НАМАНГАН

Манзил: Наманган шаҳар, Банк кўчаси, 9-уй

Телефон: (69) 227-23-84, 227-20-38

Электрон манзил:  namangan@adolat.uz

Янгиликлар
News

Наманган шаҳар кенгашининг пленуми

Ўзбекистон “Адолат” СДП Наманган шаҳар Кенгашининг навбатдаги пленуми бўлиб ўтди. Пленум қатнашчилари “Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастури бажарилишида Ўзбекистон “Адолат” СДП Наманган шаҳар Кенгашининг иштироки тўғрисидаги масалани кўриб чиқдилар. Маърузачи – Наманган шаҳар кенгашининг раиси Ойлархон Охунова, хусусий тадбиркор Нурилло Халилов, вилоят архив бошқармасининг мутахассиси Иномжон Абдуллаев, партия фахрийси Ваҳобжон Иброҳимов ва бошқалар мазкур йўналишда амалга оширилган ишларни атрофлича таҳлил қилдилар. Бу борадаги иш режасига кўра биргина “Мактабгача таълим – кадрлар тайёрлашнинг бирламчи бўғини” лойиҳаси доирасида 50 та МТМ фаолияти ишчи гуруҳлари томонидан ўрганилганлиги қайд этилди. Аниқланган камчиликлар юзасидан тузилган тақдимномалар тегишли мактабгача таълим муассасаси маъмурияти ва шаҳар халқ таълими бўлимига юборилди. Айни пайтда улар юзасидан белгиланган чора-тадбирлар ижроси назоратга олинди. Партияиншг “Адолат – қонун устуворлигида” лойиҳаси доирасида ҳар ҳафтанинг чоршанба куни аҳоли билан мулоқот ўтказиш ҳам диққат марказида турибди. Йил бошидан бери шаҳар бўйича юзга яқин маҳаллада ишчи гуруҳлар томонидан қарийб 2400 та хонадонда мулоқотлар ўтказилгани таъкидланди. Шу жараёнда билдирилган таклиф ва мулоҳазалар, аҳолини ўйлантираётган муаммолар рўйхатга олинди. Айни вақтда уларнинг ижроси устидан назорат олиб борилмоқда. Албатта, ютуқлар қатори шаҳар кенгаши фаолиятидаги камчиликлар ҳам кўрсатиб ўтилди. Хусусан, оммавий ахборот воситалари билан ҳамкорлик талаб даражасида эмас. Оралиқ сайловларда номзодлар қўйилган бўлса-да, улар муваффақиятга эриша олмадилар. Оқибатда халқ депутатлари шаҳар кенгашида “Адолат” СДПдан атиги бир депутат фаолият кўрсатмоқда. Пленумда партия вилоят Кенгаши раисининг ўринбосари Баҳодир Болтабоев иштирок этди ва нутқ сўзлади. Нурбек АБДУЛЛАЕВ, Ўзбекистон “Адолат” СДП Наманган вилоят Кенгаши матбуот котиби ...

