НАМАНГАН

Манзил: Наманган шаҳар, Банк кўчаси, 9-уй

Телефон: (69) 227-23-84, 227-20-38

Электрон манзил:  namangan@adolat.uz

Янгиликлар
News

Партиядошларимиз – фахрийлар хонадонида

Саноқли кунлардан сўнг мамлакатимизда умумхалқ байрами – Хотира ва қадрлаш куни кенг нишонланади. Айни пайтда Ўзбекистон Республикаси Президентининг шу йил 23 апрелдаги тегишли қарори асосида мазкур санани муносиб нишонлашга пухта тайёргарлик кўрилмоқда. Ушбу ҳужжатда қайд этилганидай, “Халқимиз азалдан ўлкамизни босқинчилардан ҳимоя қилган, унинг эркинлиги, мустақиллиги ва дахлсизлиги учун курашган қаҳрамонларини эъзозлаб келмоқда. Иккинчи жаҳон урушида ҳалок бўлган минглаб юртдошларимиз хотирасини ёд этиш, оловли жанггоҳлардан омон қайтган боболаримизга, фронт ортида оғир кунларни сабр-бардош билан енгган, машаққатли синовларда ўзлигини йўқотмаган, имони бутун аждодларимизга меҳр-оқибат кўрсатиш том маънода миллий анъанага айланди.” Айни кунларда Наманган вилоятида ҳам Иккинчи жаҳон уруши ва фронт ортида меҳнат қилган фахрийларга, хизмат бурчини бажариш чоғида ҳалок бўлган ҳарбий хизматчилар ва ҳуқуқни муҳофаза қилиш органлари ходимларининг оила аъзоларига моддий ва маънавий ёрдам кўрсатилмоқда. Исроил Жўраев, Ўзбекистон “Адолат” СДП Наманган вилоят Кенгаши раиси: – Партиядошларимиз Хотира ва қадрлаш куни муносабати билан ўтказилаётган тадбирларда фаол қатнашмоқдалар. “Аждодларни хотирлаш – муқаддас қадрият”, “Эътибор ва ғамхўрлик – инсоний бурч” шиорлари остида ташкил этилаётган учрашувлар ва давра суҳбатларида фашизм устидан қозонилган ғалабада халқимизнинг ҳам мардонавор ва салмоқли ҳиссаси унутилмас ҳақиқат эканлиги қайта-қайта таъкидланмоқда. Шунингдек, уруш фахрийларини йўқлаш, уларнинг оловли йиллар ҳақидаги хотираларини тинглаш, ёшларни ватанпарварлик руҳида тарбиялаш каби масалалар ҳам диққат марказида турибди. Наманган шаҳридаги “Ҳақиқат” маҳалласида бугунги кунда икки нафар иккинчи жаҳон уруши фахрийси умргузаронлик қилади. Шарифжон ота Нуриддинов 95 ёшда, Жаббор ота Содиқов эса 93 ни қоралаб қўйган. Маҳалла аҳли бу табаррук инсонлар билан фахрланади, уларга иззат-икром кўрсатади. Отахонлар ҳузурига тез-тез меҳмонлар ташриб буюриб туришади. Айниқса, Хотира ва қадрлаш кунини нишонлашга тайёргарлик кўрилаётган шу дамларда уларнинг кети узилмайди. Куни кеча “Адолат” СДП фаолларидан бир гуруҳи “Ҳақиқат” маҳала фуқаролар йиғинида яшовчи ана шу отахонлар хонадонида бўлди. Ўзбекистон Республикаси Олий Мажлиси Қонунчилик палатаси депутати Шуҳрат Якубов, партия вилоят ва шаҳар кенгашларининг раислари Исроил Жўраев, Ойлархон Охунова ва бошқалар уруш фахрийларини Хотира ва қадрлаш куни муносабати билан қизғин қутлаб, совға-саломлар топширишди. Ўз навбатида Шарифжон ота ва Жаббор ота фахрийларга кўрсатилаётган ғамхўрлик учун миннатдорчилик билдириб, Ватан осмони ҳамиша тинч ва мусаффо бўлишини Яратгандан сўраб дуо қилдилар. Партиядошларимиз “Қадамжой” маҳалласида яшовчи юз ёшли Абдуллажон ота Йўлдлшевни ҳам зиёрат қилдилар. Шу каби тадбирлар вилоятнинг барча тумандарида уюшқоқлик билан ўтказилмоқда. Нурбек АБДУЛЛАЕВ, Ўзбекистон “Адолат” СДП Наманган вилояи Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Ҳамкорларимиз фаолиятидан

