САМАРКАНД

Манзил: Самарқанд шаҳар, Мирзо Улуғбек кўчаси, 42-уй

Телефон: (66) 233-48-77

Электрон манзил:  sam_adolat.uz@mail.ru

Янгиликлар
News

Бола ҳуқуқлари қонун билан кафолатланган

2008 йил 7 январь куни Ўзбекистон Республикасининг “Бола ҳуқуқларининг кафолатлари тўғрисида”ги Қонуни қабул қилинди. Қонун Ўзбекистоннинг ҳуқуқий тарихида бола ҳуқуқларига оид биринчи ва тарихий қонун бўлсада, юртимизда бола ҳуқуқини химоя қилиш бугун ёки кеча шаклланган эмас, бу қадрият асрлар давомида бизга мерос бўлиб келган. Ўзбек халқи болани эъзозлаб, унга энг аввало, инсон сифатида муомалада бўлиб, унинг ҳуқуқ ва эркинликларини ҳурмат ва ҳимоя қилиб келади. Шу боис ҳам миллий қадриятларимизга таяниб ёзилган Бош қомусимизда бу масалага алоҳида эътибор берилиб, вояга етмаганларнинг ҳуқуқлари давлат ҳимоясида эканлиги аниқ қилиб белгилаб қўйилган. Бундан ташқари, давлатимиз мустақилликка эришганидан сўнг ратификация қилинган дастлабки халқаро ҳуқуқий ҳужжатлардан бири ҳам Бола ҳуқуқлари тўғрисидаги конвенция бўлган эди. Бунда Ўзбекистон бола ҳуқуқлари ва эркинликларини таъминлашга доир қатор мажбуриятларни ўз зиммасига олди. “Бола ҳуқуқларининг кафолатлари тўғрисида”ги Қонунда бола ҳуқуқларини ҳимоя қилиш бўйича давлат сиёсатининг асосий йўналишлари белгиланган. Давлат ҳокимияти ва бошқаруви органларининг бола ҳуқуқларини таъминлаш бўйича ваколатларида бир қатор вазифалар белгиланган, жумладан, бола ҳуқуқларини таъминлаш бўйича ягона давлат сиёсатини шакллантириш ва амалга ошириш, бола ҳуқуқлари, эркинликлари ва қонуний манфаатларини таъминлаш бўйича давлат дастурлари ҳамда ҳудудий дастурларни ишлаб чиқиш ва рўёбга чиқариш, бола ҳуқуқларини таъминлаш масалалари юзасидан Ўзбекистон Республикасининг халқаро мажбуриятлари бажарилишини назорат қилиш ҳамда халқаро ташкилотларда Ўзбекистон Республикасининг манфаатларини ифодалаш ва шу кабилар. Шунингдек, Қонунда боланинг ўз фикрини ифода этиш ҳуқуқи, ахборот олиш ҳуқуқи, фикрлаш, сўз, виждон ва эътиқод эркинлиги ҳуқуқи, хусусий мулкка бўлган ҳуқуқи турар жойга бўлган ҳуқуқлари, меҳнат қилиш ҳуқуқи, дам олиш ва бўш вақтга бўлган ҳуқуқи, соғлиғини сақлаш ҳуқуқи ва билим олиш ҳуқуқи хам кафолатланган. “Таълим тўғрисида”ги, “Фуқаролар соғлиғини сақлаш тўғрисида”ги, “Ногиронларни ижтимоий муҳофаза қилиш тўғрисида”ги қонун ҳужжатларида ҳам ижтимоий ҳимояга муҳтож оилалар, болалар ҳуқуқларининг кафолатлари акс эттирилган. Шунга қарамай, “Бола ҳуқуқлари тўғрисида”ги Қонунда ҳам айнан ижтимоий ҳимояга муҳтож болалар ҳуқуқларининг қўшимча кафолатлари мустаҳкамланиши халқимизнинг азалий анъаналари, саховати, давлатнинг баркамол авлод учун ғамхўрлиги, кучли ижтимоий сиёсатнинг ҳаётий ифодасидир. Юртимизда ижтимоий муҳофазага муҳтож болаларга кўрсатилаётган ғамхўрлик юксак даражада, десак, ҳеч қандай муболаға бўлмайди. Меҳрибонлик уйларида ҳам барча шарт-шароит яратилган. Ҳар томонлама етук авлодни тарбиялаш, уларни жисмоний ва маънавий-руҳий вояга етишига путур етказадиган ҳар қандай зарардан муҳофаза қилиш давлатимиз сиёсатининг устувор йўналишларидан биридир. Фахриддин ПАРМАНОВ, Самарқанд вилояти, Жомбой тумани Адлия бўлими бошлиғи, партия фаоли Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Бемор болаларга байрам совғалари улашилди