Батафсил
News

Наманганда янги автомобиль заводи қурилиши бошланди

2018 йил 17 ноябрь санаси Наманган вилояти иқтисодиётини ривожлантириш тарихига зарҳал ҳарфлар билан ёзиладиган бўлди. Чунки шу куни Тўрақўрғон тумани ҳудудида қад кўтарадиган “Hyundai” тижорат автомобиллари ишлаб чиқариш лойиҳасини амалга ошириш бўйича инвестицион шартномани имзолаш маросими бўлиб ўтади. Шартномани Ўзбекистон Республикаси томонидан Наманган вилояти ҳокими Хайрулло Бозаров, Корея Республикаси томонидан “Hyundai Motor” компаниясининг юк машиналари бўйича президенти Ли Ин Чэол, “Posco-Daewoo corporation” компанияси Автоматив бўлими президенти ўринбосари Ли Санг Хун ва “Evergreen Motors” компанияси Президенти Ким Чанг Кеон имзоладилар. Шу куни Тўрақўрғон туманининг адир ерларидан ажратилган майдонда янги корхона пойдеворига тамал тоши қўйилди. Тадбирда Наманган вилояти ҳокими Хайрулло Бозаров, Корея Республикасининг Ўзбекистондаги фавқулодда ва мухтор Элчиси Квон Ён У, Ўзбекистон Республикаси Инвестициялар бўйича Давлат қўмитаси раисининг биринчи ўринбосари Лазиз Қудратов, Ўзбекистон Республикаси Ташқи савдо вазирининг ўринбосари Сахиб Саифназаров, Ўзбекистон Республикаси Президенти Админстрацияси масъул ходими Бекзод Юсупов ва бошқа расмий идора вакиллари, халқаро ва маҳаллий оммавий ахборот воситалари журналистлари иштирок этдилар. Тамал тоши қўйиш маросимига кореялик ишбилармонларнинг кенгайтирилган гуруҳи ҳамда Малайзия, Индонезия, Хитой Халк Республикаси ва Таиланд Республикасидан инвесторлар ҳам таклиф этилди. Маълумки, мазкур автомобилсозлик корхонасини қуриш ҳақидаги ғояни илк бор Ўзбекистон Президенти Шавкат Мирзиёев 2017 йил 22-25 ноябрь кунлари Корея Республикасига амалга оширган давлат ташрифи чоғида баён этган эди. Ташриф доирасида бўлиб ўтган бизнес-форумда кореялик ишбилармонларга мурожаат қилиб, ҳамкорларимизни Ўзбекистон бозорига янада катта одимлар билан кириб келишларига ишонч билдирганди. Корея Республикасининг “Hyundai Motor”, “Evergreen Motors” ва “Posco-Daewoo corporation” компаниялари ҳамкорлигида қурилиши режалаштирилган бу завод, 2019 йилнинг сентябрида илк маҳсулотларини чиқаришни бошлайди. Дастлаб йилига 400 та кичик юк машиналари, микроавтобуслар ҳамда автобуслар ишлаб чиқарилади. Босқичма-босқич бу кўрсаткич 2500 тага етказилади. Маҳаллийлаштириш дастури асосида 50 фоиз эҳтиёт қисмларни шу ернинг ўзида ишлаб чиқариш кўзда тутилган. Дастлабки босқичда 150 та янги ишчи ўрни яратилади. Завод тўла ишга тушганда, мингдан зиёд иш ўрни пайдо бўлади. Муқаддасхон Ахматова, Халқ депутатлари Тўрақўрғон туман кенгашидаги “Адолат” СДП гуруҳи раҳбари: – Туманимиз аҳли, шу жумладн, партиядошларимиз янги автомобилсозлик корхонаси қурилиши бошланаётганлиги тўғрисидаги хабарни зўр қувонч билан кутиб олдилар. Бу, вилоят ва мамлакат миқёсидаги катта аҳамиятга эга бўлган воқеадир. Биринчидан, автомобиль саноатимизнинг янги тармоғи вужудга келади. У замонавий русумдаги сифатли машиналар ишлаб чиқаришни йўлга қўяди. Қолаверса, янги ишчи ўринлари яратилиб, кўплаб ижтимоий масалалр ўз ечимини топади. Маҳсулотнинг анчагина қисми хорижий давлатларга экспорт қилинади. Шу ўринда мазкур туманда яна бир йирик корхона – Тўрақўрғон иссиқлик электр станцияси қурилиши ниҳоясига етказилаётганлигини ҳам қайд этиш лозим. У нафақат вилоят, балки бутун Фарғона водийси иқтисодиётини ва аҳолини электр қуввати билан узлуксиз таъминлаш имкониятини яратади. Айни пайтда туманнинг саноат салоҳияти янада ривожланади. Нурбек АБДУЛЛАЕВ, Ўзбекистон “Адолат” СДП Наманган вилоят Кенгаши матбуот котиби   ...

