Ҳамма таъзим қиладиган инсонлар

Ҳаммамиз ҳар доим бош эгиб, таъзим қиладиган, эҳтиром кўрсатадиган устоз ва мураббийлар ҳақида қанча гапирсак оз. Кейинги йилларда уларга бўлган эътибор янада кучайди. Соҳа ходимларига ҳар жиҳатдан қулай шарт-шароитлар яратилаётгани эътиборга молик.

1 октябрь – Ўқитувчи ва мураббийлар куни муносабати билан жойларда ўтказилаётган тадбирларда бу ўз ифодасини топмоқда. «Адолат» СДП Жалақудуқ туман кенгаши ташаббуси билан тумандаги 24-мактабда ташкил этилган тадбирда устозларнинг устозларига эҳтиром кўрсатилди. Бугун мазкур мактабда ёшларга билим бераётган шарафли касб эгаларининг 20 нафардан ортиғи айни шу даргоҳда камол топган. Устозларига эргашиб, шу йўлни танлаганлар.

Кексалик гаштини сураётган устозларнинг устозларига гулдасталар тақдим этилди. Партия кенгаши томонидан бир гуруҳ фаол ўқитувчиларга эсдалик совғалари топширилди.

 “Адолат” СДП Андижон вилоят Кенгаши

Матбуот хизмати.