Хивалик депутатимиз 150 нафар ишсиз ёшларни бандлигини таъминлади

Хива туман Кенгаши депутати Отахон Машариповни доим сайловчиларининг дарду ташвишлари билан елиб - югуриб юрганини кўрамиз.

У кам таъминланган, боқувчисини йўқотган оилалардан мунтазам моддий ва маънавий кўмагини аямай келмоқда.

Унинг кам таъминланган оилалар учун қуриб, имтиёзли тарзда топширган уйларида умргузаронлик қилаётган онахону-отахонлар депутатга доим дуода бўлмоқдалар.

Депутат шу кунларда яна бир хайрли ишларни амалга оширди.

Унинг саъй ҳаракатлари билан кам таъминланган оилалар учун навбатдаги янги бинонинг қурилиши бошлаб юборилди.

«Ёшлар дафтари», «Темир дафтар» рўйхатида турган ишсиз фуқаролардан жами 150 нафарини «Чинобод қўрилиш хусусий корхонаси»га ишга қабул қилди.

Эндиликда яна 150 нафар ёшларимиз, касб-корли, жамиятда ўз ўринларига эга ҳамда моддий томондан азият чекмайдиган бўлишди.

Шукурой МАДАМИНОВА,

Хива туман Кенгаши раиси