Батафсил
News

Партиядошларимиз – тиббиётчилар ҳузурида

Ўтган якшанба куни мамлакатимизда тиббиёт ходимлари куни кенг миқёсда нишонланди. Саломатлик посбонларининг касб байрами муносабати билан тадбирлар Наманган вилоятида ҳам юқори савияда ташкил этилди. Уларда давлат ва жамоат ташкилотларининг вакиллари ҳам қатнашиб, шифокорларга самимий тилакларни билдирдилар. Масалан, “Адолат” СДП Наманган вилоят Кенгашининг раиси Исроил Жўраев ва бир қатор фаоллар Косонсой туман тиббиёт бирлашмасида ташкил этилган байрам тантанасида иштирок этдилар. Муяссархон Каримова, Халқ депутатлари Косонсой туман кенгашидаги “Адолат” СДП гуруҳи раҳбари: — Мен қарийб чорак асрдан бери тиббиёт соҳасида меҳнат қиламан. Сафларимизда партиядошларимиз кўпчиликни ташкил этади. Улар ҳам мен каби партиямиз фаолларининг касб байрамимизда қатнашганликларидан ниҳоятда мамнун бўлдилар. Айниқса, энг яхши тиббиёт ходимларига “Адолат” СДП вилоят Кенгашининг эсдалик совғалари тақдим этилгани нур устига аъло нур бўлди. Наманганлик шифокорларнинг байрам шодиёналарида Ўзбекистон Республикаси Олий Мажлиси Қонунчилик палатаси депутати Шуҳрат Якубов ҳам иштирок этди. Дастлаб у вилоят марказидаги 3-оилавий поликлиникада бўлди. Кейин эса Норин туман тиббиёт бирлашмаси  жамоаси вакиллари билан учрашди. Ўзаро мулоқотларда 9 ноябрда Ўзбекистон Республикаси Президенти Шавкат Мирзиёев раислигида соғлиқни сақлаш тизимини ривожлантириш, ҳудудлар аҳолисини сифатли тиббий хизмат билан қамраб олиш, тиббиёт муассасалари моддий-техник базасини мустаҳкамлаш борасидаги ислоҳотлар натижаларини таҳлил қилиш ва истиқболдаги устувор вазифаларни белгилашга бағишланган видеоселектор йиғилишида кўтарилган масалалар асосий мавзу бўлди. Мазкур йиғилишда амалга оширилаётган  барча ислоҳотлардан асосий мақсад одамлар ҳаётини яхшилаш экани, сифатли тиббий хизмат бу борада муҳим ўрин тутиши яна бир бор таъкидланди. Норин туман тиббиёт бирлашмаси бошлиғи, халқ депутатлари Наманган вилоят кенгашидаги “Адолат” СДП гуруҳи аъзоси Абдували Мавланов: – Бмз шифокорлар тиббиёт соҳасини ривожлантиришга давлатимиз томонидан жуда катта эътибор берилаётганлигини ҳис этиб турибмиз. Кейинги икки йилда Президентнинг соҳага оид 50 та фармон, қарор ва фармойишлари, Вазирлар Маҳкамасининг 70 дан зиёд қарор ва фармойишлари қабул қилингани фикримиз далилидир. 6 та янги илмий-амалий тиббиёт маркази ташкил этилиб, улар сони 16 тага етди. Аҳолига янада қулайлик яратиш мақсадида ҳудудларда уларнинг 10 та филиали иш бошлади. Туман ва шаҳар шифохоналарида 306 та янги ихтисослашган бўлим, 1 минг 200 та тез тиббий ёрдам шохобчаси очилди. Бу борада Норин туманида ҳам қатор ибратли тадбирлар амалга оширилаётгани ўзаро мулоқотда эътироф этилди. Айни пайтда  1400 кишидан ортиқ киши меҳнат қилаётган тиббиёт бирлашмаси жамоаси аҳоли саломатлигини ишончли муҳофаза қилишни ўз олдига мақсад қилиб қўйган. Фидойилик намунасини кўрсатиб меҳнат қилаётган бир гуруҳ шифокорларга қимматбаҳо эсдалик совғвлври топширилди. Парламентдаги “Адолат” СДП фракцияси аъзоси Шуҳрат Якубовнинг айтишича, наманганлик шифокорлар видеоселектор йиғилишида олға сурилган масалаларни ҳал этиш учун бор билимлари ва куч-ғайратларини ишга солишларини изҳор этмоқдалар. Хусусан, 2021 йилдан бошлаб юртимизда ҳам мажбурий тиббий суғурта тизимини босқичма-босқич жорий этиш, Жанубий Корея, Сингапур, Германия каби давлатлардан халқаро консультантларни жалб қилган ҳолда, тегишли қонун ва қонуности ҳужжатларини ишлаб чиқиш зарурлиги тўғрисидаги фикрлар маъқулланмоқда. Давлат-хусусий шерикликнинг бу кўриниши тизимни ривожлантириш, шифохоналарни юқори технологик ускуналар билан жиҳозлаш, уларга тўлиқ молиявий мустақиллик бериш имконини яратади. Нурбек АБДУЛЛАЕВ, Ўзбекистон “Адолат” СДП Наманган вилоят Кенгаши матбуот котиби   ...

