Янгиликлар 537
Ибратли хонадон маҳалла кўрки
Тошкент вилояти Пискент тумани “Митан” маҳалласида “Ибратли хонадон” мавзусида ўтказилган тадбир кўплаб оилалар учун ёрқин мисол ва илҳом манбаи бўлди. Ушбу тадбирнинг асосий мақсади жамиятда намунавий оилаларни танитиш, уларнинг тажрибаларини оммалаштириш ва соғлом оилавий муҳитни шакллантиришга қаратилган.
Тадбир Ўзбекистон "Адолат" СДП Пискент туман Кенгаши, туман ҳокимлиги, жамоат ташкилотлари ва маҳалла фуқаролар йиғини ҳамкорлигида ташкил этилди. Унда турли ёшдаги оилалар, жамоат арбоблари ва оммавий ахборот воситалари вакиллари иштирок этдилар.
Тадбир давомида ибратли ва намунали оилалар ўз тажрибалари, оилавий қадриятлари ва фарзанд тарбиясидаги ютуқлари ҳақида сўзлаб бердилар. Келгусида ҳам шундай учрашувларни ташкил этиш ва оилавий қадриятларни тарғиб қилиш муҳимлигини таъкидладилар. Қатнашчилар ўзларини қизиқтирган саволларга жавоб олдилар ва муваффақиятли оилавий муносабатларни шакллантириш бўйича маслаҳатлар олдилар. Иштирокчилар орасидаги очиқ ва самимий муҳит, турли оилаларнинг тажрибалари билан бўлишишга ёрдам берди.
Тадбир сўнгида иштирокчиларга Ўзбекистон “Адолат” СДП Пискент туман Кенгаши ҳамда ҳамкор ташкилотларнинг эсдалик совғалари топширилди.
Бу каби тадбирлар оилавий қадриятларни мустаҳкамлаш, соғлом ва мустаҳкам оилавий муносабатларни тарғиб қилишда муҳим аҳамиятга эга. “Ибратли хонадон” тадбири оилалар ўртасида ҳамжиҳатлик ва бирдамликни мустаҳкамлаш, уларнинг ўзаро тажриба алмашишини таъминлашга ёрдам беради.
"Адолат" СДП
Тошкент вилояти,
Матбуот хизмати
Фикрингизни қолдиринг