Ўзбекистон “Адолат” социал-демократик партияси бугунги кунда ўз фаолиятини қатор давлат ва нодавлат ташкилотлар билан узвий ҳамкорликда олиб бормоқда. Улар орасида республика Белбоғли кураш федерацияси ҳам бор. Яқинда мамлакатимизнинг барча минтақаларида биргаликда ташкил этилган “Адолат” кубоги мусобаларининг шаҳар (туман) ва вилоят босқичлари бўлиб ўтди. Наманган вилоятида мазкур мусобақани ташкил этишда ва ўтказишда Тўрақўрғон туман болалар-ўсмирлар спорт мактаби жамоаси партиядошларимизга катта ёрдам кўрсатди. Ушбу муассасага чорак асрдан зиёд вақтдан бери Неъматулла Сойиббоевич Тўйчиев 1958 йилда туғилган. Ўзбекистон давлат жисмоний тарбия институтини битирган. Ўз вақтида жаҳон чемпиони бўлган, белбоғли ва миллий кураш бўйича халқаро тоифадаги ҳакам. Дарвоқе, наманганлик ёш курашчилар “Адолат” кубогининг республика босқичига айнан мана шу устоз етакчилигидаги мураббийлар бошчилигида тайёрланмоқдалар. Салкам қирқ йилдан бери спортни, хусусан, курашни оммавийлаштириш бўйича фаол иш олиб боради. У ўзининг кўп йиллик самарали меҳнати эвазига “Ўзбекистонда хизмат кўрсатган спорт устози” фахрий унвони, “Эл-юрт ҳурмати” ордени билан тақдирланган. Биз ундан ўзи раҳбарлик қилаётган мактаб фаолияти ҳақида сўзлаб беришни илтимос қилдик. - Ҳеч нарса мамлакатни спорт каби дунёга тез машҳур қила олмайди, деган ажойиб гап бор, - сўз бошлайди Н. Тўйчиев. - Чиндан ҳам бугунги кунда сайёрамизнинг миллион-миллион аҳолиси турли мусобақаларни, олимпиада ўйинлари, жаҳон биринчиликларини мунтазам кузатиб боради. У ёки бу жамоага, спортчига мухлислик қилган одам ўзи меҳр қўйган атлетларнинг муваффақиятидан олам-олам завқ олади. Биз ҳам ватандошларимиз халқаро мусобақаларда ғолиблар сафидан ўрин олганларида Ўзбекистон байроғи юқори кўтарилганида фахрланамиз, юртимиз шаънини олқишлаймиз. Бизнинг болалар-ўсмирлар спорт мактабимиз бундан чорак аср муқаддам Тўйчи полвон Сиддиқов номли миллий кураш мактаби сифатида ўз фаолиятини бошлаган эди. Ўтган давр мобайнида у катта йўлни босиб ўтди ва бугунги кунга келиб, вилоятдаги йирик болалар-ўсмирлар спорт муассасаларидан бирига айланди. Ҳозиргача у минглаб тўрақўрғонлик ёшлар учун жисмоний камолот мактабига айланди. Тарбияланувчиларимиз орасида кўплаб юқори малакали спортчилар, вилоят, мамлакат, қитъа ва жаҳон чемпионлари етишиб чиқди. Уларнинг намунаси ҳозир таълим олаётган ёшларни ҳам маҳоратни ошириб бориш йўлида тинмай меҳнат қилишга чорламоқда. Фаолиятнинг дастлабки даврида асосан миллий курашни оммалаштириш билан шуғулланган бўлсак, эндиликда унинг ёнига яна бир қатор спорт турлари қўшилди. Улар орасида футбол, бадиий гимнастика, баскетбол, дзюдо, юнон-рум кураши, гандбол, оғир атлетика, регби ва бошқалар бор. Мазкур спорт турлари бўйича ҳам ёш спортчиларимиз юқори натижаларга эришаётгани диққатга сазовордир. Ана шундай натижалар замирида мураббийлар маҳорати билан юзага чиққан истеъдодларнинг тўхтовсиз изланишлари мужассам, дейиш мумкин. Масалан, юнон-рум курашида Шермуҳаммад Шарибжонов қўлга киритаётган ютуқларни олайдик. У ўз тенгдошлари ўртасида уч марта мамлакат чемпиони бўлган. Бир қатор халқаро мусобаларнинг ғолиби ва совриндори. Мураббийлар кўмагида маҳоратини тобора чархлаб бораётган Шермуҳаммад мамлакат терма жамоаси устозларининг ҳам эътиборида. У айни пайтда Аргентинада ўтказиладиган ёшлар ўртасида ўтказиладиган ёзги олимпиада ўйинларига тайёргарлик кўрмоқда. Кейинги йилларда мактабимизда ёшларимиз орасидан моҳир гандболчилар етишиб чиқаётгани ҳам бизни қувонтиради. Дилдора Маҳмудова, Дилдора Муродуллаева ва Моҳимбегим Бадиржонова шулар жумласидандир. Улар вилоят терма жамоаси таркибидан мустаҳкам ўрин эгаллашган. Мактабдан