«Саховат ва кўмак» Депутатнинг навбатдаги хайрияси

Азал-азалдан халқимиз ҳар қандай шароитда бир-бирига елка тутган, ёрдам қўлини чўзган, кўмакка муҳтож қўни-қўшни, таниш-билиш маҳалла ҳамда эл юрт ёрдами билан ўзини тиклаб олган, аждодларимиз турли синов ва офатлардан ҳам ана шу бирдамлик орқали ўтган, қийинчиликларни биргаликда мардона енгган. Мана шундай хайрли ишларни давоми ўлароқ Халқ депутатлари «Адолат» СДП Бухоро шаҳар Кенгаши депутати А.Ахмедов томонидан 3 декабрь «Халқаро ногиронлар» куни муносабати билан «Кўзи ожизлар жамияти» аъзолари ва ўзи сайланган округлар «Варахша», «О.Хўжаев», «С.Айний» МФЙ ҳамда ўзлари истиқомат қиладиган «Ғафур Ғулом» МФЙларда яшовчи ногиронлиги бор, кам таъминланган, боқувчисини йўқотган 200 га яқин оилаларга 6 хил турдаги озиқ-овқат маҳсулотлари солинган хайрия қутиларини топширилди.

Бир сўз билан айтганда, партиямиз фаолларининг бу каби жонкуярлиги, юртдошларимизнинг яшаш шароитларини яхшилаш орқали мамлакатимиз тараққиётини ривожлантиришда аҳамиятлидир.

Жўрабек Жўраев

“Адолат” СДП Бухоро шаҳар Кенгаши раиси