Батафсил
News

Пленумдан — пленумгача: таҳлил ва танқид асосида

Наманганда Ўзбекистон “Адолат” СДП вилоят Кенгашининг навбатдаги Пленуми бўлиб ўтди. Пленумда вилоят, шаҳар ва туман партия Кенгашларининг аъзолари, халқ депутатлари маҳаллий кенгашларининг депутатлари, фаоллар қатнашдилар. Иштирокчилар “Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастури бажарилишида Ўзбекистон “Адолат” СДП Наманган вилоят Кенгашининг иштироки тўғрисида”ги масалани муҳокама қилдилар. Маъруза билан чиққан вилоят Кенгаши раиси Исроил Жўраев, партиянинг Тўрақўрғон туман Кенгаши раиси, халқ депутатлари Тўрақўрғон туман кенгашидаги “Адолат” СДП гуруҳи етакчиси Муқаддасхон Аҳматова, халқ депутатлари Наманган туман Кенгаши депутати Боймирза Обиддинов ва бошқалар давлатимиз раҳбари Ш.Мирзиёевнинг 2017 йил 22 декабрдаги Олий Мажлисга Мурожаатномасида белгилаб берилган устувор йўналишлар асосида партия ташкилотлари олиб бораётган фаолиятга ўз муносабатларини билдирдилар. Шаҳар ва туман ташкилотлари, қолаверса, аксарият БПТлар ишни замонавий ёндашув асосида ташкил этишга ҳаракат қилаётганликларини, унга янги мазмун бахш этаётганликларини қайд этдилар. Асосий эътибор “Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастурининг ижросини таъминлашга муносиб ҳисса қўшишга қаратилаётгани таъкидланди. Мазкур ҳужжатда белгиланган биронта йўналиш эътибордан четда қолган эмас. Дилшод Болтабоев, Ўзбекистон “Адолат” СДП Наманган вилоят Кенгаши раиси ўринбосари вазифасини бажарувчи: – Чиндан ҳам Президентимизнинг Олий Мажлисга Мурожаатномаси мамлакат ижтимоий-сиёсий ҳаётида катта аҳамиятга эга бўлди. Албатта, сиёсий партиялар фаолияти ҳам бундан мустасно эмас. Биз фаолиятда туб бурилиш ясашни мақсад қилган ҳолда барча бўғинлар ишини яхшилашга интилмоқдамиз. Хусусан, электорат билан ишлашни кучайтириш, бунда бевосита ва узлуксиз мулоқотни йўлга қўйиш, сайловолди дастурида кўтарилган масалалар юзасидан изчил иш олиб бориш, кадрлар салоҳиятини тинмай юксалтириб бориш диққат марказида турибди. “Фаол тадбиркорлик, инновацион ғоялар ва технологияларни қўллаб-қувватлаш йили” Давлат дастури бажарилишида Ўзбекистон “Адолат” социал-демократик партиясининг иштирокини таъминлаш мақсадида партия Наманган вилоят Кенгаши Ижроия Қўмитаси томонидан тасдиқланган иш режасида энг долзарб масалалар ўз аксини топган. Унда партия лойиҳалари асосида тизимли фаолият олиб боришга устувор аҳамият қаратилган. Шунга асосан парламентдаги партия фракциясига тақдим этилган қонун лойиҳаларини “Адолат” СДП вилоят, шаҳар ва туман Кенгашларда, депутатлик гуруҳларида кенг муҳокамалардан ўтказиш ва билдирилган таклиф-мулоҳазаларни Сиёсий Кенгашга тақдим этиш вазифаси ҳам қўйилган эди. Йилнинг ўтган ўн ойи давомида 10 дан ортиқ қонун лойиҳалари кўриб чиқилди. Шунга қарамай, хали бу тизим ишлашини қониқарли, деб бўлмайди. Масалан, биринчи ўқишда қабул қилинган қонун лойиҳаларини муҳокама учун партиямизнинг ҳудудий ва маҳаллий Кенгашларига ўз вақтида юборилишига қарамай, қуйи тизимдан қонунчиликни такомиллаштиришга асос бўладиган, чуқур таҳлил қилинмаган, енгил-елпи таклифлар ҳам тақдим этиш ҳолатлари мавжуд. Жорий йилнинг ўтган даврида “Экстремизмга қарши курашиш тўғрисида”ги, “Ўсимликлар карантини тўғрисида”ги, “Фуқароларнинг ўзини ўзи бошқариш органлари тўғрисида”ги, янги таҳрирдаги “Таълим тўғрисида”ги қонунларнинг лойиҳаларига Учқўрғон, Янгиқўрғон, Чортоқ, Норин, Тўрақўрғон, Поп туман Кенгашлари томонидан бирорта ҳам асосли таклиф ёки муносабатлар билдирилмагани фикримизга далилдир. Пленум иштирокчилари кун тартибидаги масалага доир бошқа жиҳатларни ҳам атрофлича ва чуқур таҳлил қилдилар. Муҳими – ютуқларни қайд этиш билан чекланмай, йўл қўйилган камчиликлар ҳам тилга олинди. Ишни яхшилаш имконини берадиган қатор таклифлар ҳам билдирилди. Уларнинг ҳаммаси пленум қабул қилган қарорда ўз ифодасини топди. Ўйлаймизки, жойлардаги фаолият шу негизда ташкил этилса, анчагина силжишга эришилади. Нурбек АБДУЛЛАЕВ, Ўзбекистон “Адолат” СДП Наманган вилоят Кенгаши матбуот котиби ...

