НАМАНГАН

Манзил: Наманган шаҳар, Банк кўчаси, 9-уй

Телефон: (69) 227-23-84, 227-20-38

Электрон манзил:  namangan@adolat.uz

Янгиликлар
News

Депутат халқ орасида: уйи бузилаётган фуқаролар мурожаатлари ўрганилди

“Шарқ тонги” – Наманган шаҳрининг қоқ марказида жойлашган маҳаллалардан бири. У шундоққина марказий “Чорсу” бозорининг ёнгинасида. Атрофда савдо, маданий-маиший хизмат кўрсатиш бинолари. Навоий номли театр, Бобур номли боғ ҳам узоқ эмас. Бу, бир жиҳатдан катта қулайлик туғдиради. Аммо очиғини айтганда, маҳалланинг аксарият кўчалари қинғир-қийшиқ, ҳовлилар тор, соя-салқин жойлар кам. Аҳоли узоқ йиллардан бери “уйларимиз ана бузилади, мана бузилади, шунда яшаш шароитимизни яхшилаб оламиз”, деб юрар эди. Яқинда, аниқроғи, икки ой илгари шундай пайт ҳам келиб қолди. Шаҳар марказини қайта қуриш режасига мувофиқ маҳалладаги бир қатор эски ҳовлилар бузиладиган бўлди. Халқимиз аксарият ҳолда ҳар бир вазиятга тўғри тушунадиган, яхши гапга кўнадиган одамлардан иборат. Фақат кўнгилни ола билиш, фуқароларнинг дардини эшитиш керак. Биз ҳикоя қилмоқчи бўлган ҳолатда шундай ҳол юз бермади, шекилли... Рамазоннинг дастлабки кунлари “Шарқ тонги”даги қатор хонадонларга шаҳар ҳокимлигининг вакиллари ташриф буюришди. Аҳолига уйларни бузиш ва кўчишга тайёрланиш ҳақида айтишди. Албатта, одамлар ҳам ўзларининг мулоҳазаларини билдирдилар. Уларнинг мазмуни шундай эди: “Бизларни рози қилсангизлар, дарҳол кўчишга тайёрмиз”. Бироқ ҳокимият вакиллари бу гапларга, юмшоқ қилиб айтганда, бепарво қарашди. Фуқаролар ҳам майли, рамазонни ўтказиб олайлик, кейин бир гап бўлар, деган фикрга бордилар. Мана салкам бир ойки, маҳалланинг шу қисмидаги аҳоли хонадонларининг тинчи бузилган. Деярли ҳар куни ҳокимлик вакиллари одамларга тезроқ кўчиш кераклигини эслатишади. Улар ҳам ўз навбатида бизни рози қилиш керак, деган иддаони билдиришади. Масала шаҳар ва вилоят раҳбарлари қолиб, Тошкентгача етиб борди. Вазирлар Маҳкамаси-ю Олий Мажлис Қонунчилик палатаси ҳам воқеадан хабардор бўлди. Шуҳрат Якубов, Парламентдаги Ўзбекистон “Адолат” СДП фракцияси аъзоси: – Мен шаҳарнинг шу қисмидан депутат бўлиб сайланганман. Аҳоли вакиллари билан бевосита уларнинг хонадонларида бўлиб суҳбатлар ўтказдик. Партиямиз вакиллари бизга ҳамроҳлик қилишди. Очиғини айтганда, бузиш режалаштирилаётган хонадонларда яшовчилар