КОНСТИТУЦИЯ БИЛИМДОНИ АНИҚЛАНДИ

Наманган шаҳридаги 11-мусиқа мактабида “Адолат” СДП вилоят кенгаши томонидан ташкил этилган “Конституция билимдони” кўрик-танловининг якуний босқичи бўлиб ўтди. Унда шаҳар ва туман босқичларида юқори ўринни эгаллаган талаба- ўқувчилар иштирок этдилар.
Қизғин баҳслар остида ўтган ушбу якуний босқичда Давлатобод туманидаги юридик техникум талабаси Шерзод Мамадалиев уч шарт бўйича юқори балл тўплаб, биринчи ўринни эгаллади ва республика босқичига йўлланмани қўлга киритди.
Шунингдек, Чуст туманидаги 19-ДИМИ ўқувчиси Сарвиноз Ҳабибова иккинчи ва Поп туманидаги тиббиёт коллежи талабаси Жасур Алиев учинчи ўрин соҳиби бўлишди.
Ғолибларга вилоят кенгашининг дипломлари ва эсдалик совғалари топширилди.
Танловда фаол иштирок этган Янги Наманган, Учқўрғон, Тўрақўрғон ва Мингбулоқ тумани иштирокчиларига ҳам “Ташаккурнома” ва эсдалик совғалари  топширилди.

                                                                                                        "Адолат" СДП
                                                                                     Наманган вилоят Кенгаши
                                                                                                        Матбуот хизмати