етишиб чиққан миллий кураш усталари ҳақида сўз кетганда биринчи навбатда Рустам Умаров номи тилга олинади. У болалигидан шу ерда устозлар кўмагида кураш сирларини эгаллади ва кейинчалик кураги ерга тегмаган полвон номини олди. Уч карра жаҳон чемпиони бўлганлигининг ўзиёқ унинг спортда қанчалик юксак чўққиларни забт этганини кўрсатиб турибди. Халқаро тоифадаги спорт устаси унвонини қўлга киритганлиги ҳам барчани қувонтирди. Кейинчалик олий ўқув юртида таҳсил олиб, ёшларга курашдан саюоқ беришга киришди. Эндиликда унинг шогирдлари орасидан ҳам қатор-қатор чемпионлар етишиб чиқмоқда. Бошқа спорт турларида эришилаётган натижалар ҳам чакки эмас. Мисол учун, оғир атлетикада Самидулло Абдуллаев мамлакат чемпионатининг бронза медалини қўлга киритди. “Чарм қўлқоп” усталаримизнинг жаҳон миқёсидаги ютуқлари боксга қизиқувчилар сафини кенгайтирмоқда. Кейинги икки йил мобайнида бу спорт тури билан шуғулланувчилар сони қарийб икки баравар кўпайди. Улар орасида қатор умидли спортчилар кўзга ташланмоқда. Ҳусанбой Абдуллаев, Абдували Асқаралиев, Ҳасанбой Рустамов шулар жумласидандир. Бу ёшларимиз қатор республика ҳамда халқаро мусобақаларда юқори натижаларга эришдилар. Улар астойдил шуғулланишни давом эттирсалар, бутун куч-ғайратларини малакали боксчи бўлиб етишиш йўлида ишга солсалар, қитъа, жаҳон ва олимпиада баҳсларида ҳам қатнаша оладилар, деб ўйлаймиз. Ўтган давр мобайнида қўлга киритилган ютуқлар ҳақида гап кетганда, мактаб тарбияланувчилари орасидан етишиб чиққан юқори малакали спортчилар бизнинг фахримиз эканлигини мамнуният билан қайд этамиз. Ҳозиргача БЎСМда шуғулланган ёшлардан 11 нафари жаҳон чемпиони унвонини қўлга киритди. Совриндорлар эса 22 кишини ташкил этади. Қитъа биринчилиги ғолиблари 10 киши, совриндорлари ҳам шунча. Ўзбекистон чемпионлари эса 52 нафар. Юқоридагилардан 12 нафари халқаро тоифадаги спорт устаси, 62 нафари спорт устаси унвонига сазовор бўлганликлари ҳам эътиборга моликдир. Мактабимиз битирувчиларидан 79 киши республикамиздаги олимпия заҳиралари спорт коллежларига қабул қилинганликлари ҳам биз учун яхши кўрсаткия ғисобланади. Албатта, ёш спортчилар билан ишлашда яхши натижаларга эришиш учун малакали мураббийлар зарур. Мактабимизда ҳам бу масалага алоҳида эътибор қаратилган. Устозларни танлаш ва тарбиялашда, қайта тарбиялашда уларнинг касб маҳоратини оширишга, педагогик хислатларини ривожлантиришга, болалар психологиясини пухта билишларига эътибор берамиз. Янги иш бошлаган мураббийларни тажрибалироқ ҳамкасбларига бириктириб қўямиз. Ҳозирги кунда мактабда фаолият олиб бораётган юздан ортиқ мураббийнинг 36 нафари олий маълумотли. Қолганлари эса ўрта махсус маълумотли. Айни вақтда сиртдан ўқиб олий маълумот олиш имкониятлари юзага келганлари учун уларнинг кўпчилиги университет ва институтларда таҳсил олишни режалаштирмоқдалар. Жамоамиз устозлари эришилган ютуқлар билан кифояланмасликни ўзларига одат қилишган. Келгусида жисмоний тарбия ва спортнинг ҳар бир оилага кириб бориши учун бор имкониятларини ишга соладилар. Натижада ёшларимиз орасидан янада кўп чемпионлар етишиб чиқади, деб ўйлайман. Ўз навбатида “Адолат” социал-демократик партияси мамлакат белбоғли кураш федерацияси билан ҳамкорликни йўлга қўйиб, хайрли ишга қўл урган, деб ҳисоблайман. Биз биргаликда турли мусобақалар ўтказиб, аҳоли ўртасида соғлом турмуш тарзини тарғиб қилиш, ёшларни спортга кенг жалб қилиш борасида салмоқли ютуқларга эришишимиз мумкин, деб ўйлайман. Ўзбекистон “Адолат” СДП Наманган вилоят Кенгаши матбуот котиби Нурбек АБДУЛЛАЕВ ёзиб олди. Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Велосаёҳатчи отахонлар 2550 километрдан зиёд йўл босиб, Наманганга қайтиб келишди