биринчи навбатда мурожаатларини ҳеч тингламаётганидан норози. Мажозий маънода айтсак, ҳокимият дарёнинг бир соҳилида, аҳоли эса қарама-қарши томонда. Лекин ҳар қандай ҳолатда одамларнинг фикрлари билан ҳисоблашиш керак, деб ўйлаймиз. Шундагина фуқароларни рози қилиш мумкин. Аобатта, одамларни ҳам тўғри тушуниш даркор. Улар ўзлари ёки ота-оналари қурган уй-жойлардан айриладилар. Агар эвазига бериладиган товон пули, хонадон ёки ҳовли уларга маъқул тушса, ҳеч қандай муаммога ўрин қолмайди. Мана, улардан айримларининг мулоҳазалари билан танишинг. Самарқанд кўчаси, 4-берк кўча, 4-уйда яшовчи Муқаллас Ғафурова: – Умумий майдони икки сотих кемайдиган ҳовлида тўрт оила, жами 13 киши яшаймиз. Онам, мен икки ўғлим билан, шунингдек икки укам хотинлари ва беш фарзанди билан. Лекин бизга битта икки ва битта уч хонали квартира беришмоқчи. Биз шунга якка тартибда уй қуриш учун тўрт сотихли ер учасикаси ҳам қўшиб берилишини сўрадик. Шунда бузиладиган ҳовлидан чиқадиган қурилиш материаллари ва бериладиган товон пулидан фойдаланиб, уй қуриб олардик. Мумкин эмас, дейишади. Лекин қайси ҳужжатда шундай ёзилганлигини ёки ким бундай деганлиги айтилмайди. Ҳаммаси мавҳум, бу эса бизга ёқмаяпти. – Самарқанд кўчаси, 9-берк кўча, 18 уйда яшрвчи Нигора Эгамберлиева: — Бизнинг хонадонда ҳам кўпчилик яшайди. Менинг уч фарзандим бор. Икки акам ўз оиласи билан истиқомат қилади. Ўнта хонадан иборат уйларимиз бор. Ёрдамчи бинолар ҳам талайгина. Улар бузилса, бизга товон пули тўланиши керак. Аммо белгиланган маблағ миқдори бизни қониқтирмаяпти. Чунки баҳолаш нотўғри ўтказилган. Энди ўзимиз бошқа мутахассисларга баҳолатамиз, десак, кадастр идораси тегишли ҳужжатларни бермаяпти. Беш марта мурожаат қилдик, масала ҳалигача ҳал бўлмади. Ёнимизда қурилаётган кўп қаватли уйлардан квартира беришни сўрагандик. Бу мурожаатга ҳам ҳеч ким эътибор бермаяпти. Шу куни Қонунчилик палатаси депутати Шуҳрат Якубов яна бир қатор фуқаролар хонадонида бўлди. Улар орасида Акрамжон Тўраев, Муҳаббат Узоқова, Ибодулла Ҳусаинов ва бошқалар бор эди. Ҳамма ўзининг юзага келган вазият юзасидан фикрини айтди. Депутат барчасини таҳлил қилиб, тегишли идоралар ёрдамида мурожаатларнинг ечимини топишга ваъда берди. Нурбек АБДУЛЛАЕВ, Ўзбекистон “Адолат” СДП Наманган вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Вилоят кенгашида учрашув

