Бемор хивалик депутатдан миннатдор

01.02.2022 16:02:20

    Хива туман Кенгаши депутати  Мақсуд Эшниязовнинг  сайловчилар билан учрашувларининг бирида “Н.Қубро” маҳалласида яшовчи Бекпошша Вапаева турмуш ўртоғи Аминбой Абдуллаевнинг соғлиги кун сайин ёмонлашиб бораётгани, довалатиш учун эса моддий томондан  қийинчиликларга дуч келаётгани  тўғрисида баён этган эди.  Депутат бу масалага ойдинлик киритиш мақсадида беморнинг  тиббий ҳолати билан қизиқди ва тиббий ўрганишлар олиб борди. Хулосаларга кўра, беморда бронхиал астма касаллиги оғир персистирловчи тури,  нафас етишмовчилиги иккинчи даражаси ташхиси қўйилди.

  Депутатнинг саъй харакатлари билан бемор зудлик билан Хива туман тиббиёт бирлашмасининг терапия  бўлимига ётқизилиб, довалаш ишлари бошлаб юборилди ҳамда бемор ногиронликка чиқариладиган бўлди.

  Аминбой Абдуллаев, бемор:

Депутат Мақсудбек Эшниязовни ҳар доим беморларни оғирини енгил қилиб, уларни яшаш шароитларини яхшилаш учун тиним билмай, елиб-югуриб юрганини гувоҳи бўламиз. Яхшиям юртимизда депутатимизга ўхшаган жонкуярлар кўпчиликни ташкил этади. Депутатнинг эътиборидан менинг ҳам дардларим енгиллашгандай, ҳаёт завқини яна ҳис қилгандай бўлдим. Депутатимиздан миннатдорман. Ишларига ривож тилайман.  

Дархақиқат,  Мақсудбек Эшниязовдек, фаолларимиз, депутатларимиз, ҳамюртларимиз бор экан,  фуқароларимизнинг  дарду-ташвишлари ортда қолади, уларнинг юртимизга бўлган ишончи янада юксалиб бораверади.

 

                                                                                                       Замира АБДУЛЛАЕВА,

                                                                                              “Адолат” СДП

                                                                                 Хоразм вилоят Кенгаши матбуот котиби

Улашинг!

Фикрингизни қолдиринг

Илтимос жавобингизни киритинг

+