ХОРАЗМ

Манзил: Урганч шаҳри, Ал-Хоразмий кўчаси, 53-уй

Телефон: (62) 224-12-36

Электрон манзил:  xorazm@adolat.uz

Янгиликлар
News

Отаназар Рўзматов: ишонч катта масъулият

Президентимизнинг 2018 йил 28 декабрда Олий Мажлисга тақдим этган Мурожаатномасида давлат ва жамият ҳаётининг барча соҳасини тубдан янгилашнинг муҳим марралари белгиланди. Бу борада парламентимиз, хусусан, биз депутатлар олдида турган долзарб вазифалар хусусида фикрлар билдирилди. Таъкидланганидек, келгусида туман ва шаҳар ҳокимларининг маҳаллий Кенгашларга раислик амалиёти бекор бўлиши халқ депутатлари маҳаллий Кенгашлари нуфузини янада оширишга хизмат қилади. Бу эса, партия ташкилотлари ва биз депутатлар зиммамизга катта масъулият юклайди. Биз мавжуд камчилик ва нуқсонларни батамом бартараф этиб, одамларнинг дарду ташвишларини енгиллаштириш учун нима қилдик, деган саволни ўртага ташлаб, фаолиятга чуқурроқ, изчил ёндошмоғимиз лозим. Ўзбекистон “Адолат” СДПнинг Халқ депутатлари Янгиариқ туман Кенгашидаги депутатлик гуруҳи томонидан ана шулар таҳлил қилиниб, туман ижтимоий-иқтисодий ҳаётига доир масалаларнинг сессиялар муҳокамасига критилаётгани алоҳида аҳамият касб этмоқда. Депутат сифатида сайловчилар билан мунтазам учрашиб, уларнинг талаб, таклифларини ўрганаман. Ҳаётга тадбиқ этиш чораларини кўраман. Бу эса аҳоли дуч келаётган муаммоларни бартараф этишга, улар турмуш шароитини яхшилашга хизмат қилаётганидан мамнунман. Яна бир нарсадан қувонаманки, маҳалладошларим қалбида ободлик, бирдамликка, ҳамжиҳатликка интилиш кучайди. Ҳар бир хонадонда ўзига хос файз-тароват борлиги мени хурсанд қилади. Ҳамюртларимиз шунчаки томошабин эмас. Улар ўз келажагини мамлакат тақдирига дахлдорликда, деб биладилар. Отаназар РЎЗМАТОВ, Халқ депутатлари Янгиариқ туман Кенгаши депутати Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

“Гулшан” МФЙда аниқланган муаммолар депутат назоратига олинди

Айни кунларда партия фаоллари, депутатларнинг фуқаролар билан юзма-юз мулоқотлари қизғин давом этмоқда. Ўзбекистон “Адолат” СДП Хоразм вилоят Кенгаши депутати, фаол сафдошимиз Мансур Маҳмудовни ҳам ҳар доим сайловчилари орасида эзгу ишлар бошида учратиш мумкин. Депутат М.Маҳмудов ҳамда партия фаоллари томонидан Хива туманидаги “Гулшан” маҳалласи аҳолиси билан хонадонма-хонадон юриб, очиқ мулоқотлар ташкил этилди. Юртдошларимизнинг дарду ташвишлари, уларни қийнаб келаётган муаммолар ўрганилди. Фаолларга маҳаллада истиқомат қилаётган фуқаролар томонидан маҳалладаги “Кўхна Хива” кўчасида пиёдалар ўтувчи йўлакчалар йўқлиги, транспортларнинг серқатновлиги сабабли пиёда йўловчилар учун, айниқса, ҳудудда жойлашган ўқув муассасасига шу йўл орқали қатнаётган ўқувчилар учун муаммолар туғилаётганини ҳамда маҳалла ҳудудида давлат тасарруфидаги биронта ҳам мактабгача таълим муассасаси йўқлиги, ичимлик суви таъминотидаги муаммолар тўғрисида мурожаатлар билдирилди. Шунингдек, фуқаролардан Бибижон Рўзметова, Қаландар Бобожонов ва бошқалар қўшимча таморқаларини суғора олмаётганликларига эътироз билдиришди. Депутат жойнинг ўзида “Гулшан” МФЙ раиси Ашур Машариповга мурожаат этди ва бу муаммо зудлик билан бартараф этиладиган бўлди. Фаоллар маҳалладаги “Зарафшон” кўчаси 228-хонадон аъзолари билан суҳбатлашганда 1966 йилда туғилган Тўхтажон Абдурахмонованинг 4 нафар фарзандидан 3 нафари туғма ногирон экани, яшаш шароитлари ҳам яхши эмаслиги, шунга қарамасдан Т.Абдурахмонова 1989 ва 1996 йилда туғилган, умуман ишга яроқсиз ногирон фарзандларини ҳеч қаерда ишламасдан парвариш қилаётгани маълум бўлди. Депутат М.Маҳмудовнинг саъй ҳаракатлари билан хонадон эгаларига жойнинг ўзида моддий ва маънавий кўмак берилди. Шунингдек, М.Маҳмудов Т.Абдурохмоновага ногирон фарзандларини қараётгани учун қонун доирасида нафақа пули ажратиш масаласи хусусида ҳамда мулоқотлар жараёнида аниқланган бошқа муаммолар бўйича ўрганиш ва амалий ишларни бошлаб юборди. Депутат учрашувлари давомида томорқа ерларидан унумли фойдаланишга ундаш билан бир қаторда, мамлакатимизда олиб борилаётган ислоҳотлар ҳамда Давлатимиз раҳбари томонидан имзоланаётган қарор ва фармонларнинг ҳаётга татбиқ этилиши тўғрисида ҳам маълумотлар бериб ўтди. Замира АБДУЛЛАЕВА, Ўзбекистон “Адолат” СДП Хоразм вилоят Кенгаши матбуот котиби Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/       ...