Одатдагидай, 27 июнда мамлакатимизда Матбуот ва оммавий ахборот воситалари ходимлари куни умумхалқ байрами сифатида кенг нишонланди. Ўзбекистон “Адолат” СДП Наманган вилоят Кенгашида ҳам шу муносабат билан республика ва маҳаллий ОАВ ходимлари учун матбуот конференцияси ўтказилди. Унда партия фаоллари, маҳаллий кенгашлар депутатлари ҳам қатнашдилар. Тадбирни “Адолат” СДП вилоят Кенгаши матбуот хизмати котиби Нурбек Абдуллаев қисқача кириш сўзи билан очди. Шундан кейин партия вилоят Кенгашининг раиси Исроил Жўраев журналистларни касб байрами билан қутлар экан, Президентимиз Шавкат Мирзиёевнинг қуйидаги фикрларини тилга олди: “Барчага яхши маълумки, матбуот ва оммавий ахборот воситалари иши ҳамма томонлама ҳам оғир ва масъулиятлидир. Мамлакатимиз янги тараққиёт босқичига кўтарилаётган, очиқлик ва ошкоралик, сўз ва фикр эркинлиги ҳаётимиз мезонига айланиб бораётган ҳозирги пайтда бу масъулият янада кучаймоқда. Бугунги кунда дунё шиддат билан ўзгармоқда. Барча соҳаларда ахборот олиш ва уни етказиш, таъсирчан жамоатчилик фикрини шакллантириш заруратга айланган. Бундай мураккаб шароитда ҳаёт янгидан-янги талаб ва вазифаларни олдимизга қўймоқда. Шуларнинг барчасини ҳисобга олиб, мамлакатимизда оммавий ахборот воситаларини ривожлантириш бўйича кенг кўламли ислоҳотлар амалга оширилмоқда.” “Адолат” СДП вилоят Кенгашининг раҳбари журналистларга сафдошларимизнинг шу кунларда олиб бораётган фаолияти ҳақида гапириб берди. Айни пайтда 400 дан зиёд БПТ га бирлашган 27,5 мингдан ортиқ сафдошларимиз сайловолди дастурида кўзда тутилган устувор вазифаларни ҳаётга тадбиқ этиш мақсадида ишлаб чиқилган партиявий лойиҳалар доирасида фаолият олиб бормоқдалар. Аҳоли орасига кириш, халқ билан бевосита мулоқот ўрнатиш ва тарғибот-ташвиқот тадбирларига катта эътибор қаратилмоқда. Хусусан, “Адолат – қонун устуворлигида” лойиҳаси доирасида партиянинг барча туман, шаҳар Кенгашларида фаоллар ва депутатлардан иборат ишчи гуруҳлари тузилган. Улар ҳар ҳафтанинг чоршанба кунлари мунтазам равишда маҳаллаларда халқ билан юзма-юз мулоқот ўрнатмоқдалар. Халқ депутатлари маҳаллий кенгашларидаги депутатдик гуруҳлари ҳам фаоллашмоқда. Шу йилнинг ўзида сессияларга 4 та масала киритилди. Доимий комиссияларда партиядош депутатларимиз ташаббуси билан 10 дан ортиқ масала муҳокама қилинди. Тадбирда қатнашган Ўзбекистон Республикаси Олий Мажлиси Қонунчилик палатасидаги “Адоат” СДП фракцияси аъзоси Шуҳрат Якуьов эса парламент фаолияти ҳақида батафсил маълумот тақдим этди. Янги қабул қилинган Сайлов кодекси ҳақида ҳам кенг тушунча берилди. Шундан кейин журналистлар ўзларини қизиқтирган саволларига батафсил жавоблар олдилар. Мазкур жараёнда сиёсий партиялар билан матбуот ўртасидаги ҳамкорликни мустаҳкамлаш борасида ҳам фикр юритилди. “Наманганская правда” газетаси муҳаррири Дилмурод Жумабрев, “Халқ сўзи” газетасининг Наманган вилояти бўйича мухбири Қудратилла Нажмиддинов, “Янгиқўрғон ҳаёти” туман газетасининг муҳаррири Дилбар Асқарова, “Тараққиёт мезони” газетасининг муҳаррири Саидолим Абдураҳмонов, “Наманган-24” интернет-нашри раҳбари Оқилхон Дадабоев, “Наманган садоси” газетаси муҳаррири Комилжлн Файзиев ва бошқалар мавзу бўйича ўз мулоҳазаларини билдирдилар. бошқалар партия фаолияти, матбуот билан ҳамкорлик масалаларига доир ўз мулрҳазаларини баён этдилар. Абдулбоқи Иброҳимов, “Наманган” телеканали мухбири: — “Адолат” партияси фаолияти ҳақида кейинги икки йил давомида қатор кўрсатувлар тайёрладик ва эфирга узатдик. Улар орқали ишда яхши ўзгаришлар бўлаётганини кўриб турибмиз. Айни пайтда ҳали ишга солинмаган имкониятлар ҳам йўқ эмас. Вилоят Кенгаши учун янги бино ажратилганлиги ва у замонавий жиҳозлангани ҳам бизга маъқул тушди. Қолаверса, матбуот хизмати билан ОАВ ўртасидаги ҳамкорлик кенгайиб бораётганлигини кўриб турибмиз. Бу, яқинлашиб келаётган сайлов кампанияси арафасида айниқса, муҳим аҳамият касб этади. Тадбир ниҳоясида қатор оммавий ахборот воситалари таҳририятларига Ўзбекистон “Адолат” СДП Наманган вилоят кенгашининг ташаккурномалари тақдим этилди. Партия фаолиятини ёритишга катта ҳисса қўшган бир гуруҳ журналистлар эса эсдалик совғалари билан тақдирландилар. Фарҳод АБДУЛЛАЕВ, Партия фаоли ...