Батафсил
News

Кун тартибида – глобал муаммога қарши кураш масаласи

“Одам савдосига қарши курашиш ҳамда диний эстремизм ва терроризмнинг олдини олиш” – Мингбулоқ туманидаги Жомашўй мелиорация ва қишлоқ хўжалиги касб-ҳунар коллежида ўтказилган давра суҳбати ана шундай номланди. Бу тадбирни Ўзбекистон “Адолат” СДП Наманган вилоят ва Мингбулоқ туман кенгашлари бир қатор ҳамкор ташкилотлар билан биргаликда ўтказдилар. Тадбир иштирокчилари орасида педагоглар, ўқувчилар ва уларнинг ота-оналари бор эдилар. Давра суҳбати қатнашчилари бугунги кунда бутун дунё миқёсида ўта хавфли ҳисобланаётган мазкур иллат инсонларнинг эркинлигини, ҳуқуқларини поймол қилишга қаратилганлиги ва халқаро жамоатчилик томонидан қаттиқ қораланаётганлигини таъкидладилар. Айни пайтда умумжаҳон даражасида ва миллий қонунчилик доирасида қабул қилинган ҳужжатлар асосида амалий ишлар олиб борилмоқда. Мамлакатимизда ҳам 2008 йил 17 апрелда Ўзбекистон Республикасининг “Одам савдосига қарши курашиш тўғрисида”ги қонуни қабул қилинган. Бу ҳужжат одам савдосига қарши курашиш билан боғлиқ муносабатларни тартибга солиш, одам савдоси жабр-дийдаларига ижтимоий ёрдам кўрсатишда муҳим ҳуқуқий асос вазифасини ўтамоқда. Раънохон Умарова Ўзбекистон “Адолат” СДП Мингбулоқ туман кенгашининг раиси: – Ҳар қандай иллатнинг олдини олиш ва унга қарши курашишда тарғибот-ташвиқот ишларининг аҳамияти ниҳоятда катта. Шу жиҳатдан давра суҳбати қатнашчиларда катта таассурот қолдирди. Чунки аниқ факт ва далиллар билан бойитилган чиқишлар ҳеч кимни бефарқ қолдирмади. Иштирокчилар ёшларнинг ҳуқуқий маданиятини ва билимдонлигини оширишнинг нақадар катта аҳамиятга эгалиги тўғрисида гапирдилар. Одам савдосидан азият чекканлар бизнинг туманимизда ҳам учрайди. Келгусида бундай ҳолларга йўл қўймаслик учун баҳамжиҳат фаолият олиб бориш лозимлиги қайд этилди. Айниқса, ёшларнинг тадбиркорлик билан шуғулланишлари учун яратилаётган шароитлар, уларнинг имтиёзли кредитлар билан таъминланишлари, вужудга келтирилаётган янги иш ўринлари ҳақида кенг хабардор бўлишларини таъминлаш алоҳида аҳамиятга эга эканлиги тўғрисидаги фикрлар қайта-қайта янгради. Тадбирда сўзга чиққан Ўзбекистон “Адолат” СДП Наманган вилоят Кенгаши раисининг ўринбосари вазифасини бажарувчи Д. Болтабоев, Кенгаш бош мутахассиси Ё.Ҳожиматова, Жомашўй мелиорация ва қишлоқ хўжалиги касб-ҳунар коллежи директорининг маънавий-маърифий ишлар бўйича ўринбосари И.Парпиев, одам савдосига қарши курашиш бўйича Мингбулоқ туман идоралараро комиссияси раиси ўринбосари З.Ўролов ва бошқалар мамлакатимизда одам савдосининг олдини олиш, аҳолининг ҳуқуқий маданиятини юксалтириш, ноқонуний меҳнат миграциясига қарши курашиш борасида кенг кўламли ишлар амалга оширилаётганини айтиб, бу борада ҳали ишга солинмаган имкониятлар кўплигини айтдилар. Ўзбекистон Республикаси Президенти Ш. Мирзиёев БМТ Бош Ассамблеясининг 2017 йилда ўтказилган 72-сессиясида сўзлаган нутқида БМТнинг Ёшлар ҳуқуқлари тўғрисидаги халқаро конвенциясини ишлаб чиқиш ва Бош Ассамблеянинг "Маърифат ва диний бағрикенглик" деб номланган махсус резолюциясини қабул қилиш бўйича таклифи жаҳон ҳамжамиятида катта қизиқиш уйғотганлиги ҳам диққатга сазовордир. Чунки жаҳоннинг “қайноқ нуқталари”даги тўс-тўполонларнинг асосий иштирокчилари ҳам, ҳар хил экстремистик гуруҳларнинг аъзолари, одам савдоси қурбони бўлаётганларнинг кўпчилиги ҳам 19 дан 30 ёшгача бўлган инсонлардир. Улар орасида бизнинг юртдошларимиз борлиги эса жуда ачинарлидир. Шунинг учун келгусида бундай турдаги жиноятларни камайтириш, одам савдосидан жабрланганларга ёрдам кўрсатиш тизимини мустаҳкамлаш долзарб вазифалардандир. Бу борада давлат нодавлат ташкилотлари ўзаро ҳамкорликда иш олиб боришлари зарур. Давра суҳбати пировардида иштирокчилар ўзларини қизиқтирган саволларга батафсил жавоблар олдилар. Фарҳодбек АБДУЛЛАЕВ, Ўзбекистон “Адолат” СДП Наманган вилоят Кенгаши фаоли   ...