Батафсил
News

БПТда сиёсий ўқув ташкил этилди

Шовот туманидаги “UzTex Shovot” МЧЖдаги бошланғич партия ташкилотида Ўзбекистон “Адолат” социал-демократик партиясининг “Ижтимоий соҳа ривожи — аҳоли фаровонлигининг асоси” лойиҳаси доирасида “Юрт фаровонлиги – тараққиёт гарови” мавзусида Шовот туман Кенгаши томонидан бошланғич партия аъзолари билан сиёсий ўқув ташкил этилди. Сиёсий ўқувни ташкил этишдан мақсад — партия ва БПТ орасидаги узвий боғлиқликни жонлантириш, партия мақсад ва мафкурасини БПТ аъзолари орасида кенг тарғиб этиш, бошланғич партия ташкилотининг асосий йўналишларини, янада самарали фаолият олиб боригшини таъминлаш. Феруза Юсупова Шовот туман Кенгаши депутати: – Бошланғич партия ташкилоти бу – фуқароларни ўзаро манфаатлар, қарашлар умумийлиги асосида ҳудудий, ишлаб чиқариш муассасаларида бирлаштирган сиёсий партия ташкилотларининг бошланғич ячейкасидир. БПТ — партиянинг негизи ҳисобланади. Уларнинг самарали фаолияти партия ҳаётида муҳим аҳамият касб этади. БПТлар қанчалик фаол бўлса, партия фаолияти самарадорлиги таъминланади, аъзолар сони кўпаяди. Бугунги кунда бошланғич партия ташкилотлар фаолиятини кескин жонлантириш Ўзбекистон “Адолат” СДП Шовот туман Кенгаши олдида турган устувор масалалардан бирига айланган. Бошланғич партия ташкилотларининг ўз вазифаларини давр талаби даражасида бажарилишини таъминлаш партиямиздан жойлардаги бошланғич партия ташкилотларини ташкилий жиҳатдан мустаҳкамлашни, ташқи ва ички вазифаларни аниқлаштиришни, мустақил равишда тарғибот-ташвиқот тадбирларини тайёрлаш ва ўтказиш кўникмаларини шакллантиришни ва бир қатор бошқа партиявий ишларнинг самарали ижросини талаб этади. Ўқув якунида “UzTex Shovot” МЧЖда янги иш фаолиятини бошлаган 9 нафар ишчи партия аъзолигиги қабул қилинди. Мехриноз АБДИЯЗОВА, Ўзбекистон “Адолат” СДП Шовот туман Кенгаши раиси Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Ёшларнинг сиёсий ва ҳуқуқий билимлари оширилди