Батафсил
News

Намангандан онлайн: семинар бошланиш арафасида (фоторепортаж)

Бугун Наманган шаҳрида Ўзбекистон “Адолат” СДП Сиёсий Кенгаши Марказий аппарати томонидан “Жамиятда юксак ҳуқуқий маданиятни шакллантиришда сиёсий партияларнинг ўрни” мавзусида семинар ўтказиш режалаштирилган. Тадбир Наманган давлат университетининг ахборот-ресуос марказида ташкил этилади. Айни дақиқаларда партиянинг “Юксак ҳуқуқий маданият – тараққиёт гарови!” лойиҳаси доирасида бўлиб ўтадиган анжуман иштирокчилари тўпланмоқдалар. Улар орасида Наманган вилоят Кенгаши раҳбарлари ва ходимлари, туман ва шаҳар Кенгашлари раислари, халқ депутатлари маҳаллий Кенгашларидаги партия депутатлик гуруҳлари аъзолари ҳамда фаоллар бор. Семинар бошланишига яна пича вақт бор. Биз тадбир очилиши биланоқ бу ҳақдаги материални сайтга юборамиз ва воқеанинг боришидан ўқувчиларни хабардор қилиб борамиз. Нурбек АБДУЛЛАЕВ, Ўзбекистон “Адолат” СДП Наманган вилоят Кенгаши матбуот хизмати Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Намангандан онлайн: семинар ўз ишини бошлади

Аввал хабар қилганимиздек, бугун Наманганда Ўзбекистон “Адолат” СДП Сиёсий Кенгаши Марказий аппарати томонидан “Жамиятда юксак ҳуқуқий маданиятни шакллантиришда сиёсий партияларнинг ўрни” мавзусида семинар ташкил этиш режаштирилган эди. Мана, ҳозиргина иштирокчилар ўз жойларини эгаллашди. Партия вилоят Кенгаши раиси Исроил Жўраев тадбирни очиқ деб эълон қилди ва семинарда Ўзбекистон “Адолат” СДП Сиёсий Кенгаши раиси ўринбосари Абдукамол Рахмонов қатнашаёганини айтиб ўтди. Шундан сўнг кун тартибидаги масалаларни кўриб чиқишга киришилди. Ўзбекистон “Адолат” СДП вилоят Кенгашининг раиси Исроил Жўраев “Аҳолининг ҳуқуқий маданиятини юксалтиришда пиар технологиялардан фойдаланиш тўғрисида” маъруза қилди.   ...

Батафсил
News

Намангандан онлайн: семинар ўз ишини давом эттирмоқда

Наманганда Ўзбекистон “Адолат” СДП Сиёсий Кенгаши Марказий аппарати томонидан ташкил этилган “Жамиятда юксак ҳуқуқий маданиятни шакллантиришда сиёсий партияларнинг ўрни” мавзусида семинар ўз ишини давом эттирмоқда. Иштирокчилар ҳозиргина кун тартибидаги иккинчи масалани кўриб чиқишга киришдилар. Сўз Ўзбекистон “Адолат” СДП Сиёсий Кенгаши раиси ўринбосари Абдукамол Ра[моновга берилди. У “Жамиятда сиёсий-ҳуқуқий маданиятни шакллантиришда Ўзбекистон “Адолат” социал-демократик партиясининг ўрни” мавзуидаги маърузасини бошлади. Нотиқ сўнгги икки ярим йил ичида Ўзбекистон демократик ривожланишнинг мутлақо янги босқичига қадам қўйганлигини қайд этди. Ушбу қисқа вақт мобайнида 2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси асосида ижтимоий-иқтисодий, сиёсий соҳаларда жадал ислоҳотлар, қатор янгиланишлар амалга оширилди, фуқаролик жамиятининг демократик институтлари фаоллиги янада ошди, жамият ҳаётининг барча жабҳаларида уларнинг иштироки таъминлаб келинмоқда. Шу қаторда сиёсий партияларнинг мамлакат ижтимоий-иқтисодий ҳаётидаги ўрни ва роли янада кучайди, парламентнинг ва давлат ҳокимияти вакиллик органларидаги депутатлик гуруҳларининг ваколатлари кенгайди. Кейинги йилларда халқ билан тўғридан-тўғри мулоқотни йўлга қўйиш, “Халқ давлат идораларига эмас, балки давлат органлари халқимизга хизмат қилиши керак” деган тамойилни амалга ошириш барча даражадаги раҳбарлар ҳамда депутатлар фаолиятининг асосий мезонига айланди. Ўз навбатида фуқароларнинг ҳам ҳуқуқий саводхонлик даражаси анча юксалди. Семинар якунлангандан сўнг унинг тафсилотларини маълум қиламиз.   ...