Олам гўзаллигию шодликларини фарзандларимизнинг беғубор кулгуларисиз тасаввур эта олмаймиз. Уларнинг самимий нигоҳидаги қувонч, ишонч ва меҳр акси, беғуборлиги ҳар қандай тошюракларни ҳам эритишга, дунё ташвишларини унуттиришга қодирдир. 1 июнь – Халқаро болаларни ҳимоя қилиш куни. Бу байрам бутун ер юзидаги болажонлар учун энг қувончли байрам ҳисобланади. Албатта, болалар бу – беғубор дунё, ҳаёт мазмунининг ажралмас қисмидир. Болалар ўз табассумлари орқали инсонлар қалбида ҳаётга, яшашга бўлган қизиқишни уйғотади. Кўзларида эзгулик ва меҳр қалқиб турган болажон мусаффо осмонда эркин парвоз этаётган қалдирғоч мисоли. Ўсиб келаётган ёш авлодни ҳимоя қилиш замирида ҳаётни, унинг давомийлигини асраб – авайлаш моҳияти ётади. Улар тўғрисидаги ҳар қандай ғамхўрлик эса юрт равнақи учун қўйиладиган мустаҳкам пойдевор демакдир. Бутун дунё бўйлаб, ҳар йили 1 июнь — Халқаро болаларни ҳимоя қилиш куни сифатида нишонланади. Ушбу байрам кўпчилик давлатларда “Халқаро болалар ҳуқуқларини ҳимоя қилиш куни” сифатида ҳам эътироф этилган. Шу куни оғир бемор, даволанишга муҳтож ва ногирон болалар учун хайрия акциялари ва тадбирлар ташкил қилинади.   Ўзбекистон “Адолат” СДП Иштихон туман Кенгаши ҳам ушбу кун арафасида болажонларга шодлик улашиш, уларга меҳр-мурувват кўрсатиш мақсадида партиянинг “Бор меҳримиз сенга, болажон” лойиҳаси доирасида туман Тиббиёт бирлашмасининг болалар бўлимида даволанаётган бемор болалар ҳолидан хабар олди. Уларни байрам билан табириклаб, уларга совға саломлар улашди. Элдор СОДИҚОВ, Ўзбекистон “Адолат” СДП Иштихон туман Кенгаши раиси Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

