Депутат аралашуви билан бемор ногиронликка чиқарилди  

24.01.2022 13:01:15

Халқ депутатлари Хоразм вилоят Кенгаши депутати Тоҳир Палвановни сайловчилар  билан учрашувларининг бирида беш йилдан буён "бел чурраси" касаллиги билан юраолмай азият чекиб келаётган, 1973 йилда туғилган хивалик Марҳабо Жуманиёзова ногиронликка чиқариб беришда амалий ёрдам сўраб мурожаат этган эди. Депутат аралашгач, бу масала ижобий ечимини топди.

 

Одам соғлиғини йўқотиб қўйгач, далдага, моддий ва маънавий кўмакка жуда ҳам мухтож бўлиб қолар экан, - дейди Марҳабо Жуманиёзова. - Депутатимиз Тоҳиржон Палвановга хали номзодлик пайтида муаммом тўғрисида баён этган эдим. Тез фурсатда мени ногиронлик рўйхатига киритди. Эндиликда доваланишим учун моддий томондан қийналиб қолмайман. Депутатдан миннатдорман, оиламиз билан унга овоз бериб адашмаган эканмиз. Инсон қадрли улуғланган юртда яшаётганимдан ҳурсандман.

Шунингдек, депутатга Афғон уруши қатнашчилари бўлган жангчи - фахрийларнинг тиббий кўрикдан ўтказиш тўғрисидаги мурожаатлари ҳам қаноатлантирилди ва январ ойининг охирги  ҳафтасида бепул тиббий кўрик ташкил этилиши режалаштирилди.

Бир сўз билан айтганда, Тоҳир Палвановнинг  партия етакчиси, тажрибали тиббиёт соҳаси  вакили ҳамда депутат сифатида олиб бораётган  самарали фаолияти мамлакатимизда инсонлар қадрини улуғлашдек, олижаноб ва  ҳайрли амалларни адо этаётгани билан аҳамиятлидир. 

 

Замира АБДУЛЛАЕВА,

"Адолат" СДП Хоразм вилоят Кенгаши матбуот котиби

Улашинг!

Фикрингизни қолдиринг

Илтимос жавобингизни киритинг

+