Ўзбекистон “Адолат” социал-демократик партияси Хоразм вилоят Кенгаши, Ёшлар Иттифоқи Хива шаҳар Кенгаши билан ҳамкорликда Хива педагогика коллежида партиянинг “Ватан келажаги ёшлар қўлида” лойиҳаси доирасида “Депутат ва ёшлар” мавзусида маънавий-маърифий, тадбир ўтказди. Тадбирда партия фаоллари, депутатлар, Ёшлар иттифоқи Хива шаҳар Кенгаши вакиллари, мазкур коллежнинг ўқитувчи ва ўқувчилари ҳамда оммовий ахборот воситалари иштирок этишди. Тадбирда сўзга чиққан вилоят Кенгаши депутати Икрам Абдуллаев, Шовот туман Кенгаши депутати Бекзод Ражабов ва бошқалар томонидан мамлакатимизда олиб борилаётган сиёсий ислоҳотлар, Давлатимиз раҳбари томонидан имзоланаётган Қарор ва Фармонлар, Мурожаатномада билдирилган таклифлар, Ўзбекистон Республикаси Олий Мажлиси, Халқ депутатлари вилоят, туман ва шаҳар Кенгашлари ва сиёсий партиялар фаолиятига оид Қонунларнинг мазмун ва моҳияти тўғрисидаги маърузалари тингланди. Гўзал Қодирова, тадбир иштирокчиси: – Тадбир давомида депутат қандай бўлиши керак, депутатларнинг сайловчилари олдидаги бурч ва вазифалари, партиянинг сайловолди дастуридан ўрин олган илғор ғоялар ва депутатлик вазифаларини тўлиқ адо этиш, жорий йилда бўлиб ўтадиган сайловлар тўғрисидаги маърузалар эътиборимни тортди. Сиёсий партияларнинг фаолиятига бўлган қизиқишим ортди. Сайловларда менинг ҳам берган овозим Ватаним тақдири учун муҳим аҳамиятга эга эканини тушуниб етдим. Қизғин баҳс ва мунозараларга бой бўлган тадбир сўнгида иштирокчилар қизиққан саволларига соҳа мутахассислари томонидан батафсил жавоблар олишди. Замира АБДУЛЛАЕВА, Ўзбекистон “Адолат” СДП Хоразм вилоят Кенгаши матбуот котиби ...

Батафсил
News

Депутат халқ орасида: “Шоҳидонлар” маҳалласидаги муаммолар: меъёридан ортиб кетган аҳоли, маҳалла идораси ва болалар боғчаси мавжуд эмас...

