АНДИЖОН

Манзил: Андижон шаҳар, Алишер Навоий шох кўчаси, 62-уй

Телефон: (74) 223-21-73, 223-23-89

Электрон манзил:  andijon@adolat.uz

Янгиликлар
News

МЕНДА ТАКЛИФ БОР: Норасмий меҳнат бозори қонун ҳимоясига олиниши керак

Яқинда ўтказилган Ўзбекистон “Адолат” СДП Сайловолди дастури муҳокамасига бағишланган видеоселектор йиғилишида партиядошларимиз томонидан билдирилган таклифлар жамиятимизнинг эртанги ривожига хизмат қилади. Партия фаоли сифатида мен ҳам ўз таклифларимни билдирмоқчиман. Тўғри, кейинги вақтда хотин-қизлар бандлигини таъминлаш ва меҳнатини муҳофаза қилишга қаратилган қатор қонун ҳужжатлари қабул қилинди. Шунга қарамай чекка ҳудудларда ҳамон норасмий мехнат бозорлари мавжуд. Бу бозорнинг асосий иштирокчилари хотин-қизлар. Мен айнан ана шундай меҳнат бозорлари қатнашчиларини қонун ҳимоясига олиниши ўринли, деб биламан. Бу уларнинг ҳам иқтисодий, ҳам ҳуқуқий манфаатларини ҳимоялайди. Қолаверса, хавфсизлигини таъминлайди. Заринабону НАЗИРОВА, Ўзбекистон “Адолат” СДП Андижон вилоят Кенгаши етакчи мутахассиси Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Сайлов Кодекси – холислик асоси

Жорий йилда республикамизда Олий Мажлис Қонунчилик палатаси ва маҳаллий кенгашларга сайловлар бўлиб ўтади. Жараённи ошкоралик, холислик ва шаффофлик асосида ўтиши катта аҳамиятга эга. Шу маънода давлатимиз раҳбари томонидан  бу масалага алоҳида эътибор қаратилиб, Сайлов Кодекси ишлаб чиқилди. Бу сайловчилар учун ҳам, сайланувчилар учун ҳам ўзига хос синов бўлган жараёндир. Президентимиз бу ҳақида қуйидагича фикр билдирдилар: “Сайлов жараёнларида барчамизнинг, аввало, дунёқарашимиз, сиёсий ва ҳуқуқий маданиятимиз, фуқаролик позициямиз яна бир бор намоён бўлади”. Амалиётга татбиқ этилган Сайлов Кодекси 18 боб, 103 моддадан иборат бўлиб, унда сайловга оид мавжуд қонунлар ва қонуности ҳужжатлари яхлит жамланган. Фуқароларнинг ҳуқуқларига сўзсиз риоя этилиши, эркин иштирок этишлари учун зарур шарт-шароит яратиш, сиёсий партиялар ва номзодларга сайлов компанияси даврида тенг шароит яратиш имконияти янада мустаҳкамланди. Янги Сайлов Кодексида миллий сайловчилигимизда шу пайтггача бўлмаган ўнлаб янги норма ва қоидалар жой олди. Номзодларнинг ишончли вакилларини Ўзбекистон Республикасидаги сафар харажатларини сайловни ўтказиш учун ажратилган маблағ ҳисобидан тўлаш тартиби белгиланди. Сиёсий партиялар томонидан имзо йиғиш жараёнида сайловчилар бундан кейин бир ёки бир неча номзодни ёҳуд партияни қўллаб имзо қўйиши мумкин. Бу аввалги сайловлардан тубдан фарқ қилади. Яна бир эътиборли ўзгариш, сайлов жараёнини бошқаришда ахборот тизими ва сайловчиларнинг ягона электрон рўйхатини жорий қилиш “бир сайловчи - бир овоз” тамойилини таъминлаш, бир сайловчининг бир неча рўйхатга киритилишига йўл қўймаслик, маъмурий-ҳудудий бирликлар кесимида ҳамда хорижда яшаб турган умумий сайловчилар сонини, сайлов округлари ва участкалари бўйича сайловчилар нормаларини белгилаш учун қулай имконият яратади. Бу сайловлар нафақат қонунчилик нуқтаи назаридан, балки техник-технологик жиҳатдан ҳам янгича руҳда ўтказилишини кўрсатади. Бир сўз билан айтганда, мамлакатимизда сайловлар соҳасидаги ислоҳотларнинг янги даври бошланди. Бу йўлда “Адолат”чиларнинг қанчалик фаол иш олиб боришлари сиёсий жараён  якунида ўз натижасини кўрсатади.                                                           Барнохон ЖЎРАЕВА,                    Халқ депутатлари Андижон вилоят кенгаши депутати ...

