Муаммолар аниқланиб, вазифалар белгиланди

Ўзбекситон “Адолат” СДП Бухоро шаҳар Кенгаши раиси Ж.Жўраев, Халқ депутатлари вилоят Кенгаши депутати О.Рафиева ҳамда партиянинг шаҳар Кенгаши “Ёшлар қаноти” раиси И.Сайлиевлар томонидан партиянинг “Муаммо билан юзма-юз” лойиҳаси доирасида шаҳардаги “Гулшан” маҳалла фуқаролар йиғини ҳудудида жойлашган 68-Мактабгача таълим ташкилоти фаолияти, кадрлар салоҳияти, МТТдаги озиқ-овқатлар сифати ҳамда мавжуд муаммолар юзасидан ўрганишлар олиб борилди. 

Ўрганишлар жараёнида МТТнинг таъмирталаб ҳолда эканлиги маълум бўлди. Депутат ушбу муаммони ижобий ҳал этиш мақсадида тегишли ташкилотга депутатлик сўрови юборди.

“Адолат” СДП Бухоро вилоят Кенгаши

Матбуот хизмати