Олий Мажлис Қонунчилик палатаси депутати Мақсуд Қурбонбоев ўз сайлов округида бўлиб сайловчилари билан юзма-юз мулоқотлар ўтказиб, ҳудуднинг ижтимоий-иқтисодий ҳолатини ўрганмоқда. 109-сайлов округидаги сайловчилар билан учрашувлар айни дамда қизғин паллада. Депутат Урганч туманидаги 15-умум ўрта таълим мактабида бўлганида муассасанинг жуда эскириб қолгани, бинонинг айрим қисмлари ўта таъмирталаблиги билан эътиборини тортди. Мактаб директори Дилором Пирназарова билан суҳбатлашганда қуйидагиларни баён этди: Мактаб биноси 1969-йилда қурилган бўлиб, 536 ўринга мўлжалланган. Айни пайтда ўқув муассасасида 1136 нафар ўқувчи таълим олмоқда. Шунингдек, мактаб спорт зали ҳам фойдаланиш учун талаб доирасида эмас. Немис ва инглиз тили дарсликларини етишмовчилиги ҳам долзарб муаммо бўлиб қолмоқда. Баён этилган муаммоларни депутат ўз назоратига олишини ва ижобий ечими юзасидан мутасадди ташкилотларга депутатлик сўровларини чиқаришини маълум қилди. Шунингдек, депутатнинг навбатдаги ташрифи тумандаги Ғайбу қишлоғи “Шоҳидонлар” маҳалла фуқаролар йиғини аҳолиси орасида бўлди. “Шоҳидонлар” МФЙ раиси Мансур Абдуллаев фуқаролар йиғини ўз фаолиятини “Хожибойлар” МФЙдаги 3-умум ўрта таълим мактаби биносида олиб бораётгани ҳамда МФЙ моддий техник базаси билан таъминланмагани тўғрисида гапирди. Айниқса, маҳалла аҳолисининг сони 5470 нафарга етиб белгиланган меъёридан ошиб кетганини эътиборга олиб, яна битта янги МФЙ ташкил этишни ҳамда “Шоҳидонлар” МФЙ номини бошқа номга ўзгартириш таклифини берди. Шунингдек, маҳалла фуқароларидан Роман Отахонов, Комил Аллаёров, Қутлибика Собировалар маҳаллада биронта ҳам мактабгача таълим муассасаси барпо этилмагани, маҳалла аҳолисининг МТМга зарурияти борлиги, маҳалладаги ички йўлларнинг яроқсиз ҳолатга келиб қолгани, айниқса, “Шайх Муҳаммад Румий” қабристонига маҳалладан ўтувчи 5 км масофадаги ички йўлнинг ёғингарчиликда йўловчилар учун қийинчилик ва муаммолар туғдираётгани тўғрисида баён этишди. Қайд этилган муаммолар бўйича вилоят ҳокими Фарҳод Эрмановга депутатлик сўрови орқали мурожаат этилиши кўзда тутилди. Шунингдек, шу маҳаллада яшовчи Қувондиқ Зарипов “Шоҳидонлар” МФЙ раисининг нуронийлар ва ёшлар бўйича ўринбосари вазифасида жамоатчилик асосида фаолият юритаётгани, бошқа ишда ишламаслиги боис, моддий томондан қийналаётганини билдирди. МФЙ фаоллари томонидан мазкур ўринбосарга штат бирлиги очишда амалий ёрдам беришни сўраб мурожаат этишди. Депутат М.Қурбонбоев қайд этилган муаммолар юзасидан ўрганиш ишларини олиб боришини билдирди. Қувондиқ Зариповни бошқа ишга жойлаштириш мақсадида депутат жойнинг ўзида вилоят Бандликка кўмаклашиш маркази раҳбари Хурмат Матрасуловга оғзаки мурожаат этди. Шунингдек, “Хоразм дори-дармон” МЧЖга қарашли 102-сон ижтимоий дорихона, 31-сон оилавий поликлиника, 13-сон мактабгача таълим муассасаларида бўлиб сайловчилар билан очиқ мулоқотлар ташкил этилди. 31-сон поликлиникада бўлиб ўтган очиқ мулоқот жараёнида тез ёрдам машинаси йўқлиги боис, беморларни чақирувларига вақтида етиб борилмаётгани, 10-12 кмгача бўлган масофага йўловчи машиналарда боришга тўғри келинаётгани тўғрисида мурожаат билдирилди. Шунингдек, тумандаги умум ўрта таълим муассасаларида тиббиёт ҳамшираси штат бирлиги йўқлиги сабаб, бемор ўқувчиларга тиббий ёрдам бериш учун оилавий поликлиникалардан тиббиёт ходимлари чақирилаётгани маълум қилинди. Мулоқотлар чоғида аниқланган муаммоларни ўрганиш ва бартараф этиш чора тадбирлари депутат иштирокида бошлаб юборилди. Депутатнинг сайловчилари билан юзма-юз мулоқотлари давом этмоқда. Замира АБДУЛЛАЕВА, Ўзбекистон “Адолат” СДП Хоразм вилоят Кенгаши матбуот котиби ...

