Андижонлик «адолатчилар»: кўчат экиб, боғ яратамиз

23.11.2022 15:11:05

Айни кунларда юртимизда «Яшил макон» умуммиллий лойиҳаси доирасида «Зарбдор 40 кунлик» давом этмоқда. Тадбирдан кўзланган асосий мақсад боғлар яратиш орқали яшил ҳудудларни кенгайтириш. Бу айни вақтда экологиянинг тозалиги ва инсон саломатлигига хизмат қилади.

Андижонлик «адолатчилар» бу ҳаракатда фаол иштирок этмоқда. Ҳудудий кенгашлардаги партия фаоллари маҳалла ва хонадонларда бўлиб, кўчат экиш ишларига бошчилик қиляпти.

Айтиш жоизки, Андижон давлат тиббиёт институтидаги сафдошларимиз бу борада бошқаларга ўрнак бўлмоқда. Институт ҳудуди ва кўчаларни обод қилиш, янги кўчатлар экиб, боғ яратиш ташаббуси билан чиқдилар.

Ўткирбек Арзиқулов, «Адолат» СДП Андижон шаҳар Кенгаши раиси:

- «Адолат» СДП Андижон вилоят Кенгаши раиси Мадаминжон Мадазимов бошчилигида ҳашарга чиққан партиядошларимиз биринчи навбатда тозалов ишларига эътибор қаратдилар. Кўчат экиш тадбири меҳнат байрамига айланди. Айниқса, бўлғуси шифокор-сафдошларимизнинг ғайрати ўзгача. Ҳар ким ўз номи билан кўчат экиб, яшил маконнинг кенгайишига муносиб ҳисса қўшди.

«Адолат» СДП Андижон вилоят кенгаши

Матбуот хизмати.

Улашинг!

Фикрингизни қолдиринг

Илтимос жавобингизни киритинг

+