Мамлакатимизнинг барча ҳудудлари қатори Наманган вилоятида ҳам аҳоли ўртасида соғлом турмуш тарзини кенг тарғиб қилиш, жисмоний тарбия ва спортни янада оммалаштириш юзасидан қатор ибратли тадбирлар амалга оширилмоқда. Бу хайрли ишда бошқа давлат ва жамоат ташкилотлари қатори “Нуроний” жамғармаси аъзолари фаоллик кўрсатаётганликлари диққатга сазовордир. Яқинда, аниқроғи, 9 апрелда вилоят марказида истиқомат қилувчи бир гуруҳ меҳнат фахрийлари бу борада амалга оширилаётган тадбирларни қўллаб-қувватлаш мақсадида “Наманган-Самарқад-Бухоро” йўналишида велосипедларда саёҳатга йўл олдилар. Бу акцияга Ўзбекистон Республикаси “Нуроний” жамғармаси Наманган шаҳар Кенгаши бош ҳомий бўлди. Саёҳатчилар тўрт киши бўлиб, улар узоқ йиллар турли вазифаларда ишлаб, пенсияга чиқишган. Лекин ҳозир ҳам жамоат ишларида фаоллик кўрсатиб, ёш авлод вакилларига ўрнак кўрсатиб келмоқдалар. Масалан, Ҳусниддин Жалилов қарийб қирқ йил собиқ Наманган шойи газламалар комбинатида ишлаган. У корхонанинг транспорт бўлимида ҳайдовчи сифатида автобус бошқарган. Бир умр соғлом турмуш тарзига амал қилиб келгани учун 65 ёшда бўлишига қарамай, ҳозир ҳам бардам. Чунки ҳар куни бадан тарбия билан шуғулланади. Ҳовлида ҳар хил юмушларни бажаради, велосипед минади, кўпроқ пиёда юришга ҳаракат қилади. Олимжон Ҳошимов, Наманган шаҳар “Маданий-маориф” маҳалласи фуқароси: – Бизнинг велосипедда бирга саёҳатларга боришимиз бошланганига анча бўлди. Дастлаб вилоятимиз шаҳар ва қишлоқлари бўйлаб йўлга чиққанмиз. Кейин водийни кезиб чиқдик. Тошкентга ҳам сафар уюштирдик. Мана энди эса Самарқанд ва Бухородай қадимий шаҳарларни зиёрат қилдик. Ҳамма ерда бизни очиқ чеҳра ва самимийлик билан кутиб олишди. Айниқса, “Адолат” социал-демократик партияси фаолларидан хурсандмиз. Улар бизни Жиззах, Самарқанд, Бухоро, бошқа шаҳар ва туманларда катта эҳтиром билан кутиб олишди ва кузатиб қўйишди. Дарвоқе, Олимжон ота ўзининг яна бир ҳамсафари Абдуғани Тошпўлатов каби етмиш уч ёшни қоралаб қўйди. Яна бир велосипедчи отахон Шокиржон Қаҳҳоров эса олтмиш тўртга кирди. Уларнинг соғлом турмуш тарзига муҳаббати эзгу мақсад йўлида бирлаштирда. Отахонлар саёҳат давомида қадимий шаҳарларнинг диққатга сазовор жойларини зиёрат қилдилар. Ҳамма жойда улкан бунёдкорлик ишлари кенг авж олганлиги нуронийдарни беҳад қувонтирди. Обод қишлоқ ва маҳаллаларнинг бугунги чиройидан, халқнинг фаровон турмушидан мамнун бўлдилар. Куни кеча велосаёҳатчилар 2550 километрдан (велосипедга ўрнатилган спидометрдаги кўрсаткич) зиёд йўл босиб, Наманганга қайтиб келишди. Шаҳарга кираверишда уларни кенг жамоатчилик вакиллари, ОАВ ходимлари кутиб олдилар. “Нуроний” жамғармаси шаҳар бўлими раиси Анваржон Насриддинов, Ўзбекистон “Адолат” социал-демократик партияси Наманган вилоят Кенгаши раиси Исроилжон Жўраев ва бошқалар табрик сўзларини айтишди. Саёҳатчиларга эсдалик совғалари топширилди. Нурбек АБДУЛЛАЕВ, Ўзбекистон “Адолат” СДП Наманган вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

