Демократияни халқимиз билан биргаликда қурамиз

Мустақиллик– ҳар бир халқ учун улуғ неъмат, буюк иноят. Мустақиллик – ўзликни англаш, ўз тақдирини ўзи белгилаш, эркин ва фаровон яшаш имконияти демакдир.

1991 йил 31 август мамлакатимиз тарихида унутилмас, ота-боболаримизнинг асрий орзулари ушалган буюк санадир.

Мустақилликнинг қадр-қимматини юракдан ҳис этган ҳар бир юртдошимиз бу кунни катта шодиёна ва  хурсандчилик билан қарши олади.

Айни кунларда ҳар бир юртдошимиз юзида байрамона кайфият. Айниқса,  давлатимиз раҳбарининг мустақиллигимизнинг 28 йиллик шодиёнасига бағишланган табриги  меҳнаткаш халқимизга янада куч–ғайрат, жўшқинлик бағишламоқда.

Бу диёрда ғурурланиб, фахр-ифтиҳор билан яшаш, ишлаш учун қанчалаб арзигилик сабаблар бор.  Мамлакатимизда қайси соҳага қарамайлик, қайси гўшага назар ташламайлик, янгидан янги ислоҳотлар, ўзгариш ва янгиланишларни кўрамиз.

Айниқса муҳтарам  Президентимизнинг  “Эркин ва фаровон, демократик Ўзбекистон давлатини мард ва олижаноб халқимиз билан бирга қурамиз”, деган тамойилига асосан туб ислоҳотлар амалга оширилди. Бошқарув органлари фаолияти такомиллаштирилди, кўплаб вазирлик ва идоралар қайта ташкил этилди, янги ташкилотлар тузилди.

“Халқ давлат идораларига эмас, балки давлат идоралари халқимизга хизмат қилиши керак”, деган тамойилга мувофиқ, халқ билан мулоқотнинг замонавий ва самарали тизими йўлга қўйилгани мамлакатимизда инсон манфаатларини таъминлашга хизмат қилмоқда.

Давлатимиз раҳбарининг кучли ва одилона сиёсати энг ривожланган давлатлар ва  дунёга донғи кетган компаниялар мамлакатимиз билан ҳамкорлик қилишга ҳаракат қилаётганида, мамлакатимизнинг дунё ҳамжамиятидаги ўрнининг юксалиб бораётганида ўз ифодасини топмоқда. Буларнинг барчаси истиқлолимизнинг шарофатидан.

Энг улуғ, энг азиз айём - Ватанимиз мустақиллигининг 28 йиллик байрами нишонланаётган қутлуғ кунда Президентимиз Шавкат Мирзиёевнинг Ўзбекистон халқига йўллаган табриги жонажон халқимизнинг  бахту-иқболи йўлида  бор куч-ғайратимизни сафарбар этишга, энг буюк неъмат – Мустақиллигимизни  мустаҳкамлаш ва уни ардоқлашга даъват этди.

                                                                                                                      Тохир ПАЛВАНОВ,

                                                                                                          Ўзбекистон “Адолат” СДП

                                                                                            Хоразм вилоят Кенгаши раиси