Батафсил
News

Наманганда семинар ўз ишини якунлади

Аввал хабар берганимиздек, 21 июнь куни Наманган шаҳрида Ўзбекистон “Адолат” СДП Сиёсий Кенгаши Марказий аппарати томонидан “Жамиятда юксак ҳуқуқий маданиятни шакллантиришда сиёсий партияларнинг ўрни” мавзусида семинар ўтказилди. Тадбир Наманган давлат университетининг ахборот-ресуос марказида ташкил этилди. Партиянинг “Юксак ҳуқуқий маданият – тараққиёт гарови!” лойиҳаси доирасидаги анжуман иштирокчилари орасида “Адолат” СДП Наманган вилоят Кенгаши раҳбарлари ва ходимлари, туман ва шаҳар Кенгашлари раислари, халқ депутатлари маҳаллий Кенгашларидаги партия депутатлик гуруҳлари аъзолари ҳамда фаоллар бор эдилар. Семинар қатнашчилари дастлаб “Адолат” СДП вилоят Кенгаши раиси Исроил Жўраевнинг “Аҳолининг ҳуқуқий саводхонлигини юксалтиришда пиар технологиялардан фойдаланиш тўғрисида”ги маърузасини тингладилар. У партиянинг мафкуравий фаолияти дастурий мақсадларимизга эришиш ҳамда электорат ишончини мустаҳкамлашда катта аҳамиятга эгалигини билдириб, бу масалага амалдаги сайловлар йилида янада эътиборли бўлиш мақсадга мувофиқлигини таъкидлади. Партиямизнинг сиёсий мафкурасини янгилаш, электоратимиз ижтимоий таркибини ўрганиш, хайрихоҳларимизнинг манфаатлари ва ҳаётий эҳтиёжларини аниқлаш, уларни янада тўлароқ қондириш зарур, деган фикр изҳор этилди. Айни вақтда бошқа сиёсий партиялар фаолиятига ҳам эътиборли бўлишимиз лозим. Мақсадларимизга эришиш ва жамоатчилик билан алоқаларни мустаҳкамлашда замонавий PR технологиялардан фойдаланиш ютуқлар гарови демакдир. Бу борада фақат ОАВ билан ҳамкорлик билан чекланиб бўлмайди. Партия кенгашлари ҳамда унинг депутатлик корпуси фаолиятини ёритишнинг замонавий усуллари, партиянинг ижобий имижини шакллантириш ва жамоатчилик орасига чуқур кириб бориш кўзланган мақсадга эришишнинг асоси демакдир.  Шундан кейин сўз Ўзбекистон “Адолат” СДП Сиёсий Кенгаши раиси ўринбосари Абдукамол Рахмоновга берилди. У “Жамиятда сиёсий-ҳуқуқий маданиятни шакллантиришда Ўзбекистон “Адолат” социал-демократик партиясининг ўрни” мавзуидаги маъруза қилди. Нотиқ сўнгги икки ярим йил ичида Ўзбекистон демократик ривожланишнинг мутлақо янги босқичига қадам қўйганлигини қайд этди. Ушбу қисқа вақт мобайнида 2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси асосида ижтимоий-иқтисодий, сиёсий соҳаларда жадал ислоҳотлар, қатор янгиланишлар амалга оширилди, фуқаролик жамиятининг демократик институтлари фаоллиги янада ошди, жамият ҳаётининг барча жабҳаларида уларнинг иштироки таъминлаб келинмоқда. Шу қаторда сиёсий партияларнинг мамлакат ижтимоий-иқтисодий ҳаётидаги ўрни ва роли янада кучайди, парламентнинг ва давлат ҳокимияти вакиллик