“Икки ойда 58 фуқаро ишга жойлашди”, — дейди самарқандлик партия фаоллари

Шу йилнинг февраль ойидан бошлаб Ўзбекистон “Адолат” СДПнинг Самарқанд вилоят кенгаши ҳамда партиянинг шаҳар ва туманлардаги ташкилотларига мурожаат қилувчи фуқаролар сони янада кўпайди. Улар электорат вакиллари, хайрихоҳлар, яъни партиянинг ўз ижтимоий манфаатларини ҳимоя қилишига, қўллаб-қувватлашига ишониб ташриф буюрган кишилар. Янада аниқроқ қилиб айтганда, “Адолат” СДПнинг матбуотда эълон қилинган, катта-кичик йиғилишларда қайта-қайта такрорланган ижтимоий лойиҳасидан хабар топиб, тезроқ ўз мақсадига эришишни истаган ишсиз фуқаролар. Бу ерда улар партия кенгашлари раислари, депутатлар, ҳудуддаги бандликка кўмаклашиш марказлари ва бошқа манфаатдор ташкилотлар вакиллари билан мулоқотдан сўнг меҳнат корхонасига маъмурият буйруғи асосида ишга қабул қилинадилар. — Партия лойиҳаси доирасида жорий йилнинг апрель-май ойлари давомида Самарқанд вилоятининг шаҳар ва қишлоқларида яшаётган 58 нафар фуқаро ўз хоҳишига мос ишга жойлаштирилди, — дейди “Адолат” СДП вилоят кенгаши раиси Муҳиба Бобобекова. — Демак, шунча оила рўзғор юритиш учун ўз даромад манбаига эга бўлди. Очиғини айтганда, биз фуқароларни иш билан таъминлаш масаласида қатор манфаатдор ташкилотлар билан илгари ҳам ҳамкорлик қилиб келаётган эдик. Лекин партия Сиёсий Кенгашининг 2019 йил 7 февралдаги XI пленуми қарори билан “Бир ойда бир иш ўрни” лойиҳаси эълон қилингани зиммамиздаги масъулиятни ошириб, партиянинг ижтимоий ислоҳотлар жараёнида дадил иштирок этишига туртки берди. Сиёсий фаолият самарадорлигини аниқлашнинг ўзига хос барометрини яратиб, барча шаҳар ва туманлар кенгашларида, депутатлик гуруҳларида, ҳатто БПТларда шахсий ҳисобдорликни, ижро назоратини юзага келтирди. Ахир фуқароларни иш билан таъминлаш, уларнинг муносиб турмуш кечиришлари учун зарур шарт-шароитларни яратиш партиянинг давлат идоралари билан ижтимоий ҳамкорлигининг асл мақсади, жамият фаровонлигига қўшадиган энг катта ҳиссаси бўлади. Дарвоқе, айни шу йўналишдаги сиёсий фаолият барометрига назар соладиган бўлсак, вилоятнинг Пастдарғом, Тайлоқ, Пайариқ туманларида, Каттақўрғон шаҳрида партия фаолига хос чинакам ҳозиржавобликни, ижро масъулиятини ҳис этиш мумкин. Агар лойиҳа доирасида вилоятда бир ойда жами 16 фуқаро иш ўрни билан таъминланиши кўзда тутилган бўлса, биргина Пастдарғом туманида май ойида шунча киши ўз касбу корига яраша ишга эга бўлди. Тайлоқ туманида эса 11 киши иш берувчи корхоналар билан меҳнат шартномаси тузди. Гулмира Бобоева Пастдарғом туманидаги “Хончарвоқ” маҳалласида истиқомат қилади. У тадбиркор аёл, айни чоғда шу маҳаллада фаолият юритаётган БПТ раиси Гулмира партия фаоли сифатидаги ислоҳотчилик ролини теран англаб етгани боис лойиҳа доирасида каттагина амалий ишга қўл урди. У маҳаллада барча шароитларга эга бўлган, рақобатбардош тикув цехи очиб, 16 нафар хотин-қиз мутахассисларни ишга қабул қилди. Қарабсизки, уйида тиккан кийимларни бозорма-бозор қатнаб сотиш билан овора бўлиб юрган маҳалладош аёллар кафолатли иш ўрни ва даромадга эга бўлишди. Ойгул Калонова, Муборак Мусурмонова, Лобархон Солиева, Анора Сайибназарова сингари чеварлар янги меҳнат корхонасида унумли ўтаётган кунларидан мамнун. Илгари Самарқанд шаҳридаги “8-март” фабрикасига қатнаб ишлаган тикувчи дизайнер Шаҳло Бобоева тайёр мутахассис сифатида “Хончарвоқ”даги, яъни ўз маҳалласидаги тикув цехини танлагани бошқаларга касб сирларини ўргатишда қўл келмоқда. — “Адолат” партиясининг ёрдамидан беҳад миннатдорман, — дейди Тайлоқ туманининг “Беклар” маҳалласида яшовчи 34 ёшли, 3 фарзанднинг онаси Наврўза Аҳмедова. — Яширишнинг иложи йўқ, рўзғор тебратиш илинжида шу чоққача катта йўл ёқасидаги мардикор бозорига ҳар хил мавсумий ишларни бажариш учун чиқиб турар эдим. Энди эса иш жойим, маошим аниқ. Рўзғор ишлари учун ҳам вақт топаяпман. Энг муҳими, фарзандларим кўз ўнгимда униб-ўсишаяпти. Сабаби, мени ишга қабул қилган “Бекшод” хусусий мебелсозлик корхонаси маҳалламизда жойлашган. Туманнинг “Нурли йўл” маҳалласида истиқомат қилувчи Муҳиба Насриддинова ҳам касб-ҳунар коллежини тамомлаганига қарамай, саккиз йилдан буён ишга киролмай юрган эди. Туман партия кенгаши раиси Нилуфар Акрамова ва халқ депутатлари туман Кенгаши депутати Муртазо Мавлоновнинг мутасадди ташкилотлар вакиллари иштирокида маҳаллада ўтказган мулоқотидан сўнг коллежнинг собиқ битирувчиси саккиз йиллик муаммосига ечим топди. Муҳиба шу ҳудуддаги 9-МТМга тарбиячи ёрдамчиси бўлиб ишга қабул қилинди. Бундай мисолларни яна давом эттириш мумкин. Савобли ишларнинг ҳар бирида юртдошларимизнинг дарди-ташвиши билан яшаётган партиядошларимизнинг бевосита иштироки, жонкуярлиги, ташаббускорлиги борлиги бизни қувонтиради. — Лойиҳани амалга ошириш жараёнида асосий эътиборни маҳаллага қаратаяпмиз, — дейди вилоят партия кенгаши раиси ўринбосари Азизбек Бўрибоев. — Чунки маҳалланинг ижтимоий муаммосидан хабардорлик ва уни ҳал этишга уриниш бизни электоратга янада яқинлаштирмоқда. Маҳалладан бир фуқаронинг ишга жойлаштирилиши, оилавий аҳволи яхшиланиши партиянинг амалий ишларига бўлган ишончни мустаҳкамлайди. Электорат қанотидаги хайрихоҳларни кўпайтиради. Агар вилоятда 1094 та маҳалла борлигини инобатга оладиган бўлсак, масалага айни шу тариқа партиявий манфаатдорлик билан ёндашув бўлажак сайловлар натижаси учун қанчалик муҳим роль ўйнашини тушуниб етиш қийин эмас. Вилоят партия кенгаши матбуот котиби Лола Сайидованинг таъкидлашича, лойиҳа ижросини таъминлашга бошланғич партия ташкилотлари кенг жалб этилгани амалий фаолият самарадорлигини ошириб, БПТлар базасида янги имкониятларни пайдо қилмоқда. Биринчидан, БПТ раиси ўзини муаммони ҳал этишга масъул, ваколатдор киши сифатида ҳис этиб, маҳалла турмуши даражасини, ишсизлар сонини, оилалар учун яратилган шарт-шароитларни чуқур мониторинг қилмоқда. Аниқланган муаммолар бўйича партия кенгаши ва депутатларга мурожаат билан чиқмоқда. Иккинчидан, депутат иштирокидаги сайёр қабуллар бошланғич партия ташкилоти қабулхонасида ўтказилмоқдаки, бу муаммони биргаликда ҳал этиш, шу билан бирга, ижрони ўз жойида электорат вакиллари иштирокида назорат қилиш имконини бермоқда. Туман партия кенгаши ва депутатлар фаолиятидаги бундай шаффофлик, очиқлик ва ўзаро якдиллик ижтимоий соҳадаги яна кўплаб лойиҳаларнинг калити бўлиб хизмат қилмоқда, десам сира янглишмайман. Пастдарғом туманидаги йўловчи ташишга ихтисослашган “Мираж транс” МЧЖ корхонаси раҳбари Феруз Тўраев шу корхона қошида 40 нафар сафдошимизни бирлаштирган БПТга етакчилик қилмоқда. Аҳолига хизмат кўрсатишда инсоф-диёнатни маҳкам ушлаб барака топаётган мазкур жамоадаги партиядошларимизни Самарқандда кўпчилик таниб қолган. Сабаби, “Адолат” СДП рамзи туширилган корхона таксилари йўловчиларнинг узоғини яқин қилиб, хизматга ҳозиржавоблигу тўлов масаласида одилона иш тутишмоқда. МЧЖ раҳбари Феруз Тўраев партия лойиҳасидан хабар топгач, яна тўрт нафар коллеж битирувчисини ўз устахонасига ишга қабул қилгани нур устига нур бўлди. Унинг фикрича, партия кенгашлари сиёсий фаолиятни амалга ошириш жараёнида БПТларни ижтимоий муаммолар гирдобида яккалаб қўймай, уларга кўпроқ ишонишлари, қўллаб-қувватлашлари, фаол ҳамкорлик қилишлари партиянинг қуйи бўғинларида ҳаракатчанликни, масъулият ва ташаббускорликни пайдо қилади. Дарахт ўз илдизидан куч олиб ўсганидек, БПТнинг мавқеи партиянинг ҳудуддаги нуфузини белгилайди. Самарқандда партия лойиҳаси доирасидаги ҳар бир вазифага чуқур масъулият билан қаралмоқда. Сайёр мулоқотлар, амалий ишлар натижасида партияни бўлажак сайловларда қўллаб-қувватловчи хайрихоҳлар сони ортаётганлиги кузатилмоқда. Давлат ва нодавлат ташкилотлар билан ҳамкорликда кўплаб ижтимоий муаммоларга ечим топилмоқда. Бу эса ўз электоратини қўллаб-қувватлаш, фуқароларнинг манфаатларини рўёбга чиқариш орқали ислоҳотларга камарбаста бўлишнинг ишончли йўли саналади. Зоҳир ТЎРАҚУЛОВ, “Adolat” мухбири Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Коррупция — тараққиёт кушандаси