Батафсил
News

“Адолат” СДП фракцияси аъзоси – сайловчилар ҳузурида

Шу кунларда Ўзбекистон Республикаси Олий Мажлиси Қонунчилик палатаси депутатлари жойларда ўз сайловчилари билан учрашувлар ўтказмоқдалар. Ана шундай тадбирлардан бири Наманган шаҳридаги 20-умумтаълим мактабида бўлиб ўтди. Мазкур таълим муассасасига 40-Сардоба сайлов округидан парламент аъзолигига сайланган Шуҳрат Якубов ташриф буюрди. Синф хоналаридан бирида ўтказилган ўзаро мулоқотда мактаб педагогларидан қирққа яқин киши иштирок этди. Ўзбекистон “Адолат” СДП Наманган вилоят Кенгаши раиси Исроил Жўраев учрашувни қисқача кириш сўзи билан очиб, партия ташкилотларимиз шу кунларда олиб бораётган ишлар ҳақида гапирди. Шундан кейин Қонунчилик палатаси депутати Шуҳрат Якубов учрашув қатнашчиларини парламент ҳаётидаги сўнгги янгиликлар билан таништирди. У Олий Мажлис Қонунчилик палатасида биринчи ўқишда қабул қилинган ва айни кунларда иккинчи ўқишга тайёрланаётган “Фан тўғрисида”ги, “Қайта тикланувчи энергия манбалари тўғрисида”ги, “Туризм тўғрисида”ги, “Ўзбекистон Республикаси Қонунига ўзгартиш ва қўшимчалар киритиш ҳақида”ги қонун лойиҳалари бўйича олиб борилаётган ишлар ҳақидаги маълумотлар барчада катта қизиқиш уйғотди. Депутат мамлакатимиз ижтимоий-сиёсий ҳаётида юз бераётган янгиликлар тўғрисида ҳам сўзлади. Айниқса, Ўзбекистон Республикасининг дунёдаги барча давлатлар билан ўзаро фойдали алоқаларни йўлга қўйишга қаратилган ташқи сиёсати бўйича суҳбатда педагоглар ҳам фаол қатнашиб, қатор фикр-мулоҳазалар билдирдилар. Раънохон Насриддинова Наманган шаҳридаги 20-умумтаълим мактаби директори: – Депутат билан учрашув ҳамкасбларимизда катта таассурот қолдирди. Биз парламент фаолияти, қонун ижодкорлигидаги янгиликлар, сиёсий майдондаги воқеалар билан яқиндан танишдик. Давлатимиз томонидан таълим соҳасини ривожлантиришга, ўқитувчиларга муносиб иш ҳақи тўлашга қаратилган чора-тадбирлар ҳаммага маъқул тушмоқда. Айни вақтда педагог ходимлар касб маҳоратини, назарий билим ва амалий кўникмаларини мусткамлаш бўйича режалар ишлаб чиққанмиз. Уларни амалга ошириш юзасидан ишлар бошлаб юборилган. Тез орада таълим-тарбия бўйича барча кўрсаткичларни яхшилашга эришамиз, деб ўйлаймиз. Учрашув жараёнида иштирокчилар ўзларини қизиқтирган қатор саволлар, шунингдек, мурожаатлар билан чиқишди. Хусусан, она тили ва адабиёти ўқитувчиси Раъно Бароқова мактаб биноси бундан қарийб етмиш йил аввал қурилганлигини, мукаммал таъмирга муҳтожлигини, бироқ бу масала бир неча йилдан бери ҳал этилмаётганлигини билдирди. Мактаб директорининг ўринбосари Бекмурод Мадаминов эса чақириққача ёшларни тайёрлаш соҳасидаги муаммоларни тилга олди. Ҳозиргача шуғулланадиган саф майдони йўқ. Мактаб ҳовлисининг бир қисмини асфальт қилиш юзасидан юқори ташкилотларга қилинган мурожаатлар самара бермади. Вақт эса ўтиб бормоқда. Инглиз тили ўқитувчиси Гавҳар Нурматова мактабда электр таъминоти барқарор эмаслигидан шикоят қилди. Бу эса компьютер, бошқа техника воситаларидан дарсда фойдаланиш имконини бермаётир. Депутат ҳар бир сўзга чиққан педагогнинг фикрини диққат билан тинглади ва қўйилган масалаларни ҳал этиш юзасидан зарур чоралар кўрилишини билдирди. Нурбек АБДУЛЛАЕВ, Ўзбекистон “Адолат” СДП Наманган вилоят Кенгаши матбуот котиби ...

