Адолатли жамиятни бирга қурамиз

Янги Ўзбекистон тарихидаги буюк ва шонли сана – Ватанимиз мустақиллигининг ўттиз йиллик байрамини халқимиз катта шоду хуррамлик билан кутиб олмоқда.  “Адолат” СДП Бухоро шаҳар Кенгаши томонидан Бухоро шаҳридаги 29-сонли умумтаълим мактабида Ўзбекистон Республикаси мустақиллигининг 30 йиллик шодиёнасига ҳамда партиянинг дастурий тарғиботига бағишланган  “Мустақиллик – энг олий неъмат” мавзусида маънавий-маърифий тадбир бўлиб ўтди.

Тадбирда Халқ депутатлари маҳаллий Кенгаш депутатлари, партия фаоллари, БПТнинг фаол аъолари, "Ёш адолатчилар" ва "Аёллар қаноти" раислари иштирок этдилар. Даставвал янграган карнай-сурнай садолари тадбирни юқори кайфиятда бошлаб берди. Тадбирни партиянинг вилоят Кенгаши раиси ўринбосари Р. Сувонов байрам табрик сўзи билан очиб берди. Шундан сўнг, Халқ депутатлари вилоят Кенгаши депутатлари Г. Равшанова, О. Рафиева, партия фаоли И.Исматовлар сўзга чиқиб, тадбир иштирокчиларини мустақиллигимизнинг 30 йиллик шодиёнаси билан табриклади ва мамлакатимизнинг шонли тарихи, шу кунга қадар эришган ютуқларимиз ҳақида сўзлади.

Байрам тадбирида ёш адолатчилар томонидан тайёрланган “Адолатли жамиятни бирга қурамиз” шиори остида турли хил саҳна кўринишлари намойиш этилди, шу билан бирга куй-қўшиқлар байрам иштирокчиларига юқори кайфият улашиб, тадбирни қизғин давом эттирди. 

Мақсуд ҲАМИДОВ,

 «Адолат» СДП Бухоро вилоят Кенгаши раиси