Адолат қабулхонаси муаммоларга ечим топиладиган маскан

Жамиятимизда ўз шахсий ҳаётидаги муаммоларга ечим топмаган ҳар бир фуқаро борки, давлат ва унинг мансабдор шахсларидан норози бўлади. Бу каби муаммолар юзага келишининг бош омили турли идора ва ташкилотларда фуқаролар билан тўғри мулоқотнинг йўлга қўйилмаганлигидадир.

Шу боис ҳам Ўзбекистон «Адолат» СДПнинг «Адолат» қабулхонаси фаолиятининг тизимли ташкил этилганлиги ана шундай муаммоларни ҳал этилишига хизмат қилмоқда.

Ўзбекистон «Адолат» СДП Хатирчи тумани Кенгаши томонидан тумандаги «Оқ олтин» МФЙ «Инсон манфаатлари — энг олий қадрият!» шиори остида «Адолат» қабулхонаси доирасида сайёр учрашув ўтказди.

Унда маҳалла фаоллари, ҳудуддаги таълим муассасалари ўқитувчи ва мураббийлари иштирок этишди.

Қабул давомида иштирокчилар Хатирчи туман марказидан «Зарбдор», «Сарой», «Чангир», «Қуччи», «Найман», «Каттасой» ҳамда «Хўжақўрғон» ўнга яқин маҳаллаларга жамоат транспорти умуман йўлга қўйилмаган. Ушбу ҳудудлар ва туман маркази ўртасидаги масофа 15-17 км масофани ташкил этади. Мазкур ҳудудлар аҳолисига асосан шахсий йўловчи ташиш фаолиятини билан шуғулланувчи таксилар хизмат кўрсатиб, йўл ҳақи ўртача 10 минг сўмни ташкил этади.

Бу эса аҳолининг ҳақли норозиликларига сабаб бўлмоқда. Маҳаллий ҳокимлик ва бошқа тегишли идоралар томонидан муаммонинг бартараф этилмаслиги аҳолининг ҳақли эътирозларига сабаб бўлмоқда.

Шунингдек, партиянинг асосий электорати ҳисобланган умумтаълим мактаблари ўқитувчиларининг ойлик иш ҳақларининг камлиги, ўқитувчилар учун турли тоифаларга эга бўлиш учун тест синовларининг мураккаблиги, ўқув-таълим жараёнлари билан тўлиқ мос эмаслиги каби масалалар юзасидан жами 9 та мурожаатлар қилинди.

Тегишли ташкилот раҳбарларига депутатлик сўрови чиқарилиб, уларга ечим топиш устидан назорат олиб борилиши белгиланди.

Фуқаролардан тушган мурожаатларнинг 3 таси ижобий ҳал этилди. Мурожаатларнинг 6 таси юзасидан эса ўрганиш талаб этилганлари назоратга олинди.

«Адолат» СДП
Навоий вилоят Кенгаши
Матбуот хизмати.