Муаммо ечим излайди

06.04.2022 10:04:35

(Муносабат)

Куни кеча ижтимоий тармоқларда Қашқадарё вилояти Шайхали маҳалласи аҳолисининг кўп қаватли уйларидан чиқаётган чиқинди, сув йўл ёқасига оқиб, бутун бир шаҳар ҳавосини ифлослантираётгани, шунингдек, атроф -муҳитга зарарли таъсири ҳақида айтилади. Ҳақиқатдан ҳам фуқаролар бу муаммони бартараф этиш учун вилоятдаги кўпгина мутасадди идораларга мурожаат қилишган. Афсуски, халқнинг талаби инобатга олинмасдан келиняпти. Мен шу маҳалладан сайланган депутат сифатида бу масалани ўрганганман. Аҳоли эътирозларини инобатга олиб, шу йил февраль ойида Қарши шаҳар ҳокимининг ўринбосари Ғайрат Султонов номига депутатлик сўрови ҳам юборганман. Негадир мутасаддилар одамларни қийнаб келаётган юқоридаги муаммони тезроқ бартараф этишга панжа орасидан қараб келишяпти.

Мен ўрганишлар жараёнида аҳоли талаби ҳақли талаб эканлигини тан оламан. Жумбоқни тез кунларда бартараф этиш учун қўлимдан келган барча чора тадбирларни кўряпман. Керак бўлса, бу муаммони депутатлик гуруҳимиз иштирокида ўрганиб, халқ депутатлари Қарши шаҳар Кенгашининг навбатдаги сессиясига масала сифатида киритамиз. Бюджетдан етарли миқдорда маблағ ажратиб, Шайхали МФЙ аҳолисини жиддий ташвишга солиб келаётган муаммони бартараф этиш чорасини кўрамиз.

Ҳаққул Эшимов,

Халқ депутатлари Қарши шаҳар Кенгаши депутати.

Уюштирди: Комил Сахатов.

 

Улашинг!

Фикрингизни қолдиринг

Илтимос жавобингизни киритинг

+