Батафсил
News

“Истеъдод” клуби аъзолари “Авесто” ёдгорлик мажмуасида

Аввал хабар берганимиздек, Ўзбекистон “Адолат” СДП Хоразм вилоят Кенгаши қошида ташкил этилган “Истеъдод” клубининг самарали фаолияти натижасида юзлаб иқтидорли ёшлар кашф этилмоқда. Иқтидорли ёшларнинг адабий муҳитда ўз ўрнига эга бўлиб, салмоқли ҳиссаларини қўшаётгани партия фаоллари учун қувонарли бўлмоқда. Айниқса, клуб машғулотларининг табиат қўйнида, тарихий обидалар масканларида ташкил этилаётгани ёшларни табиатга ва тарихимизга бўлган қизиқишларини ошиб боришига хизмат қилмоқда. Хусусан, “Истеъдод” клубининг галдаги машғулоти Урганч шаҳар марказида жойлашган “Авесто” номидаги халқаро ҳайрия жамғармаси музейида ташкил этилди. Музей раҳбари Комилжон Нуржанов ёшларга Хоразм тарихига оид қадимий топилмалар, кўргазмалар тўғрисида маълумотлар берди. Таъкидланишича, музейда икки минга яқин экспанатлар мавжуд. Неча минг йиллик тарихга эга ноёб дурдоналарни асраб авайлаб келажак авлодга етказиш лозим. Иззат Аллаёров, Клуб аъзоси: – “Авесто” музейига илк бора келишим. Музейдан жой олган тарихимиз ёдгорликлари билан яқиндан танишдим. Таассуротларим чексиз. Клубнинг ҳар бир машғулотидан олам-олам қувончга тўламан. Ижодим сайқалланиши билан бир қаторда янги дўстлар орттирдим. Ижод намуналаримиз билан ўртоқлашганимиз, қизиқарли мушоиралар, табиат қўйнидаги, ёдгорлик мажмуаларида ўтказилган машғулотлар давомида олган сабоқларим мени доим янги марралар сари илҳомлантиради. Ташкилотчи устозларимдан миннатдорман. Машғулот сўнгида ёшлар ўзлари қизиққан саволларга Комилжон Нуржанов ҳамда партия фаоллари томонидан батафсил жавоблар олишди. Клуб сафига янги аъзолар қабул қилинди. Замира АБДУЛЛАЕВА, Ўзбекистон “Адолат” СДП Хоразм вилоят Кенгаши матбуот котиби ...

Батафсил
News

Пленумдан — пленумгача: танқидий ва таҳлилий фикр янги марралар учун мустаҳкам заминдир

  Ўзбекистон “Адолат” СДП Хоразм вилоят Кенгашининг навбатдаги XXIV Пленуми бўлиб ўтди. Унда партия фаоллари, депутатлар, шаҳар, туман ҳамда бошланғич партия ташкилотлари раислари, ОАВ вакиллари иштирок этишди. Йиғилишда партия вилоят, шаҳар ва туман Кенгашлари ҳамда депутатлик гуруҳилари томонидан 2018 йилда амалга оширилган ишлар, эришилган ютуқлар баробарида йўл қўйилган камчиликлар таҳлил қилиниб, 2019 йилга мўлжалланган устувор мақсад-вазифалар ҳамда партия фаолиятига доир бошқа масалалар муҳокама қилинди. Пленумда партия вилоят Кенгаши раиси вазифасини вақтинча бажарувчи Тохир Палвановнинг маърузаси тингланди. Таъкидланганидек, 2018 йилда партия Сайловолди дастурида илгари сурилган илғор ғояларни ижросини таъминлашда ҳамда партия лойиҳаларини самарали ҳаётга тадбиқ этилиши борасида, шунингдек, 2018 йил “Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастури ижросини таъминлаш мақсадида электорат ва аҳолининг кенг қатлами билан самарали мулоқотлар ташкил этилди. Лойиҳалар доирасида ҳудудий Кенгашлар қошида ишчи гуруҳлар тузилиб, ўрганиш ишлари олиб борилди. Ўрганишлар натижалари 13 та тегишли доимий комиссия йиғилишларида, 13 та вилоят, шаҳар ва туман Кенгашларнинг Сессияларида муҳокама этилиб. Йиғилиш қарори билан амалиётга йўналтирилди. Шунингдек, Пленумда ижобий ишлар билан бир қаторда йўл қўйилган камчиликлар хусусида ҳам сўз юритилди. Жумладан, Партиянинг негизи бўлган айрим бошланғич партия ташкилотлар фаоллигини оширишдаги, Сессия йиғилишларига масалалар киритишда сусткашликка йўл қўяётган, Гурлан, Хазорасп, Қўшкўпир ва Урганч туман Кенгашларининг фаолиятини қайта кўриб чиқиш, Мансабдор шахсларнинг эшитувидаги, Сессия ва доимий комиссияларга тақдим этилган масалалар сони жуда камлиги ва бошқа йўналишлар бўйича қайд этилган муаммолар ва уларни бартараф этиш чора тадбирлари тўғрисидаги фикр ва мулоҳазалар иштирокчиларнинг диққат марказидан жой олди. Рустам Болтаев, Урганч шаҳар Кенгаши раиси, депутатлик гуруҳи раҳбари: – Пленум ҳар галгидан ҳам юқори танқидий руҳда ўтди. Йўл қўйилган камчиликлар бирма-бир таҳлил этилди. Айниқса, ўз вазифасига совуққонлик билан қараётган депутатларнинг масъулиятсизлиги қаттиқ танқид остига олинди. Депутатлар томонидан чиқарилаётган депутатлик сўровлари, Сессия кун тартибига масала киритиш, Мансабдор шахсларни эшитуви ҳамда доимий комиссиялар йиғилишига муаммоларни тақдим этиш тўғрисидаги билдирилган танқидий муносабатдан тўғри хулоса чиқариб, фаолликни кучайтирамиз. Пленумда сўнгида юртимиз тараққиёти йўлида ҳамда партия лойиҳаларини ҳаётга тадбиқ этишда, партиянинг халқ орасидаги нуфузини оширишдаги фидокорона меҳнатлари учун бир гуруҳ партия фаоллари ҳамда депутатлари вилоят Кенгашининг ташаккурномаси ва дипломлари билан тақдирландилар. 2018 йилдаги самарали фаолияти учун Хонқа туман Кенгаши раиси Зеважон Юсуповага вилоят Кенгашининг кўчма “Кубоги” тантанали топширилди. Кун тартибида кўрилган масалалар юзасидан тегишли қарорлар қабул қилинди. Замира АБДУЛЛАЕВА, Ўзбекистон “Адолат” СДП Хоразм вилоят Кенгаши матбуот котиби ...