Ўзбекистон “Адолат” СДП Самарқанд вилоят Кенгаши ташаббуси билан Самарқанд ветеринария медицинаси институтининг фаоллар залида “Коррупция тараққиёт кушандаси” мавзусида давра суҳбати бўлиб ўтди. Тадбирда Олий Мажлис Қонунчилик палатаси депутатлари, вилоят Адлия бошқармаси, “Боғишамол ҳақиқати” адвокатлик хизмати, Ёшлар иттифоқи вилоят кенгаши, институтнинг профессор ўқитувчи ва талаба ёшлари ҳамда ОАВлари вакиллари иштирок этди. Давра суҳбатини кириш сўзи билан партиянинг вилоят Кенгаши раиси Муҳиба Бабабекова очиб берар экан, коррупция ҳар қандай жамиятнинг сиёсий ва иқтисодий ривожланишига, ҳуқуқ устуворлиги асосларига путур етказиши, инсон ҳуқуқлари бузилишига олиб келиши, натижада ҳаёт сифатини ёмонлаштириши ҳақида фикр юритиб, бугунги кунда мамлакатимизда амалга оширилаётган ислоҳотлар натижасида юртимизда коррупцияга қарши курашиш йўналишида мустаҳкам ҳуқуқий база ва аниқ тизим шаклланганлигини таъкидлаб ўтди. Тадбирда сўзга чиқган Самарқанд ветеринария медицинаси институти ректори Ю.Худайназаров, ОМҚП депутати Ш.Полвонов, Самарқанд вилоят Адлия бошқармаси бўлим бошлиғи Н.Сафаров, Самарқанд шаҳар “Боғишамол ҳақиқати” адвокати И.Ачилов, Ўзбекистон Ёшлар Иттифоқи вилоят Кенгаши раиси ўринбосари Э.Улуғмурадовлар мамлакатимизда коррупцияга қарши курашиш борасида олиб борилаётган кенг қамровли ишлар, коррупцияни келтириб чиқарадиган шароит ва сабаблар, коррупция йўқ жойдан пайдо бўлиб қолмаслиги, энг аввало, фуқароларнинг билимсизлиги, ижтимоий нофаоллиги, сиёсий ва иқтисодий талаблар моҳиятини тушунмаслиги, энг асосийси, қонунлардан бехабарлиги, шунингдек, бепарволик, эътиборсизлик иллатлари коррупция тегирмонига сув қуйиши, ҳар биримиз Коррупцияни келтириб чиқарган шароит қонун бузилишига имкон яратишини ҳисобга олиб, унинг олдини олиш чоралари кўрилишида жамоатчилик назоратини янада ошириш лозимлигини эътироф этиб ўтди. Бир сўз билан айтганда, коррупция – ҳар қандай давлатнинг сиёсий тузулиши, иқтисодий-ижтимоий ривожланиш даражасидан қатъий назар, бутун дунёда глобал муаммо ҳисобланиши ҳаммага уқтирилди. Давра суҳбатида коррупция соҳасида хорижий тажриба ва хорижий қонунчилик тўғрисида ҳам маълумотлар бериб ўтилди. Асқар ХОЛИҚОВ, Ўзбекистон “Адолат” СДП Самарқанд вилоят Кенгаши раиси ўринбосари Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP   ...