органларидаги депутатлик гуруҳларининг ваколатлари кенгайди. Кейинги йилларда халқ билан тўғридан-тўғри мулоқотни йўлга қўйиш, “Халқ давлат идораларига эмас, балки давлат органлари халқимизга хизмат қилиши керак” деган тамойилни амалга ошириш барча даражадаги раҳбарлар ҳамда депутатлар фаолиятининг асосий мезонига айланди. Ўз навбатида фуқароларнинг ҳам ҳуқуқий саводхонлик даражаси анча юксалди. Бу борада Ўзбекистон Республикаси Президенти Шавкат Мирзиёевнинг “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги ҳамда “Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисида”ги фармонларида белгилаб берилган жамиятда ҳуқуқий онг ва ҳуқуқий маданиятни юксалтириш тизимини ислоҳ қилиш, коррупцияга қарши курашишга доир долзарб вазифалар ижросини таъминлашда фаол иштирок этиш партия депутатлари ва фаоллари олдида турган энг муҳим, масъулиятли иш эканлиги айтиб ўтилди. Музокараларда қатнашган “оила” илмий-амалий маркази вилоят бўлими ҳуқуқшуноси Абдужаббор Нишонов, вилоят Кенгаши матбуот котиби Нурбек Абдуллаев, халқ депутатлари Янгиқўрғон туман Кенгаштдаги “Адолат” СДП гуруҳи аъзоси Насибахон Мамадалиева, халқ депутатлари Чортоқ туман кенгаши депутати Саидолим Аблурағмонов ва бошқалар ҳам кун тартибидаги масалалар юзасидан фикр-мулоҳазалар билдирдилар. Баҳодир Болтабоев, Ўзбекистон “Адолат” СДП Наманган вилоят Кенгаши раисининг ўринбосари: – Мен тадбир якунлангандан сўнг бир қатор фаолларимиз билан суҳбатлишдим. Улар анжумандан катта таассурот олганликларини баён этдилар. Шу билан бирга ўзлари учун иш режаларини белгилаб олганликларини билдирдилар. Хусусан, фуқароларнинг ҳуқуқий онг ва ҳуқуқий маданиятини янада юксалтириш, ёшларнинг ҳуқуқ соҳасига бўлган қизиқишларини ошириш, уларни коррупциянинг ҳар қандай кўринишига нисбатан муросасиз, ҳуқуқий жиҳатдан етук, баркамол авлод қилиб тарбиялаш мақсадида ўтказиб келинаётган “Конституция билимдони” кўрик-танлови, ҳафтанинг ҳар сешанба кунлари маҳаллаларда ўтказилаётган сиёсий ўқувлар ҳамда бошқа ҳуқуқий тарғибот тадбирларининг самарадорлигини янада ошириш зарурлигига ишонч ҳосил қилдик. Ушбу йўналишда инновацион усулларидан, тарғиботнинг илғор ва таъсирчан воситаларидан, хорижий давлатларнинг бу борадаги ижобий тажрибаларидан етарли даражада фойдаланиш, мутасадди давлат идоралари билан ижтимоий ҳамкорликни кучайтириш юзасидан ҳам таклифлар билдирилди. Жонли мулоқот ва савол-жавобларга бой бўлган семинар сўнгида иштирокчиларга кун тартибидаги масалалар юзасидан тегишли кўрсатмалар берилди. Нурбек АБДУЛЛАЕВ, Ўзбекистон “Адолат” СДП Наманган вилоят Кенгаши матбуот котиби Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Партия лойиҳалари доирасида

