон, мустақил фикрлайдиган, қатъиятли қилиб вояга етказишда мактабгача таълимнинг ўрни катта. Шунинг учун ҳам мен таклифимни мактабгача таълим муассасалари фаолияти юзасидан билдирмоқчи эдим. Биринчидан – давлат мактабгача таълим муассасаларини чет тилларига ихтисослаштириш. Тўғри, нодавлат мактабгача таълим муассасаларида чет тиллари чуқурлаштирилган тарзда ўтилади, аммо, улардаги тўлов суммасини ҳар кимнинг ҳам чўнтаги кўтара олмаслиги бор ҳақиқат. Иккинчидан – мактабгача таълим муассасалари, мактаблар учун автобуслар ажратиш. Чет давлатларда болалар мактаб автобусларида қатнаш тизими йўлга қўйилган. Бундан ташқари, миллий қадрятларимиз руҳида тарбиялаш мақсадида тарихий обидаларимизга экскурсиялар уюштириш болаларда ватанпарварлик, юртга муҳаббат, садоқат ғояларини шаклланишида муҳим аҳамият касб этади.   Учинчидан - хотин-қизлар бандлигини таъминлаш мақсадида уй меҳнати билан банд бўлган (чорва, қайта ишлаш, сабзавотлар етиштириш ва ҳоказо) хотин-қизларга меҳнат дафтарчаси очиб, улар меҳнатини қонунийлаштириш. Тўртинчидан - хотин-қизларни спортга жалб қилиш, уларга соғлом турмуш тарзини олиб боришлари учун, улар фаолият юритаёган барча корхона ва ташкилотларда спорт билан шуғулланишлари учун шароитлар яратиш. Бешинчидан – чекка ҳудудларда фаолият юритаётган раҳбар аёллар учун ҳудуд талабларидан келиб чиққан ҳолда Президент академиясида имтиёзли квоталар ажратишни йўлга қўйиш лозим, деб ҳисоблайман. Насибали ОБЛОҚУЛОВА, Ўзбекистон “Адолат” СДП Булунғур туман Кенгаши раиси Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

МЕНДА ТАКЛИФ БОР: Бекатларда кутубхона бўлса...

Айни кунларда Ўзбекистон “Адолат” СДПнинг сиёсий дастури партия фаоллари иштирокида кенг муҳокамалардан ўтказилмоқда. Муҳокамалар қизғин фикр-мулоҳаза ҳамда таклифларга бой бўлмоқда. Мен ҳам партиянинг Жомбой туман Кенгаши раиси сифатида Ўзбекистон “Адолат” СДПнинг сиёсий майдонда муносиб ўрин эгаллаши, электорат ишончини оқлаши йўлида амалга ошираётган ишларига таклифларим бор. Биринчидан – таълим соҳасига катта эътибор қаратиш. Маълумки, жорий йилдан бошлаб олий таълим муассасаларига қабул квоталари оширилди, жамиятда талаб катта бўлган йўналишларда сиртқи ва кечки таълим олиш имконияти яратилди. Бу албатта яхши, кадрлар етишмовчилигига барҳам берилади, таклиф кўп бўлганидан сўнг рақобат ҳам пайдо бўлади, кадрлар сифати яхшиланади. Яқинда ижтимоий тармоқда ўқиб қолдим, баъзи ривожланган давлатлар тажрибасида олийгоҳ битирувчилари жамият ривожи учун наф келтирадиган соҳада янгилик яратмагунларича диплом берилмас экан. Бизда ҳам шу тизим йўлга қўйилса, мамлакатимиз ривожига ҳисса қўшадиган инновациялар, қанчадан қанча ихтиролар яратилади. Зеро, Давлатимиз раҳбари таъкидлаганидек, “Инновация бўлмас экан, ҳеч бир соҳада рақобат, ривожланиш бўлмайди. Бу соҳадаги ўзгаришларни халқимизга кенг тарғиб қилмасак, одамларда кўникма пайдо қилмасак, бугунги давр шиддати, фан-техниканинг мислсиз ютуқлари билан ҳамқадам бўлолмаймиз”.  Иккинчидан – шиддат билан ривожланаётган бугунги кунда экологик тоза озиқ-овқат маҳсулотларига талаб кундан кун ортиб бормоқда. Партия дастурида экологик тоза озиқланиш тўғрисида ҳам вазифалар белгиланиши керак, деб ҳисоблайман. Учинчидан – партия сиёсий майдонда ўзининг муносиб ўрнига эга бўлиши учун мамлакатимизнинг 30-50 йиллик ривожланиш дастурлари режасига эга бўлиши зарур. Тўртинчидан – бугунги кунда аҳолига қўлайлик яратиш мақсадида йўлларимиз бўйлаб кўплаб замонавий бекатлар фойдаланиш учун топширилмоқда. Аммо бу бекатларда асосан салқин ичимликлар ёки егуликлар савдоси олиб борилади. Шоҳ бекатларда китобхоналар ташкил этишни мажбурий этиб белгилаш, китобхонларга қаҳфа ёки чой улашишни йўлга қўйиш лозим, деб ҳисоблайман. Ана шунда аҳолини китобхонлик маданияти ошишига, маънавий дунёқараши юксалишига ўз ҳиссамизни қўшган бўламиз. Комила УМАРОВА, партия фаоли Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