Батафсил
News

Энг обод кўча ва хонадонлар аниқланди

Янгиланишлар оғушидаги Булоқбошининг бугунги ҳаёти ҳавас қиларли. Истиқлол нуридан чирой очаётган қайси бир маҳалла ёки кўчасида бўлманг, ўзига хос ўзгаришларнинг гувоҳи бўласиз. Туманнинг дарвозаси ҳисобланган  Хўжаобод билан туташ туман марказига олиб борувчи йўлнинг ҳар қадамида гуллар пояндоз. Замонавий архитектура талаблари асосида қад ростлаётган бинолар ва аҳоли турар жойлари сизни ўзига ром этади. Энг улуғ, энг азиз байрамимиз арафасида туманда “Тозалик йўлида бирлашайлик!” лойиҳаси асосида яратувчилик ишлари бошланди. Ўзбекистон “Адолат” СДП туман кенгаши раиси Муҳаммадбашир Ковланов бу тўғрида фахр билан гапирди. Қувонарлиси, бу ҳаракатда сафдошларимиз ҳам фаол иштирок этмоқдалар. Эътибор берсангиз, ободонлаштириш тизими ходимлари барвақт иш бошлайди. Сизу биз эрталаб кўчага чиққунимизга қадар йўлларимизни тозалаб, файз киритган бўладилар. 12 нафар партиядошимиз меҳнат қилаётган туман Ободонлаштириш бошқармасининг ҳар бир ходими ўзига бириктирилган ҳудудни энг обод манзилга айлантириш учун курашади. Бугун бу борада Қумгузар  ва Буюк турон маҳаллалари ибрат мактабига айланган. Йўлларнинг икки томонида яратилган гулзорларни кўриб, дилингиз яйрайди. Беихтиёр тоғлар ёнбағрига файз киритаётганларнинг яратувчилигига  “қойил”, дейсиз. Йилнинг ўтган даврида 40 минг дона питуния ва 1000 дан ортиқ манзарали кўчатлар экилди. Яна шунча мавсумий гуллар парвариш қилинди. Гулхоналардаги ҳаёт бугун кўчаларга кўчган.  -10 йилдирки тонгни гулзорда қарши оламан,-дейди ишчи Соҳибахон Дўсматова, -Ҳатто ғунчалар ҳам гўёки сизга салом бергандай бўлади. Гулларга қанча меҳр берсангиз чирой очаверади. Гул экишни ҳам ўз маданияти бор. Агар қаерга қандай кўчат ўтқазишни тўғри танлай билмасангиз, ишингиз кўринмайди. Айниқса, катта йўл ёқаларида гўзаллик  яратишнинг ўзи бўлмайди. Ўзбекистон “Адолат” СДП туман кенгаши томонидан ўтказилган “Энг обод кўча” ва “Энг обод хонадон” кўрик танлови чин маънода ободлик байрамига айланди. Эрта баҳордан  гул экилмаган кўча ва хонадон қолмади, ҳисоб. Эътиборлиси, ҳар бир маҳалланинг ўз услуби, бренди яратилди.  Томорқасида гулчилик билан шуғулланувчи оилалар ҳам бу тадбирда фаол қатнашдилар.  Буюк турон МФЙда яшовчи Мухтарамхон Хотамовалар оиласи биринчи ўринга муносиб топилди. Ўттиздан ортиқ турдаги гулларни парвариш қилаётган онахон тадбиркорга айланди. Унинг хонадонида  етиштирилган кўчатлар қўшни туманларда ҳам харидоргир. Акбарали Сатимов ва Шавкатхон Содиқовалар ҳам шу йўналишда тадбиркорлик фаолиятини йўлга қўйиб, яхшигина даромад қилмоқдалар. Бир сўз билан айтганда, булоқбошиликлар “Озод юртга ободлик   ярашади”, шиори остида туманни янада обод қилиш ҳаракатида.                      Акбаржон НАЗАРОВ, Ўзбекистон “Адолат” СДП Андижон вилоят кенгаши матбуот котиби ...