Ўзбекистон “Адолат” СДП Янгиқўрғон туман кенгаши фаоллари партия лойиҳалари доирасида қатор ибратли ишларни амалга оширмоқдалар. Бунда халқ депутатлари туман кенгаши депутатлари, жамоатчилик вакиллари ҳам иштирок этмоқдалар. Яқинда сафдошларимиз “Адолат – қонун устуворлигида” лойиҳаси асосида “Волий” маҳалла фуқаролар йиғини ҳудудида ўрганиш ўтказдилар. Ёқутхон Умарова МФЙ раиси: – Маҳалламиз туман марказида жойлашган. 520 оилада икки минг нафардан зиёд аҳоли яшайди. Кейинги йилларда аҳоли турмуш фаровонлигини оширишга қаратилган кўплаб тадбирлар амалга оширилди. Аммо одамлар ҳаётида муайян муаммолар ҳам учраб турибди. Уларни ўз вақтида аниқлаш ва ечимини топиш ҳаммамизнинг биринчи даражали вазифамиздир. Бу борада “Адолат” социал-демократик партияси фаоллари билан йўлга қўйилган ҳамкорлик яхши натижа бермоқда. Яқинда ўтказилган ўрганиш натижалари бу фикрга яққол далил бўла олади. Унда партиямиз фаолларидан Дилшод Болтабоев, Акбар Мансуров, Рустам Маъмуров, халқ депутатлари туман кенгашидаги “Адолат” СДП гуруҳи аъзоси Насибахон Мамадалиева, МФЙ масъул котибаси Шаҳзода Маҳкамова, профилактика инспектори Аҳрорбек Қаюмов ва бошқалар иштирок этдилар. Улар маҳалла ҳудудидаги ўттизга яқин хонадонда бўлиб, фуқаролар билан бевосита очиқ ва самимий мулоқот ўтказдилар. Бунда асосан мамлакатимизнинг ижтимоий-иқтисодий соҳаларида олиб борилаётган ислоҳотлар, ички ва ташқи сиёсатдаги янгиликлар ҳақила гап борди. Айни вақтда тўқсон ёшдан ўтган табаррук инсонлардан Маҳмуджон ота Аҳмаджонов ва Орзухон момо Маҳкамова, шунингдек оғир бемор Фаридахон Сарбарованинг хонадонларида бўлиб, уларнинг ҳолидан хабар олинди ва совға-саломлар топширилди. Мулоқотлар жараёнида одамларнинг турли масалаларга оид мурожаатлари ҳам тингланди ва рўйхатга олинди. Масалан, шу мағаллада яшовчи Гулбаҳор Аҳмаджонова билан суҳбатлашилганида, у чеварлик касби борлигини, бироқ тикув машинаси йўқлиги учун касаначилик билан шуғуллана олмаётганини айтди. Бу аёл банк кредити олишда ёрдам кўрсатилди. Бир неча кундан кейин партия фаоллари кўтарган масала “Агробанк” туман бўлими томонидан ҳал қилиб берилди. Бугунги кунда Г. Аҳмаджонова уйида чеварлик билан шуғулланмоқда. Шу маҳаллада яшовчи Муҳаммад Алижонов эса паррандачилик соҳасида бизнес юритиш истаги борлигини билдирди. Бироқ етарли миқдорда маблағи йўқлиги учун мақсадига эриша олмаётганини айтди. Фаоллар бу масалани ҳам банк муассасаларидан бирининг олдига қўйдилар. Ҳозир тегишли ҳужжатлар расмийлаштирилмоқда. Мазкур мурожаат бўйича олиб борилаётган ишларни партиямиздан туман кенгашига депутат Насибахон Мамадалиева ўз назоратига олган. Бундай мисолларни яна бир қанча келтириш мумкин. Энг муҳими, аҳоли сафдошларимиз фаолиятидан хурсанд. Улар эса шундай ўрганишларни бошқа маҳалла фуқаролар йиғинларида ҳам давом эттирмоқдалар. Фарҳодбек АБДУЛЛАЕВ, Ўзбекистон “Адолат” СДП фаоли Бизни ижтимоий тармоқларда ҳам кузатинг t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Ҳамкасбларимиз ҳиссаси

