Касалликни даволашдан кўра, унинг олдини олган афзал

22.06.2021 20:06:47

2020 йил бутун инсоният тарихида COVID-19 пандемияси сабаб энг ташвишлиси бўлди. Бир сўз билан айтганда пандемия жамият иродасини қаттиқ синовдан ўтказди.  Афсуски, ушбу эпидемиядан дунё ҳанузгача холос бўлиш чорасини топа олмади. Аксинча, касалликнинг янгича штамплари пайдо бўлиб, янада хавли бўлиб бормоқда.

Ўзбекистон ҳам ушбу эпидемияга қарши курашда ўзига хос тажриба тўплади. Айни масала хусусида юртбошимиз муҳим фикрни илгари сурган эди. Жумладан, биз пандемея шароитида яшаш ва ишлашга ўрганмоғимиз шарт ва зарур, бунда ҳар бир фуқаро ўзини-ўзи эҳтиёт қилиши карантин қоидаларига қатъий амал қилиши лозимлигини айтганди.

Бугун бу сўзлар қанчалик ўринлилигини даврнинг ўзи кўрсатиб турибди.  

COVID-19 пандемияси дунё миқёсида кенг тарқалганлигига бир йилдан ортиқроқ вақт ўтди. Шу вақт давомида энг ривожланган давлатлар формацевтлари томонидан бир қатор вакциналар ишлаб чиқилди ва чиқишда давом этишмоқда. Касаллик ҳам мутацияга учраб, ўзини мослашувчанлигини ошириб бормоқда.

Жаҳон соғлиқни сақлаш ташкилотиннг маълумотларига кўра, биргина жорий йилнинг 20 июни дунёда коронавирус инфекцияси билан касалланишнинг 408990 янги ҳолати аниқланди. 9 749 нафар бемор эса вафот этди.

Шу куни юртимизда 427 кишида вирус аниқланган. Бу ҳолат Ўзбекистонда ҳам коронавирус билан боғлиқ вазият кескинлашаётганлигини яққол исботидир.

Соғлиқни сақлаш вазирлиги маълумотларига кўра, охирги пайтларда касалхоналарга мурожаатлар сони 2 бараварга, касалхоналарга ётқизиш сони эса бир ярим бараварга ошган. Масалан, 2-Зангиота юқумли касалликлар шифохонасида 5 та реанимация бўлими бўлса, шундан биттасида 36 та ўриндан 34 тасида бемор ётибди. Асосан ёши катта кишилар.

Таҳлилларга кўра, дунё миқёсида касалликка энг кам чалинган ёки энг минамал касалланиш ҳолатлари қайд этилган мамлакатлар тажрибаси ўрганилган. Унда аввало карантин чекловлари ҳамда санитария гегиена қоидаларига амал қилган ҳолда вакциналардан ёппасига фаол фойдаланиш орқали эришганлигини кўришимиз мумкин.

Юртимизда ҳам коронавирусга қарши эмлаш билан боғлиқ жараёнлар изчил олиб борилмоқда.  Биргина жорий йилнинг 20 июнида 38 минг дозадан ортиқ вакцина қўлланилди.

Айни кунгача мамлакатимизда қарийб 2,9 миллион доза вакцинадан фойдаланилган.

Шунга қарамасдан, коронавирусга қарши эмлаш тўғрисида гап кетганда фуқароларимиз орасида асоссиз хавотир билдириш ҳолатлари учраб турибди. Бу эса касаллик тарқалишини олдини олишда ўзнинг салбий таъсирини кўрсатаверади.

Хулоса қилиб айтганда, карантин қоидаларига амал қилиб, вакциналардан фойдаланиб, ўзингиз ва яқинларингизни ҳаётини сақлаб қолинг.

 

 

Нилуфар ИРГАШЕВА,

халқ депутатлари Навоий

вилоят Кенгаши депутати,

шифокор

 

Улашинг!

Фикрингизни қолдиринг

Илтимос жавобингизни киритинг

+