Батафсил
News

Урганчда 50 нафар тиббиёт ходимлари партия аъзолигига қабул қилинди

Маълумки, сиёсий партиянинг омма орасида нуфузини ошиб боришида бошланғич партия ташкилотларининг ўрни беқиёсдир. Ўзбекистон “Адолат” СДП Хоразм вилоят Кенгаши ҳамда Урганч шаҳар Кенгаши ҳамкорликда вилоят кўп тармоқли шифохонасида “Ўзбекистон “Адолат” СДП сайловолди дастурининг мамлакатимиз тараққиётида тутган ўрни” мавзусида тадбир ўтказилди. Тадбирда партия фаоллари, депутатлар ҳамда мазкур шифохона ходимлари иштирок этишди. Тадбирни вилоят кўп тармоқли шифохонаси бош шифокори, партия фаоли Шуҳрат Эгамбердиев кириш сўзи билан очиб берди. Тадбирдан кўзланган мақсад — партия томонидан олиб борилаётган ислоҳотлар, устувор вазифалар ҳамда ҳаётга тадбиқ этилаётган лойиҳаларни тиббиёт соҳаси вакиллари орасида кенг тарғиб этиш ва фаол сафдошларимиз сафини кўпайтиришдан иборат. Хоразм вилоят ҳудудий ташкилотлари томонидан жойларда бошланғич партия ташкилотлар фаолиятини сифатли ва талаб доирасида олиб боришга чуқур эътибор қаратилмоқда. Шунингдек, жорий йилнинг декабрь ойида бўлиб ўтадиган Парламент ва халқ депутатлари ҳудудий Кенгашларга депутатлик сайловларида бошланғич партия ташкилотларнинг фаоллигини янада жонлантиришга қаратилган чора-тадбирлар қизғин тус олмоқда. Мазкур шифохонада 50 нафар сафдошимизни бирлаштирган янги бошланғич партия ташкилоти ташкил этилди. Шихназар Худайберганов, шифохона хирург шифокори, БПТ раиси: — Партиянинг мақсад ва вазифалари, фаоллари томонидан олиб борилаётган ишлар, халқчил ғоялар, лойиҳалар, иқтидорли ёшларга қаратилаётган эътибор тўғрисидаги маълумотлардан ОАВ орқали хабардор эдим. Бугун партия аъзолигига қабул қилиндим ва янги ташкил этилган БПТ раиси қилиб тайинландим. Билдирилган ишончни албатта оқлашга, сафимизни фаол аъзолар ҳисобига ошириб боршга, партиянинг обрў-эътиборини омма орасида янада танитишга ҳаракат қиламан. Янги ташкил этилган БПТга партия томонидан китоблар жамланмаси тақдим этилди. Замира АБДУЛЛАЕВА, Ўзбекистон “Адолат” СДП Хоразм вилоят Кенгаши матбуот котиби ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!