Батафсил
News

Пахтакорлар билан ҳамнафас

Мамлакатимизда олтин куз. Шу кунларда ҳар бир деҳқон ва фермер пешона тери билан етиштирилган ҳосилни йиғиштириб олишдай муҳим вазифа билан машғул. Ҳамма қатори пахтакорларнинг ҳам қўли қўлига тегмайди. Чунки улар ҳам бу йилги табиат инжиқликларига қарамай етиштирилган “оқ олтин”ни нобудгарчиликка йўл қўймай териб олишга астойдил ҳаракат қилишмоқда. Туманимизда пахтачилик қишлоқ хўжалигининг асосий тармоғи ҳисобланади. Шунинг учун қимматбаҳо саноат хом ашёсини бир мисқолини қолдирмай йиғиштириб олиш диққат марказида турибди. Барча фермер хўжаликларида иш Ўзбекисто фермер, деҳқон хўжаликлари ва томорқа ер эгалари Кенгашининг “Мавсумни уюшқоқлик билан ўтказайлик!” номли мурожаати асосида ташкил этилган. Пахтакорларга ҳашарчилар ҳам катта ёрдам кўрсатмоқдалар. Шартномавий режани бажариб, зафар маррасини эгаллаган фермер хўжаликлари сафи тобора кенгайиб бормоқда. Теримнинг уюшқоқлик билан ўтказилишида, суръатнинг юқори бўлишида далада меҳнат қилаётганларга яхши шарт-шароит яратилгани муҳим аҳамиятга эга бўлмоқда. Иссиқ овқат ташкил этилганлиги, иш ҳақлари ўз вақтида тўланаётгани ҳам барчага маъқул келмоқда. Ўз навбатида илғор теримчиларни моддий ва маънавий жиҳатдан руҳлантиришга катта эътибор қаратилмоқда. Хусусан, уларнинг маданий ҳордиқ чиқаришлари учун имкониятлар яратилмоқда. Бунда санъаткорлар, шоир ва ёзувчилар фаоллик кўрсатмоқдалар. Масалан, яқинда тумандаги қатор фермер хўжаликларида Ўзбекистон халқ артистлари Эркин Комилов ва Гавҳар Зокирова билан ижодий учрашувлар бўлиб ўтди. Улар пахтакорларни бевосита даланинг ўзида қутлаб, теримчиларнинг шарафли меҳнатларида муваффақиятлар тиладилар. Бундай эзгу ишларда тумандаги қатор ташкилотлар ҳам фаол қатнашмоқдалар. Айниқса, маданият бўлими ходимлари далада меҳнат қилаётганларга намунали хизмат кўрсатмоқдалар. Биз шифокорлар ҳам бугунги кунда теримчилар билан ҳамнафасмиз. Биринчи навбатда уларга намунали тиббий хизмат кўрсатишни зиммага олганмиз. Шу билан бирга вақти-вақти билан дала шийпонларида соғлом турмуш тарзи, тиббий маданият, санитария-гигиена қоидалари ҳақида суҳбатлар ўтказмоқдамиз. Яқинда Маҳфиратхон Ҳожиева раҳбарлигидаги “Дурдона-Ғайрат” фермер хўжилигида ана шундай учрашув ташкид этилди. Унда туман ҳокимининг ўринбосари, туман хотин-қизлар қўмитаси раиси Наимахан Холмирзаева ҳам иштирок этди. Охирги беш кунликда теримда энг юқори натижага эришган илғорларга эсдалик совғалари тақдим этилди. Санъатклорлар ижросидаги куй-қўшиқлар даврага файз киритди. Бундай тадбирларни мунтазам равишда ўтказиб туришга қарор қилдик. Абдували МАВЛАНОВ, Норин туман тиббиёт бирлашмаси бошлиғи, Халқ депутатлар Наманган вилоят кенгашидаги “Адолат” СДП гуруҳи аъзоси ...

