Аёлнинг бахти - жамиятнинг бахти

11.03.2020 11:03:43

Ўзбекистон Республикаси Президенти Шавкат Мирзиёевнинг Халқаро хотин-қизлар кунига бағишланган тантанали маросимдаги нутқи очиғи биз аёллар учун эн

г муносиб совға бўлди. Негаки шаънимизга айтилган гаплар, берилган баҳо Ўзбекистонда яшаётган ҳар бир хотин-қиз эътиборда эканлигини ўзида ифодалади. Бундан ортиқ бахт борми? Аслида аёлнинг бахти жамиятнинг бахти демакдир.

Давлатимиз раҳбари алоҳида таъкидлаганларидек, оналаримиз шарофати билан Ватанимиз тупроғи жаннат боғларидек гўзал ва мўътабардир. Оналар дуосидан юртимиз тинч, осмонимиз мусаффо, ишимизда унум, ҳаётимизда барака бор. Бу ўз ўрнида республикамизда амалга оширилаётган ислоҳотларда хотин-қизларнинг фаол иштирок этаётгани, ташаббускорликлари ва қанчалар фаоллигини  кўрсатади.

Оналик, аёллик вазифаларидан ортиб, бугунги кунда сиёсий-ижтимоий жараёнлардаги иштирокимиз ошиб бораётгани алоҳида тилга олинди. Жуда ўринли. Биргина Олий Мажлис Қонунчилик палатасида 48 нафар хотин-қизлар депутат сифатида фаолият юритаётгани бизга бўлган ишончнинг натижасидир.

Мен ҳам бугун вилоят кенгаши депутатиман. Очиғи шу кунга қадар давлат идораларида турли лавозимларда фаолият юритган бўлсам-да, халқ вакиллари зиммасидаги масъулият бу қадар катта эканлигини ҳис этмагандим. Сайловчилар орасига кириб боришнинг ўзи бўлмайди. Уларнинг муаммоларини ҳал этиш учун кучли билим, тажриба ва ташаббускорлик керак. Орадан ўтган қисқа вақт ичида ўзимга янада каттароқ талаб қўйишни ўргандим. Чунки менга ишонч билдирилди.

Президентимизнинг табриги бу борада барчамиз учун яна бир туртки бўлди. Бизга шунчалик ишонч билдирилаётган экан, унга муносиб бўлишимиз лозим. Оиласини обод қилган аёл жамиятни ҳам обод қилишга қодир, фарзандини тарбиялаётган она бутун келажак авлод тарбиясига ҳам масъул. Бунинг учун ҳар бир ишга аёллик кўзи, аёллик меҳри  билан қарасак бас. Ишонаманки, бу йўлда Ўзбекистон “Адолат” СДП сафидаги ҳар бир хотин-қиз олдинги сафда боради.

Насибахон ТЎЙЧИЕВА,

Халқ депутатлари Андижон вилояти Кенгаши депутати

Улашинг!

Фикрингизни қолдиринг

Илтимос жавобингизни киритинг

+