"Китоб челленж": Наманган вилоят Кенгаши раҳбари ўзи ўқиган мактабга китоблар топширди

Давлатимиз раҳбари Шавкат Мирзиёев ташаббуси билан бошланган китобхонлик тарғиботи бутун мамлакат бўйлаб кенг қулоч ёймоқда. Наманган вилоятида ҳам мазкур йўналишда қатор тадбирлар ўтказилди. Уларда “Адолат” СДП вакиллари фаол иштирок этаётганликлари диққатга сазовордир. Бир неча кун аввал Ўзбекистон Республикаси Олий Мажлис Қонунчилик палатасидаги “Адолат” СДП фракцияси аъзоси, “Юксалиш” умуммиллий ҳаракати раҳбари Акмал Бурханов ҳам Наманган вилоятидаги ўзи таълим олган 3-сонли ихтисослаштирилган мактаб-интернати ўқувчиларига бадиий адабиётлар жамланмасини совға қилгани тўғрисида маълумот бергандик. Куни кеча худди шундай эзгуликка йўғрилган тадбир Кососой туманидаги 32-умумтаълим мактабида ҳам бўлиб ўтди. Бу ерга Ўзбекистон “Адолат” СДП Наманган вилоят Кенгаши раиси Исроил Жўраев ташриф буюрди. Педагоглар ва ўқувчилар билан ўзаро мулоқотда юртимизда жамият ҳаётининг турли жабҳаларида амалга оширилаётган туб ислоҳлтлар ғақида ўзаро фикр алмашилди. Айниқса, маънавият ва маърифат масалаларига жиддий эътибор қаратилаётганлиги катта қониқиш билан қайд этилди. Шундан сўнг партия вилоят Кенгашининг раиси мактаб кутубхонасига салкам ўттизта китоб совға қилди. Улар орасида таниқли шоирларимиз Эркин Воҳидов ва Абдулла Орипов, жаҳон мумтоз адабиёти вакиллари Жек Лондон ва Карел Чапек, қатор маҳаллий ёзувчиларнинг қаламига мансуб асарлар бор. Шунингдек, адабиётларнинг бир қисми ўзбек ва дунё халқлари эртакларидан иборат. – Китобхонлик тарғиботига бағишланган собиқ битирувчимиз билан учрашув муаллимларда ҳам, ўқувчиларда ҳам катта таассурот қолдирди, - дейди мактаб директори Маъруфжон Тешабоев. – Кейинги пайтда шундай инсонлар билан тез-тез учрашувлар ўтказиб туриш яхши анъанага айланди. Маънавий-маърифий мавзулардаги шундай суҳбатлар ҳаммага маъқул тушмоқда. Бу каби тадбирлар айни вақтда кенг авж олган “Наманганни энг яхши китобхон вилоятга айлантирамиз!” шиори остидаги ҳаракатга ҳамоҳанглиги диққатга сазовордир. Яқинда Президент Администрацияси ҳузуридаги Ахборот ва оммавий коммуникациялар агентлигининг вилоят ахборот-кутубхона марказини модернизация қилиш бошланди. Шунингдек, 50 та маҳаллада кутубхона, 12 та замонавий кўчма китоб дўконлари барпо этиш, 4 та “Библиобус” фаолиятини йўлга қўйиш ражалаштирилган. Яқинда Наманганга ташрифи чоғида Президент Шавкат Мирзиёев аҳолига китобларни қулай тарзда етказиб бериш, Наманганда яшаб ўтган атоқли аллома ва адибларнинг асарларини нашр этиш бўйича кўрсатмалар берди. Бундан ташқари, кутубхоналар учун бир миллион нусхадаги бадиий адабиётларни бепул етказиб бериш кўзда тутилганди. Уларнинг дастлабки туркуми вилоятга етиб ҳам келди. Фарҳодбек АБДУЛЛАЕВ, Ўзбекистон “Адолат” СДП фаоли ...