Батафсил
News

Сиёсий ўқувдан кейин ўқувчилар хавфсизлиги таъминланди

Ўзбекистон “Адолат” СДП Жомбой туман Кенгаши ташаббуси билан Жомбой тумани “Олмазор” МФЙнинг Қарапчи қишлоғида депутат Жаҳонгир Ниязов билан учрашув ўтказилди. Учрашувда қишлоқ аҳолиси ва маҳалла фаоллари иштирок этишди. Учрашув жараёнида фуқоролар ўзларини қийнаб келаётган бир қанча муаммоли ҳолатлар ҳақида айтиб ўтиб амалий ёрдам сўрашди. Жумладан, 41-умумтаълим мактаби директори А.Мирзев Қарапчи қишлоғи ҳудудидан кавлаб олинаётган тошларни олиб чиқиб кетиш жараёнида оғир юк машиналар қатнови мактаб ўқувчиларининг йўл ҳаракат хавфсизлигида жиддий қийинчиликлар туғдираётганини айтиб ўтди. А.Мирзаевнинг фикрига ота-оналар ҳам бир овоздан қўшилиб, болаларининг мактабга бориб келишларида қаттиқ хавотирга тушаётганликларини таъкидлаб ўтдилар. Бундан ташқари оғир юк машиналари қатнови, улар ўтгандан кейинги чанг тўзон кўча атрофида яшовчиларнинг ҳақли эътирозларига сабаб бўлмоқда. Аҳоли томонидан ўртага ташланган бу каби масалалар депутат ва маҳалла фаоллари билан ўрганиб чиқилди ва тегишли ташкилотлар туман ИИБ ва Экология бўлимларига депутатлик сўровлари чиқарилди. Туман ИИБ бўлими мутахассиси вазиятни атрофлича ўрганиб керакли жойларга йўл белгилари ўрнатилишини таъминлади. Туман Экология бўлими ва ИИБ чиқарилган депутатлик сўровига асосан ҳамкорликда ишчи гуруҳ тузилиб, махсус рейдлар ўтказилди. Қонун қоидага риоя қилмаган ҳайдовчилар тегишли тартибда жавобгарликка тортилди. Амалга оширилган ишлардан қониққан ва хурсанд бўлган ота-оналар ва маҳалла фуқоролари туман партия кенгашига Ташаккурнома йўллашди. Комила УМАРОВА, Ўзбекистон “Адолат” СДП Жомбой туман Кенгаши раиси Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Бор меҳримиз сенга болажон

