Бухорода иншолар танловининг вилоят босқичи ғолиблари аниқланди

Баркамол авлодни тарбиялаш йўлида олиб борилаётган саъй-ҳаракатлар дебочасини энг аввало уларни соғлом фикрли  бўлиб камол топтиришга қаратмоқ лозим. Ўзбекистон “Адолат” СДП Бухоро вилоят кенгаши ташаббуси билан умумтаълим мактабларининг 6-11 синф ўқувчилари ўртасида “Коррупция - жамият кушандаси” “Биз коррупцияга қаршимиз” мавзуларида иншолар танлови эълон қилинди. Ушбу танловини эълон қилишдан асосий мақсад Ўзбекистон Республикаси Президентининг  Олий Мажлисга  йўллаган мурожаатномасида илгари сурилган ғоя, ёшларга коррупциянинг салбий иллатларини содда ва тушунарли тарзда етказиш ҳамда жамият ривожида унинг ғов эканлигини тўғри тарғиб этиш ва бунда  ўсмир ёшларни муносбатини ўрганишдан иборат.   

Даставвал, туман босқичидан ғолибликни қўлга киритган йигит-қизлар вилоят босқичига йўлланмани қўлга киритишган бўлса, вилоят босқичида ҳам барча туманлардан энг кучли иштирокчилар сараланди.  3 нафар энг яхши иншо муаллифлари партиянинг вилоят кенгаши раиси томонидан муносиб тақдирланди. Биринчи ўринни қўлга киритган Пешкў туманидаги 15 умумий ўрта таълим мактабнинг 11 синф ўқувчиси Дилнура Саъдуллева “Биз ёшлар коррупция борасида ўз мулоҳазаларимизми қоғозга тушурдик. Коррупциясиз жамиятнинг ривожи бизни фаровонликка, одилликка чорлашини битиб ёзган иншоларимиз  сиёсий партиянинг вилоят раиси томонидан алоҳида эътироф этилгани мени жуда хурсанд қилди. Биз ёшларга барча жабҳада имкониятлар яратилаганига бугун ўзим гувоҳ бўлдим.   Чекка бир қишлоқнинг олис мактабида таҳсил олаётган ёшнинг фикр-мулоҳазалари бугун зиёлилар даврасида эътироф этилди. Биз албатта, ишончни оқлаб коррупция занжирини узамиз!”- дея ўз мулоҳазаларини айтди. Эртамизнинг муносиб эгалари ҳар жойда мана шундай теран ақл–заковати билан Ўзбекистон номини муносиб ҳимоя қилишига ишонамиз.   

      Мақсуд ҲАМИДОВ,

Ўзбекистон “Адолат” СДП Бухоро вилоят кенгаши раиси

Халқ депутатлари вилоят кенгаши депутати