Озодликнинг қадрига етинг

Кечиримлилик, инсонпарварлик халқимизга хос фазилатдир. Айниқса, миллатимиз бу ақидага катта эътибор қаратади. Давлатимиз раҳбари Ш.Мирзиёев муборак Ийди Рамазон муносабати билан “Озодликдан маҳрум этиш жазосини ўтаётган,  қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни авф этиш тўғрисида”ги Фармони ҳақиқий бағрикенглик, инсонпарварликнинг  намунаси бўлди десам муболаға бўлмайди. Рамазон ҳайити муносабати  билан боши берк кўчаларда саргардон кезгани, жиноят оламига кириб қолгани учун пушаймонлик ҳисси билан яшаётган қанчадан-қанча фуқароларга катта байрам ҳадяси  бўлди.

Фармонга мувофиқ, қилмишига чин кўнгилдан пушаймон бўлган ва тузалиш йўлига қатъий ўтган 100 нафар фуқаролар афв этилди.

Афв этилган шахсларнинг 3 нафари асосий жазодан тўлиқ озод этилди, 43 нафари жазони ўташдан муддатидан илгари шартли озод қилинди, 10 нафарининг озодликдан маҳрум этиш жазоси енгилроқ жазо билан алмаштирилди. Шунингдек, 44 нафар шахсларга тайинланган озодликдан маҳрум этиш жазосининг муддатлари қисқартирилди.

Афв этилганларнинг 12 нафарини чет эл фуқаролари, 4 нафарини 60 ёшдан ошган эркаклар, 6 нафарини аёл ҳамда 52 нафарини тақиқланган ташкилотлар фаолиятида қатнашган шахслар ташкил этади.

Озодлик... Аллоҳ томонидан берилган улуғ неъматдир. Унинг қадрига нафақат панжара ортига киргандан сўнг, балки панжарага етмасдан қадрлилигини билиш зарур. Бугунги кунда юқоридаги шахслар ўзларига тўғри хулосалар чиқариб олишган бўлса ажаб эмас.

Президентимиз Шавкат Мирзиёев томонидан Янги Ўзбекистонни янгича қарашлар ила бунёд этишимиз учун бир қанча ишлар олиб боряптилар, халқнинг турмуш тарзини яхшилаш мақсадида борган вилоятларнинг чекка қишлоқларини кўриб ўша ер аҳолиси билан суҳбатлашиб, янгиликлар олиб кираяпти. Президентимизнинг бундай  ташаббусларидан, ҳалққа берилган имкониятлардан  ҳалқ, омма миннатдор. Бундай ташаббускорликни кўриб ҳалқимиз ҳам белини маҳкам бойлаб Ватан равнақига ўз ҳиссасини қўшиб бормоқдалар.

 Хулоса қилиб айтганда, мамлакатимизда инсоннинг қадри юксаклиги яққол намунасидир. Юртимиз тинч ва осмонимиз доим тиниқ ва мусаффо бўлсин.

Фахриддин АБДУРАЗЗАКОВ,

Халк депутатлари Иштихон тумани кенгаши депутати