Батафсил
News

ОАВ биз ҳақимизда: “Адолат” кубогида кимлар ғолиб бўлди?

Наманган вилоятида курашнинг тарихи ва ривожи ҳақида гап кетганда биринчи навбатда Тўрақўрғон тилга олинади. Бу бежиз эмас, албатта. Бу замин азалдан ўзининг кураги ерга тегмай, вилоят, республика, қитъа ва жаҳон миқёсидаги мусобақаларда юқори натижаларга эришган полвонлари билан машҳур бўлган. Улардан бири Тўйчибой Сиддиқовдир. У ўтган асрнинг иккинчи ярмида бутун Марказий Осиёда таниқли курашчилардан бири саналган. Шунинг учун бугунги кунда кўплаб ёшлар унинг изидан бориб, миллий, юнон-рим, белбоғли кураш, дзюдо, самбо каби спорт турлари билан шуғулланмоқда. - Тўрақўрғондаги болалар-ўсмирлар спорт мактабида бугунги кунда уч мингга яқин ўғил-қиз таълим олмоқда. Улар орасида белбоғли курашга меҳр қўйган ёшлар ҳам кўп. Мактабдан кейинги йилларда мазкур спорт тури бўйича жуда кўп чемпионлар етишиб чиқмоқда. Боз устига бу ерда нафақат тажрибали мураббийлар, балки малакали ҳакамлар ҳам етарли. Моддий-техник негиз ҳам юқори даражадаки, мактабнинг спорт иншоотларида мамлакат миқёсидаги мусобақаларни ҳам бемалол ўтказиш мумкин, - дейди Ўзбекистон “Адолат” социал демократик партияси Наманган вилояти кенгаши раиси Исроил Жўраев. - Айнан мана шу шарт-шароитлардан келиб чиқиб, белбоғли кураш бўйича “Адолат” кубогининг вилоят босқичини Тўрақўрғонда  ташкил этиш мақсадга мувофиқ деб топилди. Ушбу беллашувларда шаҳар ва туманларда ўтказилган маҳаллий босқичларнинг ғолиблари қатнашдилар. Уларнинг гиламда олиб борган баҳслари вилоятда спортнинг белбоғли кураш турини янада оммалаштириш, иқтидорли полвонларни саралаш ва рағбатлантириш борасида бирмунча ишлар амалга оширилаётганидан далолатдир, деб ёзади www.namangan24.uz сайтида. Шундай қилиб, мазкур болалар-ўсмирлар спорт мактаби директори, белбоғли кураш бўйича халқаро тоифадаги ҳакам, мусобақа бош ҳаками  Неъматулла Тўйчиевнинг ишораси билан ёш спортчилар ўзаро баҳсларга киришдилар. Наманган шаҳри ва тўққизта туман жамоаси вакиллари ғолиблик учун астойдил ҳаракат қилдилар. Ҳар бир вазн тоифасида навқирон полвонлар ўртасидаги беллашувлар ўзининг муросасизлиги ва кескинлиги билан ажралиб турди. Шуни айтиш керакки, дастлабки саралаш учрашувларидан кейиноқ мезбонлар рақибларига қараганда ҳар жиҳатдан устун эканликларини кўрсатдилар. Тўрақўрғон тумани шарафини ҳимоя қилган ёш курашчиларнинг барчаси финал йўлланмасини қўлга киритганлигига қойил қолмасликнинг иложи йўқ. Нафақат мутахассислар, балки биз каби томошабин ва мухлислар ҳам бу йигитларнинг маҳоратига, техник ва тактик тайёргарлигига юқори баҳо бердик. Финал баҳсларида айнан улар ғолиб чиқиша башорат ҳам қилинди. Амалда эса бироз бошқача бўлди, яъни тўрақўрғонликларнинг рақиблари ҳам ўзларининг анойи эмасликларини кўрсатдилар. Мезбонлардан уч киши - Жаҳонгир Ҳайитов, Беҳзод Раҳматуллаев, Зиёдулла Турсунбоев шоҳсупанинг биринчи поғонасини эгалладилар. Абдулаҳад Носиров (Уйчи), Жамшид Ортиқалиев (Наманган шаҳри) ва Шоҳруҳ Раҳимов (Поп) ҳам худди шундай муваффақиятга эришдилар. Умумжамоа ҳисобида биринчи ўрин эса Тўрақўрғон тумани вакилларига насиб этди. Ғолибларга диплом ва эсдалик совғалари топширилди. Энди улар вилоят шарафини республика босқичида ҳамоя қиладилар. Нурбек АБДУЛЛАЕВ, Ўзбекистон “Адолат” социал демократик партияси Наманган вилояти кенгаши матбуот котиби © namangan24.uz Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Тўрақўрғонда “Адолат кубоги” мусобақасининг Наманган вилоят босқичи ғолиблари аниқланди