Батафсил
News

Депутатлар фаолияти такомиллашади

Халқ депутатлари Наманган вилоят кенгашининг навбатдаги сессияси бўлиб ўтди. Унда вилоятдан сайланган Олий Мажлис Сенати аъзолари, вилоят ҳокимининг ўринбосарлари, давлат ва жамоат ташкилотларининг вакиллари иштирок этдилар. Сессия қатнашчилари вилоят ҳокими Хайрулло Бозоровнинг “Ўзбекистон Республикаси Президентининг “Ҳудудларнинг жадал ижтимоий-иқтисодий ривожланишини таъминлашга доир устувор чора-тадбирлар тўғрисида”ги қарори ижросини таъминлаш юзасидан олиб борилаётган ишлар ҳақида”ги маърузасини тинглади. Бундан ташқари, депутатлар бошқа қатор масалаларни ҳам муҳоками қилдилар. Иброҳимжон Абдуллаев Халқ депутатлари вилоят кенгашидаги “Адолат” социал-демократик партияси гуруҳи аъзоси: – Сессия кун тартибига қўйилган барча масалалар ўзига яраша аҳамиятли бўлди. Шахсан мени қизиқтирган бир қатор масалалар ичида халқ депутатлари  вилоят кенгаши раиси лавозимининг жорий этилиши бўлди. Бу бўйича қатор депутатларнинг фикр-мулоҳазалари тингланди. Улар янги лавозим жорий этилишини маъқулладилар. Кенгашдаги партиямиз гуруҳи аъзолари ҳам қўйилган масалани ёқлаб овоз бердилар. Шу ўринда кейинги йилларда жамиятда сиёсий партияларнинг, халқ депутатларининг ролини янада кучайтириш, уларнинг ижтимоий-иқтисодий тараққиётдаги фаоллигини оширишга қаратилган кўплаб тадбирлар амалга оширилганлигини қайд этиш лозим. Кенгаш раисининг ўринбосари лавозимини таъсис этиш билан биргаликда у билан бирга ишлайдиган сиёсий партияларнинг вакиллари ҳам тасдиқланди. Масалан, “Адолат” СДП гуруҳининг ижрочи котиби вазифаси Зиёджон Маҳкамовга топширилди. Исроил Жўраев Ўзбекистон “Адолат” СДП Наманган вилоят кенгашининг раиси: – Мен ҳам бошқа сиёсий партияларнинг вакиллари билан биргаликда халқ депутатлари вилоят кенгашининг сессиясида иштирок этдим. Юқорида тилга олинган масаланинг кўриб чиқилишини депутатлар фаолиятини кучайтириш йўлидаги қадамлардан бири деб ҳисоблаймиз. Бу билан халқ депутати кенгашининг маҳаллий ижро ҳокимияти органлари фаолияти устидан таъсирчан депутатлик назоратини ўрнатишда қўл келади. Доимий комиссиялар, депутатлик гуруҳларининг фаоллиги ҳам ошиши кутилмоқда. Очиғини айтганда, ҳозиргача депутатларнинг ҳам, депутатлик гуруҳининг фаолиятини ҳам ўта қониқарли деб бўлмасди. Мана энди, бу камчиликка барҳам бериш тадбирлари кўрилади, деб ўйлайман. Ўз навбатида партия кенгаши ҳам янги тизим билан ҳамкорликда иш олиб бориш режаларини тузишга киришди. Халқ детатлари вилоят кенгашининг мазкур масала юзасидан қабул қилган қарорида қатор вазифалар ҳам белгилаб берилди. Хусусан, янги тизим воситасида энг аввало, доимий комиссиялар, депутатлик гуруҳлари ва депутатларнинг фаолияти мувофлаштирилади. Айниқса, уларнинг иш режаларини бажаришлари назорат остига олинади, аҳоли билан мулоқотлари мувофиқлаштириб борилади. Давлат ва ҳудудий дастурларнинг ижросини таъминлаш, депутатлик сўровлари самарадорлигини ошириш масалалари ҳам диққат марказида бўлади. Сессияларни тайёрлаш юзасидан ҳам ўзаро ҳамкорлик йўлга қўйилади. Мамлакатимизда олиб борилаётган ислоҳотлар, қабул қилинаётган қонунлар, Олий мажлис палаталарининг қарорлари, Ўзбекистон Республикаси Президентининг Фармонлари ва қарорларини депутатлар томонидан фуқаролар ўртасида тушунтириш ишларининг узлуксизлигини таъминлаш ҳам эътиборда бўлади. Нурбек АБДУЛЛАЕВ, Ўзбекистон “Адолат” СДП Наманган вилоят Кенгашининг матбуот котиби ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!