Партиямиз ҳамиша халқ билан ҳамнафас!

«Адолат» СДП Тошкент шаҳар Олмазор тумани раиси Суннатилло Каршиев ва Тошкент шаҳар Сув спорт турларига ихтисослаштирилган спорт мактаби директори Луиза Хикматова билан биргаликда халқ муаммолари ўрганилиб, айримлари жойида ҳал қилинди.

Ўрганиш жараёнида «Хончорбог» маҳалла фуқаролар йиғинида яшовчи фуқаролар мурожаатлари яқиндан кўриб чиқилди. Айрим масалалар бўйича тегишли ташкилотларга боғланиб муаммоларга ечим топилди. Бундан ташқари, фуқаролар Олмазор тумани раиси Суннатилло Каршиев ва Тошкент шаҳар Сув спорт турларига ихтисослаштирилган спорт мактаби директори Луиза Хикматовага ўзларини қизиқтирган саволлар билан мурожаат қилдилар.

Куннинг иккинчи яримида Суннатилло Каршиев ва Луиза Хикматова таъмир талаб йўлларни амалий кўриб, бу бўйича мутасадди ташкилотларга хабар бердилар. Йўлларнинг тез фурсатларда таъмирланиши ҳамда фуқароларнинг талабларга жавоб бера оладиган йўллардан фойдаланишлари бўйича тегишли ташкилотлар билан фикр алмашдилар.

Шундан кейин, маҳаллада янги қурилиши режалаштирилган болалар боғчаси чизмалари билан яқиндан танишиб, аёллар ва ёшларга яратилган имкониятлар ҳамда қулайликларни ўрганиб, бу бўйича тегишли тавсиялар бериб ўтишди.

Ўрганиш якунида маҳалла кўчаларида бўлиб, маҳалла ёшлари билан суҳбат ўтказишди.

"Адолат" СДП
Тошкент шаҳар Кенгаши 
Матбуот хизмати