Истиқлол берган бахт

23.08.2022 12:08:40

Айни кунларда бутун Ўзбекистонда Мустақиллигимизнинг ўттиз бир йиллиги кенг тантана қилинмоқда. «Янги Ўзбекистонда эл азиз, инсон азиз» деган бош ғоя остида ўтказилаётган байрам тадбирларида истиқлол йилларида эришган ютуқларимиз, давлатимизни дунё ҳамжамиятидаги ўрни тобора юксалиб бораётгани, энг асосийси, юртдошларимизнинг бугунги ҳаётдан мамнунлиги ва келажакка бўлган ишончи ўз ифодасини топмоқда.

«Адолат» СДП Андижон вилоят кенгаши ташаббуси билан Андижон давлат тиббиёт олийгоҳи Талабалар уйида ташкил этилган маънавий-маърифий тадбирда юқоридагилар ўз ифодасини топди. Унда сўз олганлар Ўзбекистонни йил сайин юксалиб бораётгани, энг ривожланган давлатлар қаторидан ўрин олгани ва 31 йил давомида эришилган ютуқлар ҳақида гапирдилар. Жумладан, жамиятимизда инсон қадри ҳамма нарсадан устун қўйилаётгани ва юртдошларимизнинг она Ватанга бўлган меҳри чексиз эканлигини таъкидладилар.

Ўткирбек Арзиқулов,

халқ депутатлари Андижон шаҳар кенгаши депутати:

-Инсондаги энг олий туйғу — Ватан туйғусидир. Ўзи туғилиб-ўсган она юртини жон қадар севадиган, ўзга юрт табиатидан ўз юрти табиатичалик завқ ололмайдиган, ҳатто митти чумоли ҳаракатидан завқланадиган бутун ақл-заковати, қалб қўри, куч ва имкониятини шу жамият ва табиат гўзаллиги, ривожига бахшида эта олган инсондагина бу туйғу намоён бўлади. Биз Мустақиллигимизни ҳам ана шундай муҳаббат билан севишимиз лозим.

Тадбир ёш иқтидорлар ижросидаги куй-қўшиқларга уланди. Иштирокчилар бир овоздан Мустақил Ўзбекистоннинг бахтли фарзандлари эканини баралла айтдилар.

Зумрадой Солиева,

Олий Мажлис Қонунчилик палатаси депутати ёрдамчиси.

Улашинг!

Фикрингизни қолдиринг

Илтимос жавобингизни киритинг

+