Инсон умрининг мазмуни, кўрки ва файзи фарзанд ҳисобланади. Беғубор, қалби пок болажонларни ардоқлаш, соғлом ўстириш, турли хуружлардан асраш, ҳаётнинг турфа йўлларида ўз йўлини топиб комил инсонлар бўлиб вояга етишишига кўмаклашиш, уларга таълим-тарбия бериш биз катталарнинг муқаддас бурчимиз ҳисобланади. Ўзбек халқи бағрикенг ва инсонпарвар халқ, имконияти чекланган, ижтимоий ҳимояга муҳтож, ногиронлиги бўлган шахслардан, айниқса эътиборга, кўмакка муҳтож болажонлардан ҳеч қачон ўз саховатини аямаган. Юртимизнинг қай бир нуқтасига борманг, ногиронлиги бўлган шахсларга, ижтимоий ҳимояга муҳтож болаларга меҳр-мурувват кўрсатилаётгани, шу орқали улар ҳаётига қувонч улашилаётганини кўриш мумкин. Шу маънода айтганда, Самарқанд вилоятида ҳам имконияти чекланган болажонларга қўлай шарт-шароитлар яратиш, уларнинг фаровон ҳаёт кечиришларини таъминлаш мутасадди ташкилотларнинг диққат марказидаги асосий вазифалардан саналади. Қувонарлиси, бу жараёнларда сиёсий партияларнинг, хусусан, Ўзбекистон “Адолат” социал – демократик партиясининг ҳам фаол иштирок этаётгани аҳамиятга молик. Ўзбекистон “Адолат” СДП Самарқанд вилоят Кенгаши “Аёллар қаноти” ташаббуси билан вилоятимиздаги “Ёшлик” истироҳат боғида Самарқанд шаҳар халқ таълими бошқармаси, “Ишонч фарм” дорихоналар тармоғи, Шарқ гавҳари хусусий корхонаси ҳамкорлигида 1-июн Халқаро болалар куни муносабати билан “Бор меҳримиз сенга болажон” шиори доирасида тўкин дастурхон атрофида байрам тадбири ташкил этилди. Ёш авлодда мустаҳкам иродани, мустақил ҳаётий, фуқоролик позициясини, ўзига, эртанги кунга бўлган ишончни, ижобий муносабатни шакллантириш, уларнинг жамиятда ўз ўрнига эга бўлишига яқиндан ёрдамлашиш, жамиятимизда олиб борилаётган ислоҳотларга дахлдорлик ҳисси билан улғайишларига, Ватанга, ота-онага садоқат, эл-юртга ҳурмат руҳида камол топишларига кўмаклашиш, жамиятда инсонпарварлик ва меҳр-оқибат ғояларини тарғиб қилиш мақсадида ташкил этилган ушбу тадбирда Самарқанд шаҳар халқ таълими бўлими тасарруфидаги умумий ўрта таълим мактабларининг уйда якка тартибда таълим олувчи 140 дан ортиқ ўқувчи ёшлар, ота оналар, партия фаоллари, ОАВлари вакиллари иштирок этишди. Статистика маълумотларига кўра, бугунги кунда жаҳондаги 263 миллионга яқин бола мактабга бормаяпти. Таълимдан бебаҳра қолаётган болаларнинг учдан икки қисми уруш ва қуролли тўқнашувлар давом этаётган мамлакатларда истиқомат қилади, яқин йиллар ичида мактабга бормайдиган болалар сони беш баробарга ортган.  Тадбирда партиянинг вилоят Кенгаши раиси Муҳиба Бабабекова қайд этганларидек, болалар ҳамиша меҳрга, эътиборга, ҳимояга муҳтож. Бу муаммо, айниқса, бугун янада долзарб аҳамият касб этмоқда. Дунёнинг қайсидир нуқталарида нотинчликлар, қонли можаролар содир бўлаётган, қай ўлкаларда очарчилик ҳукм сураётган экан, болаларни асраб-авайлаш, уларни комил инсонлар этиб вояга етказиш инсоният учун энг долзарб вазифа бўлиб қолаверади. Ана шундай мураккаб даврда юртимиз фарзандларининг тинчлик-осойишталикда, беқиёс ғамхўрликлар оғушида униб-ўсаётганлиги, уларга барча шароитлар муҳайё эканлиги барчамизни чексиз қувонтиради. Мамлакатимизда бугунги кунда, имконияти чекланган, ижтимоий ҳимояга муҳтож фуқароларни ҳар томонлама қўллаб-қувватлаш борасида жуда катта ишлар амалга оширилмоқда. Хусусан, жисмоний имконияти чекланган болаларнинг ўқишлари учун зарур шароитлар яратилган таълим даргоҳлари фаолият юритмоқда. Бундан кўзланган мақсад жисмоний имконияти чекланган болаларни ўз тенгдошлари қатори жамиятга аралашувини таъминлашдир - дейди Аёллар қаноти раиси Нодира Ражабова. Байрам дастурхони атрофида йиғилган болажонларга Самарқанд шаҳридаги 42-сонли мактаб жамоаси томонидан тайёрланган куй-қушиқ, рақслар, эртак қаҳрамонлари иштирокидаги саҳна чиқишлари бир олам завқ улашганини порлаб турган кўзларидан ўқиб олса бўлади. Болажонлар ҳомийлар томонидан улашилган эсдалик совғаларини ҳам катта қувонч билан қабул қилишди. Шунингдек тадбир давомида, Самарқанд шаҳар халқ таълими бўлими тасарруфидаги умумий ўрта таълим мактабларининг уйда якка тартибда таълим олувчи ўқувчилар орасида ногиронлик аравачасига эҳтиёжи бўлган 6 нафар ўқувчи ёшларга ногиронлик аравачалари берилди. Назокат Бердиева, тадбир иштирокчиси,Самарқанд шаҳридаги 42- сонли мактанинг уйда якка тартибда таълим олувчи 4-синф ўқувчиси; – Кўп китоб ўқишга қизиқаман, келажакда Ватанимга фойдам тегадиган инсон бўлмоқчиман. Устозларим томонидан берилган вазифаларни ўз вақтида, сифатли бажаришга ҳаракат қиламан. Бугунги кунимиз жудаям яхши ўтди. Ҳа, одамларни кузатар эканман, кимдир фарзандининг қувончидан қувониб, бирга рақсга тушар, кимдир соғлиги кутармай тадбирга қатнаша олмаган фарзандига “тенгдошларини кўрсин” дея болажонлар қувончи акс этган фотолавҳаларни жамлаш билан оввора, шуниси кишини қувонтирадики, иштирокчиларнинг барчаси бир сўзни такрорлайди “Мусаффо осмонимизга, тинчлигимизга кўз тегмасин. Фарзандларимизнинг кўнглига қувонч улашганлар кам бўлмасин”. Албатта, ҳеч бир бола меҳр ва эътибордан четда қолмаслиги лозим, бу каби хайрли тадбирлар эса эътиборга муҳтож, қалби уксик болаларга бироз бўлсада қувонч бағишлаб, улашилган совға-саломлар билан кўнгилларини кўтаришга, меҳр улашишга эришилган, кўрсатилган эътибор ва ғамхурлик болалар қалбида эртанги кунга умид, ишонч уйғотган, қалбларига ёруғлик солган бўлса ажабмас. Лола САЙИДОВА, Ўзбекитсон “Адолат” СДП Самарқанд вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