Наманган вилоятида курашнинг тарихи ва ривожи ҳақида гап кетганда биринчи навбатда Тўрақўрғон тилга олинади. Бу бежиз эмас, албатта. Мазкур туман азалдан ўзининг кураги ерга тегмай, вилоят, республика, қитъа ва жаҳон миқёсидаги мусобақаларда юқори натижаларга эришган полвонлари билан машҳур бўлган. Улардан бири Тўйчибой Сиддиқовдир. У ўтган асрнинг иккинчи ярмида бутун Марказий Осиёда таниқли курашчилардан бири саналган. Шунинг учун бугунги кунда кўплаб ёшлар унинг изидан бориб, миллий, юнон-рум, белбоғли кураш, дзюдо, самбо каби спорт турлари билан шуғулланмоқдалар. Исроил Жўраев, Ўзбекистон “Адолат” СДП Наманган вилоят Кенгаши раиси; — Тўрақўрғондаги болалар-ўсмирлар спорт мактабида бугунги кунда уч мингга яқин ўғил-қиз таълим олмоқда. Улар орасида белбоғли курашга меҳр қўйган ёшлар ҳам кўп. Мактабдан кейинги йилларда мазкур спорт тури бўйича жуда кўп чемпионлар етишиб чиқмоқда. Боз устига бу ерда нафақат тажрибали мураббийлар, балки малакали ҳакамлар ҳам етарли. Моддий-техник негиз ҳам юқори даражадаки, мактабнинг спорт иншоотларида мамлакат миқёсидаги мусобақаларни ҳам бемалол ўтказиш мумкин. Айнан мана шу шарт-шароитлардан келиб чиқиб, белбоғли кураш бўйича “Адолат кубоги”нинг вилоят босқичини Тўрақўрғонда ташкил этиш мақсадга мувофиқ деб топилди. Ушбу беллашувларда шаҳар ва туманларда ўтказилган маҳаллий босқичларнинг ғолиблари қатнашдилар. Уларнинг гиламда олиб борган баҳслари вилоятда спортнинг белбоғли кураш турини янада оммалаштириш, иқтидорли полвонларни саралаш ва рағбатлантириш борасида бирмунча ишлар амалга оширилаётганлигидан далолатдир. Айни пайтда ёш авлодни соғлом, бақувват ва баркамол қилиб тарбиялаш, уларни миллий қадриятларимизни эъзозлашга ўргатиш юзасидан ҳам ибратли ишлар қилинаётгани кўзга ташланмоқда. Шундай қилиб, мазкур болалар-ўсмирлар спорт мактаби директори, белбоғли кураш бўйича халқаро тоифадаги ҳакам, мусобақа бош ҳаками Неъматулла Тўйчиевнинг ишораси билан ёш спортчилар ўзаро баҳсларга киришдилар. Наманган шаҳри ва тўққизта туман жамоаси вакиллари ғолиблик учун астойдил ҳаракат қилдилар. Ҳар бир вазн тоифасида навқирон полвонлар ўртасидаги беллашувлар ўзининг муросасизлиги ва кескинлиги билан ажралиб турди. Шуни айтиш керакки, дастлабки саралаш учрашувларидан кейиноқ мезбонлар рақибларига қараганда ҳар жиҳатдан устун эканликларини кўрсатдилар. Тўрақўрғон тумани шарафини ҳимоя қилган ёш курашчиларнинг барчаси финал йўлланмасини қўлга киритганлигига қойил қолмасликнинг иложи йўқ. Нафақат мутахассислар, балки биз каби томошабин ва мухлислар ҳам бу йигитларнинг маҳоратига, техник ва тактик тайёргарлигига юқори баҳо бердик. Финал баҳсларида айнан улар ғолиб чиқиша башорат ҳам қилинди. Амалда эса бироз бошқача бўлди, яъни тўрақўрғонликларнинг рақиблари ҳам ўзларининг анойи эмасликларини кўрсатдилар. Мезбонлардан уч киши - Жаҳонгир Ҳайитов, Беҳзод Раҳматуллаев, Зиёдулла Турсунбоев шоҳсупанинг биринчи поғонасини эгалладилар. Абдулаҳад Носиров (Уйчи), Жамшид Ортиқалиев (Наманган шаҳри) ва Шоҳруҳ Раҳимов (Поп) ҳам худди шундай муваффақиятга эришдилар. Умумжамоа ҳисобида биринчи ўрин эса Тўрақўрғон тумани вакилларига насиб этди. Ғолибларга диплом ва эсдалик совғалари топширилди. Энди улар вилоят шарафини республика босқичида ҳамоя қиладилар. Нурбек АБДУЛЛАЕВ, Ўзбекистон “Адолат” СДП Наманган вилоят Кенгаши матбуот котиби Бизни ижтимоий тармоқларда ҳам кузатинг: t.me/adolat_uz instagram.com/adolat_sdp/ facebook.com/sdpu.adolat/ twitter.com/AdolatSDP ...