Батафсил
News

Мадаминжон Мўминов: Тинчлик ва бағрикенглик байрами

Президентимизнинг “Ўзбекистон Республикаси давлат мустақиллигининг йигирма саккиз йиллик байрамига тайёргарлик кўриш ва уни ўтказиш тўғрисида”ги қарорида кўрсатилганидек, буюк истиқлол туфайли Ўзбекистон ўтган давр мобайнида жаҳон ҳамжамиятидан муносиб ўрин эгаллаб, миллий тикланишдан миллий юксалиш сари дадил илгарилаб бормоқда. Шу сабаб ҳар йили истиқлолга эришилган кун ҳурлик, тинчлик ва бағрикенглик байрами сифатида нишонланади. Мен Истиқлолни кўзига тўтиё қилиб яшаётган инсонлар сафида эканлигимдан ҳамиша фахрланаман. Муҳтарам Юртбошимиз ташаббуси билан ишлаб чиқилган Ҳаракатлар стратегияси бизни ривожланишнинг истиқболли йўлларига олиб чиқмоқда. Эришилаётган ютуқлар юртимизда мустаҳкам тинчлик ва осойишталик қарор топганидан далолатдир. Амалга оширилаётган туб ислоҳотларнинг кўлами ва шиддати вилоятимизда бутун салобати ва шижоати билан ўз ифодасини топмоқда. Партиянинг “Бир ойда бир иш ўрни”, “Саломатлик йўлида бирлашайлик” лойиҳалари доирасида аҳолининг бандлигини таъминлаш, соғлом авлодни камолга етказиш ва ёшлар тарбияси йўлида амалга оширилаётган ишлар бунинг ифодасидир. Жумладан, ўтган ойда партиядошларимиз кўмагида 16 нафар фуқаро ишга жойлаштирилди. Уларнинг аксарияти вақтинча ишсиз уйда ўтирган хотин-қизлар эканлигини инобатга олсак, шунча оиланинг яшаш даражаси ошди. Сафимиздаги тиббиётчилар томонидан аҳоли саломатлигини мустаҳкамлаш доимий вазифага айланган. Амалдаги йилда айни шу мақсадга қаратилган иккита акция ўтказилди. Жойларда ташкил этилган тиббий кўриклар  600 нафардан зиёд фуқаронинг соғломлаштирилишига хизмат қилди. Бу борада айниқса, ижтимоий ҳимояга мухтож оилалар ва кексаларга алоҳида эътибор қаратилди. Бугун ёшларимиз билан қанча фахрлансак арзийди. Куни кеча телевизорда Ҳасанбой Дўстматовни кўриб қолдим. Чекка бир қишлоқнинг боласи жаҳон чемпиони, замонамизнинг энг кучли боксчиси. Унинг сафида яна қанча кучли боксчилар турибди. Андижоннинг мана шундай болалари юртимиз байроғини боши узра баланд кўтаряпти. Бу биз учун фахр. Истиқлол шукуҳи шу кунларда барчанинг кўнглига хушнудлик ва ифтихор бағишламоқда. Шундай тинч юртда яшаш  юртдошларимиз учун қадрли. Президентимиз таъбири билан айтганда, ҳар бир инсоннинг ҳаётдан рози бўлиб яшаши учун имкон беряпти. Бундай бахтга шукрона келтириб, ўз меҳнатимиз билан юрт равнақига муносиб ҳисса қўшайлик. Мадаминжон МЎМИНОВ, Ўзбекистон “Адолат” СДП Андижон вилоят кенгаши раиси   ...

Батафсил
News

Танқид ва таҳлил ютуқларга бошлайди

Йилнинг ўтган даврида андижонлик партиядошларимиз фаолиятида сезиларли ютуқлар билан бир қаторда камчиликларга йўл қўйилди. Айрим туман кенгашлари томонидан сафимизга янги аъзолар қабул қилиш, партия лойиҳалари асосида иш ташкил этиш ва белгиланган вазифаларни бажаришда оқсоқлик кузатилди. Баъзан партиявий тадбирлар номигагина ташкил этилганини қандай баҳолаш мумкин? Ўзбекистон “Адолат” СДП Андижон вилоят кенгашида биринчи ярим йиллик якунлари муҳокамасига бағишлаб ўтказилган йиғилиш айни шу масалага қаратилди. Таъкидлаганидек, бугун бошқа соҳалар қатори сиёсий майдонда ҳам ўзига хос ижобий рақобат муҳити мавжуд. Ҳар бир сиёсий партия сайловолди дастурида белгиланган вазифалар ижросини таъминлаш баробарида жамоатчилик орасида ўз ўрнини яратмоқда. Шунга қарамай Қўрғонтепа, Жалақудуқ ва Булоқбоши туман кенгашларида қатор кўрсаткичлар ортга кетгани, Андижон туман кенгашидан ташқари бирон бир туман янги аъзолар қабул қилиш бўйича белгиланган режани бажармаганини қандай баҳолаш мумкин? Маҳаллий кенгаш депутатлари сессияларга аввалги йилдагига нисбатан кўпроқ - 6 та масала киритган бўлсада, бу қониқарли эмас. Негаки ҳудудларда ечимини кутаётган қатор муаммолар турибди. — Ютуқлар ўзимизники, биз кўпроқ камчиликларни бартараф этиш хақида ўйлашимиз керак, -дейди Ўзбекистон “Адолат” СДП Андижон вилоят кенгаши раиси Мадаминжон Мўминов - Шу сабаб бугунги йиғилиш танқидий руҳда ўтди. Сайловлар йилида ҳар бир туман кенгаши ўз ўрнини яратиши, жамоатчилик орасига чуқур кириб бориши лозим. Акс ҳолда бизга бўлган ишонч камаяди ва сайловларда кутилган натижага эриша олмаймиз. Йиғилиш якунида олдинда турган долзарб вазифалар муҳокама этилди. Уларни амалга оширишга қаратилган чора-тадбирлар ишлаб чиқилди. Акбаржон НАЗАРОВ, Ўзбекистон “Адолат” СДП Андижон вилоят Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

“Адолат”дан болажонларга!