“Китоб челленж”: депутат юзта китоб совға қилди

— Китобхонлик ёшларни маънавий баркамолликка, ижод-изланувчиликка, юрт равнақи учун янги кашфиётларга ундайди, — дейди “Адолат” СДП Тайлоқ туман кенгаши раиси Нилуфар Акрамова. — Шу боис “Китобхонлик — бизни бирлаштиради” акцияси доирасида ўтказилаётган ҳар бир учрашув, мулоқотларда партиямиз фаоллари, депутатларимиз ёшлар тафаккурини бойитишга, уларда китобхонлик кўникмаcини шакллантиришга ҳаракат қилмоқдалар. Дарвоқе, шу кунларда партиянинг маҳаллий ҳокимият вакиллик органидаги тўққиз нафар депутати мактаб, маҳаллаларга ташриф буюриб, ушбу масканлардаги кутубхоналарга китоблар туҳфа қилишмоқда. Хусусан, халқ депутатлари туман Кенгаши депутати Сулаймон Боқиев “Файзиобод” қишлоғидаги 41-, 42-умумтаълим мактабларида ёшлар билан суҳбатлашиб, ҳар иккала илм даргоҳи кутубхонасига юзта китоб совға қилди. Юзта китоб камида юзта иқтидор эгасини тарбиялашига, уларнинг етук олим, муҳандис, сиёсатчи сифатида юрт хизматига камарбаста бўлишига депутатнинг ишончи комил. Зоҳир ТЎРАҚУЛОВ, “Adolat” мухбири Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Қуйи бўғин самарадорлик омилидир