Батафсил
News

Намангандан онлайн: семинар бошланиш арафасида (+фоторепортаж)

Бугун, 4 апрелда Наманган шаҳрида Ўзбекистон “Адолат” СДП Сиёсий Кенгаши Марказий аппарати томонидан “Сайлов: демократик янгиланиш ва замонавий ёндошув” мавзуида семинар ўтказилади. Айни дақиқаларда тадбир иштирокчилари Наманган давлат университетининг кичик мажлислар залида тўпланмоқдалар. Семинарда партиянинг вилоят, шаҳар ва туман кенгашлари раҳбарлари ва ходимлари, халқ депутатлари вилоят, шаҳар ва туман кенгашларининг депутатлари, йирик БПТ раислари, партия фаоллари, оммавий ахборот воситалари ходимлари иштирок этиши кутилмоқда. Тадбирда Ўзбекистон “Адолат” социал-демократик партияси Сиёсий Кенгаши раиси Наримон Умаров ҳам қатнашади. Бизни кузатиб боринг... ...

Батафсил
News

Намангандан онлайн: семинар ўз ишини давом эттирмоқда

Аввал хабар қилганимиздек, Наманганда Ўзбекистон “Адолат” СДП Сиёсий Кенгаши томонидан ташкил этилган “Сайлов кодекси: демократик янгиланиш ва замонавий ёндашув” мавзусидаги ҳудудий семинар ўз ишини бошлади. Семинарни партия вилоят Кенгаши раиси Исроил Жўраев қисқача кириш сўзи билан очди. Шундан сўнг иштирокчилар Ўзбекистон “Адолат” СДП Сиёсий Кенгаши Раиси Наримон Умаровнинг “Сайлов жараёнларида Ўзбекистон “Адолат” СДПнинг долзарб ва устувор вазифалари тўғрисида”ги маърузасини катта қизиқиш билан тингладилар. Семинар ўз ишини давом эттирмоқда. Бизни кузатиб боринг. ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!