МЕНДА ТАКЛИФ БОР: Бир нечта ҳудудлар учун ягона газета ташкил қилиниши керак

Мамлакатимизда халқ билан очиқ мулоқот ўрнатиш, одамларни ўйлантираётган масалаларга ўз вақтида ечим топиш, ОАВни чинакам эркин фикр минбарига айлантириш масаласи энг устувор вазифага айланиб улгурди. Бунинг натижаси ўлароқ жамиятда сўз эркинлигини таъминлаш, оммавий ахборот воситаларининг ролини ошириш бўйича сезиларли ишлар амалга оширилган бўлса-да, фаолиятини янада ривожлантириш, тезкор, холис ахборот етказиши учун имкониятлар кўламини кенгайтиришда бир қанча муаммолар ҳам йўқ эмас. Бу борада партиямиз фаоли “Ёш адолатчилар” қаноти аъзоси Орифжон Одиловнинг фикрлари билан ўртоқлашди, у ислоҳотларга ўз таклифларини бериб ўтди: Аввало, ҳудудий ҳамда тармоқ газеталарини оптималлаштириш керак. Ҳозирги кунда ҳар бир туман ҳокимлиги ўз муассислигида чоп этиладиган нашрга эга. Аммо аксар ҳолатларда иқтисодий ва кадрлар етишмовчилиги, шунингдек бошқа сабаблар ортида ҳудудий нашрлар ночор ҳолга тушиб қоляпти. Туман доирасининг торлиги, муассиснинг тўғридан тўғри таҳририят устидан сиёсат юритиши сўз эркинлигини тўлақонли таъминланишига тўсқинлик қилиши ҳам бор гап. 2-3 туман учун ягона газета ташкил қилиниши керак. Натижада, муассиснинг бирдан ортиқлиги журналист эркинлигини кафолатлайди. Қолаверса, иқтисодий муаммоларга чек қўйилади. Обуна ошади. Айни пайтда бир нечта туманга бўлиниб кетган тажрибали журналистлар бир жойга жамланиб, нашр салоҳияти ортади. Тармоқ нашрлари ҳақида ҳам айни фикрларни билдириш мумкин. Фақат соғлиқни сақлаш тизимининг ўзида бугун 20 дан ортиқ (!) газета-журналлар чиқади. Аммо варақласангиз, мақсад тижоратдан ўзга нарса эмаслиги ойдинлашади. Аслида, бутун мамлакатга тиббий маданиятни тарғиб қилувчи битта нашр етарли. Аммо сифати шунга яраша, салоҳияти юқори бўлиши ҳам керак. Матбуот хизматлари фаолиятини яхшилаш чора-тадбирлари белгиланяпти. Айни шу жараёнда бир нарсани эътиборга олиш зарур. Яъни, аксар ҳолларда ҳар бир ташкилот матбуот котиби вазифасига "ўзимиздан чиққан кадр" қабилида иш тутиб, нопрофессионал ходимларни расмийлаштирмоқда. Бу эртага тизимда муаммолар давом этаверишини англатади. Фикримизча, ҳар бир давлат муассасасига албатта, соҳада ишлаган кадрлар матбуот ходими сифатида ишга олиниши керак. Обуна тарқатишдаги "ўйинлар". Бугун матбуот нашрларини муштарийга етказиб берувчи фирмалар сони кундан кунга кўпаймоқда. Афсуски, бу яхшиликка эмас. Йил бошида обуна уюштириб, икки ойдан сўнг фирма ёпилади. Ўртада ҳам таҳририят, ҳам истеъмолчи чув тушади. Ягона тизим ташкил этилмас экан, муаммо катталашиб бораверади. Матбаа. Замонавийлик матбуотга ҳам даҳл қилиши табиий. Олайлик, газета дизайни кундан кун янгиланмаса, ўқувчи назаридан қолади. Бу ўз навбатида тан нархнинг ортишига олиб келяпти. Таҳририятларнинг иқтисодий ҳолати буни кўтаролмайди. Бугун ўртамиёна газетанинг бир донаси 1000 сўмдан ортиқ таннархга тушяпти. Бунда энг катта харажат босмахоналарга кетади. Агар халқни маърифатли бўлишини истасак, матбаа соҳасини турли солиқ ва йиғимлардан ҳоли қилишимиз керак. Ўзбекистон қоғозни импорт қилувчи давлат. Ачинарлиси, қоғозга ҳам импорт божи қўйилган. Бу эса нафақат газета, балки, журнал, китоб, дафтарнинг ҳам нархи юқори бўлишига олиб келмоқда. Таққос учун бир мисол: Малайзияда ўртача битта ёндафтар (блокнот) 1,5 ринггит. Салқин ичимлик эса 4 ринггит. Бу дегани маърифатга йўналтирилган товарлар бошқа истеъмол молларидан бир неча баробар арзон қилиб қўйилган. Бизда салқин ичимлик 1000 сўм. Ён дафтарнинг энг арзон, сифатсизи 5 минг сўм. Чунки бизда қоғоз қиммат. Ижтимоий тармоқларда бизни кузатиб боринг. Жамиятимизда амалга оширилаётган ислоҳатларга бефарқ бўлмаган юртдошларимизнинг фикр – мулоҳазалари, соҳани янада ривожланишига туртки бўладиган таклифлари билан танишишда давом этинг. ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!