Партиядошларимиз ва маҳаллий кенгаш депутатлари Шаҳрихон тумани “Абдусамад” маҳалла фуқаролар йиғини ҳудудидаги 17- мактабгача таълим муассасасида бўлдилар. МТМда тарбияланувчилар учун яратилган шароитларни ўрганиш баробарида уларни соғломлаштириш ва жисмоний тарбия билан шуғулланишларига эътибор қаратилди. Шу куни “Адолатдан болажонларга” шиори остида спорт мусобақалари ўтказилди. Унда кичкинтойлар билан бирга тарбиячилар ҳам иштирок этдилар. Кичик майдончадаги беллашувлар ўзига хос байрамга айланди. Тадбир якунида энг фаол иштирокчилар туман партия кенгаши томонидан эсдалик совғалари билан тақдирланди. Аъзамжон ХОЛИҚОВ, Ўзбекистон “Адолат” СДП Шаҳрихон туман кенгаши раиси Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Хонободлик ёшлар сафимизга қўшилди

Ўзбекистон “Адолат” СДПнинг сайловолди дастури билан танишган бир гуруҳ хонободлик ёшларда партиямизга аъзо бўлиш истаги туғилди. Шаҳар партия кенгаши томонидан ташкил этилган сиёсий ўқишда улар тантанали равишда сафимизга қўшилдилар. — Амалдаги сайловлар йилида аъзоларимиз сони қанча кўпайса, ишимиз шунча енгиллашади,-дейди Ўзбекистон “Адолат” СДП Андижон вилоят кенгаши раиси ўринбосари Малохатхон Мусаева.- Чунки ҳар бир маҳаллада, ҳар бир меҳнат жамоасида бизнинг вакилларимиз бўлиши керак. Шунда жамоатчилик орасида тарғибот тадбирларини ўтказиш, ўз мақсад ва ғояларимизни фуқароларга етказиш имкони туғилади. Шу маънода бугун қаторимизга қўшилган ёшлар бизнинг энг ишончли кучимизга айланади. Хулкарой МЎМИНОВА, Ўзбекистон “Адолат” СДП Хонобод шаҳар Кенгаши раиси Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Андижонликлар “Токио сари йўл”да

Андижонда “Олимпия куни” муносабати билан “Токио сари йўл” шиори остида оммавий юриш тадбири ўтказилди. 40 мингдан зиёд иштирокчилар қатнашган тадбир аввалида соғлом турмуш тарзининг аҳамияти, спортнинг оммавийлиги хусусида сўз юритилди. Оммавий юришда таниқли спортчилар, турли халқаро мусобақалар ғолиблари, Олимпиада ўйинлари қатнашчилари билан бир қаторда соғлом ҳаёт тарзи тарафдорлари бўлган партиядошларимиз ҳам старт чизиғида ҳозир бўлдилар. Улар Ўзбекистон байроғини баланд кўтарган холда “Токио сари йўл” шиори ва олимпиада халқалари тасвири туширилган футболкаларда пиёда юришни бошладилар. Дастлаб мусиқа садолари остида велоспортчилар Андижон шаҳридаги Бобур майдонидан марказий маданият ва истироҳат боғига қадар бўлган масофани босиб ўтдилар. Бутун йўналиш давомида иштирокчилар сафи кенгайиб борди. — Бугунги тадбир соғлом ҳаётга чақирувчи ўзига хос байрамга айланди, - дейди Ўзбекистон “Адолат” СДП Андижон вилоят кенгаши раиси ўринбосари Малохатхон Мусаева. – Иштирокчилар орасида хотин-қизлар кўпчиликни ташкил этади. Бу соғлом келажак сари қўйилган қадам демакдир. Асосийси, юртдошларимиз автомобилларсиз пиёда юришнинг қанчалик фойдали эканлигини тушуниб етмоқда. Оммавий юриш тадбири барчага байрамона кайфият улашди. Аброрбек УСМОНОВ, Ўзбекистон “Адолат” СДП Андижон вилоят кенгаши мутахассиси Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!