Донорлар ҳақида гап кетганда, ҳамма биринчи навбатда уларнинг беғараз қон топширишларига тан беради. Бундай ишга фақат эзгуликни ўз олдига мақсад қилган, бошқаларнинг дардига малҳам бўлишни ихтиёр этган инсонлар қўл урадилар. Уларнинг кимнингдир соғлигини ёки ҳаётини сақлаб қолишга қаратилган саъй-ҳаракатларига ҳар қанча ҳавас қилса арзийди. 14 июнь – Халқаро донорлар кунида биз шундай олийҳиммат ҳамкасбларимизга яна бир бор тасаннолар айтдик. Тасодифни қарангки, мазкур сана арафасида мамлакатимизда партиямиз ташаббуси билан ажойтб бир тадбир ўтказилди. Мен “Ҳар бир болага меҳр-мурувват!” ойлиги доирасида ташкил этилган донорлик акциясини назарда тутмоқдаман. Маълумки, бу жараёндан тиббий-ижтимоий кўмакка муҳтож болаларни қўллаб-қувватлаш, фуқароларни кўнгилли равишда қон топширишга чақириш орқали бемор болаларнинг ҳаётини сақлаб қолиш, жамиятда инсонпарварлик ва меҳр-оқибат ғояларини тарғиб қилиш мақсади кўзланганди. Боз устига тадбирни мен бўлим мудири бўлиб ишлайдиган вилоят кўп тармоқли болалар тиббиёт марказида ўтказиши белгиленганди. Шунинг учун биз ҳам шифохонамизда тарғибот ишларини олиб бордик. Бунда партиядошларимиз алоҳида фаоллик кўрсатдилар. Шуниси диққатга сазоворки, бевосита акция давомида ҳам сафдошларимиз намуна бўлдилар. Биринчи бўлиб Гулнора Ибодуллаева қон топширди. У “Адолат” СДП аъзоси, кардиология бўлимида кичик тиббий ходим бўлиб ишлайди. Ўзининг хизмат вазифасини ҳамиша пухта ва сифатли бажарали. Бемор болаларнинг тезроқ соғайиб кетиши учун доимо жонкуярлик қилади. Шунинг учун ҳам “Адолат” СДП вилоят Кенгашининг ташаккурномаси билан тақдирланди. Уни партия вилоят ташкилотининг раҳбари Исроил Жўраев тантанали равишда топширди. Биз ҳаммамиз Гулнорахонни қизғин табриклаб, унга сиҳат-саломатлик ва узоқ умр тиладик. Бундан кейин ўзининг эзгу ишлари билан сафдошларимизга намуна бўлишга даъват этдик. – Мен ишлайдиган жамоа вилоятдаги етакчи тиббий муассасалардан бири, - дейди биз билан суҳбатда Г. Ибодуллаева. - Бугунги кунда бу ерда 395 болани бир йўла даволаш имконияти бор. Уларга 700 га яқин тиббиёт ходими, жумладан, 75 нафар врач хизмат кўрсатади. Уларнинг ҳар бири инсон саломатлиги учун жонини фидо этишга тайёр инсонлардир. Мен ҳам беғараз қон топшириб, беморлар шифо топиши учун ҳисса қўша олганимдан ўзимни бахтиёр сезмоқдаман. Бундан кейин ҳам шундай акцияларда бажонидил иштирок этаман. Ўша куни беғараз қон топширишда жуда кўплаб ҳамкасбларимиз намуна кўрсатдилар. Улар орасида Санобар Каримова, Ойбек Раҳмонов, Икромжон Тўраев, Нилуфар Аҳмедова ва бошқалар бор. Мен шундай олижаноб касбдошларим борлигидан ниҳоятда хурсанд бўлдим. Биз уларни Халқаро донорлар кунига бағишлаб ўтказилган тадбирда ҳам шарафладик. Иброҳимжон АБДУЛЛАЕВ, халқ депутатлари Наманган вилоят Кенгашидаги “Адолат” СДП гуруҳи аъзоси Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!