Жамият ҳаётида амалга оширилаётган сиёсий-иқтисодий жараёнларнинг янада равнақ топишида сиёсий партияларнинг аҳамияти катта. Айниқса, жамият ривожидаги ижтимоий-сиёсий ислоҳотлар, амалдаги қонунлар, давлат дастури мазмун-моҳиятини партия дастур ва вазифаларидан келиб чиқиб аҳоли орасида кенг тарғиб этишда аҳоли билан яқин бўлган БПТнинг алоҳида ўрни бор. Бошланғич партия ташкилотларининг амалга ошираётган ишлари, хатти-ҳаракатлари сиёсий партияларнинг дастур ва ғояларини равнақ топтиришда муҳим ўрин тутади. Айниқса электорат манфаатларини таъсирчан ҳимоя қилиш жараёнида амалга оширилаётган ижтимоий-иқтисодий ислоҳотларда фаол иштирок этишида аниқ таклиф ва тавсияларни илгари суришда уларнинг алоҳида ҳаракатлари сезилиши лозим дейди - “Адолат” СДП Пастдарғом туман Кенгаши раиси Хонбуви Хайитова. - Бошланғич партия ташкилотларининг асосий вазифаларидан яна бири партия ишларининг аниқлик ва таъсирчанлигини, жамоатчилик назоратини, қонун устуворлигини ошириш, бандликни таъминлашда жонбозлик кўрсатиш ҳамда тарғибот ишларини кучайтиришдан иборат. Туманимиздаги қўйи буғинлар фаолиятини янада кучайтиришга алоҳида эътибор қаратмоқдамиз. Партия дастур ва мақсадларини аҳолига етказишда албатта аниқлик ва оддийлик асосий омилимиздир. Шу сабаб булса керакки кундан кунга хайрихоҳларимиз сафи кенгайииб бормоқда. Аҳолидан билдирилган таклифлар ва кўтарилган мурожаатларни БПТ фаоллари томонидан депутатлик гуруҳи аъзолари ҳамкорлигида вақтида ечим топишида ташаббус кўрсатиши жойларда партиямиз нуфузини янада оширмоқда. Ана шундай фаол партиянинг бошланғич ташкилотидан бири Пастдарғом туманидаги “MIRAJ TRANS” МЧЖ қошида ташкил этилган БПТ ҳисобланади. 40 га яқин аъзони ўзида бирлаштирган бошланғич партия ташкилоти ўз фаолиятида аҳолини сиёсий – ҳуқуқий маданиятини оширишга, ёшларимизни Она ватанга садоқат, жамият ривожига дахлдорлик ҳисси билан яшовчи, маданий ва маънавий мафкурамизга содиқ шахс бўлиб етишишларига алоҳида эътибор қаратиб сиёсий ўқувлар, давра суҳбатлари ўтказилишида фаоллик кўрсатиб келмоқда. Партиямиз электоратига янада яқин бўлиши, мустаҳкам ҳамкорликни йўлга қўйиш мақсадида партия туман Кенгаши билан ҳамкорликда аҳоли билан юзма-юз мулоқотлар ўтказиб, ўртага ташланган масалаларни ечимини топишда ташаббус кўрсатмоқда. Бунга аниқ натижалар орқали мисоллар келтирсак, Пастдарғом туманидаги “Болтали” маҳалла фуқаролари томонидан маҳалладаги Тошкент кўчасининг таъмир талаблиги юзасидан қилган мурожаати партия бошланғич ташкилоти раиси Феруз Тураев эътиборидан четда қолмади. Ҳомийлар топиш, таъмирлаш ишларини бошлаб олгунча ҳаммасига ўзи бош-қош бўлиб, кўмагини аямади. Бугунги кунда “Болтали” маҳалласидаги ушбу кўчада дастлабки таъмирлаш ишлари ниҳоясига етказилди. Тумандаги Чархин қўрғони ҳудудидаги Самарқанд шоҳ кўчаси энг серқатнов кўчалардан бир ҳисобланади. Шу ҳудуда яшовчи аҳоли билан ўтказилган мулоқотлар чоғида серқатнов кўчага светафор ўрнатиш зарурлиги фуқаролар томонидан баён қилинди. Бу масалада ҳам ташаббусни ўз қўлига олган БПТ фаоллари кўмагида Самарқанд шоҳ кўчасига иккита светафор ўрнатилди. Бундай эзгу амаллар ҳақидаги мисолларни кўплаб келтирсак бўлади. Хусусан, аҳоли мурожаатлари асосида, фуқароларнинг узоғини яқин қилиш, аҳолиги қулайлик яратиш мақсадида Жума шаҳридан Самарқанд шаҳридаги Кимёгарлар қўрғонига қадар қатновчи 227 йўналишли таксилар фаолияти йўлга қўйилди. Партиянинг “Бир ойда бир иш ўрни” лойиҳаси доирасида ёшларнинг бандлигини таъминлаш масалаларига ҳам доимий эътибор қаратиб келинмоқда. Биргина жорий йилнинг май ойида 4 нафар ёшлар автомобилларга техник хизмат кўрсатувчи сифатида иш билан таъминланди. “Мирзо Улуғбек”, “Болтали”, “Самарқанд” маҳалла фуқаролар йиғини ҳудудидаги ижтимоий ҳимояга муҳтож, кам таъминланганлар, ёши улуғ нуронийлар, меҳнат фахрийлари ҳолидан ҳамиша хабардор, бирор кўмак, ёрдам керак бўлиб қолса хизматга шай. Хулоса ўрнида айтадиган бўлсак, фаровон турмуш, ислоҳот самараси ва ижтимоий адолат учун курашчанлик БПТга хос хусусият. Бу курашчанликни партия Кенгаши астойдил қўллаб – қувватлайверади. Мустақил фикр, ташаббусларни инобатга олиб рағбатлантириб боради. Бир – бирини тушуниш ва стратегик мақсадларда ҳамкорлик қилиш эса партиянинг умумий нуфузини оширибгина қолмай электоратнинг ишончини оқлаш, уларнинг мурожаатларига “лаббай” деб ҳозиржавоблик билан қараш имконини беради. Тоҳир УСАРОВ, Ўзбекистон “Адолат” СДП “Ёш адолатчилар” қаноти Пастдарғом туман Кенгаши раиси Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!