Касалликнинг олдини олиш ўзимизга боғлиқ

29.06.2021 18:06:50

Короновирус билан боғлиқ вазият сўнги пайтларда бутун дунёда мураккаблашиб бормоқда. КЎплаб давлатлар инфекциянинг тарқалишини камайтириш учун илгари олиб ташланган карантин чекловларини қайта тиклашмоқда. Ҳудди мана шундай ҳолат бизнинг мамлакатимизда ҳам содир бўлмоқда.

Ҳозир мамлакатимизда коронавирус пандемиясига қарши курашиш жараёни халқимиз ҳаёти учун энг муҳим ва долзарб масалалардан бири ҳисобланади.

Айни вақтда Ўзбекистонда касалланишнинг шиддатли тарқалиши ва назоратсиз ошиб кетишининг олдини  олиш мақсадида амалда қатъий ва объектив чора-тадбирлар амалга оширилмоқда. Чеклов чораларининг ҳозирги босқичи объектив равишда аввалгиси билан солиштириб бўлмайди.  Чеклов чоралари асосан хизмат кўрсатиш, умумий овқатланиш соҳалари, одамларнинг оммавий тўпланиши билан боғлиқ бўлган тармоқларга тегишли.

Қолаверса, карантин тартибининг асосий талабларидан бири бу ниқоб тақиш, шахсий гигиена қоидаларига риоя қилиш ва давлат томонидан ташкил этилган бепул эмлаш жараёнларига бефарқ бўлмасликдир.

Хусусан, бугун мамлакатимизнинг барча ҳудудларда аҳолини коронавирусга қарши эмлаш жараёнлари олиб борилмоқда. Олимларнинг фикрига кўра, аҳолини коронавирусга қарши оммавий эмлаш инсон саломатлигини муҳофаза қилиш ҳамда пандемияни жиловлашнинг энг самарали усулидир. Шу нуқтаи назардан Ўзбекистон Республикасининг 2021 йилга мўлжалланган Давлат бюджетида аҳолини коронавирусга қарши эмлаш тадбирларига етарлича маблағ ажратилиб, ривожланган давлатларнинг йирик фармацевтика компаниялари ва илмий-тадқиқот марказлари томонидан ишлаб чиқилган коронавирусга қарши вакциналар олиб келинди ва аҳолини коронавирусга қарши эмлаш тадбирлари самарали ташкил этилмоқда.

Аммо айрим фуқароларимиз хотиржамликка берилиб, коронавирус инфекциясига қарши эмлаш ишларига ва ўз саломатлигига лоқайдлик билан қараб келишмоқда. Бу эса ўз навбатида фуқароларимиз саломатлиги учун хавфни юзага келтирмоқда. Шундай экан, ҳар биримиз эмлаш ишлари билан боғлиқ жараёнларга бефарқлик билан қарашга ҳақимиз йўқ.

Биз албатта давлатимиз раҳбари ва ҳукуматимиз томонидан пандемияни жиловлаш ва касалликни бартараф этиш борасида олиб борилаётган ишлар самарасини тез орада кўришимиз мумкин. Ҳаммаси бизнинг ушбу чора-тадбирларга  қанчалик риоя қилишимизга боғлиқ.

 

Ориф ШУКУРОВ,

Ўзбекистон “Адолат” СДП

Жиззах вилоят Кенгаши раиси

Улашинг!

Фикрингизни қолдиринг

Илтимос жавобингизни киритинг

+