Ҳалоллик вакцинаси – тараққиёт гарови

26.07.2022 16:07:17

Ўзбекистон «Адолат» СДП Бухоро шаҳар Кенгаши раиси Ж.Жўраев ҳамда Халқ депутатлари вилоят Кенгаши депутати О.Рафиевалар томонидан Бухоро Муҳандислик технология институти фаоллар залида партиянинг асосий йўналишларидан бири бўлган «Ҳалоллик вакцинаси – тараққиёт гарови» мавзусида давра суҳбати ташкил этилди.

Тадбирда партия «Аёллар қаноти» аъзолари, «Ёшлар қаноти» раиси И.Сайлиев ва бошқа фаоллар иштирок этдилар.

Тадбирда сўзга чиққан партия Бухоро шаҳар Кенгаши раиси Ж.Жўраев бугунги кунда мамлакатимизда Коррупцияга қарши курашиш бўйича улкан ислоҳотлар амалга оширилаётгани ва бунда «Адолат» СДПнинг муносиб ўрни борлигини таъкидлаб ўтди. Шунингдек, коррупция иллати ва уни илдизи билан қуритиш масалалари бўйича ўз фикр-мулоҳазаларини баён этди. Ўзбекистон Республикасининг «Коррупцияга қарши курашиш тўғрисида»ги Қонунида коррупцияга қарши курашни кенг қамровда олиб бориш чоралари кўзда тутилгани, бу борада ҳар бир масалага алоҳида эътибор қаратилгани бежиз эмаслиги қайд этилди.

Суҳбат давомида Халқ депутатлари вилоят Кенгаши депутати О.Рафиева ҳам сўзга чиқиб, бугунги кунда мамлакатимизда коррупцияга қарши курашиш давлат сиёсатининг энг устувор йўналишига айланиб улгурганини айтиб ўтди. Жамият тараққиётига жиддий путур етказувчи омил бу – коррупцион ҳолатлар эканлиги айтилиб, ушбу муаммога барҳам беришда барчамиз бир ёқадан бош чиқариб курашмоғимиз лозимлиги таъкидлаб ўтилди.

Учрашув давомида сўз олганлар томонидан коррупция балосидан қутулиш, ислоҳотларни унинг чангалидан қутқариш шарафли бурчимиз эканлигини ҳамма бирдек тушунмоғи шарт эканлиги таъкидланди. Ана шундагина мамлакатда тараққиёт бўлади, ўсиш, юксалиш бўлади.

Албатта бу каби тадбирларнинг ўтказилиши фуқароларда коррупцияга нисбатан ҳуқуқий онгни ошишида, уларда коррупцияга нисбатан тоқатсизлик маданиятини шакллантиришда катта аҳамиятга эга.

Давра суҳбати сўнгида иштирокчиларнинг қизиқтирган саволларига депутат томонидан аниқ ва батафсил жавоблар қайтарилди.

«Адолат» СДП Бухоро вилоят Кенгаши

Матбуот хизмати

Улашинг!

Фикрингизни қолдиринг

Илтимос жавобингизни киритинг

+