Хивалик    депутатимиз  муҳтож оилаларни уй -жой билан таъминлади

Маълумки, кейинги йилларда Муҳтарам Президентимиз томонидан фуқароларни ўз ҳаётидан рози бўлиб яшашлари учун тизимли чора-тадбирлар ишлаб чиқилиб,  давлат сиёсати даражасига кўтарилди.

Шу боис ҳам барча соҳалар қаторида  партиямиз фаоллари, депутатлари зиммасига улкан вазифалар юклатилиб, белгилаб олинган режалар фаоллик билан амалга оширилмоқда. Фаоллар халқ орасида бўлиб,  фуқароларни  яшаш шароити билан яқиндан танишмоқдалар ва  кўпдан буён ўйлантириб келаётган муаммоларини изчиллик билан ижобий ечимини топишга эришмоқдалар.

Бу борада хивалик депутатимиз Отахон Машарипов ўз олдига  мақсад қилиб белгилаган саховат ишларини  фаоллик билан олиб бормоқда.

Депутатнинг сайловчилари билан учрашувларида   “Темир дафтар” ва “Аёллар дафтари”  рўйхатида турган бир гуруҳ фуқароларни уй-жойга муҳтож экани ҳамда кўплаб фуқаролар, айниқса ёшлар ишсиз қийналишаётгани  тўғрисидаги мурожаатлари юзасидан олиб борилган  ўрганишлардан сўнг, арзонлаштирилган  уйлар қуриб, мурожаатчилар  имтиёзли тарзда  уй-жой билан таъминланди.   Шунингдек, депутат 30 нафар фуқарони ўзи раҳбарлик қилаётган   «Чинобод» хусусий корхонасига ишга қабул қилди.

Бир сўз билан айтганда, депутатимизнинг бу каби саъй ҳаракатлари фуқароларимизни муносиб ҳаёт кечиришлари ҳамда қадр-қимматини улуғлашда  хизмат қилади.

                                                                                       Замира АБДУЛЛАЕВА,

                                                                                      “Адолат”  СДП Хоразм вилоят Кенгаши

матбуот котиби